Autori Tema: BIG BROTHER ALBANIA 3 -- lajme (Lexuar 9621 herë)

ariel · « **Pergjigju #120 Me:** Shkurt 28, 2010, 01:47:41 PD »

Viktima inteligjente
27/02/10 00:09

Biseda për lojën është bërë tashmë një temë dite dhe kishte mbetur pa u dikutuar ve mes Bledit dhe Oltës. Bledi i ka thënë që nuk e ka menduar se Rezi mund të ishte aq inteligjente sa të ishte pjesë e lojës dhe ajo. Olta i ka thënë që Rezo është thjesht viktimë por rolin e ka patur të bukur gjithsesi. Bledi i ka thënë që nuk e ka kuptuar pse ka është bërë gjthë ai spektakël dhe Olta i ka thënë që qëllimi ka qënë të zbulonin se farë do të thoshin të tjerët për lidhjen e tyre, të paktën kjo ëstë ajo që i kanë thënë Rezit. Olta i ka thënë që dhe ai e ka parë Rezin duke qarë dhe e ka bërë për të parë nëse do të bëhet Olta xheloze apo jo. Olta i ka thënë që ajo është interesuar ngaqë i ka ardhur keq për të, por dhe po të mos kishte folur përsëri do të kishte qënë keq se do të kishin nxjerrë pretektin që ajo nuk ka folur fare. Olta i ka cituar dhe fjalët e Enxhit që nëse Jetmiri do të ndahet me Rezin, do të lidhet me të. Bledi i thotë që këto i duken biseda fëmijësh. Në atë moment vjen Graciela dhe Olta e ndërpret bisedën dhe Graciela i thotë që sa herë vjen ajo, biseda ndërpritet. Olta i thotë që ajo ka qënë e para që e ka marrë vesh lojën dhe tani i kërkon sqarimë atyre. Olta i ka thënë që ata ishin në fund të bisedës dhe ka qënë koincidencë momenti që ka ardhur ajo, ndërsa mbrëmë ata e pranojnë që kanë ndërruar temë kur ka ardhur ajo.

Rezi i kërkon falje Jetmirit
27/02/10 01:16

Graciela është afruar tek Rezi dhe i ka thënë që përsoni i vetëm me të cilin ajo duhet të bisedojë është Miri dhe askush tjetër. Rezi i kaq thënë që ajo ka tentuar por ai duket se nuk ka kohë. Ndërkohë që Miri i rri në krevatin përballë duke i bërë karshillëk. Graciela është ngritur dhe i ka thënë që ai mund të shkojë pasi ajo ia liruar vendin por ai i është përgjigjur që nuk donte të shkonte tek ajo. Graciela mundohet t’i flasë e t’i thotë që të komunikojë me Rezin por ai është i shpërqendruar dhe nuk e dëgjon fare.
Më pas Graciela ka vajtur në kuzhinë dhe i ka thënë Enxhit dhe Kikës që sapo ajo shkon diku dhe këtë rast e ka fjalën për Oltën dhje Bledin, ata e ndëpresin bisdën. Kika është shprehur që ajo nuk ka pse të shkojë e t’i afrohet nëse nuk është hera e parë që ia kanë bërë këtë gjest. Graciela i ka thënë që kjo gjë nuk është e këndshme dhe aty është vendi ideal për të njohur njerëzit, por vetëm një herë mund të ndodhë që biseda është në përfundim pasi herët e tjera quhet e qëllimshme. Graciela i është kthyer Enxhit dhe i ka thënë që pse nuk e kanë zbuluar lojën mbrëmë dhe ajo i thotë që nuk kanë rënë dakort ashtu dhe Jetmiri ka patur nevojë për një pauzë dhe ka gjetur mbështetje të plotë tek ajo.
Më tej Rezi shkon dhe shtrihet tek krevati i Mirit dhe i kërkon falje për fjalët dhe veprimet e saj por ai i thotë që ajo nuk mund ta ofendojë gjatë gjthe kohës atë. Ajo i ka thënë që nuk e ofendon por nëse ai merr çdo fjalë të sajën si ofendim atëherë i bie që ajo mos të flasë fare. Ai ka vazhduar të mbajë që qëndrim të ftohtë karshi saj dhe ajo e ka pyetur a e ka seriozisht këtë qëndrim të tillë. Jetmiri i është përgjigjur pyetjes me pyetje duke i thënë që mos po e kërcënon pasi ajo këtë di të bëjë pasi rri një kohë pa vepruar dhe bën qendresë duke i thënë që nuk para i ha kërcënimet.
Më pas ata i kanë ulur tonet e bisedës dhe ai i ka thënë që nesë ajo do që ai të mos bëhet xheloz atëherë nuk duhet të bëhet as ajo. Ajo i ka thënë që ajo nuk ka bërë asnjë veprim që ta bëjë xheloz dhe Miri i ka thënë që ku e ka parë që ai është xheloz meqë qenka kështu. Më pas ajo i ka thënë që e do fort por ai nuk e ka besuar dhe e ka kthyer në shaka. Ajo i ka thënë që e ka me të vërtet dhe ai duhet ta besojë pasi ka formën e të shprehurit ndryshe.
Si përfundim ata janë ngritur nga krevati dhe Rezi i ka kujtuar Enxhit që ajo ka dashur të flasë diçka me të, a e ka akoma ndërmend apo e ka nxjerrë nga plani pasi e ka parë që nuk ia vlen. Enxhi i ka thënë që vlen akoma por do ta gjejë ajo momentin e duhur për të folur.

Dashuria shfaqet në orët e vona të natës
27/02/10 03:34

Megjithëse ora shënon dy pas mesnate banorët nuk ia kanë idenë e orës dhe janë të gjithë në këmbë. Kulmi është që Domenika dhe Valoni janë duke gatuar pasi kanë një kohë të gjatë që gjenden aty dhe po bëjnë palaçinka për banorët e tjerë. Mesa duket atyre iu pëlqejnë më tepër vetë pasi kanë qënë partinazë për të gatuar.
Në dhomë dritat jaën fikur dhe disa banorë janë shtrirë. Olta i thotë Erionit që ai nuk e ka përqafuar fare dhe Erioni i thotë që ai do t’i shlyejë mungesat që ka bërë menjëherë dhe shkon të përqafoje e të puthë Oltën. Ajo i kërkon dhe puthjen e natës së mirë dhe ai ia jep me kënaqësi. Banorët i ngacmojnë për këto afrimitete dhe Edi thotë që dashuria shfaqet në orët e vona të natës. Olta i thotë Erionit me shaka që çfarë jaën këto gjëra që thonë banorët dhe Erioni i përgjigjet që qentë lë të lehin e karvani ec përpara. Më pas Enxhi i ka thënë Enxhit që ka një parandjenjë dhe Olta i thotë që këto gjëra t’ja hedhë ndonjë tjetri e jo asaj, pasi Olta mendon se ka të bëjë më nominimin parandjenja e saj. Enxhi e kupton se çfarë mund të ketë çuar ndërmënd Olta dhe i thotë që nuk ka lidhje me aty brenda por nga jashtë. ato flasin për mundësinë që Enxhi të marrë ndonjë surprizë nesër por ata i thotë që është shumë e re dhe duhet të presë dhe pak. Më pas Seldi do t’i mësojë Oltës të këndojë dhe ajo i thotë që kur ai ka kënduar më parë në kuzhinë ajo nuk e ka dëgjuar dhe do donte të këndonte dhe njëherë për të. Ai do t’i mësojë vajzat që të bëjnë vokalica, që janë ushtrime për zërin dhe meqënëse ato nuk dinë, krijohen situata gazmore. Më në fund rreth orës katër të mëngjesit kanë qënë në gjumë.

Mëngjesi dhe thashetheme për Rezin
27/02/10 11:50

Mëngjesi ka ardhur dhe ata duhet të zgjohen ndonëse në mëngjes kanë rënë për të fjetur. Dritat janë ndezur dhe i pari është zgjuar Edi, i cili ka bërë punët e para të mëngjesit. Edin e ka pasuar Klodi, i cili dhe pse është zgjuar ka vazhduar të flerë me sy hapur. Klodi dhe Ada e kanë kaluar natën tek kolltuqet e kuzhinës dhe jo në dhomë me të tjerët. Ndërsa Bledi dhe Olta kanë hapur sytë por rrinë akoma shtrirë. Bledi ka zgjatur dorën nga krevati i tij tek Olta dhe e ka përkëdhelur në fytyrë. Ajo ka mbyllur sytë dhe nuk ka reaguar. Më pas Erioni dhe Bertina janë zgjuar dhe kanë kaluar disa momente bashkë duke ndenjur të përqafuar e duke u përkëdhëlur.
Më pas Kika dhe Bledi kanë pirë kafen e mëgjesit bashkë dhe kanë folur për Rezartën. Bledi i thotë që ajo po bën shumë gabime dhe ai e ka humbur shumë respektin për të. Ai thotë që e ka vlerësuar më parë por tani ka ikur fare nga orbita. Kika i thotë që ai nuk ka çfarë të thojë pasi është habitur dhe nuk e beson a është ajo apo jo, pasi i është dukur krejt tjetër njeri. Ai shton që një femër e emzncipuar nuk do ta kishte bërë një veprim të tillë. Bledi i thotë që ai i është dukur poshtërim roli që ajo ka pranuar të luajë dhe Kika i thotë që çështja është që të mos bëhesh vegal e dikujt. Bledi i thotë që kjo është e vërtetë sepse ajo po bëhet vegla e Jetmirit. Ata kanë dalë në kopësht më pas dhe kanë vazhduar të njëjtën temë. Kika i ka thënë që ai ëhstë pro krijimit të lidhjeve por jo që të shkojnë në banalizim. Bledi i thotë që ajo nuk duhet ta humbiste sharmin e saj dhe të bëhej vegla e një mashkulli sepse më pas do të përdoresh si objekt talljesh. Kika i thotë që ai ka qënë skeptik që në fillm të lidhjes së tyre dhe Bledi i ka thënë që ai nuk e do pasi po ta donte nuk do e trajtonte në atë mënyrë ndërsa ajo duket që ka rënë kokë e këmbë me Jetmirin.

Shtrytëzojnë rrezet e diellit në kopësht
27/02/10 13:05

Kika, Domi dhe Edi kanë qëndruar në kopësht për të shijuar rrezet e diellt dhe shoqërinë e njëri- tjetrit. Edi i thotë që u uron një ditë të mbarë me sukses në fund të ditës. Ai shprehet që ju uron nga zemra që të qëndrojë më i miri. Domi i thotë që dhe ajo u uron të njëjtën gjë me gjithë shpirt. Më pas Edi dhe Erioni kanë bërë shaka me njëri tjetrin duke thënë që Edi do të punësojë Erionin si truprojë dhe dhe ai i thotë që varet nga ato që do t’i ofrojë. Edi i thotë që oferta është e mirë dhe ata thonë që marrveshja u krye.
Më pas ata flasin për motin dhe luhatjet që ka patur. Bledi thotë që andej nga erdhi la shi e dëborë dhe po ashtu këtu ka gjetur shi. Ada është shprehur që asaj nuk i besohet që ka dalë dielli por Edi i thotë t’a besojë pasi nuk është iluzion. Edi thotë që ka pamje shumë të bukur para syve pasi nga njëra anë ka Zhezhenë (Domin) dhe nga ana tjetër diellin. Edi thotë që i kujtohet atë natë që janë futur në pishinë me Enxhin dhe Domi thotë që Enxhi ka patur ftohtë më pas.
Domit i kujtohet një shprehje e Enxhit që i ka thënë para se të flenë, natën e mirë të gjithë të shtirurve dhe ajo nuk i ka kthyer përgjigje pasi ajo nuk është e shtirur.
Më tej ata flasin për stilistët dhe për mënyrën e veshjeve. Domi thotë diçka që e ka mësuar në shkollë në Itali që “trupi i njeriut është më i veshur kur është i zhveshur, dhe njeriun asnjëherë nuk duhet ta kritikosh pasi ai është identiteti i tij”. Edi i thotë që prandaj ajo nuk e kritikon atë dhe pse ai nuk vishet shumë mirë. Bledi i thotë që është personaliteti i Edit jo shumë ngjyrësh.
Ndërkohë Kika po pastron kuzhinën me fshesë me korent, ndërsa Klodi po merret me gatim. Graciela, Bertina, Olta dhe Enxhi vazhdojnë të flejnë gjumë. Erioni ka tentuar disa herë ta zgjojë Bertinën por ajo ka pranuar.

Kultura në komunikim
27/02/10 13:36

Banorët vazhdojnë të qëndrojën në kopësht dhe tashmë flasin për rregullat në shoqëri dhe sa janë të zbatueshme ato. Klodi i thotë që ata janë pesëmbëdhjetë persona aty dhe nuk po bien dakort se kush dhe kur duhet të bëhen punët. Klodi vazhdon të thotë që ata nuk po munden të bien dakort pasi po t’i thuash një personi që të lajë enët, ka shumë të ngjarë që të mos pranojë. Bledi i ka thënë që kur një person ka mungesë kulture, komunikimi nuk ka lidhje dhe po ashtu mirëqënia. Klodi i thotë që mendon se të gjitha elementët e mësipërme janë të lidhura bashkë. Më pas ata flasin për kulturën e krijuar nga njerëzit por qe ndikojnë dhe rrethanat, pasi një person dhe pse mund të dojë të ushqejë kulturë nëse nuk ka ambjent që mund ta shfaqë, do të vijë një moment që do të bëhet njëlloj me shoqërinë që e rrethon. Më pas Klodi bën një paralelizëm duke thënë që është i zoti i shtëpisë përgjegjës për veprimet e fëmijës dhe duhet të dijë ta edukojë e të mos ia presë ëndrrat.

Ada nuk ka më besim tek Rezi
27/02/10 14:28

Ada dhe Olta kanë biseduar për Rezin dhe ato kanë vendosur që nuk do t’ja tërheqim më vëmendjen në lidhje me Mirin pasi ajo Rezi është bërë aktore e mirë dhe nuk ka nevojë për këshillat e tyre. Enxhi i ka thënë dy vajzave që ata jua kanë hedhur dhe ato përsëri duan sqarime dhe ajo i kishte thënë Rezit që t’i nxjerrë fundin kësaj loje.Olta ka thënë që Rezi është shprehur që nuk e di se çfarë po kërkon Enxhi tani. Ndërsa për Jetmirin thonë që ai e ka ulur shumë Rezin por Oltës nuk i intereson fare dhe Ada thotë që të bëjnë çfarë të duan dhe kur nuk e ruan dot vetë veten Rezi, ato nuk kanë ç’ti bëjnë. Më pas Ada thotë që Enxhi e ka nxjerrë bllof Rezin pasi i ka thënë që ajo e ka shok Klodin dhe ia ka treguar lojën që më përpara, ndërsa Rezi nuk e ka bërë këtë me Adën. Olta i thotë Adës që po të kishte qënë motra e saj Rezi, ajo nuk do ta kishte lënë ta vazhdonte atë lidhje apo lojë, çfarëdo qoftë. Ajo thotë që tek Rezi nuk ka besim dhe nga ajo mund të presësh gjithçka.
Më në fund banorët e fundit që kanë qënë në gjumë, dhe nuk kanë qënë pak, janë zgjuar nga gjumi pas shumë tentativash nga të tjerët për t’i zgjuar. Bertina tregon që Erioni e ka lënë pa gjumë gjithë natën, pasi ngrihej dhe flinte përsëri. Kur ka ardhur Erioni ajo i ka thënë që sonte do të flerë secili në krevatin e tij dhe ai i ka falenderuar dhe i ka thënë që krevatin e tij e ka në shtëpi, dhe domethënë që do të dalë, por gjithsesi thotë që e ka për nder dhe po të ikë.
Ndërkohë në kuzhinë Klodi po gatuan, Olta dhe Ada lajnë enët dhe të gjithë merren me nga një gjë.

Graciela, shkaku i debatit Enxhi- Erion
27/02/10 16:00

Teksa të dy dalin në kopsht për të pirë cigare e për t’u bashkuar me të tjerët, Enxhi gjen rastin për t’i folur Mirit për paktin dhe lojën që bënë. Ajo e kritikon atë sepse ai u tregua deri diku i sinqertë me banorët duke i thënë se ata e bënë këtë lojë për të parë reagimet e tyre. Ajo i thotë se ai duhet të kishte dalë nga situata dhe t’u thoshte atyre se ishte rastësi që u futën të dy në tualet sepse donin që të bisedonin vetëm, por në cdo vend që shkonin, të tjerët i hidhnin shikime dhe i përflisnin, ndaj tualeti ishte i vetmi vend i izoluar. Miri shprehet se tashmë kjo gjë u bë dhe e mbyll bisedën. Në kopsht ndodhen edhe banorë të tjerë. Ndërsa futen edhe ata në bisedë, Enxhi bën një pyetje nëse mund të futen banorë të rinj edne në lojë. Bledi i përgjigjet se banorët e rinj mund të futen edhe javën e fundit se për këtë nuk ka rregulla. Ai shton se dicka mund të ndodhë natën e sotme, gjatë spektaklit. Ata fillojnë të fantazojnë se mund të futen shumë konkurentë të rinj, por tek shtëpia e vjetër dhe kështu konkurenca do rritet edhe më shumë. Bledi shprehet me shaka se nëse e nominpjnë dhe do jetë një ndër të nominuarit e javës tjetër, do “hakmerret” ndaj banorëve dhe shton se nuk do t’u krehë më flokët si shenjë hakmarrjeje. Të tjerët pinë kafe dhe shohin filxhan duke shkaktuar shumë të qeshura dhe shumë batuta mes tyre.
Klodi i cili ka përgatitur drekën, i thërret banorëve se ajo është bërë gati dhe të gjithë ulen në tavolinën e ngrënies. Ata e komplimentojnë atë për gatimin e shijshëm. Por, dreka nuk kalon pa një debat. Gracielës i ka mbetur hatri sepse i ofroi Bertinës pak nga pjata e saj, mishin sepse nuk e hante, ndërsa ajo preferoi të merrte pak nga pjata e Rezartës. Graciela ndjehet e ofenduar dhe këtë gjë ia tregon Erionit dhe Mirit, kur ndodhen vec në dhomën e gjumit. Enxhi, që hyn në ato momente, do që të futet në bisedë e të kuptojë se cfarë ka ndodhur sepse shikon Gracielën e mërzitur. Miri nga ana e tij e këshillon Gracielën që të mos merret me biseda fëmijësh e t’i ngelë qejfi për këto vogëlsira, ndërsa Erioni i thotë se duhet të merret me Bertinën e jo me të. Enxhit nuk i kthehet asnjë përgjigje dhe ajo insiston të dijë. Askush nuk i tregonasgjë deh ajo pyet Jetmirin, por Erioni ndërhyn duke i thënë se Jetmiri nuk di asgjë dhe ky është problemi i tij, ndaj ajo s’duhet ta dijë. Enxhi nxehet nga përgjigjja dhe toni i Erionit dhe fillon të flasë me zë të lartë. Ajo i thotë se pyet Mirin e ai nuk duhej të përgjigjej në vend të tij. Erioni vazhdopn t’i thojë se nuk duhet ta marri vesh e ndaj duhet ta mbyllë bisedën, por ajo ia kthen se flet cfarë të dojë e sa të dojë. “Sa më shumë t’iu respektosh, aq më shumë ju jepni urdhëra”- shprehet ajo. “Ule zërin, kaq po të them!”- i thotë ai dhe situata duket e tensionuar, por banorët e tjerë ndërhyjnë dhe cdo gjë merr fund. Klodi vjen të qetësojë Enxhin e cila i thotë se për këtë punë ka ardhur (që të debatojë), por ai i thotë se ajo nuk kuptohet pasi njëherë thotë se ka ardhur për të, njëherë për Seldin, për Valonin e të gjithë me radhë. Enxhi qesh dhe thotë se po përpiqet t’i njohë të gjithë nga pak.

Ethet e eliminimit
27/02/10 17:00

Banorët që janë të nominuar, fillojnë të përgatisin valixhet e tyre. Ata merren me sistemimin e veshjeve deh të sendeve të tyre personale. Erioni nuk mund t;i bëjë i vetëm, ndaj Ada e ndihmon. Graciela duket e heshtur dhe shpesh qëndron afër me banorët. Në një moment, ajo ka e përqafon Enxhin duke thënë se mund të jetë dita e fundit për atë në këtë shtëpi. “Është nominimi i tretë ky dhe ia kam frikën”- shprehet ajo, ndërsa Enxhi e kurajon që të mos e marrë me frikë sepse nuk është e thënë se nga fakti që ka dalë tre herë në nominim, do dalë. Ato qëndrojnë për një kohë të përqafuara. Edhe Hakiu duket në tension për momentin e eleminimit të njërit prej të nominuarve. Ai thotë se për momentin nuk ka shumë emocione, por adrenalina do vijë duke u rritur më vonë. Seldi shprehet se nga eksperienca e vetë, deri kur shkojnë tek dhoma e rrezikut gjithcka është në rregull, por atje, fillon të ndryshojë gjithcka dhe të kapin emocione të forta. Kika, për t’i dhënë zemër vetes, shprehet se edhe jashtë i presin gjëra të bukura. Ata diskutojnë për ditët e qëndrimit në shtëpi dhe llogarisin se sa ditë u kanë mbetur deri në fund të edicionit. Me ta bashkohet edhe Domenika e ndërmjet banorëve fillon diskutimi për futjen e banorëve të rinj gjatë kohës si dhe për kohëzgjatjen e këtij edicioni të Big Brother e shikueshmërinë e lartë.
Bisedën për emocionet e kësaj dite, Graciela e zhvillon edhe me Jetmirin dhe shprehet se kur është në nominim, emocionet nuk mungojnë cdo ditë. Ata diskutojnë edhe për banorët e tjerë deh Graciela thotë se disa banorë nuk mund të debatojnë me të tjerët nga frika se dalin në nominim, ndërsa Miri mendon se miq e shokë nuk mund t’i ketë e nuk mund të jenë të gjithë e kështu tregohet falsiteti i të tjerëve. sipas të dy banorëve, mendimet duhen shfaqur hapur. Enxhi futet në bisedën e dy të rinjve kur flasin për nominimet dhe mendon se ajo, Miri dhe Klodi do jenë sërish në nominim këtë javë. Edhe Erioni duket i emocionur për nominimin dhe se si do shkojë kjo mbrëmje.

Bledi dhe Bertina për keqkuptimet
27/02/10 17:35

Bledi ndihmon Bertinën që të rregullojë flokët. Ndërsa bisedojnë në përgjithësi, mes tyre hapet sërish tema për lidhjen e saj me Erioni dhe Bledi vazhdon t’i japë këshilla. Gjatë bisedës, bertina shprehet se e vlerëson Erioni dhe i tregon disa raste kur ai i ka qëndruar shumë pranë, pa ia kërkuar ajo. Sipas saj, në këto raste duket njeriu. Edhe Bledi mendon se Erioni është djalë i mirë, por Bertina mendon se ai me erionin kanë disa keqkuptime. Edhe për raportin e saj me Bledin ajo mendon se janë disa gjëra që nuk janë sqaruar. Ajo i merr një shembull dhe shprehet se të paktën kështu i duket, sikur ai ia merr për ters disa gjëra. Bledi shprehet se i pëlqen të sqarohet me njerëzit dhe kur shkon të bisedojë me ta, tregon se ata njerëz i interesojnë. Nëse nuk i intereson ndonjë, nuk shkon t’i flasë. Bertina i thotë se i pëlqejnë njerëzit e drejtpërdrejtë. Mes dy banorëve fillon biseda për raportet që krijohen me të tjerët dhe mënyrën se si komunikojnë. Të dy mendojnë se të folurit pas krahëve nuk është gjë e mirë

Thashethemet, biseda e të gjithëve
27/02/10 19:00

Erioni, Miri dhe Enxhi diskutojnë për banorët e tjerë. Të dy djemtë tregojnë për raportin e Oltës me Domenikën të cilat edhe pse u konfrontuan për fjalët që Domi i tha gjatë spektaklit të kaluar. Sipas tyre, Olta duhet të kishte mbajtur qëndrim gjatë gjithë kohës e jo ta bënte shoqe tani. Miri shprehet se pasi u zu me Oltën, nuk i foli për një muaj. Ata tregojnë se banorët merren me shumë thashetheme, sidomos Olta. Miri dhe erioni tregojnë se ajo bashkë me Domin e mbajnë Edin afër, e nga ana tjetër flasin keq për të apo bëjnë thashetheme. Enxhi shprehet se dhe Edi nuk i pëlqen shumë pasi i duket disi i shtirur.
Banorët e nominuar përfundojnë së rregulluari valixhet dhe fillojnë të bëhen gati. Edhe banorët e tjerë përgatiten për spektaklin. Ata ndihmojnë njeri-tjetrin në përzgjedhjen e veshjeve dhe pasi përfundojnë gjithcka, vendosen në dhomën e ndenjjes për të pritur fillimin e spektaklit.

ariel · « **Pergjigju #121 Me:** Shkurt 28, 2010, 01:53:22 PD »

Javë me dinamika e ndryshime thelbësore
27/02/2010 21:15

Dinamikat e ndryshme të kësaj jave, kanë qënë në qendër të vëmendjes që në hapjen e kësaj puntate. Arbana komenton se kjo javë që kaloi ka sjellë shumë të papritura që fillojnë që me hyrjen e banores së infiltruar, Enxhit dhe lojërave të saj, ashtu edhe me historitë e dashurisë mes Erionit dhe Bertinës dhe përballjeve dhe xhelozisë ndaj Oltës, edhe lidhja mes Jetmirit dhe Rezartës, e cila nuk ka pranuar ndjenjat e Edit pikërisht se ndjente për Mirin. Edhe opinionisti, Ariani shprehet se kjo javë ka qënë shumë intensive dhe sikurse publiku, edhe banorët nuk po kuptojnë më se cfarë po ndodh. Ai flet edhe për Enxhin ku shprehet se fillimisht iu duk sikur po rrezikonte misionin e saj sepse që në fillim deklaroi se donte debate dhe do lidhej më shumë me djemtë, por më pas në sajë të punës së saj, në shtëpi ka ndryshuar rrjedha e bisedave dhe ndodhive. Ai mendon se Enxhi i ka dhënë shumë kësaj jave e cila ka qënë plot emocion, ngjarje, intriga, lojëra etj. Të cilat kanë nxjerrë në dukje lojën e gjithë banorëve. Arbana përshëndet banorët dhe pyet banorët e nominuar se si e kanë kaluar këtë javë. Ata përgjigjen se ka qënë plot emocion, por në përgjithësi ia kanë kaluar mirë. Arbana pyet disa nga banorët se cilët do donin që të largohej këtë natë dhe Rezarta dhe Bledi thonë për Hakiun, Olta për Gracielë, ndërsa Bertina për Klodin. Arbana u komunikon banorëve për misionin që kishin Miri dhe Erioni gjatë ditëve që ishin të ndëshkuar: ata duhet të zbulonin nga një sekret për tre banorë. Për publikun dhe banorët shfaqet një klip në të cilin tregohet misioni i kryer me sukses i dy djemve. Ata kanë zbuluar sekretin e Valonit i cili u ka rrëfyer se sa herë përmendet emri i nënës së vet preket e i mbushen sytë me lotë, sekretin e Enxhit e cila u ka rrëfyer për tradhëtinë e të dashurit të saj dhe sekretin e Rezartës e cila u ka rrëfyer se ka patur një lidhje të fshehtë me një të huaj, pasi në Kosovë këto lidhje paragjykohen. Arbana i pyet banorët të cilët u janë zbuluar sekretet se si ndjehen dhe ata përgjgjen se nuk e kanë problem.
Në studio ndodhet edhe Renato i cili pasi përshëndet banorët, i thotë Edit se e vlerëson edhe pse nga ai nuk e priste nominimin, sërish e kupton dhe i jep zemër që sa herë të jetë në nominim, ta marrë me krenari e jo frikë. Ai flet dhe me Hakiun ku i thotë se do e ruajë miqësinë e tij edhe jashtë.

Takimi me bashkëshorten, surprizë për Hakiun
27/02/2010 21:45

Arbana shprehet se një prej banorëve të shtëpisë së Big Brother, Hakiu, po e vuan shumë largimin dhe ndarjen përkohësisht nga familja, bashkëshortja dhe fëmijët e tij. Ajo shprehet se Kika, këtë vuajtje po e mban përbrenda dhe nuk po e ndan me të tjerët. Arbana e diskuton këtë gjë edhe me të dhe ku ajo i thotë se qëndrimi në këtë shtëpi është një përvojë e bukur dhe është një sfidë të përshtatesh me njerëz të huajë e me karaktere të ndryshme e të provosh mungesën e të dashurve. Ajo e fton Hakiun që të shohë një klip në të cilin shfaqen familja e tij, bashkëshortja dhe tre fëmijët. Ata i kanë përgatitur disa vizatime babait të tyre në të cilin shprehin forcën dhe kurajon që ai duhet të tregojë për të kaluar këtë aventurë me sukses. Këtë mesazh ata ia japin edhe me fjalë dhe i tregojnë se u mungon e se e duan shumë. Hakiu preket kur sheh këtë klip. Ai nuk di si të shprehë këtë emocion e herë qesh e herë qan. Arbana e komenton me të këtë klip dhe ai shprehet se fëmijët janë pjesa më e bukur e jetës së tij. Hakiu tregon se për ta, bashkë me të shoqen, janë përpjekur shumë që ata të kenë më të mirën. Arbana e fton që të shkojë në dhomën e rrezikut sepse për të, është një tjetër surprizë: pikturat e fëmijëve. Hakiu i puth dhe përmallohet. Në atë moment shfaqet në monitor fotot e familjes së tij ndër vite. Surpriza nuk mbaron me kaq. Në dhomë hyn bashkëshortja e tij të cilën ai e merr në krahë e nuk resht së përqafuari e së puthuri plot mall. Ai e pyet për fëmijët dhe ajo i tregon shkurt për ta. Pasi del nga dhoma e rrezikut, Hakiu falenderon shumë Vëllain e Madh që i dha mundësinë të takonte e të shihte familjen e tij, një surprizë plot emocion e i papërsëritshëm.

Prova e javës, buxheti personal
27/02/2010 21:55

Prova e kësaj jave ka qënë një e papritur e këndshme si për publikun, ashtu edhe për banorët. Ajo kishte të bënte me vënien në provë të durimit të tyre. Banorët duhej të kaloni disa prova, të qëronin vezë të zjera me doreza boksi, të veconin disa kokrra fasulesh, të përgatisnin disa cigare e të zgjidhnin një lëmsh, gjithnjë pa i hequr ato. Arbana u komunikon se Vëllai i Madh ka vendosur që vetëm me kalimin e këtyre provave ata të fitojnë gjysmën e buxhetit, dhe gjysmën tjetër do ta fitojnë gjatë provës së kësaj mbrëmjeje. Ajo i fton banorët që të shkojnë në dhomën e bardhë. Aty gjenden mbi një tavolinë disa tasa, nga një për cdo banor të mbushura me qumësht ku në fund të tyre ndodhet nga një gur ku në të cilin është shkruar një shifër që përmban shumën e buxhetit personal të banorëve për këtë javë. Banorët i mbajnë duart mbrapa dhe me anë të gojës, kapin gurin brenda në tas. Disa nga banorët ia dalin që në fillim, disa të tjerë jo. Ata qeshin ndërsa janë përlyer me qumësht. Pasi përfundon kjo lojë, Arbana u komunikon vendimin e Vëllai të Madh i cili ka vendosur se prova quhet e kaluar pesëdhjetë përqind dhe kështu buxheti reduktohet në po këtë shifër, por banorët që morën gurët e “cmuar” mund t’i përdorin ato personalisht ose për të gjithë.

Homoseksualizmi, e vërteta e pathënë
27/02/2010 22:15

Klodi mban një sekret prej shumë kohësh dhe këtë sekret nuk e di as nëna e vetë pikërisht nga frika e paragjykimeve të cilat janë prezente edhe në ditët e sotme. Arbana shprehet se Klodi ka marrë guximin që të përballet me këtë frikë e të ndajë mendimiet me nënën e vet e në këtë mënyrë edhe sekretin e tij. Ai ka shkruar një letër ku ia drejton nënës së vet. Arbana e fton Klodin në dhomën e rrëfimit që të diskutojë këtë të fshehtë që tashmë po bëhet publike. Për të dhe për banorët e tjerë shfaqet një klip në të cilin tregohet Klodi që lexon këtë letër që nuk mundi t’ia postonte nënës së tij. Që në fillim ai i kërkon asaj që të bëhet e fortë e ta kuptojë, por ajo është i vetmi njeri që mund ta kuptojë e ndaj donte që t’i ndante me të këto emocione e këtë të fshehtë. Ndërsa lexon letrën e dhimbshme, Klodi preket e qan dhe rrëfen se këtë sekret e ka mbajtur për një kohë të gjatë pasi ka luftuar me veten e vet fillimisht që ta pranojë. Ai shprehet se është homoseksual dhe do luftojë që këtë gjë ta pranojnë edhe të tjerët e ta pranojnë si të tillë. Ai i kërkon nënës së vet falje. “Më fal!”- shprehet ai duke kërkuar që edhe ajo ta kuptojë. Ndërsa shohin këtë klip, banorët preken, ndërsa në përfundim të klipit, publiku në studio i dhuron një duartrokitje të gjatë atij. Arabna e komenton këtë duartrokitje si dhurimin e një force e dhënien e një kurajoje për të, si një përgjgje ku njerëzit e kulturuar nuk e paragjykojnë aspak. Ajo shprehet se të gjithë e vlerësojnë për guximin që mori që shkroi dhe tha hapur këtë sekret dhe se kjo është një betejë e vështirë për të, por i jep kurajo se tashmë ai është një personazh dhe si i tillë duhet të japë një mesazh sensibilizues për të tjerët. Klodi thotë se nuk e ka aspak të lehtë që të përballet me këtë gjë dhe me të tjerët, por nuk dëshiron që ta paragjykojnë. Ai thotë se do donte që të mos ia thoshte kurrë këtë gjë nënës, por e di se ajo është e fortë dhe do ta pranojë e kuptojë e do ta kalojë këtë gjendje. Arbana i thotë se nëna e tij me siguri është krenar për të. Ndërsa del nga dhoma e rrëfimit, ai përballet me dashamirësinë dhe përqafimet e banorëve të tjerë të cilët tregojnë se e përkrahin e mbështesin atë. Edhe Arjani shprehet se ky është një moment i vecantë për këtë edicion se kurrë më parë nuk është bërë një gjë e tillë, një moment i rrallë në Shqipëri dhe uron që të gjithë ta mirëkuptojnë e përkrahin atë.

Graciela e eleminuara e kësaj jave
27/02/2010 22:35

Arbana u komunikon banorëve të nominuar që të qëndrojnë pranë njeri-tjetrit pasi ka ardhur momenti që një prej tyre të lërë shtëpinë e Big Brother. për ta shfaqet një klip me momentet gjatë kësaj jave dhe komentet për njeri-tjetrin. Më pas, Arbana komunikon dy emrat e parë që i shpëtojnë këtij eleminimi dhe janë Hakiu dhe Erioni. Klodi dhe Graciela shkojnë në dhomën e rrezikut ku emocionet shtohen së shumti. Përpara se Arbana të komunikojë vendimin, të dy banorët shprehen janë të lumtur që kanë qënë pjesë e kësaj aventure, një eksperiencë plot emocion ku janë njohur me persona e karaktere të tjera. Ata kapen përdore, ndërsa Arbana thotë se e eleminuara e radhës është Graciela. Ajo ndahet me një përqafim nga Klodi i cili mirëpritet nga banorët e tjerë, por gjithashtu ata shprehen se u vjen keq për Gracielën. Arbana i jep zemër Gracielës e cila duket shumë e mërzitur nga kjo zgjedhje e publikut. Opinionisti e komenton këtë dalje si një lodhje të publikut nga ai rrezatim dhe energji pozitive e Gracielës. “Nuk mund të qeshësh në cdo situatë”- shprehet ai duke thënë se dhe serioziteti është i rëndësishëm në një bashkëjetesë.

Rezarta përballë Eduardit dhe Jetmirit
27/02/2010 23:05

Arbana fton Eduardin, Rezartën dhe Jetmirin që të shohin një klip në të cilin shfaqet historie e sapo filluar e dashurisë mes Mirit dhe Rezit, ndërsa Edi ka mbetur i vecuar, afrimi i saj me Edin, shprehja e ndjenjave të tij dhe refuzimi i saj e më pas largimi nga ai. Arbana pyet Edin se si ndjehet nga kjo ndodhi, lidhja e Rezit me Mirin dhe ai shpreh se është lënduar prej saj, pasi i ka shkatërruar ndjenjën. Arbana i thotë Rezit se jashtë ka lënë një histori të pambyllur dashurie, është përballur me ndjenjat e Edit e më pas është lidhur me Mirin. Rezi shprehet se historia e dashurisë që ka lënë jashtë ka përfunduar që prej disa muajsh, ndërsa për ndjenjat e Edit ajo shprehet se i vjen keq që nuk iu përgjigj por nuk mund t’i shkelte ndjenjat e saja për Mirin. Eduardi shprehet se nuku ndje mirë pasi Rezarta i kishte lënë të kuptonte se për të kishte një shpresë, nuk ia kishte thënë prerë që ajo nuk e pëlqente e ndaj vazhdonte luftonte. Ai tregon se natën e parë kur i pa bashkë u ndje shumë keq pasi i dukej sikur Rezi mezi priste të lidhej me Mirin. Edi tregon se kishte kuptuar dicka për ndjenjat e saja kunddrejt Mirit, por nuk donte që ta besonte. Ariani e pyet Rezartën nëse me gjithë këto ngjarje dhe histori, ajo e ka zemrën e madhe apo nuk ka zemër fare, por ajo përgjiget se ka ndjenja vec për Mirin. Edhe Miri ndërhyn në mbrojtje të saj. ai shprehet se janë prej mishi e gjaku dhe kanë ndjenja të cilat lindën po aq papritur sa edhe vetë nuk e prisnin. Për Mirin shfaqet një klip në të cilin tregohen flirtimet me disa vakza të shtëpisë dhe atë vetë kur thotë se lidhja me Rezin është dashuria e 2010, e nuk është as e para e as e fundit për të dhe përballja e Rezartës me Enxhin. Arbana pyet Rezartën se cfarë opinioni ka për Mirin, në përfundim të klipit, dhe ajo shprehet se i beson atij. Miri shpreh sërish se mes tyre është një pëlqim reciprok, por ende jo një dashuri.

Një surprizë e vecantë për Jetmirin
27/02/2010 23:25

Për Mirin është rezervuar edhe një surprizë. Ai shkon në dhomën e rrëfimit dhe merr një zarf në të cilin ndodhet një letër. Pas disa minutash, Arbana i thotë se mund ta lexojë. Ai nis me të lexuar, por përvec rreshtave të parë, nuk mund ta cojë atë letër më tutje pasi preket. Ai refuzon ta lexojë pikërisht që të tjerët të mos shohin emocionet që po përjeton. Letra i është dërguar nga motra e tij. Ai largohet nga dhoma dhe shkon në korridor ku fillon të qajë. Arbana e fton të shkojë në dhomën e bardhë dhe ai aty takon motrën e vet. Të dy përqafohen e puthen plot mall. Miri tregon se ka dhjetë muaj pa e parrë, ndërsa Adela, motra e tij shprehet se ai është vëllai që gjithkush do mund ta kishte zili. “Jam krenar për të”- shprehet ajo.

Graciela në studion e BB
27/02/2010 23:40

Graciela mbërrin në studion e Big Brother ku hyrja e saj shoqërohet me një duartrokitje të gjatë. Ajo shprehet se është mjaft e emcionuar dhe emocionet vazhdojnë të rriten ende. Sipas grafikut, graciela është votuar nga 42% e publikut. Arbana e pyet se si e komenton ajo dhe Graciela përgjigjet se nuk mund ta dijë pasi ajo është përpjekur që të jetë vetvetja por ndoshta nga kjo doli. Ajo shprehet se duhej të ishte sjellë ndryshe në disa situata të caktuar e jo sic është sjellë, por mendon se kjo eksperiencë do t’i shërbejë mjaft. Arbana e pyet edhe për marrëdhënien e fundit mes saj Adës dhe Oltës të cilat shpesh nuk e fusnin nëpër biseda, por ajo shprehet se kjo mund të ketë ardhur si rezultat i lojës së fundit të Jetmirit. “Unë nuk isha protagoniste, por e përkraha lojën e tij”- thotë ajo duke shtuar se ajo lojë nuk i pëlqeu aspak opinionisti mendon se ajo u bë një vegël në duart e të tjerëve, u përdor tek loja e Mirit e ndërkohë nuk duhej të përfshihej fare, por Graciela thotë se thjesht respektoi idenë e Mirit pasi e kishte mik dhe shprehet sërish se nuk epëlqeu atë lojë. Graciela takohet me banorët e tjerë të eleminuar dhe ulet pranë tyre.

Komente mbi lidhejn Domenika-Seldi
27/02/2010 23:55

Edhe lidhje e domenikës me Seldin nuk kalohet pa u komentuar. Arbana shprehet se kjo lidhje ka një ngërc e cila ndikon që të mos funksionojë mirë. Për publikun dhe banorët shfaqet një klip në të cilin tregohet futja e Enxhit në shtëpi dhe shoqërimi që në fillim me Seldin, xhelozia e Domenikës dhe diskutimi i situatës prej tre banorëve. Më pas ata komentojnë bashkë me Arbanën ku Seldi shprehet se ndjenjat janë kryesore për të dhe se ndjen ende për Domenikën e kësaj ndjenje do i shkojë deri në fund, ndërsa Domenika shprehet se ata janë sqaruar tashmë për këtë lidhje dhe thotë se tashmë nuk janë më bashkë. “E kam të vështirë të rri me njerëz që më lëndojnë vazhdimisht”- shprehet ajo dhe thotë se karakteri i tij shumë i hapur nuk i pëlqen. Arbana e pyet se sa ndikon Enxhi në këtë vendim, por ajo shprehet se mosmarrëveshjet e tyre kanë lindur që para se Enxhi të hynte në shtëpi. Pyetjes së opinionistit se ndoshta këto janë zënka dashurie, ajo i përgjigjet se ka vendosur arsyen në plan të parë dhe se ndjenja sic ka patur ashtu dhe mund të ketë, se kanë qënë mirë bashkë, por vendimin tashmë e ka marrë bazuar në arsyen.

Enxhi, misioni vazhdon
27/02/2010 00:05

Enxhi, e infiltruar e Big Brother ka sjellë shumë ndryshime në rrjedhën e ngjarjeve në shtëpi sikurse dhe mes banorëve. Për publikun shfaqet një klip me ndikimin e Enxhit tek cdo banor dhe misionin e saj të kryer më së miri. Edhe opinionisti mendon se Enxhi ka kryer një mision me sukses në raport me ciftet Miri- Rezi dhe Domi-Seldi, pasi dha efektet e dëshiruara. Ai thotë se Enxhi me inteligjencë i ka vënë të gjithë në lojë. Arbana shprehet se disa prej banorëve mendojnë se ajo mund të luajë, ndërsa Graciela tregon se këtë gjë e kanë menduar nga sjellja, karakteri, cmenduritë e tepruara të saja. Enxhi vjen në dhomën e rrëfimit ku tregon për këtë eksperiencë të vecantë se vjen vec një herë në jetë dhe se po e shijon deri në fund atë. Ajo tregon se ka bërë si miq ashtu edhe armiq dhe po ashtu e konsiderojnë edhe banorët e tjerë. “Të gjithë nga pak më shohin si kërcënim”- shprehet ajo pasi i ka vënë përballë të gjithë banorët dhe se ata të gjithë po bëjnë lojën e saj. Enxhi mendon se nuk e ka kuptuar asnjë nga banorët që ajo është e infiltruar, por nuk e hedh poshtë si mundësi pikërisht nga lirshmëria e saj. “nëse do isha vërtetë konkurente, do isha më e rezervuar”- shprehet ajo.

Të kandiduarit e javës
27/02/2010 00:10

Klodi është përzgjedhur nga Vëllai i Madh që të zgjedhë një nga zarfat të cilat ndodhen në dhomën e rrëfimit. Ndërmjet zarfit të kuq e zarfit të zi, ai përzgjedh atë të kuq, në të cilin shkruhet nj ë ndryshim për mënyrën e nominimeve që banorët do të bëjnë këtë mbrëmje. Ai shkon dhe ua lexon të tjerëve përmbajtjen e zarfit ku shkruhet se këtë herë do mund të kandidohen vetëm djemtë. Për korrektesë, ai shkon dhe merr edhe zarfin e zi dhe e lexon sërish para banorëve, ku në të shkruhej se do mund të kandidoheshin vetëm vajzat, por nga përzgjedhja do kandidohen vec djemtë. Kështu banorët shkojnë një nga një në dhomën e rrëfimit ku japin dy emra djemsh dhe arsyet përkatëse se përse i kandidojne ata. Nga kandidimet e bëra, në votim këtë javë shkojne Bledi, Hakiu dhe Jetmiri. Arbana ua komunikon këtë vendim të tyrin banorëve. Arjani, opinionisti, shprehet se është një kandidim vërtet i vështirë dhe kushdo që do dalë të shtunën tjetër, do t’i ndihet mungesa.
Arbana u komunikon banorëve edhe se për ta ka një surprizë. Ata dalin në oborr dhe aty shohin një inskenim të këngës së Michael Jackson, për nderim të kujtimit të tij, banorët e shijojnë këtë surprizë të vecantë. Gjithashtu Arbana u thotë banorëve se prova e kësaj jave ka të bëjë me kulturën, muzikën dhe veshjet e viteve ’80 ku ata duhet të përgatisin dicka që tregon këto elemente të atyre viteve.

ariel · « **Pergjigju #122 Me:** Shkurt 28, 2010, 05:10:04 MD »

Komentet pas spektaklit
28/02/10 00:15

Jetmiri, duket disi i tensionur pas përballjeve që pati gjatë spektaklit. Në po të njëjtën kohë, atij i duket e pabesueshme që një pjesë e banorëve janë shprehur se e dinin të fhehtën e Klodit, edhe pse ai nuk ia kishte treguar askujt. “Këta hiqen sikur i dinë të gjitha”- shprehet ai me mosbesim. Ai flet me Adën edhe për klipin që u transmetua për të në të cilin u shfaqën momente të flirtimeve me Pamelën dhe Oltën. Ai i thotë asaj se ja ku doli e vërteta për Oltën që thotë se nuk ka patur asnjë bisedë të tillë mes nesh.
Klodi gatuan në kuzhinë. Pranë tij vjen Rezarta e cila i jep një të puthur dhe i thotë se tani e do edhe më shumë se sa e ka dashur në fillim. Klodi i thotë se tani ndjehet më i cliruar pasi gjatë gjithë ditës ka qënë në siklet për këtë që do ndodhte. Ai tregon se ndenji një kohë të gjatë në dhomën e rrëfimit për të shkruar këtë letër. Rezarta e kurajon dhe e përgëzon për atë që ai bëri dhe i thotë se edhe nëse del, të mos i mbetet hic merak për këtë që bëri. Klodi thotë se ishte në dilemë se si do ta pranonin këtë fakt banorët ë tjerë dhe tregon se donte të ishte sa më i sinqertë me banorët sepse nuk do donte që më pas të komentohej si fals. “Kjo është zgjedhja ime dhe unë nuk isha i detyruar t’jua tregoja, por doja vërtetë ta bëja këtë gjë”- thotë ai. Klodi tregon se një frikë e madhe për të ishte edhe përjetimi i nënës së vet kur ta merrte vesh këtë të fshehtë dhe ndaj nuk ia kishte mbajtur sekret këtë gjë
Në dhomë, Seldi i thotë Domenikës se për të qëndruar në shtëpi sa më gjatë, më e rëndësishme është sa jep dhe cfarë jep. Domenika shprehet se ata tashmë i kanë dhënë të gjitha, por sipas Seldit është vetëm fillimi. Ndërsa bisedojnë, Seldi i thotë “zemër”, por ajo i kërkon që të mos e përdori më këtë fjalë me të dhe ai i premton se do përpiqet.

Diskutim mes Rezartës dhe Enxhit
28/02/10 00:26

Rezarta shkon tek Jetmiri dhe shprehet se nuk po i pëlqen vazhdimi i lojës mes tij dhe Enxhit. Ai ia kthen se është në nominim këtë javë dhe ajo duhet ta lërë që ai të bëjë lojën e tij. Edhe Enxhi është prezent gjatë kësaj bisede dhe e sqaron sërish Rezartën se ajo është bashkë me Mirin vec për lojën, ndërsa në zemër ai ka vetëm atë, Rezartën. Rezarta i drejtohet Enxhit dhe ia thotë në sy se loja e saj nuk i pëlqen. “Ti asnjëherë nuk e con lojën deri në fund dhe kur vjen momenti që t’i duhet të japësh sqarime, t’i e lë cdo gjë për më vonë”- i thotë ajo Enxhit e cila nga ana e saj i thotë se gjithnjë i ka cuar gjërat deri në fund. Rezarta merr një shembull në lidhje me Seldin, por Enxhi i thotë se për gjëra personale, sic ishin ato të Seldit, nuk ka pse të diskutojë këtu apo ën sy të të tjerëve, por jashtë. rezarta i jep të drejtë për këtë gjë. Enxhi shton se për lojën e fundit, ka qënë Jetmiri ai që ia ka ndaluar që të sqarohet me të tjerët. “Kur ai të jetë gati edhe unë do jem gati”- shprehet ajo, ndërsa Rezarta ankohet se pas asaj loje, ajo ka dalë e keqe me të tjerët. Miri ndërhyn dhe thotë se tani që është sërish në nominim, ndjehet i gatshëm për cdo gjë. “Ta dija që nominimi do të të bënte kaq aktiv, do të të kisha nominuar dhe unë”- i thotë Enxhi atij.

Diskutime për treshen në nominim
28/02/10 01:00

Jetmiri, Bledi dhe Hakiu diskutojnë për këtë javë që ajnë në nominim. Ata mendojnë se nuk duhet ta marrin me frikë dhe se duhet të sillen ashtu sic do silleshin në një javë normale. Sipas Bledit, të gjithë do dalin në nominim herët apo vonë dhe dihet që do eleminohen me radhë. Ata shprehen se u shkonte mendja që mund të dilnin këtë javë sërish në nominim. Kur Miri shprehet se ishte normale që disa do t’i nominonin, Hakiu ia kthen se pa i përcjellë disa prej banorëve, nuk lëviz nga shtëpia. “E mendon njësoj si unë”- i thotë Miri dhe shton se të dy kanë një kohë të gjatë përpara sepse ka ndërmend t’u “hajë kokën” disa banorëve që rrinë kot në shtëpi. “Më vjen keq për Bledin, por....”- thotë ai. Duke diskutuar për lojën që po luhet nga të gjithë, ata mendojnë se shënjestër janë vec lojtarët e fortë. Miri mendon se banorët mund të bëjnë gabim tek arsyet që përdorin kur nominojnë sepse mendojnë se duke mbajtur lojtarët e dobët brenda, fitojnë terren, por sipas tij, harrojnë se i shohin dhe vlerësohen edhe për to. “Do u vijë koha të gjithëve”- thotë Miri. Hakiu bashkë me Mirin diskutojnë duke qeshur dhe ngacmojnë vajzat se javën tjetër do jenë vec ato në nominim.
Bledi bashkohet me Oltën dhe pranë tyre vjen edhe Enxhi. Ndërsa flasin për eleminimin e njërit prej djemve të shtunën tjetër, Bledi shprehet se vec për një do t’i vijë keq. “Për princeshën?”- pyet Enxhi duke nënkuptuar Oltën dhe duke e kthyer vetë përgjigjen, shprehet se ai nuk do dalë të shtunën. “E kam të sigurt unë që ai nuk del, harroje”- thotë Olta me bindje të plotë. Bledi uron që të mos zhgënjehet nga disa persona për të cilët ka krijuar opinione të mira, pasi i ka dy dyshime e duke diskutuar mbi këtë temë, ata shprehen se disa banorë mund të fshihen nën petkun e lojës e ndaj brenda nuk mund t’i kuptosh kurrë.

Mbështetje për Klodin
28/02/10 01:30

Banorët shkojnë një nga një dhe i tregojnë përkrahjen e tyre Klodit. Erioni e përgëzon për kurajon që pati e që e tha në sy dhe ndërsa të dy flasin për paragjykimin që u bëhen këtyre personave, Erioni shprehet se njeriu duhet të vlerësohet për atë që jep e jo për atë që është, pasi zgjedhjet personale mbeten personale. Pranë Klodit vjen edhe Seldi. Të dy djemtë diskutojnë për mënyrën se si mund ta ketë pritur nëna e tij këtë të vërtetë. “Më vjen keq për të sepse ka vuajtur shumë”- shprehet ai dhe uron që nëna e vet ta kalojë këtë gjendje sepse është e vetme, e ndaj e ka më të vështirë se të tjerët. Klodi u tregon djemve se ka qënë shumë emocionues momenti kur shkroi letrën dhe për këtë arsye, nuk ka qënë shumë në humor gjatë ditës. Erioni e pyet se si e kanë pritur pjesa tjetër e familjes dhe ai përgjigjet se e kanë kuptuar dhe e kanë pritur mirë, ndërsa për nënën kishte shumë frikë se si do e priste dhe nga kjo nuk merrte guximin t’ia thoshte. Ai tregon se ishte përpjekur t’ia thoshte dikur, por nuk e coi dri në fund e sipas tij, ajo me siguri e ka kuptuar por nuk ka reaguar. “I kërkoj të falur për këdo që mund ta bezdisë”- shprehet ai dhe jep një mesazh për të gjitha ato nëna që i kanë fëmijët homoseksual se duhet ta pranojnë e t’u qëndrojnë pranë në cdo kohë. Erioni insiston në idenë e tij se prirjet e një personi nuk duhet të ndikojnë në raportet që krijon me të tjerët. Klodi tregon se dëshironte të ishte i sinqertë edhe me banorët e tjerë e ndaj vendosi që ta thoshte hapur këtë zgjedhje të vetën. Sipas Erionit, Klodi i ka dhënë kurajon edhe shumë personave të tjerë që ta pranojnë këtë si tek vetja, ashtu edhe për të tjerët. Këtë bisedë, Klodi e diskuton edhe me Bertinën. Pasi flasin përfundojnë këtë bisedë, Bertina i thotë se i vjen keq që kur Arbana e pyeti se cilin donte të dilte, ajo përmendi emrin e tij. Klodi e qetëson dhe i thotë se nuk ia merr fare për keq sepse të tilla janë kushtet e lojës dhe secili ka për ta kaluar këtë situatë. Biseda mbi historinë e Klodit zhvendoset nga një ambient në tjetrin ku të gjithë banorët i shprehin përkrahjen atij. Klodi shprehet se ia kishte frikën për paragjykimin, jo ndaj vetes, por ndaj nënës së tij. Për veten, ai shprehet se ka kaluar shumë vështirësi në jetë dhe është mësuar të përballet me këtë gjë. ada i kujton fjalët e Arbanës e cila tha se njerëzit e kulturuar e kuptojnë, ndërsa Olta i kujton se edhe publiku e përkrahu dhe këtë gjë e shprehu me një duartrokitje të gjatë. Klodi tregon disa detaje nga jeta e vet, për vështirësitë e mëdha që ka kaluar, se që në fëmijëri i është dashur që të emigrojë e të punojë, për tradhëtitë dhe braktisjen nga të afërm, për vëllain e madh i cili i ka qëndruar gjithnjë pranë. Teksa tregon për të vëllain, Klodi preket dhe shprehet se ai është krenaria e tij. Ndërsa bisedojnë për rrëfimin e sekretit që Klodi bëri, Domenika shprehet se ai ka dhënë një mesazh të rëndësishëm për të gjithë Shqipërinë.

Rezarta e mërzitur me Mirin
28/02/10 02:00

Rezarta duket e mërzitur me Jetmirin për faktin që ai lejon Enxhin që të futet mes tyre, qoftë kjo edhe për lojën. Ajo shprehet se nuk i vjen aspak mirë që ai e përkrah në cdo moment atë dhe i del në mbrojtje sa herë ato flasin me njer-tjetrën. Rezarta e këshillon se edhe nëse një lojë është e mirë apo e keqe, ai bën mirë që të mos përzjehet sepse nuk është puna e tij. Miri shprehet se e kupton dhe ajo vazhdon duke i thënë se ai nuk mund të dali prej karakterit të vet vec për hatër të një loje apo të një banori sepse nga kjo nuk do fitojë asgjë të mirë. Miri ndërkohë përgatit cigaret, ndërsa Rezi ankohet se ai edhe në mbrëmje kur mund të rrinë bashkë, merret me to. Të dy banorët diskutojnë edhe për buxhetin dhe mungesën e ushqimeve pasi nuk i administrojnë mirë ato. Më pas ata ngacmohen me shaka dhe Miri largohet për të pirë cigare në kopsht. Pranë Rezartës vjen Bledi. Rezarta e pyet për nominimin nëse e priste apo jo dhe ai i përgjigjet se po. Ai tregon se që në momentin që u mor vesh se do nominoheshin vec djemtë, i shkoi ndërmend se do dilte në nominim, ndërsa po të ishin të gjithë, ndoshta nuk do dilte. “Nuk mërzitem se sfidat janë pjesë e jetës sime”- shprehet ai. Bledi shprehet se vec për një gjë do t’i vijë keq, se kur të dalë do marrë vesh gjithë të vërtetat që janë thënë në shtëpi dhe do i vijë keq nëse dikush do i thyejë besimin e krijuar. Ai shprehet se kur të afrohet fundi, normale që ata do nominojnë e sulmojnë njeri-tjetrin, por nuk do ta pranonte që këto të ndodhnin që tani. Miri shprehet se e kupton cfarë do të thotë ai, pikërisht sepse e ka provuar vetë thuajse cdo javë nominimin. Të dy djemtë shprehen se sërish nuk do mërziten se është pjesë e lojës e cdo gjë varet nga publiku, por për të tjerët thonë se sillen ndryshe në sy e ndryshe pas krahëve.

Enxhi sqarohet me Domenikën dhe Seldin
28/02/10 02:15

Domenika dhe Seldi, duke komentuar mbi pyetjet që iu bënë gjatë spektaklit nga Arbana dhe opinionisti shprehen se nuk i ngacmuan aq sa e prisnin, ndërsa Jetmirin e bënë “telef” fare. Seldi mendon se ai ia ka bërë vetes që të tjerët të sillen ashtu me të, kurse Domenika komenton klipin e Mirit kur ngacmonte Oltën dhe Pamelën. Domenika tregon se ai e kishte provuar dhe me të, por në klip nuk u shfaq. Seldi shprehet se Miri përvec këtyre, është edhe kontradiktor në ato që thotë dhe Domi e pohon këtë fakt duke shtuar se ai nuk dot a ketë shumë të gjatë qëndrimin në shtëpi. Ata diskutojnë edhe për lidhjen e Mirit me Rezin dhe shprehen se Miri e tha hapur se është vec një aventurë dhe se ajo për të nuk është as e para as e fundit. Për Rezartën ata habiten se si mund të jetë dashuruar me të për dy ditë, por nuk e hedhin posht simundësi. Më pas, të dy banorët flasin për raportin e tyr edhe për mënyrën se si shihet nga jashtë. Domenika mendon se mamaja e Seldit mund ta ketë marrë inat për cfarë ka ndodhur mes tyre, por Seldi i thotë se ajo ka mbajtur gjithnjë anën e vajzave dhe kështu që i ka dhënë të drejtë Domenikës. Sipas Domit, duhet mbajtur vec ana e atij që ka të drejtë. Duke diskutuar mbi këtë temë, ata thërrasin edhe Enxhin që të bashkohet me ta. Enxhi vjen dhe i sqaron për keqkuptimin e Domenikës që u krijua në lidhje me të dhe Seldin. Ajo tregon se me Seldin nuk është njohur më parë, thjesht kanë qënë diku të dy prezent dhe ajo, kur kishte ardhur ia kishte treguar këtë gjë. ajo tregon se Seldi po qëndronte me të dhe me Valonin e ndërsa bisedonin, ajo i dha opinionin se si interpretohej lidhja e tyre jashtë, ku Domi dominonte ndaj tij. “Që ai të do dhe ti e do, kjo gjë është e dukshme, po pse rrini akoma vec?”- i thotë ajo dy të rinjve. Domenika shprehet se Seldi duhej të ishte sqaruar më mirë me të për këtë gjë, por sërish thotë se Seldi ka bërë edhe gabime të tjera që i cuan deri në këtë pikë. “Jemi mirë kështu”- shprehet ajo, ndërsa Enxhi thotë se e pret që nga momenti në moment ata të kthehen bashkë.

Rezarta do të ruajë shoqërinë me Adën
28/02/10 02:23

Rezarta diskuton me Adën se nuk i pëlqen që të tjerët komentojnë lidhjen e saj me Mirin apo edhe që flasin për atë vetë. Ada mendon se kur jeton në një shtëpi të vogël e ku biseda është një ndër gjërat kryesore që bëjnë, është e paevitueshme që të flasin për njeri-tjetrin. Ajo thotë se edhe vetë Rezarta flet me të tjerët. Rezarta diskuton me Adën edhe marrëdhënien dhe shoqërinë që patën fillimisht. Rezi shprehet se evlerëson shoqërinë e tyre dhe është e kënaqur që ato lidhën shoqëri bashkë, një shoqëri që ajo i pëlqen pasi edhe vetë Ada i pëlqen. Ajo tregon se shoqëria e tyre i ka munguar këto ditë dhe shton se ka pritur që ajo të vinte e t’i fliste, por në të njëjtën kohë e kupton edhe pse ajo nuk ka ardhur t’i flasë. Rezarta i tregon se në shtëpi është vështirë të krijosh besim sepse të gjithë të thonë shoqe, por ndërkohë flasin pas krahëve. Ajo shprehet se Miri kështu ka menduar për Adën në lidhje me Rezin. Ada habitet sepse Miri deri pak ditë më parë i thoshte se kishte krijuar besim tek ajo dhe shton se besimin Rezarta e ka provuar kur i ka thënë dicka dhe ajo s’ia ka treguar askujt, ndërsa Miri përkundrazi ka folur me të gjithë. Rezarta ankohet se nuk po qëndron fare me Mirin pasi ai gjithë ditën rri me të tjerët dhe me të nuk i del koha të rrijë. “Unë kam shumë gjëra për t’u sqaruar me të e nuk po kam mundësi”- shprehet ajo. Ada e këshillon që të tregohet e qartë dhe korrekte me Mirin kur të sqarohen dhe i thotë asaj që t’i shijojë këto ditë me të. Vajzat diskutojnë edhe për lojën që u përfshi Rezi nga Miri dhe Enxhi.

Komente për Gracielën
28/02/10 03:10

Banorët janë mbledhur në dhomën e gjumit dhe diskutojnë për eleminimin e Gracielës ashtu edhe për të vërtetën e Klodit. Duke i lidhur të dyja historitë, Klodi shprehet se nuk i pëlqente ajo tendenca e Gracielës për të marrë vesh gjtihcka, sidomos tek loja me shishe, gjëra që ndoshta një njeri nuk donte t’i tregonte. Ai shprehet se fillimisht për Gracielën kishte krijuar një opinion shumë të mirë dhe ishte munduar që të shoqërohej me të, por ajo doli një person krejt ndryshe nga sa e kishte menduar ai. Klodi tregon se u kap disa herë me fjalë me Gracielën dhe se ajo i ka bërë disa gjeste ofenduese, ndërkohë që mund të ishin eleminuar këto sjellje prej saj kunddrejt tij. Ai mendon se bëri mjaftueshëm për t’iu afruar Gracielës. “Ne kemi ardhur për të luajtur e të gjithë do luajmë”- shprehet ai dhe thotë se cdo gjë është marrë parasysh para se të hynin. Ai tregon se në këtë lojë i ka përjetuar të gjitha, por në fund do dalin të gjithë. biseda vazhdon me temën e re të Klodit, thënien e të vërtetës së tij ku ai rrëfen sërish për momentin kur shkroi letrën dhe për mënyrën se si mund ta kenë pritur të afërmit apo publiku.

Seldi dhe Domenika në mëngjes
28/02/10 11:35

Seldi zgjohet ndër të parët nga gjumi. Edhe Hakiu, Edi e Bledi ngrihen ku secili merret me punët e veta personale. Banorët e tjerë janë në gjum. Seldi zgjat dorën për të kapur dorën e Domenikës e cila është në gjum. Të dy qëndrojnë për disa caste të kapur përdore. Më pas, Seldi ngrihet e shkon tek krevati i Domenikës ku fillon ta përkëdhelë për ta zgjuar. Ai duket shumë i menduar këtë mëngjes. Domenika nuk reagon, por kur zgjohet ngrihet nga krevati dhe largohet. Seldi mbetet i vetëm dhe duket i mërzitur.
Në kuzhinë, Hakiu ka përgatitur caj dhe ndërkohë lan edhe enët. Bledi e shikon dhe i thotë se nuk duhet të merret ai përditë me këtë gjë, pasi në shtëpi ka edhe banorë të tjerë të cilët nuk bëjnë asgjë. Hakiu merr si shembull Edin, por kur Bledi i thotë që ta diskutojë këtë cështje me të, ai ia kthen se si ai, ka plot të tjerë. Megjithatë ai shprehet se kur të mblidhen të gjithë për të bërë buxhetin, do ta hapë këtë temë dhe të diskutojnë për t’i ndarë punët. Domenika ankohet se djemtë bëjnë më shumë pis, ndërsa Hakiu i thotë se vajzat janë më dembele se ata. Bledi tregon se kur po pastronin pasqyrat, i kishte kërkuar njërës prej vajzave ta ndihmonte dhe ajo nuk kishte ardhur. “Ose t’i bëjmë të gjithë ose s’ka ndryshe”- shprehet ai.

Bledi flet me Domenikën për Seldin
28/02/10 12:17

Bledi pyet Domenikën se si po i ecin asaj punët me Seldin. Ajo nuk përgjigjet dhe Bledi më së shumti flet vetë. Ai i kthen vetë përgjigje vetes dhe thotë se mbrëmë situata u komplikua disi, duke patur parasysh gjatë spektaklit për klipin e Domenikës dhe Seldit e për komentet e tyre. Ai vazhdon të thojë se ajo mund të jetë zhgënjyer nga Seldi dhe duke u përpjekur që të japë disa alternativa, shton se ai mund të veprojë kështu nga papjekuria e moshës ose se ndoshta nuk e mendon vërtetë kështu (nuk e do Domenikën). Domenika flet dhe i thotë se të dyja arsyet i shkojnë ndërmend, por nuk vazhdon më tej sepse biseda kalon në lidhjet që ka patur ajo më parë. Ata dalin në kopsht ku bashkohen me Hakiun dhe Edin. Hakiu thotë se mbrëmja e djeshme ka qënë shumë e bukur për të, e gjatë e plot emocione. Ai tregon se u gëzua shumë kur pa fëmijët në klip, takoi të shoqen, shpëtoi nga eleminim e në fund nominimi sërish. Ata diskutojnë edhe për buxhetin dhe buxhetin personal që fituan nga loja. Edi dhe Bledi ndajnë punët e mëngjesit: njëri do merret me zgjimin e banorëve dhe tjetri me mëngjesin. Edi shprehet se sa më shpejt të ngrihen, aq më parë mund të bëjnë buxhetin e të marrin ushqimet, pasi u kanë mbaruar thuajse të gjitha.

Thashetheme për Jetmirin
28/02/10 13:20

Duke bërë brum për të përgatitur një kulac, Bledi i ndihmuar nga Eduardi, diskutojnë mbi banorët e tjerë. Bledi i tregon se Jetmiri një natë më parë i kishte thënë se atë (Bledin) e kanë nominuar se nuk ka qënë aktiv gjatë gjithë javës së kaluar, pasi është marrë vec me Oltën. Ai tregon se ia kishte kthyer se edhe ai po merret me të njëjtën gjë dhe shton se nuk po i kupton disa sjellje të banorëve duke menduar se ata mund të jenë xheloz ndaj tij dhe Oltës. Ai shprehet se edhe ata vetë i bëjnë këto gjëra, por nuk e kuptojnë dhe pastaj flasin për të tjerët. “Duhet parë si për veten tënde”- shprehet ai. Edi tregon se donte që t’u rrinte larg këtyre lloj lojërash, por në fakt i trokitën vetë në derë. Bledi thotë se Miri ose është kontradiktor, ose e bën për show dhe kujton disa pjesë të klipit që u shfaq gjatë spektaklit ku Miri shprehej se Rezi ishte dashuria e 2010.

Buxheti i javës
28/02/10 15:05

Klodi mbledh të gjithë banorët në dhomë e ndenjjes për të diskutuar dhe përgatitur buxhetin e javës. Ai u lexon paraprakisht udhëzimet për këtë javë dhe u kujton banorëve se buxheti i kësaj jave është reduktuar në masën pesëdhjetë përqind. Ai u thotë banorëve se duhet që të shënojnë në një letër emrin, vlerën e buxhetit personal që fituan nga loja dhe dëshirat se si duan t’i shpenzojnë ato para` pasi ky bonus është personal. Ata fillojnë të diskutojnë për blerjet që duhet të bëjnë për këtë javë, për ushqimet e nevojshme dhe produktet e tjera personale apo për pastrimin e shtëpisë. Ata fillimsht merren me plotësimin e listës për të gjithë banorët e më pas për dëshirat dhe buxhetin individual. Kur vjen momenti për të porositur cigaret, banorët gjithnjë do debatojnë. Valoni shpreh mendimin që njëri nga banorët, me buxhetin personal të blejë cigare për të gjithë banorët e tjerë e kështu të mos ngatërrohen për paratë e ushqimeve, por sërish nuk bien dakord për mënyrën se si do t’i shpenzojnë ato. ata vendosin që të dy buxhetet t’i bashkojnë në një. Pasi përfundojnë buxhetin, banorët debatojnë se disa preferenca të tyre nuk u shënuan në listë. Ata debatojnë me zë të lartë se cdo javë ndodh e njëjta situatë dhe asnjëherë nuk u dëgjohet zëri kur shprehin një ide apo dëshirë.

ariel · « **Pergjigju #123 Me:** Shkurt 28, 2010, 09:16:23 MD »

Ushqimet dhe sjellja e Banorëve
28/02/10 15:30

Teksa bëjnë buxhetin e javës, banorët diskutojnë me tone të larta për mënyrën e shpenzimeve dhe për produktet e blera. Bertina kërkon që të blejë një shampo, por kjo shkaton debat te banorët e tjerë të cilët duke qënë se do të kenë vëtëm 300 lekë për person në ditë, përveç buxheteve personale, kërkojnë që fillimisht të blejnë një herë produktet ushqimore më pas të tjerat. Kështu fakti që Bertina kundërshtohet për shampon, mes Bledit, Bertinës dhe Erionit nis një debat me tone të larta. Bledi refuzon kërkesën e Bertinës sepse ajo nuk ka buxhet personal gjë që ka acaruar vajzën e cila e ka bërë disa herë kërkesën për shampo, por banorët e kanë refuzuar vazhdimisht. Ajo thotë se kjo nuk është e drejtë. Në debat përfshihen edhe banorë të tjerë të cilët bëjnë komentet e tyre duke mbrojtur njërën, apo tjetrën palë. Erioni mbështet Bertinën dhe thotë "edhe Ada nuk ka buxhet personal, por cigaret e saj u porositën". Duke debatuar për ushqimet dhe buxhetin, banorët bëjnë kritika për shpenzimet pa kriter të ushqimeve gjatë javës së kaluar. Ndër të tjera Domenika u thotë banorëve që të paktën ditën e shtunë, ta mbajnë shtëpinë më pastër dhe të rregullt. Të njëjtin mendim ka dhe Hakiu, por edhe të tjerët. Të gjithë bëjnë kritika, por askush nuk pranon që të jetë përgjegjës për mosrespektimin e punëve, apo për shpërdorimin e ushqimeve nga ana e disa banorëve. Bledi nevrikoset dhe nis të flasë me tone akoma dhe më të larta. Ai flet me Klodin për Bertinën e cila sipas tij, ajo nuk duhet të kërkonte gjëra presonale kur nuk kishte buxhet personal. Bertina i kërkon që Bledi t’ia thotë gjërat në sy dhe ky i fundit nis përsëri debatin për shampon. Bertina i thotë se ajo kishte një muaj e gjusmë që bënte të njëjtën kërkesë dhe tashmë nuk do që të tolerojë. Bledi i thotë se ajo e ka lënë veten pas dore dhe më pas shton “ti fillo të bësh jetën tënde”. Kjo gjë acaron Erionin i cili nis të debatojë me Bledin duke i thënë se atij nuk i takon që të ndërhyjë në jetën e të tjerëve. Bledi thotë se e shikon Bertinën si anonim dhe Bertina ia kthen “Punë e madhe se ç'mendon ti”. Bledi dhe Bertina shkëmbejnë opinione dhe fjalë të ashpra ndërmjet tyre duke përfshirë edhe Erionin ku sipas Bledit, Bertina rri më tepër nën hijen e Erionit, ndërsa çifti kundërshtojnë mendimin e Bledit. Debati shpejt zgjerohet dhe përfshin edhe banorët e tjerë ku diskutimet tashmë bëhen për sjelljen e banorëve në dhtëpi dhe mungesën e lirshmërisë së të shprehurit.

Kika banorëve:“Ku është njohuria juaj?”
28/02/10 15:45

Në shtëpi banorët vazhdojnë të debatojnë ku kryesore janë pastrimi, punët e shtëpisë dhe sjellja e banorëve në shtëpi. Ai që nisi debatin ishte Bledi i cili debatoi me Bertinën. Gjatë kohës që ata debatonin banorët e tjerë ndërynin herë pas here duke bërë komentet e tyre ku Enxhi thotë që Bledi është i pari që po flet hapur. Ndërsa Klodi i thotë se disa nga banorët mundohen që t’i ndërpresin debatet duke iu referuar kryesisht Hakiut. Pas disa minutash debat Kika hyn midis banorëve dhe fillon të flasë më zë të lartë duke iu drejtuar banorëve të rinj kryesisht. Kika u thotë atyre se ata që kur kanë ardhur në shtëpi nuk kanë hapur një temë diskutimi, një debat “Ku është dituria juaj?” u thotë Kika banorëve të rinj. “Ju vini këtu, lëshoni një fjalë dhe ikni pastaj, po njohuritë tuaja ku janë?” vazhdon më tej Kika. Kjo nxit akoma më shumë nga banorët e tjerë të cilët kundërshtojnë. Enxhi thotë se ajo ka insituar që banorët të flasin dhe ka debatuar me të gjithë, por Kika i thotë se ai nuk i referohet atyre debateve, por bisedave për një temë të caktuar ku të gjithë të shprehin mendimet dhe dijet e tyre. Një pjesë tjetër e tyre thonë se banorët e rinj kanë ndryshur atmosferën në shtëpi. Jetmiri u thotë banorëve që të flasin me zë të ulët si njerëz të civilizuar, por debati vazhdon me tone të larta. Klodi i thotë Hakiut se ai kishte krijuar grup me Jetmirin, Gracielën, Erionin dhe Bertinën dhe për këtë arsye Klodi nuk kishte mundur të debatonte dhe t’i njihte ata. Kjo kundërshtohet nga Kika i cili i thotë Klodit se ai ia kishte dhënë mundësinë duke i hapur biseda në mënyrë që të njiheshin dhe të krijonin afrimitet mes tyre dhe mohon që mes tij dhe banorëve të tjerë ishtë krijuar një grup. Më pas të tre të nominuarit vazhdojnë diskutimet në dhomën e gjumit, ndërsa të tjerët vazhdojnë debatet në sallon ku protagonistët kryesorë janë Klodi dhe Bertina.

Bertina e prekur nga debatet, përlotet
28/02/10 16:45

Pas disa debateve të forta, banorët si gjithmonë nisin të komentojnë dhe të sqarohen me njëri-tjetrin për fjalët, apo veprimet e kryera gjatë debateve. Bertina dhe Erioni shkojnë në dhomën e gjumit ku vajza nis një diskutim me Klodin. Gjatë kohës së debateve, mes Bertinës dhe Klodit shkatohet një zënkë. Para disa kohësh Bertina i kishte kërkuar Klodit një opinion për Oltën dhe këtë gjë Klodi e thotë përpara të gjithëve duke i kërkuar Bertinës që t’ia thotë edhe Oltës në sy. Bertina, e kapur në befasi, i thotë Klodit se ajo nuk kishte dashur që të bënte thashetheme për Oltën, por qëllimi i bisedës së saj kishte qenë diku tjetër. Ajo mundohet të shpjegojë Klodin, por ky i fundit insiston në mendimet e tij pa i lënë mundësi vajzës që të shpjegohet. Klodi i thotë që të sqarohet me Oltën, por Bertina e cila me këtë të fundit nuk ka mardhënie të mira, largohet nga debati.
Tashmë Bertina dhe Klodi nisin një bisedë tjetër në dhomën e gjumit për të sqaruar zënkën. Klodi insiston në mëndimet e tij që Bertina duhet t’ia thotë gjërat hapur Oltës dhe jo të diskutojë për të me banorët e tjerë. Bertina nga ana tjetër, e kundërshton duke i thënë se ajo nuk kishte si qëllim të fliste për Oltën, por thjesht të njihte Klodin nëpërmjet disa prej mendimeve dhe opinioneve të tij. Teksa sqarohet Bertina preket dhe madje përlotet. E acaruar ajo i thotë Klodit “unë nuk i transformojë gjërat, unë çfarë kam i them” dhe përlotet pasi ndjehet e ofenduar nga disa shprehje të Klodit. Pas kësaj Klodi i thotë se ai nuk do që të çojë thashetheme sa andej, këtej dhe shton “unë nuk dua që ti të vuash për gjëra koti”. Më pas ata diskutojnë për shprehjet e përdorura gjatë debateve nga banorët në drejtim të Bertinës dhe anasjelltas, shprehje të cilat kanë prekur mjaft Bertinën.

ariel · « **Pergjigju #124 Me:** Mars 01, 2010, 04:41:18 MD »

Banorët organizojnë një mbledhje
28/02/10 17:22

Jetmiri thërret banorët që të mbidhen në sallon ku do të zhvillojnë të gjithë një mbledhje. Pasi ulen të gjithë,Jetmiri thotë se ai mendon që të vendosin disa rregulla për bashkëjetesën dhe për këtë duhet një diskutim transparent. Ai u kërkon banorëve që të bashkëpunojnë të gjithë për të bërë pastrimin e shtëpisë. Kështu nis edhe një herë diskutimi për punët e shtëpisë, por këtë herë me tone më të qeta. Të gjithë banorët japin mendimet e tyre duke theksuar nevojën e ndarjes së punëve dhe pastrimin me pjesëmarrjen e të gjithëve. Kryesisht banorët bien dakort me idenë e Jetmirit, por ka edhe nga ata që janë kundër. Kështu Domenika thotë se ajo nuk është dakort me idenë e Jetmirit sepse nuk do që të ndjehet e detyruar duke u shprehur, “unë dua t’i bëj punët kur ta ndjej, kur të më vijë se gjithmonë kështu i kam bërë”. Bledari përveç përkrahjes së idesë për ndarjen e punëve, shpreh shqetësim e tij për veprimet e banorëve dhe pakujdesinë e tyre në lënien e gjërave vend e pa vend. Mendimi për ndarjen e punëve dhe respektimin e radhës, përkrahet nga shumica e banorëve të cilët hedhin edhe një herë tjetër short për të ndarë punët e shtëpisë. Kështu ata ndajnë punët dhe “bledhja” pasohet nga diskutime dhe komente në lidhje me çështjen në fjalë.

Rezi:“Miri, të lutem mos më lëndo”
28/02/10 19:33

Pas një kohe të gjatë qëndimi në distancë, Jetmiri i afrohet Rezartës dhe e pyet se çfarë ka që rri e mërzitur. Rezarta i thotë se ajo nuk ka asgjë, por sipas vajzës, është Jetmiri ai që ka diçka pasi i ka qënduar gjithë ditën larg. Jetmiri ulet pranë saj në sallon dhe të dy nisin të bisedojnë për mardhënien e tyre. Teksa vajza flet, Miri qëndron i heshtur duke e parë dhe Rezarta e pyet se përse e shikon në atë mënyrë. “Nëse ka diçka që nuk shkon, ma thuaj” i thotë Rezi dhe më pas shton se mes tyre mungon pak komunikimi. Duke qënë në kontekstin e një loje, ajo thotë se do të mundohet që të presë ndërsa Jetmiri nuk bisedon me të apo i qëndron larg. Ndër të tjera Rezarta i thotë Mirit “sido që të shkojë loja, veç të lutem mos më lëndo”. Më pas ajo shton “nganjëherë nuk e kuptoj a jena bashkë, a jo” dhe pasi Jetmiri e pyet “përse” Rezi shpjegon “sepse ti je shumë larg”. Më pas vajza i thotë Mirit se ajo e kupton që ai është në një lojë dhe e këshillon që të mos provokohet nga ato që i thonë të tjerët sepse ajo vetë nuk i merr parasysh fjalët dhe opinionet e tyre. Kështu të dy diskutojnë për sjelljen e tyre në shtëpinë e BB. Më pas diskutimi zhvillohet përreth lidhjes së tyre. Jetmiri i thotë Rezit se ai nuk po e kupton se përse ata të dy po i japin njëri-tjetrit shumë besim dhe më pas e pyet “Çfarë mendon se na lidh ne të dyve?” dhe Rezi i përgjigjet “ndoshta ka të bëjë edhe fiziku”. Më pas Jetmiri e pyet nëse Rezi do të pranonte që të lidhej me të, nëse do të ishin jashtë dhe Rezi i përgjigjet “Po”. Jetmiri fillon të flasë për lidhjen që ai ka pasur jashtë dhe sjelljen e tij në këtë lidhje duke theksuar se do që vajzës që ka pranë, t’i tregojë fillimisht të metat e tij dhe pastaj anët e mira, për të kuptuar nëse vajza e pranon atë si person. Të dy të rinjtë flasin për ato që kërkojnë dhe që duan të japin në një lidhje për një kohë të gjatë, ndërsa të tjerët bisedojnë për të hapur një temë debati.

Jetmiri:“jam ndjerë i provokuar nga Olta”
28/02/10 21:34

Banorët organozojnë një lojë ku Enxhi këndon dhe përdor emrin Nina e cila do të luante rolin e një protagonisteje ne një emision. Gjatë lojës Jetmiri dhe Rezarta ndërpresin bisedën e tyre dhe bashkohen me banorët e tjerë. Loja mbaron dhe banorët nisin të bëjnë komentet e tyre. Rezarta pyet Domenikën për mardhënien e Jetmirit me Oltën duke u nisur nga një klip ku Domenika fliste për Oltën që provokonte djemtë. Domenika shpjegon se kjo nuk kishte lidhje me Mirin, por ishte vetëm një rast nervozizmi i Domenikës dhe thënia e saj është keqkuptuar. Olta thotë se ka qenë Jetmiri ai që ka thënë se ndjente për Oltën duke u shprehur “Miri ishte ai që kishte thënë se Olta i shkaktonte të dridhura”. Rezarta mbron Jetmirin ndërsa Olta dhe Domenika e sqarojnë se Olta nuk ka pasur ndjenja të tilla për Jetmirin, por ka qenë Miri ai që i është afruar gjithmonë Oltës. Më pas Rezarta shkon në tavolinën e ngrënies dhe bisedon me Jetmirin për mardhënien e tij me Oltën. Miri i thotë se ai e kishte deklaruar në shtëpi së me Oltën po bënte lojë dhe kjo do të dalë me kalimin e kohës. Rezarta e pyet për klipin që u transmetua gjatë spektaklit ku Jetmiri ishte protagoniste mes vajzave. Jetmiri shpjegohet se ka qenë vetëm lojë, “unë e bëra atë të mendonte se unë mdjeja për të” thotë ai duke iu referuar Oltës. Më pas ata diskutojnë duke vënë përballë shprehjet e Oltës dhe të Jetmirit. Jetmiri thotë se ai është ndjerë i provokuar nga Olta. “Mua më ka provokuar. Atë që bëri me Erionin, e bëri edhe me dikë tjetër, por me mua nuk i doli loja” i tregon Miri Rezartës dhe i kërkon që ajo t’ia lërë përgjigjet kohës sepse sipas tij, koha do t’i vërtetojë të gjitha. Më pas të gjithë ulen në tavolinën e ngrënies dhe nisin të hanë darke duke mbyllur bisedën që ngjalli debate dhe thashetheme edhe te banorët e tjerë.

Kika:“Nominohen ata që kan ç’të japin, mbetet llumi”
28/02/10 21:54

Bertina është e mërzitur dhe po qëndron e vetme jashtë, ndërsa të tjerët hanë darkë. Ajo është mërzitur për debatet që pati kryesisht me banorët e rinj, gjatë kohës së planifikimit të buxhetit. Jashtë del Kika dhe bisedon me vajzën për sjelljen e banorëve të rinj në shtëpi. Bertina thotë se tashmë në BB nuk është më ajo mardhënia që ka qënë dikur ku banorët që sqaronin keqkuptimet që kishin, por tashmë ka vetëm provokime e intriga. Bertina thotë se banorët e rinj duket se u kanë shpallur luftë atyre më të vjetërve, por po dalin mashtrues sepse po u çirren maskat. Hakiu përkrah mendimet e vajzës duke thënë se ai është munduar që të afrohet me ta, që të mos ndjeheshin të huaj, por në fund është nominuar prej tyre. Bertina thotë se tashmë nuk ekziztojnë më sqarimet, por në shtëpi ka vetëm provokime të cilat ndikojnë dhe për keq në puplik. Kika i jep kurajo vajzës dhe i thotë se e rëndësishme është që të sillësh mirë gjatë nominimit që publiku të shohë të mirat. Më pas ai shprehet se është i friksuar, pasi këtë herë janë të nominuar kandidatë të fortë duke u shprehur “janë nominu njerëz që kanë ça të japin dhe ka mbet ai llumi”. Dhe Bertina thotë se loja në BB ka marrë një drejtim të gabuar ku kandidatët e fortë po eleminohen, ndërsa ata që sipas saj nuk e meritojnë, vazhdojnë të jenë të qetë në shtëpi.

Jetmiri dhe Rezarta luajnë
01/03/10 00:05

Jetmiri dhe Rezarta luajnë me njeri-tjetrin. Është Rezarta ajo që shkon e para e i afrohet Jetmirit dhe fillon ta ngacmojë me duar. Ai bën të vështirin, por ajo e provokon me cfarëdolloj mënyre që ai mos t’i rezistojë. Kur ajo i thotë se e do, ai ia kthen me shaka se nuk e do, ndërsa ajo, duke vazhduar lojën, i thotë se do ta dhunojë e nuk do pyesë fare për ligjin. Të dy vrapojnë rreth një tavoline, ku njera për ta kapur e tjetri për t’i shpëtuar. Pranë tyre vjen edhe Bledi me Erionin ku i ngacmojnë për veprimet e tyre. Erioni i tregon Mirit se e dashura e tij, pak më parë po kërcente me Valonin dhe kur ai i kishte thënë se do tregonte, ajo i ishte përgjigjur “vetë Miri ka thënë se jemi cift i hapur”. Jetmiri nuk e merr aspak seriozisht këtë shprehje, por vazhdon të luajë me Rezartën dhe i thotë se gjithë kjo energji e saja me siguri ka ardhur nga birrat që ka pirë. “Unë nuk mund të të jepem kaq lehtë”- i thotë ai me shaka e dy të rinjtë vazhdojnë të luajnë për disa minuta, derisa Miri përgatit një kafe e del për të pirë cigare në kopsht, ndërsa Rezarta mbetet e vetme në dhomën e gjumit.

Bertina dhe Erioni të mërzitur
01/03/10 00:20

Erioni dhe Bertina, edhe pse qëndrojnë të dy në kopsht, mbajnë distancë nga njeri-tjetri. Në kopsht me ta ndodhet edhe Eduardi e tre të rinjtë pinë cigare. eduardi vë re që dicka nuk shkon mes ciftit, por pret momentin kur Erioni largohet për pak caste dhe e pyet Bertinën lidhur me këtë gjë. ajo i thotë se kanë nja dy gjëra të vogëla duke nënkuptuar se u ka mbetur qejfi me njeri-tjetrin. “Duhet të mbaj pozicionin që më takon që të arrij të kuptoj disa gjëra”- shprehet ajo duke iu referuar Erionit. Edi interesohet për gjendjen e tyree pyet nëse është xhelozi, por Bertina i tregon se kjo situatë ka që mbrëmjen e kaluar dhe sot u thellua edhe më shumë dhe se nuk ka lidhje me xhelozinë. Biseda e tyre merr fund pasi kthehet Erioni e pas tij vijnë edhe banorët të tjerë e në tavolinë hapen tema të ndryshme. Ata diskutojnë për lashtësinë, fenë, jetën e përtejme, ekzistencën e Zotit dhe zhvillimin e shkencës në ditët e sotme ku secili banor jep mendimin e vet dhe tregon njohuritë e veta për këto cështje.

Një surprizë romantike për Domenikën
01/03/10 00:50

Enxhi është duke përgatitur një surprizë për dikë. Ajo rend nëpër shtëpi e duke marrë sende të ndryshme të nevojshme për të arritur qëllimin e saj. asnjë nga banorët nuk po e kupton se cfarë po bën dhe hamendësojnë disa alternativa ku më kryesorja është ajo e përgatitjes së një surprize për Jetmirin. Ajo bashkëpunon me Seldin, pasi të dy po i përgatisin një surprizë Domenikës, por me nismën e saj. seldi përgatitet edhe vetë, vishet bukur duke marrë edhe mendimin e Enxhit dhe të Klodit. Sipas planit, Seldi i thërret Domenikës e cila është duke hekurosur në tualet dhe e fton që të dalin jashtë në kopsht për të diskutuar disa gjëra. Enxhi që shkon pas tij, insiston që rrobat e Domenikës i vazhdon ajo. Ata dalin në kopsht ku Domenika befasohet nga surpriza për të. Ata ulen vec në një tavolinë në kopsht ku mbi të ndodhen disa qirinj dhe gota të mbushura me birrë, një atmosferë romantike. Domenika duket e kënaqur nga kjo gjë. seldi i thotë se të gjitha i ka bërë me ndihmën e Enxhit dhe shton se të dy, ai dhe Domenika, do sillen si dy miq e do bëjnë biseda si mes miqsh. Seldi shprehet se Enxhi është një vajzë shumë e mirë dhe me të i ka sqaruar të gjitha e i ka shprehur gjithcka që mendonte për të. Domenika thotë se po i pëlqen kjo surprizë e Enxhit dhe se e vlerëson për këtë gjë. përvec bisedave të përgjithshme, Seldi nuk reziston pa diskutuar edhe situatën që është krijuar mes tyre dhe lidhjen që kishin, ai shprehet se edhe pse kanë mbetur miq dhe qëndrojnë kaq afër, kjo nuk do të thotë se mes tyre s’ka më ndjenjë e përfundon me aq. Ajo ia kthen se i pëlqen se si janë tani, kështu miq. Seldi i sjell rrotull se dëshiron që të lidhen sërish dhe të dy flasin me simbolizma si për momentet që kanë jetuar ashtu dhe për ato që mund të jetojnë, por pa i dhënë një rrugëzgjidhje gjendjes së tyre.

Edi dhe Ada, për afrimin me banorët
01/03/10 01:30

Eduardi dhe Ada, duke e nisur bisedën në vija të përgjithshme për mënyrën e jetesës që bëjnë, diskutojnë edhe për mënyrën se si po afrohen me të tjerët, ku kryesisht në qëndër të bisedës është afrimi i Adës me të tjerët. Edi i thotë se ajo nuk është afruar shumë me të tjerët, por Ada ia kthen se ashtu sikurse ajo nuk është afruar, edhe të tjerët nuk janë afruar të flasin me të. Edi, duke i bërë një krahasim se cdo njeri indukton energji te të tjerët, qoftë pozitive qoftë negative e nga kjo krijohet një ide për cdo person, i thotë se ai për të krijuar një mendim sikur ajo ka një tip të ftohtë. “Më duket sikur kam një barrierë përpara teje, kjo pa dashjen tënde, e nuk të afrohem dot”- shprehet ai. Sipas Adës, kjo ka ndodhur vec me disa persona sepse me disa të tjerë ka arritur të krijojë një marrëdhënie. “Kjo mund të jetë një përshtypje që u jap njerëzve, por brenda jam komplet ndryshe”- shprehet ajo. Ada thotë se të njëjtën përshtypje ajo ka krijuar për Bertinën dhe Edi, duke marrë shkas nga kjo, i thotë se duke parë një veprim tek një person tjetër, mund ta rregullosh tek vetja. Ai shton se po ia thotë këtë gjë për të mirën e saj dhe Ada i vlerëson këto fjalë të Edit. Ajo tregon se edhe Graciela ia kishte thënë këtë gjë, por shton se me Gracielën ndërkohë kishte bërë mjaft biseda, por sërish raporti nuk ishte përmirsuar. Sipas saj kjo mund të ketë ardhur nga debatet që kanë patur, por sipas Edit, ndryshon kur thjesht e pyet një njeri për ta njohur dhe ndryshon kur ke vërtetë dëshirën për ta njohur një person. Ata diskutojnë për mundësinë që u kanë krijuar banorët e tjerë për të njohur njeri-tjetrin, por edhe për lojën që po luajnë të gjithë banorët. Sipas Adës, secili e ka mendjen se si të dalë në qendër të vëmendjes e jo të njohë realisht të tjerët. Ata diskutojnë edhe për lojën e Mirit me Enxhin dhe Rezartën ku ajo tregon se nuk i pëlqeu aspak dhe u ndje e tradhëtuar nga ata. Duke folur për Rezartën, Edi tregon se e ka falur atë, por shton se mes tyre nuk mund të jetë më i njëjti raport. Edhe Ada e mendon kështu madje shton se edhe nga ana e Rezit nuk do jetë më e njëjta gjë. ajo e këshillon Edin që të mos i lërë të tjerët që t’i shkaktojnë dhimbje dhe thotë edhe se nga këto ngjarje, mëson në jetë.

Thashetheme për Bertinën
01/03/10 02:03

Katër të rinjtë, Bledi, Olta, Klodi dhe Domenika bëjnë thashetheme për Bertinën. Sipas tyre, ajo është xheloze për veten, jo për Erionin dhe cdo gjë e bën për të qënë në qendër të vëmendjes. Ata tregojnë disa raste kur ajo e ka shprehur hapur këtë gjë me anë të veprimeve. Sipas Oltës, ajo nuk komplimentohet nga asnjë dhe ndaj për këtë i vjen inat. Klodi tregon për zënkën që patën gjatë bërjes së buxhetit të javës. Ai tregon se i erdhi shumë inat me Bertinën pasi ajo nuk shënoi një artikull, kos, kur ai ia kërkoi, por shënoi krem për duart. Ai mendon se ushqimi është kryesor dhe është për të gjithë e ndaj është më i rëndësishëm se dëshirat vetjake. Të katërt banorët mendojnë se Bertina është egoiste dhe cdo gjë e mendon vec për veten e vet. Olta jep një shembull kur hëngrën darkën një natë më parë dhe citon fjalët e Bertinës “unë do ha dhe nuk pyes për asnjë njeri”. Sipas Bledit, ajo do vec të krijojë ambientin e vet e ndaj ka sjellje të tilla prej egoizmi. “Ajo bën cdo gjë vec për të rënë në sy”- insiston Olta dhe Domenika e pohon, ndërsa Olta shton se ajo ka ardhur me idenë se në shtëpi nuk do kishte asnjë rivale. Ata flasin edhe për lidhjen e saj me Erionin e Olta mendon se lidhja me të, ishte guri i vetëm që mund të bënte ajo në shtëpi. Pranë grupit vjen edhe Enxhi dhe biseda devijon tek fjalët që Miri ka thënë për Oltën se ajo e pëlqen. Enxhi i tregon disa nga gjërat që i ka thënë Miri dhe thotë se fillimisht, gjatë një bisede serioze me të, ai nuk ka thënë asnjëherë se Olta e ka provokuar apo ai ngacmoi Oltën, por këto biseda e thashetheme më shumë kanë ardhur nga të tjerët se sa ai. Ajo flet me nënkuptime dhe banorët e mbështesin se dhe ata i kanë dëgjuar se Bertina dhe Graciela mund të kenë më shumë gisht në këtë histori, por shton se do vijë një moment që letrat do hapen në tavolinë e do ndodhin përballje.

Ada e preokupuar për përshtypjet që jep
01/03/10 02:22

Adës i kanë mbetur në mendje fjalët që i tha Edi dhe kur gjen momentin, e bisedon këtë gjë me Bledin. Ajo i tregon se cfarë kishte diskutuar me të dhe pyet nëse vërtetë e jep këtë ide sikur vendos një barrierë. Bledi ia pohon këtë gjë dhe arsyeton se kjo vjen pak nga fizionomia e gojës, pak se nuk buzëqesh shpesh, nga serioziteti në biseda dhe e përgjithëson se i mungon karizma. Ada e pyet nëse atij i ka dhënë këtë përshtypje dhe tani që e nje si i duket. Bledi i përgjigjet se fillimisht i kishte dhënë atë përshtypje, por më pas, pasi e njohu e kuptoi vërtetë tipin e saj. ai shton se shpesh, ajo i merr gjërat shumë seriozisht, edhe gjëra të vogla. Ajo merr si shembull lojën e Rezit dhe Bledi shprehet se nuk e kuptoi se përse shkoi të qante, se fundja ai nuk e ka aq shumë shoqe, por Ada shprehet se u ndje e tradhëtuar. Bledi, duke diskutuar për mendimin që krijohet për një person duke e njohur, merr si shembull raportin e tij me Valonin dhe tregon se edhe ai e ka zhgënjyer jasht mase, madje dita ditës e shton më shumë. Ai tregon se Valoni u shpreh se jashtë nuk ai person që sillet këtu e sipas Bledit, ky mendim i është fiksuar e nuk do ndryshojë pasi pak a shumë e kuptoi natyrën e tij. “Për të dalë nga situata, ai filloi ta zbukuronte”- shprehet Bledi për Valonin. Ai thotë se këtë radhë Valoni shpëtoi nga nominimi, por nëse do jetë edhe javës tjetër, ka ndërmend që ta nominojë sërish. Edhe Ada shprehet se donte ta nominonte që këtë javë, por në fund vendosi që ta nominonte herë tjetër.

Thashetheme për grupin tjetër
01/03/10 03:47

Bertina, Erioni, Jetmiri, Rezarta dhe Hakiu jnë mbledhur të gjithë bashkë në dhomën e gjumit. Ata diskutojnë për tema të ndryshme, por edhe bëjnë thashetheme për banorët e tjerë. Bertina shprehet se Klodi nuk është ai tipi i mirë që pretendon Miri, por është shumë i djallëzuar. Ajo mendon se ai luajti shumë bukur në javën kur ishte në nominim, pikërisht që të mos dilte. Bertina i kujton Mirit gjithashtu se edhe për “shoqen” që kishin diskutuar më parë, ka filluar që t’i vërtetojë të gjitha mendimet që kishte krijuar, ndërsa Miri shprehet se ende nuk i ka parë këto gjëra. “Nuk më duket akoma e rrezikshme”- shprehet ai dhe në zërin e tij vihet re një hije dyshimi, por Bertina thotë se njeriu duket nga sytë dhe e siguron Mirin se është e bindur për këtë gjë. Hakiu ndërhyn dhe i drejtohet Mirit duke i thënë se s’duhet t’i duket cudi, pasi është bërë plani që këtë javë të sulmojnë atë (Hakiun). Miri habitet fare dhe nuk e beson duke thënë se shënjestra është bërë ai e jo Kika. Hakiu nuk e vazhdon, por vec thotë se kjo gjë do duket, ndërsa Miri, duke argumentuar se është ai në qëndër të sulmit të javës, tregon se menjëherë ata sulmuan Rezartën, pikërisht për ta sulmuar atë indirekt. Edhe Erioni thotë të njëjtën gjë se po sulmojnë Bertinë në vend të tij. Miri tregon se Ada nuk i ka pëlqyer asnjëherë dhe për më tepër nuk i pëlqen që është bashkuar me Oltën. Ai thotë se ato iu kthyen kundër Rezit sapo ata u lidhën dhe pas lojës që bënë, ndërsa Rezi shton se ato u viktimizuan menjëherë pas asaj loje. Miri shprehet se e kapi menjëherë situatën dhe reagoi me Enxhin duke thënë për të se është e paparë, ndërsa Bertina thotë se Enxhi kthehet nga fryn era. “Unë nuk dua që Enxhi të rrijë me to se ndryshe ma kthyen kundër”- thotë Miri, ndërsa Rezi mendon se ajo është budallaqe dhe ia nxjerr fjalët kollaj kur e pyet. “Ajo është djalli vetë!”- thotë Miri dhe këtë e pohon edhe Erioni.

ariel · « **Pergjigju #125 Me:** Mars 01, 2010, 04:43:58 MD »

Ada dhe Olta tregojnë që askush aty nuk i njeh në brendësi
01/03/10 13:42

Ada dhe Olta janë zgjuar dhe po pinë kafenë e mëngjesit bashkë. Ada i tregon për natën që ka hyrë në shtëpinë e Big Brother dhe në momentin që ishin vetëm dy metra larg, ishin banorët ata që duhet të vendosnin për fatin e tyre. Ada i thotë që ajo jep tjetër përshtypje kur prezantohet për herë të parë, dhe është tërësisht tjetër person kur e njeh mirë. Olta i tregon që dhe asaj shpesh herë pa e njohur i vënë epitetin mëndjemadhe dhe kjo ka ndodhur që në shkollë të mesme e më pas në universitet, por ajo shton që kur e njohin po ata persona që kanë menduar se ajo është mendjemadhe, pohojnë të kundërtën.
Ada thotë brenda këtij konteksti që ajo është munduar disa herë të bisedojë me Jetmirin, por asnjëherë nuk ka qëlluar që të jenë vetëm apo të çojën një bisedë deri në fund. Ada shprehet që ajo mund të bëhet shumë mirë pjesë e shoqërisë së tij, por kjo nuk do të thotë që ajo duhet të jetë nën drejtimin e tij. Olta është shprehur që kjo është një ndër gjërat që nuk pëlqen tek Miri. Ada përgjigjet që ajo ia ka bërë të qartë të gjithëve që paçka që ajo mund të këtë miqësi më të ngushtë me dikë, kjo nuk do të thotë që ajo s’do të rrijë me të tjerët. Dy vajzat flasin për lojën e Jetmirit dhe Enxhit dhe qëllimin e tyre për të parë reagimin e të tjerëve. Ata mendonin që duke u futur të dy në tualet do të zgjonin vëmendjen e të tjerëve dhe do t’i bënin që të flisnin për to. Olta thotë që ata nuk ia kanë arritur qëllimit të tyre, por kanë menduar se ajo është bërë xheloze për lidhjen e Mirit dhe Rezit. Olta thotë që kjo nuk është e vërtetë dhe nuk i kupton fare këto mendime. Ada shprehet që ajo ka pritur nga Rezi që t’ia tregonte lojën meqënëse ato i kanë disa kofidenca, ashtu siç Enxhi ia tregoi Klodit. Por Miri i ka thënë që nuk e ka lënë ai Rezin t’i tregonte asaj. Më pas Ada shprehet se banorët kanë krijuar një mur në marrdhënie me të dhe nuk kanë kërkuar të dinë asgjë nga jeta e saj jashtë. Dy vajzat theksojnë që ato kuptohen mirë bashkë pasi kanë një origjinë, ndërsa me të tjerat e kanë më të veshtirë komunikimin.

Klodi insiston për rregull në shtëpi
01/03/10 14:03

Klodi, Edi dhe Bledi janë të parët djem që janë aktivë në shtëpi në këtë mëngjes. Ata janë të tre në kuzhinë dhe po pregatisin se çfarë do të hanë për mëngjes. Bledi shpreh një preferencë të tijën dhe Klodi i thotë që ka plot gjëra të tjera dhe pse Bledi pikërisht do të hajë vezë. Ky reagim i Klodit ka qënë si pasojë që ai donte të pregatiste mëngjesin për të gjithë dhe e kishte menduar se çfarë do të bënte. Klodi i ka thënë që nuk i duket shumë normale pasi ata vetë kanë thënë që të vendosin rregull në shtëpi. Edi është përgjigjur që ai ka qënë i pari që e ka kërkuar këtë gjë të zbatohet por nuk duhet marrë shabllon pasi askush nuk mund të ndalojë dikë tjetër nga të ngrënit e asaj që do. Biseda mbyllet këtu për momentin dhe secili vazhdon punën e tij.
Pak më vonë, pasi dhe pjesa më e madhe e banorëve janë zgjuar, biseda për mirëmbajtjen e shtëpisë hapet dhe njëherë. Ada thotë që ata e shpenzojnë gjithë pasditen duke bërë punë, në vënd që mund t’i bëjnë kur zgjohen nga gjumi. Ajo ankohet gjithashtu për faktin që një pjesë e banorëve nuk bëjnë asnjë punë. Seldi i përgjigjet që nuk ka problem pasi për një apo dy persona, ata nuk mund të mos e pastrojnë fare shtëpinë duke ndenjur në shpresë së tyre. Më pas Klodi i thotë që është shumë kurioz se kush do të marrë pjesë në pastrim sot, pasi kur kanë qënë të gjithë prezent kanë pohuar që do të bëjnë punë. Ai vazhdon të pohojë që kush nuk është i gatshëm të japë një dorë aty, do të thotë që nuk ka rregull as në jetën jashtë, pasi çdo ambjent funksionon me rregulla.

Miri tregon për motrën
01/03/10 15:10

Kika, Rezi dhe Miri ndodhen në kuzhinë pasi këta dy të fundit po hanë mëngjes. Kika i thotë që i është bërë qejfi kur e ka parë Jetmirin të emocionuar, aq sa nuk arrinte të lexonte më zë të lartë as letrën që ia kish dërguar e motra. Jetmiri i thotë që ai është shprehur që në fillim për motrën e tij që nuk do të flasë fare sepse ai është njeriu më i rëndësishëm për të në botë. Ai tregon që vetëm atë motër ka dhe e ka rritur vetë. Ai i thotë Kikës që ashtu siç ndjehet krenar ai për fëmijët e tij, dhe Jetmiri ndihet si baba për atë.
Ndërkohë në dhomë ndodhen Seldi dhe Domi. Kjo e fundit po bën make-up dhe Seldi i qëndron pranë. Ai i thotë që këto ditë ajo po merret shumë me veten dhe po merr kohë që të mendohet. Ajo vetëm pohon me kokë dhe vazhdon punën e saj.
Që nga tualeti dëgjohet zëri i Bertinës që thërret Enxhin dhe Domi thotë që ajo e acaron shumë, pasi Bertina nuk ka me kë të merret e për më tepër kujt t’i bërtasë dhe thërret Enxhin.

ariel · « **Pergjigju #126 Me:** Mars 02, 2010, 01:33:29 MD »

Ada nuk ka frikë nga nominimi
01/03/10 15:31

Rezi dhe Ada kanë qëndruar në dhomë dhe kanë biseduar së pari për mënyrën si është ndjerë Rezi natën e së shtunës. Ajo thotë që është ndjerë në siklet më tepër për keqkuptimin e pyetjes së bërë nga Arbana javën e kaluar. Ajo pohon se ajo e ka marrë në tjetër sens pyetjen dhe ka dhënë një përgjigje që për të tjerët ka shkaktuar shumë çudi. Ada i thotë që ajo nuk duhet të shqetësohet pasi këto janë situata që do t’i kalojnë të gjithë, ashtu siç javën e kaluar ishin në qendër të vëmendjes Bertina dhe Olta.
Më pas Ada shprehet se do t’i vijë keq nëse do të largohet Bledi këtë javë. Ajo vazhdon të thotë se nuk mendon se do të dalë pikërisht ai, por dhe mund të ndodhë. Rezi shprehet që ka menduar se këtë javë do të ishte në nominim pas gjithë atyre debateve që kanë ndodhur nga loja dhe nga lidhja me Mirin. Rezi thotë që ka qënë me fat që Klodi ka zgjedhur zarfin me emrat e djemve për t’u nominuar. Po ashtu dhe Ada mendon që ajo do të jetë në nominim këtë javë por Rezi i thotë që ajo nuk ka debatuar me askënd dhe nuk ka pse të jetë. Ada shprehet që ajo nuk e ka problem dhe po të jetë në nominim, ndërsa Rezi i përgjigjet që ajo në Big Brother ka ardhur sikur po shkon me pushime dhe jo në lojë. Ajo tregon që nuk ka ardhur me strategji dhe me mendimin për të krijuar klane dhe grupime. Ajo thjesht do t’a shijojë këtë aventurë të bukur.

Jetmiri: “Enxhi ka folur mbrëmë në gjumë”
01/03/10 16:45

Enxhi, Miri dhe Kika kanë qëndruar në kopësht dhe kanë biseduar. Jetmiri i ka thënë Enxhit që ajo është djalli vetë dhe ajo i përgjigjet që ajo e di këtë. Kika i ka treguar që ata kanë një plan për të sonte por Miri i thotë që nuk duhet t’ja tregonte. Kika shprehet se ai nuk i ka treguar se çfarë do të bëjnë por thjesht e ka paralajmëruar. Jetmiri merr situatën në dorë dhe i thotë që ajo ka folur mbrëmë natën në gjumë dhe ai është zgjuar për t’i bërë disa pyetje dhe ka marrë përgjigjet që ka dashur. Ajo shprehet që nuk flet ndonjëherë në gjumë por Miri i përgjigjet që mbëmë ka ndodhur. Enxhi thotë që nuk beson të ketë folur në gjumë, por më pas duket se bëhet kurioze pasi Jetmiri po ia mbush mendjen. Kika shprehet se ajo mbrëmë ka thënë që lojtarët e vjetër nuk e kanë zbuluar veten dhe Miri i thotë “nuk ka problem sepse u zbuluan të rinjtë mbrëmë”. Enxhi përgjigjet që e ka menduar këtë duke u nisur nga Klodi me të cilin nuk rrinte asnjë në fillim, por kur e panë që ishte konkurent i fortë iu afruan të gjithë. Ndërsa për veten Enxhi thotë që asaj nuk i ka munguar shoqëria brenda shtëpisë dhe Jetmiri ka qënë i pari që i është afruar. Kika i përgjigjet që ai e di që nuk e ka pritur mirë ardhjen e banorëve të rinj, por është munduar që ta shlyejë këtë gabim. Jetmiri shprehet që ai është shtirur me të gjatë gjithë kohës dhe ajo mund ta nominojë po të dojë, dhe ajo i përgjigjet që do ta nominonte vetëm për arsyen që të dilte jashtë sa më shpejt dhe të sqarohen vërtet.
Ajo i tregon që mbëmë Valoni i ka ledhatuar kokën dhe ajo nuk e ka kuptuar kush ishte. Më pas Jetmiri i thotë “kur po i ledhatohej koka, ajo ka përmendur një emër”. Enxhi i përgjigjet që ajo e di se çfarë ndjen dhe Jetmiri i thotë që emrin e personit që ajo ka përmendur do ta zbulojë shumë shpejt dhe do ta plasë bombën. Ata e lënë bisedën përgjysëm pasi Jetmiri largohet dhe Enxhi pyet Kikën se çfarë emri ka përmendur. Ai i përgjigjet që nuk e di dhe ajo thotë që po i pëlqen dhe kjo anë e dobët që ajo po tregon.
Më tej Enxhi i ka treguar Oltës për këtë situatë dhe ajo i thotë që është fiksuar pas Jetmirit, i pëlqen shumë dhe merr adrenalinë kur është pranë tij. Olta duket se mbetet e çuditur nga kjo deklaratë dhe i thotë që të ulet me këmbë në tokë.
Enxhi shkon në kopësht ku ndodhen djemtë dhe duke i rënë bisedës anës e anës i thotë që ajo po ndjen për herë të dytë diçka shumë të bukur dhe do t’i pëlqente nëqoftëse do ta përjetonte vërtet.

Domenika:“Jetmiri nuk e ka të gjatë në BB”
01/03/10 18:19

Domenika, Olta dhe Klodi qëndrojnë ulur në sallon dhe bisedojnë me njëri-tjetrin. Ata flasin fillimisht për veshjen dhe grimin e vajzave dhe më pas nisin thashethemet. Domenika thotë se Valoni ka një sjellje mjaft arrogante. Të njëjtin mendim ka edhe Klodi. Pas disa minutash Klodi largohet dhe Domenika vazhdon bisedën e saj me Oltën. Tashmë ato bëjnë thashetheme për Jetmirin dhe marëdhënien e tij me Kosovarët e shtëpisë. “Epo u bë dhe labi të zërë tre kosovarë” thotë Domenika dhe të dyja flasin për ndryshimin e pozicionit të Jetmirit kundrejt Kikës dhe banorëve të tjerë në shtëpi. Pas një largimi dhe debati, ka ndodhur që Jetmiri është afruar përsëri me Kikën. Afrimitetin me kosovarët e BB, Jetmiri e ka përforcuar me lidhjen e tij me Rezartën dhe shoqërinë e krijuar me Valonin. Vajzat thonë se Jetmiri po bën lojë me ta për të marrë përkrahjen e publikut Kosovar. “Ky ça s’thoshte për Kikën tani shi si bën, po do i dalin të palarat avash, avash. Do shohim klipet” thotë Domenika dhe Olta miraton mendimin e saj. Përveç lojës së Jetmirit, vajzat diskutojnë për eleminimin e së shtunës. Domenika shprehet për Jetmirin, “se ka shumë të gjatë ky, surpriza iu bë, ndoshta e largojnë të shtunën” sepse sipas saj Jetmiri nuk ka se çfarë të japë më tepër. Dhe më pas shton se ndoshta del Kika këtë javë dhe Jetmiri javës tjetër. Olta i thotë se ndoshta nuk del fare Jetmiri sepse ai është pozicionuar në atë mënyrë që publiku do të dojë ta shohë më tej. “Mbase del Kika dhe javës që vjen mund të dalë dikush tjetër se do ketë nominime edhe për ne ndoshta” shton më tej Olta dhe thekson se këtë mund ta dijë vetëm publiku.

Erioni dhe Bertina bisedë për rapotin me Oltën
01/03/10 18:47

Të dy të rinjtë dalin jashtë dhe të ulur pranë pishinës, bisedojnë për Oltën dhe raportet e secilit prej tyre me të. Bertina i thotë Erionit se ajo me Oltën nuk ka mardhënie të mira vetëm prej disa shprehjeve ofenduese të thëna nga Olta në dhomën e rrëfimit, të cilat kanë prekur Bertinën. Ajo thotë se Olta shtirej si mike e saj gjatë qëndrimit në shtëpinë e vjetër, por kjo ishte hipokrizi dhe këtë gjë Bertina nuk do që ta pranojë. Erioni i thotë Bertinës se ai nuk do që të ndërhyjë nëse konflikti i tyre nuk do të jetë për shkak të tij. “Nëse unë nuk jam shkaku i konflikteve tuaja, atëherë do t’ju lë që t’i zgjidhni vetë” thotë Erioni pasi Bertinën i ka mbetur hatri ngaqë Erioni nuk ka mbajtur qëndrim në debatet e saj me Oltën. Ajo i thotë Erionit se për të nuk kanë rëndësi veprimet që bën Olta duke u munduar të shkatojë xhelozi. “Mua nuk më vjen inat me veprimet që ajo bën kundrejt teje, nuk më shqetëson ky fakt. Mua më acaron fakti që Olta më sulmon nëpërmjet teje” i thotë Bertina Erionit dhe më pas shton se ai nuk arrin ta kuptojë për këtë. Erioni i thotë Bertinës se me Oltën ka pasur vetëm ndjenja shoqërore, por vajza i thotë se përderisa ai në klipet e transmetuara, është vënë një një situatë të tillë për publikun, tregon se ka diçka më tepër sesa shoqëria. Kështu mes tyre nis një debat për ndjenjat e Erionit dhe për Oltën si problemin midis tyre. Erioni mbron mendimet e tij, ndërsa Bertina vazhdon ta kundërshtojë. Pas disa minutash ku Erioni shpjegon mardhënien e tij me Oltën dhe Bertina këmbngul në mëndimet e saj, ai e pyet “çfarë shikon pozitive dhe çfarë negative te unë?”. Bertina i thotë se nuk i pëlqen karakteri i paqëndrueshëm i Erionit dhe disa veprime dhe më pas thotë se i pëlqen ëmbësia dhe përkushtimi, kur bëhesh serioz, të gjitha. Erioni kundërshton Bertinën për mendimin se ai është i paqëndrueshëm dhe më pas e këshillon që të mos shkaktojë konflikte me banorët në shtëpi duke iu referuar debateve të fundit mes saj dhe banorëve të rinj kryesisht. Erioni i thotë Bertinës “nuk dua që kofliktet mes ne të dyve të shkaktohen për persona të tjerë, nuk dua të ndikohemi nga të tjerët”. Teksa debatojnë ata analizojnë edhe shprehjet e djeshme të Bledit gjatë debateve për buxhetin. Erioni i thotë se ai është bazuar në ndjenja dhe Bertina i përgjigjet se ajo beson në ndjenjat e tij.

Homoseksualizmi
01/03/10 19:20

Disa nga banorët janë ulur në sallon dhe bisedojnë për homoseksualizmin. Duke marrë shkak nga publikimi i prirjeve seksuale të Klodianit gjatë spektaklit ata nisin të bisedojnë për këtë temë. Enxhi hap bisedën duke pyetur banorët e tjerë nëse u ka ndodhur që të dashurojnë dikë dhe më pas kanë kuptuar se ka qënë homoseksual. Jetmiri i përgjigjet “unë nga fshati vij, vetëm për femrat di të flas”, ndërsa Ada thotë se ajo ka një shoqe në Itali që më anë të operacioneve ka ndërruar seks nga mashkull në femër. Banorët kurioz nisin ta pyesin për të dhe Ada u përgjigjet duke treguar se si ka arritur këtë gjë mikesha e saj e cila tashmë punon si modele. Jetmiri thotë se ai është deri diku konservator përsa i përket kësaj çështje, ndërsa Valoni shprehet se është totalisht kundër këtyre prirjeve. Teksa Valoni shprehet me ashpërsi kundër homoseksualizmit, banorët e tjerë e kundërshtojnë dhe i kërkojnë që ai t’ia thotë mendimin e tij Klodit në sy. Valoni thotë se ai nuk ia ka thënë sepse nuk do që Klodi të lëndohet, apo të ndjehet keq. Ada fillon të tregojë se ajo ka pasur një shok të tillë dhe nuk e kishte kuptuar deri në momentin që personi ia kishte deklaruar vetë . Ajo thotë se miku i saj ishte çuditur se ajo nuk e kishte problem shoqërinë me persona që kanë të tilla prirje. Banorët japin opinionet e tyre ku ata që janë kundër thonë se homoseksualizmi është kundër natyrës, ndërsa të tjerët që janë pro thonë se është diçka krejt normale dhe ndjenjat nuk janë të kontrollueshme. Sipas tyre njeriu duhet të bëjë atë që ndjen, jo atë që të tjerët duan. Më pas ata me kërkesën e Hakiut ndërrojnë bisedën në të tjera çështje.

Kanuni dhe gjakmarrja
01/03/10 19:53

Jetmiri thotë që të diskutojnë për gjakmarrjen dhe të ngujuarit, për vrasjet sipas Kanunit, sepse aipas tij duke qënë një fenomen në Shqipëri, ia vlen që të diskutojnë për këto probleme pastaj për të tjera. Ata flasin për Kanunin dhe prapambetjen e personave që veprojnë akoma sipas ligjeve të kanunit. Në këtë moment ndërhyn Hakiu i cili thotë se kanuni nuk është vetëm negativ. Ai thotë se në Kosovë “Kanuni” është libri më i shitur sepse shumë të huaj e blejnë. Ai shprehet se mes Kanunit dhe drejtësisë moderne sot në botë, ka shumë ngjashmëri dhe këtë e kanë nxjerrë në pah të tjerë të huaj që i kanë krahasuar. Problemi që kanuni shihet si diçka negative është gjakmarrja. Kështu ata flasin për gjakmarrjen si një plagë e shoqërisë shqiptare dhe më pas për ndërhyrjen e shtetit në këtë çështje. Ata thonë se në Shqipëri mungon informacioni në mënyrë që shoqëria të ndërgjegjsohet se disa fenomene nuk duhet të vazhdojnë të ekzistojnë më. Për gjakmarrjen Erioni thotë se kjo ndodh ngaqë disa ligje janë bërë në mënyrë të atillë që një njeri që bën një vrasje pas disa viteve burg fiton lirinë përsëri, duke bërë që familjarët të vendosin drejtësi vetë. Jetmiri thotë se shteti është përgjegjësi më i madh për këtë ai thotë: “ne kemi një ministri, “Ministrinë e Punëvë Sociale” që po të shkojmë ta shohim, rrezik nuk ka në projektbuxhet problemin e gjakmarrjes fare”. Kjo gjë mbështetet edhe nga Hakiu dhe Erioni. Kika thotë se në vendin tonë nuk ka qendra sociale të cilat të punojnë me problemet e shoqërisë. Të gjithë ndajnë mendimin se gjakmarrja është një plagë e rëndë e shoqërisë shqiprare, për të cilën mungojnë politikat frenuese nga ana e shtetit dhe informacionet ndërgjegjëzuese në shoqëri.

Prova e javës
01/03/10 20:10

Teksa banorët bisedojnë, Ada vjen në sallon me zarfin e provës së javës dhe ua lexon atë të gjithëve. Prova e javës titullohet “Vitet 80” ku banorët do të ndahen në grupe ku çdo grup mund të merret me një fushë të caktuar si, letërsinë e këtyre viteve, pikturën, muzikën, modën dhe gjithçka tjetër që ka të bëjë me kulturën. Këtë herë “Vëllai i Madh” ka vendosur që të jenë vetë banorët ata që do ta ideojnë provën e kësaj jave. Atyre u është kërkuar që të shkruajnë disa ide dhe më pas të bëjnë një listë për materialet që do t’u duhen. Kështu pasi lexojnë zarfin banorët fillojnë që të diskutojnë për provën duke shkëmbyer idetë mes njëri-tjetrit. Pas një kohe të gjatë diskutimesh dhe ideshë nga më të ndryshmet, banorët vedosin që ndër të tjera do të luajnë një pjesë teatrale dhe më pas diskutojnë për pjesën e mundshme, rolet që mund të luajnë dhe për materialet që do t’u nevojiten.

Banorët ndahen sërish në grupe
28/02/10 22:38

Kohët e fundit mes banorëve ka pasur shumë debate që kanë shkuar deri në zënka mes tyre të cilat kanë çuar në një ndarje të banorëve përsëri në grupe. Gjatë zënkave dhe debateve banorët janë ndarë në mendimet e kundërta në dy grupe të mëdha, ashtu siç ndodhi javët e para. Fillimisht është Bertina e cila bisedon me Eduardin dhe i thotë se ajo nuk e pëlqen këtë ndarjen e banorëve, pasi kjo krijon një distancë mes banorëve të grupeve kundërshtare. Edhe Eduardi thotë se nuk i pëlqen ideja e ndarjes së tyre, por kjo gjë ka ardhur në një mënyrë spontane. Pranë tyre vjen edhe Valoni i cili përfshihet në bisedë dhe thotë se ai po ndjen pengesa komunikimi me banorët e tjerë, vetëm për shkak të grupeve të krijuara. Sipas tyre ndarja e grupeve po krijon deri diku edhe kontradita, ku nëse një banor i grupit debaton me një banor të grupit tjetër, të gjithë pjestarët e grupit i kthehen kundër banorit të grupit kundërshtar. Edi i cili bën pjesë në grupin e Domit, Bledit, Klodit, Adës, Oltës dhe Seldit i thotë Bertinës se ai nuk ushqen armiqësi për asnjë nga banorët e grupit tjetër ku bën pjesë Bertina, Erioni, Valoni, Jetmiri, Hakiu dhe Rezarta. Aty vjen edhe Erioni dhe fillon të diskutojë me Valonin dhe Bertinën për grupet. “Nuk e kuptoj përse na vunë përsëri barriera ata” thotë Erioni dhe me pas thotë se do të ta hapë këtë si debat me banorët e tjerë më vonë. Pas disa minutash ata largohen, por biseda e tyre do të vazhdojë më vonë.
Në një pjesë tjeër të shtëpisë, Kika shpjegon skenarin e provës së javës ku banorët janë ndarë sipas grupeve. Aty është edhe Valoni Seldi dhe Ada. Teksa diskutojnë për provën Valoni hap bisedën e ndarjes së grupeve. Ai u thotë Seldit dhe Adës përse ata i ndanë grupet në atë mënyrë. Ada i thotë se ajo nuk është në asnjë grup, ndërsa për provën ndarja sipas saj dhe Seldit, ishte krejt e rastësishme. Aty vjen edhe Erioni i cili u thotë banorëve se ndarja në grupe është një lojë e gabuar dhe ndarja për provën po sipas këtyre grupeve i duket një rastësi e çuditshme. “Kjo ndarja në grupe po na bën që të mos organizohemi fare” thotë Erioni, por Seldi dhe Ada nuk i pranojnë akuzat për vendosjen e barrierave nga ana e tyre. Kështu mes tyre nid një debat i cili mbyllet pa u sqaruar plotësisht.

Temë sociale: ndërhyrjet në një cift
02/03/10 00:25

Ada dhe Domenika flasin për lidhjen e fundit që Domenika pati para se të hynte në BB. Domenika i tregon se u ndanë për faj të mentalitetit shqiptar dhe prej paragjykimeve të shumta. Ajo thotë se nëse në një marrëdhënie ndërhyjnë të tjerët, këto rezultate priten, por Ada mendon se faji nuk ka qënë i tërë i familjes së atij, por edhe i vetë djalit se ai i ka pranuar ato paragjykime. “Mi mirë që ndodhi kështu sepse nuk mund të rrija me një njeri që ndikohej nga të tjerët”- shprehet Domenika, kurse Ada thotë se është shumë e vështirë kur ndarja mes një cifti ndodh për faj të të tjerëve. ajo tregon se pikërisht për këtë arsye u nda me të fejuarin. Vajzat diskutojnë mbi këtë temë duke e lidhur me ndërhyrjet që bën familja në jetën e një cifti dhe ndikimin shumë të madh që ka ajo. Ato shprehen se ka vajza të cilat qëndrojnë të përulura në një marrëdhënie të tillë sepse nuk gjejnë mbështetje nga askush e nuk kanë forcë që të ndryshojnë rrjedhën e ngjarjeve mes ciftit. Ada shprehet se vjen një moment që këto vajza mund të “shpërthejnë”, kur shohin se ka më mirë sesa ajo jetë që durojnë.

Seldi:”Me Domin më lidhin shumë gjëra”
02/03/10 00:40

Klodi dhe Seldi flasin për lidhjen e këtij të fundit me Domenikën. Klodi i thotë se edhe pse nuk e kupton këtë pauzë, kjo sjell pozitivitet sespe u lejon atyre që të reflektojnë. Ai shton se ndjenjat midis tyre mund të vazhdojnë dhe jashtë shtëpisë dhe aty mund të ndryshojë raporti. Ai e kritikon Seldin se është sjellë keq me Domin, sidomos kur erdhi Enxhi, por Seldi ia kthen se midis tyre, kjo gjë është sqaruar tashmë. Klodi shprehet se edhe kushtet në shtëpi dhe loja ndikojnë tek mendimet e Domenikës. të dy vazhdojnë bisedojnë për Domenikën ku shprehen se ajo ka vuajtur në jetë. Seldi tregon se ata kanë shumë të përbashkëta me njeri-tjetrin e këto i lidhin edhe më shumë. Klodi mendon se fakti që ajo është femër, e bën që t’i përjetojë edhe më rëndë disa situata dhe tregon se nga jashtë, Domenikën nuk e kishte njohur në këtë mënyrë se si po e njeh tani. Duke folur për lidhjen, Seldi tregon se Miri shpesh i bën disa pyetje pa vlerë në lidhje me dashurinë e tyre. Klodi i thotë se nuk është i detyruar t’i përgjigjet. Kur Seldi shprehet se Miri është i pandjeshëm, ai i thotë që të mos i lejojë të tjerët të ndërhyjnë në raportin e tij me Domenikën e cdo gjë ta zgjidhin mes tyre.

Bledi i mërzitur për raportin me Oltën
02/03/10 01:00

Edi e shikon Bledin të menduar dhe e pyet se cfarë ka. Ai i përgjigjet se është i mërzitur, por se nuk ka asnjë lidhje me atë që po mendon ai, për nominimin. Edi e pyet nëse ka lidhje me Oltën dhe ai shprehet se një arsye është ajo. Të dy djemtë flasin me simbolizime e jo në mënyrë të drejtpërdrejt për Oltën. Bledi shprehet se nuk po e kupton sjelljen e saj, pasi ajo po ruhet shumë ose se nuk do ta shfaqi, ose se i kalojnë të tjera mendime në kokë, duke nënkuptuar për ndonjë arsye jashtë shtëpisë. Ai shton se ndoshta nuk ia ka bërë të qartë mjaftueshëm se atij do i pëlqente të lidhje me të dhe ndaj ajo nuk reagon, pasi ajo me botën e vetë është në rregull. Edi ia kthen se nëse fillojnë të supozojnë, ajo mund të mendojë edhe për dikë që ka lënë jashtë, ose që pas daljes nga shtëpia, mundësitë që mund t’i shfaqen do jenë të shumta sepse do bëhet e famshme. Sipas tij është e kotë të supozosh sepse asnjë nga këto arsye mund të mos jetë e vërtetë dhe e këshillon Bledin që më mirë t’i shohë me kujdes gjërat e të mos bëjë ato gafat që kanë bërë të tjerët. Për Bledin, një ndikim të madh ka edhe prezenca 24 orë e kamerave që nuk e lejon Oltën të jetë me lirshme.

Klodi i nxehur me Valonin
02/03/10 01:10

Klodi është i mërzitur me Valonin i cili u shpreh kundër gay-ve. Ai tregon se Valoni kishte thënë se nuk i duronte dot këto lloj gjërash e që njerëzit të kthejnë kundër vullnetin e Zotit. (në këtë thënie ai kishte përfshirë si homoseksualët, ashtu edhe transseksualët) Klodi është tepër i nxehur me të dhe shprehet se si ai, edhe kushdo tjetër që është pro këtij mendimi, t’i qëndrojnë larg. Enxhi hidhet në mbrojtje të Valonit, për aq bisedë sa ajo ka qënë prezente, duke i thënë Klodit që të mos niset nga fjalët e të tjerëve pasi ato transformohen rrugës (sepse Klodi nuk ka qënë prezent në këtë bisedë), por të tjerët i thonë se Valoni është shprehur edhe më pas dhe se Klodi e ka dëgjuar vetë. Ai dhe Olta mendojnë se tani po fillojnë të shprehin mendimin e vërtetë banorët, pasi deri më parë, shpreheshin se e përkrahnin Klodin për veprimin që bëri. Ada tregon se e priste këtë gjë sepse edhe nëse në sy ata thonë që e pranojnë këtë fakt, realish opinionet e tyre janë të kundërt dhe këtë e thotë nga eksperienca e vet pasi ka patur të bëjë si me ata që e pranojnë vërtetë, edhe me ata që e thonë sa për të dalë nga situata. Klodi, i nxehur me Valonin, shprehet se ai nuk duhet ta kishte thënë fjalën e të ikte, por të përballohej me të si burrë. Ai shton se nuk i interesojnë opinionet e tij, ndërsa Ada përpiqet që ta qetësojë duke i thënë se Klodi nuk duhet të mërzitet që ka dy lloj opinionesh, por Klodi insiston se nëse do ia kishte thënë që në fillim dhe me mirëkuptim, nuk do ishte mërzitur. Ata vazhdojnë të flasin për paragjykimet që u bëhen këtij grupimi shoqëror.

Ada dhe Edi, për situatën mes Klodit dhe Valonit
02/03/10 01:30

Ada shkëputet prej grupit që po diskuton për Valonin dhe fjalët që ai tha dhe shkon tek Edi dhe Bledi ku u tregon se cfarë ndodhi, pasi ata nuk ishin prezent. Ajo i tregon shkurtimisht diskutimin me Valonin për këtë temën mbi homoseksualizmin dhe më pas për fjalët që i tha Klodit dhe reagimin e këtij të fundit. Ajo mendon se Valoni është shprehur shumë keq, ndërsa Bledi mendon se ai e ka thënë nga papjekuria. Ada shprehet se i vjen keq për Klodin, si në këtë rast, edhe më parë kur të tjerët e ngacmonin për lidhjet me vajzat, pasi ajo e dinte para se të futeshin në shtëpi sepse Klodi ia kishte treguar. Ajo vazhdon të diskutojë me Edin dhe tregon se i tha Klodit që të mos reagojë keq kur ka njerëz që nuk e pranojnë homoseksualizmin sepse duhen respektuar të dy mentalitetet. Edi mendon se duhet t’i qëndrojnë më pranë Klodit, pasi ai mund të ndjehet i diskriminuar. Ai shprehet se i vjen keq që Klodi hapi zemrën dhe dikush e përdor këtë si armë për ta luftuar. “Është e rëndë që të shfrytëzosh fatkeqësinë e tjetrit”- thotë ai. Ada tregon se mbrëmjen e spektaklit, Valoni u prek dhe qau kur Klodi e tregoi hapur këtë gjë, por Edi mendon se njeriu, cdo ditë e më shumë tregon karakterin e vërtetë sespe kur vijnë në fillim, bëjnë lojë, por me kalimin e kohës ata kthehen tek vetvetja. “Nuk di si ta marr këtë gjë: si një papjekuri apo sikur e ka bërë kastile”- thotë Ada për Valonin, ndërsa Edi mendon se ai nuk e ka bërë me tendencë, por nga papjekuria. Ata diskutojnë për guximin e Klodit që u përball me këtë të vërtetë, por edhe për mentalitetin e Valonit, ku Ada tregon një bisedë që ka patur me të dhe ai i ka thënë se vetë del me vajzat, por kur erdhi biseda për gruan e tij, ai ishte shprehur se për atë nuk lejohen këto gjëra.

Rezarta këshillon Valonin
02/03/10 01:50

Edhe Rezarta me Valoni diskutojnë për situatën në fjalë, kur të dy janë vetëm në tualet. Ajo tregon se shkoi tek banorët që ishin mbledhur e po diskutonin e pyeti se cfarë po ndodhte, pasi nuk ishte në brendësi të temës, por ata nuk kishin reaguar mirë. Ajo sqaron se nuk shkoi me asnjë lloj qëllimi, por vec për t’u bashkuar me të tjerët, pasi sipas saj, ata vetë ankohen se nuk futen në biseda e vetë të mënjanojnë. “Ta kam kallëzuar se cfarë njerëzish janë”- shprehet Valoni. Ai shprehet sërish se i urren gay-t, por Rezarta e këshillon se edhe pse ai ka mendimin e vetë, duhet të respektojë edhe atë të tjetrit. Valoni thotë se nuk i pëlqejnë këto gjëra dhe shprehet se Zoti i ka krijuar ashtu e nuk duhet të ndryshojnë. Rezarta ia kthen se dhe ajo ashtu e mendon dhe se nuk do që të ndikojë në mendimet e tija, por e këshillon që të tregohet më i kujdesshëm në lidhje me të tjerët e të respektojë mendimet e tyre.

Debat mes Valonit dhe Klodit
02/03/10 02:18

Komentet për fjalët e Valonit vazhdojnë mes banorëve. Ata shprehen se nuk e kuptojnë se përse ai u prek e ka qarë gjatë spektaklit, kur në të vërtetë nuk i pëlqen këto gjëra. Atyre u duket hipokrizi kjo sjellje e Valonit. Banorët nuk pranojnë që ai u shpreh se i urren homoseksualët, sepse nëse do ishte shprehur që nuk i pranon, situata do ishte krejt ndryshe pasi do ishte vec një opinion i tij e do pranohej si i gjithë të tjerëve. ata e këshillojnë Klodin që të mos e marrë shumë keq këtë situatë e të mos e vrasë mendjen për Valonin. Klodi shprehet se do preferonte që të tjerët të mos diskutonin për të kur nuk është prezent, por këtë gjë nuk ua detyron dhe shton se nëse dikush do kishte dicka, të vinte t’ia thoshte vetë. “Atë që desha, qëllimin tim e arrita dhe vetë ndjehem i realizuar”- shprehet Klodi.
Diskutimi mbi këtë situatë vazhdon kur banorët mblidhen në dhomën e gjumit dhe fillojnë të sqarohen për ato që kanë thënë. Klodi dhe Valoni debatojnë. Klodi i thotë atij se cfarëdolloj gjëje që të ketë me të, të vijë e t’ia thotë përballë e jo të thojë një fjalë e të largohet sikurse bëri më parë. Valoni ia kthen se as e ofendoi e as një gjë por vetëm tha se nuk i pëlqen kur dalin kundër vullnetit të Zotit. Të dy insistojnë në këto shprehje dhe kur Valoni dëshiron të spjegohet, Klodi largohet. Valoni tregon se Seldi kishte thënë se Olta dhe Enxhi (pas një loje të tyre) janë lezbike dhe ai kishte thënë vetëm se i urren këto gjëra. “Unë nuk e di se si ka thënë Seldi dhe pse bisedat kanë vazhduar për tjetër gjë”- thotë ai. Enxhi sqaron gjithë situatën që ka ndodhur dhe shprehet se Valoni ka të drejtë se ka thënë vec këto gjëra e nuk e ka ofenduar Klodin, por ajo thotë se Klodi pretendon se i ka thën dicka, por sipas saj dhe fjalëve të banorëve, askush nuk i ka treguar gjë Klodit për bisedën e Valonit sepse Klodi nuk ishte prezent kur u bë ky diskutim. Ajo përmend edhe fjalët e seldit i cili u shpreh se Valoni ka qarë për tregimin e Klodit dhe më pas i ka thënë se i urren. Seldi e pranon, ndërsa Valoni spjegohet se gjatë spektaklit, nuk e kishte kuptuar se përse po bëhej fjalë dhe kujtonte se bëhej fjalë vec për raportin e tij me nënën dhe largësinë ndërmjet tyre. Ai tregon se më pas ka pyetur dhe ka marrë vesh se ishte rrëfimi i Klodit se ishte gay, por kurrë nuk i ka thënë gjë Klodit për këtë gjë. Jetmiri e pohon këtë gjë, ndërsa banorët e tjerë thonë se nuk i kanë treguar gjë Klodit për fjalët e Valonit

Enxhi debat me Bledin
02/03/10 02:28

Enxhi debaton me Bledin i cili, nisur nga një keqkuptimi Valonit se dikush e kishte sharë dhe këtë ia kishte thënë Enxhi, vjen edhe i thotë asaj se po bën lojë të dyfishtë. Pasi bëhet sqarimi mes Valonit dhe të tjerëve, Enxhi i kthehet Bledit dhe i thotë se ai nuk ka asnjë të drejtë e t’i vijë t’i thojë asaj ashtu sepse pasi u bë sqarimi, doli se ajo nuk ka asnjë faj. “Kush mbeti tani keq, unë apo ti?”- e pyet ajo Bledin dhe i thotë se ai nuk ka të drejtë t’i kërkojë llogari asaj. Ai thotë se donte të sqaronte situatën, por enxhi ia kthen se ai erdhi dhe iu drejtua me tjetër ton e nuk donte të sqaronte situatën sepse nëse do ishte ashtu, atëherë duhej të pyeste njëherë se cfarë kishte ndodhur e jo ta akuzonte drejtpërdrejt. Bledi shprehet se ka faj ai dhe mosha e tij që jep kaq shumë konfidenca me ta dhe kthehet nga Valoni duke i thënë se me të është treguar shumë i afërt, por që sot e tutje me të do jetë ndryshe. “Ky më ka zhgënjyer shumë”- thotë ai për Valoni dhe shton se jo për punën e Klodit, por për gjëra të tjera. Bledi i kërkon të falur Enxhit që nuk ka thënë asgjë.

Valoni sqarohet me Klodin
02/03/10 02:45

Duke diskutuar se cili ia ka thënë Klodit, Seldi shkon dhe e thërret atë dhe kështu hapet sërish biseda. Klodi tregon se e dëgjoi vetë Valonin kur i tha këto gjëra dhe shprehet se nuk e kupton se përse ai qau natën e spektaklit, erdhi ta pyeste për jetën e tij seksuale një ditë më parë dhe përse më pas u shpreh kështu. Valoni i spjegon se letrën nuk e kishte kuptuar dhe i jep versionin e tij. Klodi nuk e beson dhe këtë gjë e thotë në mënyrë indirekte dule e ironizuar për gjuhën, por Jetmiri ndërhyn dhe thotë se kjo është e vërtetë pasi Valoni ka shkuar tek ai për t’ia spjeguar këtë letër. Klodi ndërhyn dhe i thotë që pse nuk shkoi direkt tek ai, por Miri i tregon se pasi ia spjegoi, i tha që të shkonte tek ai. Klodi sërish nuk e kupton sjelljen e valonit, por Enxhi shprehet se jo të gjithë arsyetojnë njësoj dhe ndaj Valoni shkoi tek Miri për t’u sqaruar. “Kjo tregon që unë me Valonin s’mund të kuptohemi dhe e kemi të vështirë të shoqërohemi bashkë”- shprehet Klodi. Enxhi i sqaron se si lindi gjithë keqkuptimi dhe Valoni i sqaron se nuk pati asgjë personale me të. Klodi nuk duket i bindur dhe miri ndërhyn duke i thënë se fundja ai është mendimi i Valonit dhe Klodi duhet ta pranojë. “Valoni nuk është i detyruar të të pëlqejë”- thotë ai dhe Klodi ia kthen se Valoni mund të bëjë c’të dojë.

Bledi debaton me Valonin dhe Enxhin
02/03/10 03:05

Bledi vazhdon të jetë i nxehur me situatën dhe i kthehet Valonit duke e akuzuar se është fëmijë dhe nuk di të sillet e duket sikur jeton në pyll. Të dy ofendojnë njeri-tjetrin dhe Valoni i nxehur shprehet se do ia këpusë kokën nëse e prek më tej me fjalë. Banorët dalin në kopsht ku të tjerët përpiqen të qetësojnë situatën. Jetmiri vjen dhe bashkë me Enxhin sqarojnë se e gjitha është keqkuptim. Enxhi shprehet se të gjithë i dolën kundër Valonit e askush nuk u përpoq ta mbronte apo të nxirrte anët e tija të mira. Jetmiri i thotë Bledit se s’duhet ta marrë personale sepse nuk kishte të bënte me të pasi Valoni donte të dinte se cili kishte folur keq për të, por Bledi tani është i nxehur nga shprehja e fundit e Valonit. “Edhe unë kur isha sa valoni ashtu kërcënoja”- shprehet Miri. Bledi i kërkon valonit t’i tregojë se si do ia këpusë kokën, por ai i thotë se vec nëse e prek në pikat e dobta. “Unë s’jam injorant si ti që të prek pikat e dobta”- ia kthen Bledi. Enxhi i thotë Bledit se më shumë po acaron situatën e mund ta degjenerojë në dhunë, ndaj i kërkon që fillimisht të qetësohet ai. Domenika thotë se as Valoni nuk duhej ta thoshte atë fjalë, duhej ta evitonte. “Bravo të qoftë që e the këtu se ndryshe do e shihnim”- i thotë Bledi Valonit, ndërsa ai ia kthen se vetë e provokoi. Enxhi shprehet se gjithnjë të tjerët e bëjnë të madhe dhe e kanë mendjen të fusin spica për të parë debate e jo të përpiqen t’i sqarojnë gjërat. Bledi vazhdon ta shohë Valonin e ky i fundit e pyet se cfarë ka për t’i thënë. “Kam shumë për të të thënë, por c’t’i bëj situatës. Cdo gjë në kohën e vetë”- ia kthen Bledi. Duke u nxitur nga fjalët e Enxhit se askush nuk tha një fjalë të mirë për Valoni dhe se të gjithë heshtnin kur ai po përballej me Klodin, ku sipas saj, të gjithë kur nuk ishte Valoni prezent flisnin keq për të, Bledi shprehet se me Valonin e mbylli këtë histori dhe jo nga fjala që tha ai tani, por nga gjëra të tjera që ai ka vënë re tek tipi dhe sjellja e tij. Ai tregon se në fillim iu afrua shumë, por tani nuk do që të rrijë me të sepse e ka zhgënjyer. Bledi vazhdon të debatojë me Enxhin dhe ajo i thotë se iu kundërpërgjigj me atë mënyrë sic iu drejtua ai. Bledi shprehet se po ul veten që po debaton me të, por Enxhi ia kthen se ai duhet t’i cojë mendimet deri në fund dhe nuk është e drejtë që ai t’i thotë se po ul veten pasi ajo nuk e sheh veten e saj si njeri të ulët. “Ke cfarë ke mi thuaj në sy”- i thotë ajo dhe shton se më parë Bledi nuk mendonte kështu për të. Bledi ia kthen se nuk e pëlqen tipin e saj dhe po ia kthen njësoj sic i ka thënë ajo. Enxhi shprehet se asnjëherë s’ka thën gjë për të dhe vec kur e ofendoi njëherë, i kërkoi menjëherë të falur, ndërsa person që po del me dy fytyra është ai që ndryshe i ka thënë më parë e ndryshe tani. Debati mes dy banorëve vazhdon.

Komentet pas debatit
02/03/10 04:00

Pas debatit, banorët komentojnë mbi të gjitha situatat që u krijuan. Një pjesë e tyre mendojnë se gjithë debati lindi nga një keqkuptim dhe u thellua edhe më shumë pikërisht nga ndërhyrjet e të tjerëve. Miri spjegon se kur Enxhi dhe Valoni po flisnin, ai e kishte pyetur Valonin se kush e kishte sharë dhe Valoni ishte ngritur menjëherë dhe kishte shkuar në kopsht ku ndodhej pjesa tjetër me Klodin dhe Bledin. Ada i thotë se Miri e ka kuptuar gabim e vec nga ajo fjalë që tha, u bë debati tjetër me Bledin. Edhe Valoni shprehet se sherri me Klodin u bë kot pasi ai nuk kishte thënë asgjë drejtpërdrejt për të apo për ata që e kanë të lindur, por për ata që e bëjnë për shoë.
Në kopsht, Bledi me Enxhin e sqarojnë debatin dhe Enxhi shprehet se nuk do i marrë asgjë për bazë nga ato që tha pasi ai ishte i nxehur. “Do vazhdoj të kem opinionin e mirë për ty”- shprehet ajo. Enxhi largohet, ndërsa të tjerët diskutojnë për Jetmirin dhe faktin që i doli në krah Valonit kur kërcënoi Bledin. Sipas tij, Miri e ka bërë vec për t’u pozicionuar. Ai thotë se Mirit nuk i takonte fare të ndërhynte sepse biseda nuk po bëhej me të dhe nëse Bledi do kishte tendenca dhune, atëherë i takonte të ndërhynte. Olta shprehet se u shokua kur Miri e përkrahu Valonin për atë shprehje. “Epo kur bëjën dhe disa tangërllëk...”- thotë Seldi.
Valoni e diskuton këtë situatë edhe me Edin i cili i thotë që të mundohet të mos e teprojë më. Valoni duket i menduar dhe tregon se Klodi u mërzit me të. Edi ia kthen se është normale që të mërzitej dhe se ai duhet të ketë kujdes që fjalën e fundit të mos e thotë në fillim. “Gabova”- shprehet Valoni.

ariel · « **Pergjigju #127 Me:** Mars 03, 2010, 08:14:22 PD »

Mungesa e komunikinmit
02/03/10 11:51

Bledi dhe Hakiu diskutojnë në mëngjes për debatet e ndodhura një natë më parë. Bledi shprehet se debatet po ndodhin kryesisht darkave, ndërsa Hakiu e përforcon duke thënë “çdo natë”. Ai shprehet se u janë akumuluar aq shumë gjëra, sa mjafton të ndodhi një situatë e secili fillon të flasë. Edhe Bledi mendon kështu dhe flet se të gjithë duan të tregojnë veten e vet, apo atë që kanë brenda e kush me gjeste, kush me lëvizje, kush me fjalë, përpiqet që ta thotë diçka patjetër edhe nëse ndonjëherë nuk është momenti i duhur, apo shprehjet e tyre mund të prekin një person tjetër. Hakiu mendon se nëse dy-tre vetë kërkojnë të zgjidhin një çështje, mblidhen të gjithë e secili përpiqet që të rëndojë më shumë situatën. Ai shton se duhet të jetë aftësia e çdo individi që ta menaxhojë mirë situatën e të mos i lërë të tjerët të ndërhyjnë në mosmarrveshjet apo konfliktet e të tij me ndonjërin prej banorëve. Bledi fillon t’i ilustrojë mendimet e tij me debatin mes Valonit dhe Klodit. Ai shprehet me nervozizëm për mënyrën e të shprehurit të Valonit kundër homoseksualëve. Bledi thotë se mënyra e të shprehurit të Valonit ishte e gabuar dhe Hakiu e mbështet duke i treguar se ai kishte biseduar me Valonin dhe ia kishhte bërë të qartë këtë duke e këshilluar që të kontrollojë shprehjet e tij. Vetë Valoni e kishte pranuar se ishte shprehur gabim. Të dy nuk janë kundër faktit që Valoni nuk e pranon shoqërinë me persona homoseksualë, por kundër ashpërsisë së të folurit të tij si një mënyrë që nxit dhunën ndaj kësaj kategorie, ose që i diskriminon këta njerëz duke mos i pranuar si pjesë e shaqërisë. Hakiu thotë se të gjitha këto lloj debatesh dhe konfliktesh ndërmjet banorëve po lindin si mungesë e kominikimit. “Ne na duhet një komunikim më i mirë sepse kështu po akumulohet energji e keqe dhe pastaj shkojnë në zënka” thotë Kika. Bledi mbështet mendimet e Hakiut dhe shton “njërzit që s’kanë kulturë përdorin shprehje nga më banalet dhe unë nuk dua që të lejoj këtë gjë”. Të dy shprehen se në shtëpi mungojnë bisedat dhe debatet ku banorët të nxjerrin në pah dijet dhe nivelin e tyre kulturor.

Debatet janë të nxitura
02/03/10 12:45

Bledari bisedon me Eduardin për debatet e fundit të zhvilluara në shtëpinë e BB. Ai pyet Edin se ç’mendim ka Edi për shprehjen e Valonit kundër homoseksualizmit. Edi tregon se ai i kishte folur Valonit se ishte shpejtuar në shprehjet e tij dhe më pas shton se për të është një tjetër banor që i shkakton këto lloj konfliktesh në shtëpi, apo mendime të tilla i inspiron dikush tjetër. “Unë mendoj se këtu ka fryrje, por nuk mund të them një emër konkret sepse nuk jam i sigurt se kush është ai, jam ende duke u munduar të kuptoj kush është” thotë Edi duke theksuar se Valoni ka një zemër të mirë, por është ndikuar nga shprehjet e dikujt tjetër. Bledi shprehet i shqetësuar se “kjo frymë” po del fitimtare pasi hedh gurin dhe fsheh dorën dhe po e arrin atë që do, pasi banorët e rjerë nuk po i kundërvihen. Sipas tyre problemi qëndron në ndërgjegjësimin e banorëve të tjerë të cilët duhet të flasin për ato që shohin dhe jo për ato që dëgjojnë. Ndër të tjera Bledi dhe Edi thonë se disa nga banorët po përdoren për lojën e të tjerëve dhe përmendin Enxhin dhe më pas Bertinën të cilat sipas tyre ndikohen nga djemtë, Jetmiri dhe Erioni. Edi thotë se duke u nisur nga situatat e fundit, ngjarje të tilla do të përsëriten nëse ka një peson që i shkakton lloj konfliktesh. Sipas Edit ngjarja e radhës do të vijë shumë shpejt, por banorët do të kenë reagime të tjera sepse të gjithë kanë për tu pozicionuar. Bledi thotë se situata të tilla do të vijnë gjatë kësaj jave ku do të ngacmohen dhe do të ngacmojnë kandidatët që janë në nominim.

Hakiu tregon për familjen
02/03/10 13:49

Teksa rrinë jashtë duke shijuar rrezet e diellit, Bertina e pyet Kikën për Lindën, gruan e tij. Gjatë spektaklit të së shtunës Kikës iu bë një surprizë, një klip dhe disa piktura nga fëmijët e tij dhe më pas vizita e bashkëshortes së tij. Kika fillon që t’i tregojë për fëmijët, për dy vajzat dhe djalin e tij. Teksa banorët e tjerë e pyesin Kika tregon se sa shumë e ka lumturuar surpriza dhe më pas për momentet që kaloi me Lindën në BB. Ai flet për momentet e njohjes më Lindën kur ishte vetëm 12 vjeç dhe ajo 10 dhe më pas se si lindën ndjenjat ndërmjet tyre. Banorët qeshin teksa ai tregon për lojrat që bënte me Lindën kur ishin fëmijë dhe më pas për ndjenjat e të dyve. Bertina pai e përgëzon për fëmijët dhe familjen që ka, e pyet se si i ishte dukur Linda të shtunën në mbrëmje dhe Kika duke qeshur thotë “nuk e di po më është dukur femra më e bukur në batë”. Ai thotë “interesante ka qenë se edhe vajzat e tjera që më kanë pëlqy më parë, kanë qënë tip i njëjtë me Lindën”. Më pas ai tregon historinë e martesës me Lindën dhe për ardhjen e vajzës së madhe në jetë, kur ai ishte vetëm 22 vjeç. Ai u thotë banorëve se tashmë për të bëhën 15 vite martesë. Teksa tregon ai bën shaka me banorët e tjerë të cilen edhe e ngacmojnë.

Klodi i mërzitur për debatet e mbrëmshme
02/03/10 14:42

Brenda banorët merren me përgatitjen e drekës, ndërsa jashtë banorët diskutojnë për debatet lidhur me prirjet seksuale të disa njerëzve. Edhe një herë komentohen shprehjet e Valonit dhe vazhdon që të thuhet se mendimet e tij janë të inspiruara nga dikush tjetër në shtëpi. Klodi është i mërzitur sepse ai dëshiron që t’ia thonë gjërat në sy dhe jo pas një kohe të caktuar. Banorët e tjerë i japin kurajo duke i thënë se për të nuk duhet që të kenë ndikim disa opinione të tilla. Ada i thotë “mos krijo komplekse të tilla” ndërsa Bledi i thotë që ai të bëjë çfarë të dojë pa e vrarë mendjen për mendimet e të tjerëve. Mendime të ngjashme japin edhe Olta dhe Eduardi. Përsëri banorët thonë se është dikush që i shkaton këto ngjarje dhe më pas Klodi thotë se ky perspn mund të jetë ose Enxhi, ose Jetmiri. Më pas Banorët diskutojnë që ta hapin këtë debat në prezencë të të gjithëve dhe të diskutojnë për të kuptuar se kush i shkakton situata të tilla dhe përse. Bledi thotë se ai nuk dyshon te Enxhi, por te Jetmiri. Kështu ata flasin për lojën e Jetmirit dhe Olta thotë se atij i ka humbur vëmendja dhe po bën çmos që të arrijë në qendër të vëmendjes. Më pas jashtë del Jetmiri dhe Klodi i kërkon që të flasin. Kështu ulet edhe Jetmiri dhe Klodi i thotë që nuk do që të përmendet emri i tij, por do që loja të bëhet e pastër. Jetmiri i thotë se ai nuk ka lidhje me mendimet e Valonit. Mes banorëve nis një tjeër debat për shprehjen e Valonit dhe veprimeve apo shprehjeve të Jetmirit gjatë kohës kur Bledi debatonte me Valonin për çështjen në fjalë.

Pro dhe kundër Valonit
02/03/10 15:00

Jashtë nis përsëri debati ku Bledi komenton shprehjet dhe veprimet e Valonit. Ai thotë edhe një herë se atë e vrau gjesti i djalit kosovar dhe jo mendimet e tij. Jetmiri i del në mbrojtje të Valonit. Ai u thotë bnorëve se po i ekzagjërojnë muhabetet kot. Ai thotë se ashtu si të gjithë edhe Valoni ka mënyren e tij të të shprehurit dhe të vepruarit. Sipas Jetmirit nuk është e drejtë që dikush që në një moment të flasë për diçka qoftë edhe në mënyrë të gabuar, të tjerët të fillojnë e të bëjnë gjyq. “ Kush janë keta të tjerët që paragjykojnë Valonin që thonë jo duhet të vejë në burg etj” thotë Jetmiri duke shtuar se atij nuk i vjen mirë që të tjerët të bëjnë interpretime të gabuara. Bledi i thotë se ai nuk do që ta lejojë dikë që të veprojë në atë mënyrë, por Jetmiri i thotë se nëse atij nuk i pëlqen mund t’i vërë kufij, por jo ta pengojë atë të shprehet dhe të veprojë në mënyrë të lirshme. Pas një diskutimi të gjatë Bledi thotë se ai mendon ende se Valoni nuk është djalë i keq, ndërsa Seldi shton se Valoni nuk e ka zemrën e keqe “ai thjesht është i frym, i pompum nga dikush tjetër këtej” duke ia hedhur këtë Jetmirit i cili as që i përgjigjet fare. Në bisedë ndërhyn edhe Ada e cila thotë “zemrën nuk ia shofim askujt, ne shofim si veprojnë”. Më pas Klodi largohet dhe kjo bisedë mbyllet.

Kika dhe Miri bisedojnë per Rezin
02/03/10 15:39

Hakiu pyet Jetmirin për ndjenjat dhe raportin që ai ka aktualisht me Rezartën. Hakiu i thotë se Rezarta është një vajzë naive. Jetmiri e mohon me njëherë dhe thotë “të sigoroj që vetëm naive nuk është, asaj qeni shkopin nuk ia ha” thotë Jetmiri dhe më pas nis të sqarojë Hakiun për ndjenjat e tij. Ai thotë se mes tij dhe Rezit ka një tërheqje, por ai nuk pret që ketë diçka më tepër për momentin. Hakiu i thotë se është krijuar ideja se Jetmiri nuk po e trajton mirë Rezartën. Jetmiri e mohon në mënyrë të vendosur këtë gjë the thotë se kjo është mënyra e tij e të sjellurit një një lidhje. Jetmiri i thotë Hakiut se ai nuk është lidhur me Rezin për lojë pasi mendon se ai mund të luaj më mirë vetëm dhe lidhja me Rezin mund dhe të ndikojë për keq. Ai i shpjegon Hakiut se kjo është praktika që Miri ndjek në një lidhje, ku dëshiron që të nxjerrë fillimisht anët e tij negative në mënyrë që më pas ta ketë më të lehtë që të kuptohet me vajzën. Ai i thotë Kikës se nuk ka si qëllim që ta lëndojë apo ta bëjë të ndjehet keq Rezartën. Hakiu i thotë se kudrërvënia që i bën Jetmiri Rezartës, mund të ndikojë për keq te publiku. Jetmiri thotë se ai i ka menduar këto gjëra edhe më parë, por ka vendosur që të sillët në këtë lloj lmënyre. Më pas të dy diskutojnë për debatet e mbrëmshme dhe shprehjet që kishte përdorur Jetmiri. Jetmiri thotë se ai kishte vepruar pa u menduar shumë gjatë, ndërsa Kika i thotë se gaboi në të shprehur pasi Jetmiri nxiti më tepër Valonin, por Jetmiri nuk e pranon këtë gjë.

Enxhi flet me Klodin për Valonin
02/03/10 16:07

Valoni, Enxhi dhe Seldi bisedojnë për një kohë të gjatë jashtë. Seldi i thotë Valonit se ai ka bërë gabim që u shpreh në atë mënyrë, ndërsa Enxhi thotë se ajo mbrojti Valonin pasi kishte parë se ai ishte nxitur nga të tjerë. Valoni është mërzitur dhe ndjehet keq që ka vepruar në një mënyrë të atillë. Pas disa minutash Enxhi shkon brenda dhe bisedon me Klodin duke i treguar bisedën që pati me Valonin jashtë. Enxhi i thotë Klodit se ajo e kishte mbrojtur Valonin sepse të tjerët iu kundërvunë dhe e frynë që ai të kishte atë sjellje. Pasi sqaron veprimet e saj, Enxhi i thotë Klodit se Valonit i vinte keq dhe nuk kishte dashur që të prekte drejtpërdrejt Klodin. Enxhi thotë se Valoni nuk i pranon homoseksualizmin për veten e tij, por me Klodin nuk kishte asnjë lloj urrejtjeje. Klodi thotë se atij nuk i vinte keq nga fakti që Valoni është shprehur kundër prirjeve të tij seksuale, por ngaqë Valoni ka rënë viktimë e të tjerëve pasi ka dëgjuar ato që të tjerët thonë. “Do kisha dashur që të vinte e të ma thoshte mua, jo të tjerëve” thotë Klodi. Enxhi vazhdon ta sqarojë Klodin për rrjedhën e debateve të mbrëmshme. Ajo thotë se debatin e bënë të tjerët dhe ajo t’ua nxjerrë këtë. Klodi thotë se atij nuk i pëlqen që të tjerët të përdorin emrin e tij, “unë i kam pritur edhe reagime të tilla, por nuk më pëlqejnë thashethemet” shton Klodi. Enxhi i kërkon që Klodi t’i japë mundësinë Valonit që të sqarohen, pasi edhe Valonin e ka prekur kjo situatë. Klodi pranon dhe i thotë që kur të dojë Valoni për të nuk ka anjë problem, mund të flasin dhe të qsarohen në momentin që Valoni do t’ia kërkojë një gjë të tillë

Bledi dhe Olta, pëlqehen apo jo?
02/03/10 17:21

Bledi, Olta, Domi, Rezi, Klodi dhe Seldi ndodhen në dhomën e gjumit dhe po bisedojnë për lidhjen e mundshme ndërmjet Bledit dhe Oltës. Klodi pyet i pari Domenikën dhe i thotë që a i shikon si çift ata të dy dhe Domi i përgjigjet që i pëlqejnë dhe mendon se mund të shkojnë, dhe këtë e ka pohuar gjithmonë. Më pas Rezi hidhet dhe thotë që kur ka biseduar njëherë me Bledin për vajzat që i pëlqejnë atij, ai ka përshkruar një karakter dhe fizik komplet tjetër nga ai i Oltës. Bledi është kthyer nga Olta dhe është shprehur që të mos dëgjojë informacione të gabuara, pasi nuk janë të vërteta. Ai i thotë që ata të dy përkojnë në shijet e muzikës por jo totalisht, Seldi e ndërpret dhe i thotë që ky nuk është një përcaktor i fortë pasi atij i pëlqen Olta në shumë aspekte të tjera. Bledi i thotë Rezartës që ajo shkon mjaft mirë me Jemirin, këtë mendim e mbështet dhe Seldi. Rezi i përgjigjet që Jetmiri i ka ato që ajo kërkon dhe pëlqen tek një mashkull.
Rezi i drejton Bledit dhe një pyetje tjetër dhe i thotë që ai është shprehur që i pëlqejnë femrat e thjeshta dhe jo “ekstrem”. Ajo përdor këtë përcaktim dhe Bledi i përgjigjet me pyetje duke i thënë përse Olta i duket ekstrem Rezit. Kjo e fundit i thotë që ka menduar se atij i pëlqejnë vajzat që bëjnë më pak make-up dhe vishen më thjeshtë, ndërsa Olta i ka më të tepruara të dyja elementët. Bledi i përgjigjet që ai nuk mund ta ndalojë Oltën të lyhet dhe ai e pëlqen ashtu siç është. Ai shprehet që për të është shumë e rëndësishme që përkojnë në karakter dhe kur në mes ka një ndjenjë, i lë mënjanë disa gjëra të tjera.

Valoni është ndjerë i shfrytëzuar nga Jetmiri
02/03/10 18:16

Seldi dhe Valoni kanë biseduar në kopësht ndërsa të tjerët po hanë drekë. Valoni është shprehur që ai i ka thënë Jetmirit që duhet të bëjë vepra të mira në mënyrë që banorët e tjerë ta kuptojnë që ai është me të vërtetë njeri i mirë në thellësi dhe mos të heshtë. Seldi i thotë që Jetmiri e ka pranuar vetë që të gjithë e dinë që ai është i keq, dhe kjo do të thotë që ai është koshient për veprimet e tij dhe për çfarë ka bërë. Valoni është shprehur që Miri i ka treguar për debatet që ka patur me Valin, mamanë e Domit. Ai shton që nuk do të dëgjojë fjalë nga ai apo ndonjë tjetër por do vetëm të argëtohen e t’ia kalojnë mirë, por e ka vlerësuar në një moment Mirin që e ka përkrahur. Seldi është shprehur që atij nuk i duket përkrahje fakti që kur Valoni ka qënë i acaruar, Miri e ka shtyrë më tej, për ta nxitur ta vazhdonte zënkën. Sipas Seldit ky veprim i Mirit ka qënë për ta shtyrë drejt greminës Valonin dhe për ta fshirë fare nga shtëpia. Në momentet që kanë qënë duke biseduar ka kaluar Enxhi dhe Seldi ka paralajmëruar Valonin të mos flasë sa të ikë ajo.
Më pas ata i kthehen bisedës dhe Seldi e pyet Valonin se çfarë mendimi ka për Mirin dhe Valoni i përgjigjet që ai e ka shfrytëzuar. Seldi kërkon të dijë më tepër por Valoni nuk po gjen mënyrën e saktë për t’ia treguar, sado që Seldi mundohet t’i japë dhe shembuj. Seldi e ka pyetur nëse Miri i kërkonte Valonit që të merrte informacione sa andej- këtej, por Valoni i ka thënë që nuk e ka bërë këtë, por me mënyra të ndyshme është munduar t’a bëjë për vete e t’a shfrytëzojë.

Enxhi insiston për ndjenjat e saj karshi Jetmirit
02/03/10 19:28

Enxhi dhe Jetmiri janë distancuar nga banorët e tjerë dhe biseda ka filluar me fjalët e Jetmirit, i cili i thotë Enxhit që ajo gjithmonë bën atë që do dhe jo atë që duhet. Enxhi i përgjigjet që nuk është në dorën e saj që sillet kështu pasi ndjenjat nuk kontrollohen dhe asaj i pëlqen që po ndihet ashtu. Ndërkohë që Jetmiri këndon dhe ajo mundohet të mësojë textin e këngës. Më pas Enxhi shprehet që do të donte me gjithë forcën e saj që këtë javë të kishin dalë në nominim femrat dhe të ikte Rezi. Jetmiri përgjigjet që këtë herë do të dalë ai dhe nëse nuk ndodh kështu ai do të ndihet keq, pasi kjo situatë po e brengos dhe
nuk është mësuar të sillet kështu. Ai shton që e ka pësuar njëherë dhe tani po ndihet shumë keq. Enxhi i përgjigjet që të mos ndihet keq pasi ajo nuk ndihet ashtu dhe prandaj e do fort Jetmirin, dhe rëndësi për të ka që po ndjen përsëri diçka që e bën të mendojë e të imagjinojë. Për më tepër ajo thotë që ai nuk duhet të dalë sepse ka akoma për të dhënë, dhe po të dalë ai, Enxhi do të jetë pas tij. Ai shprehet që ky veprim s’do të ishte i ndershëm, por ajo përgjigjet që nuk do t’ja dijë as për lojën e as për jetën jashtë, por vetëm çfarë po ndjen ajo aty.
Enxhi thotë që më e rëndësishmja është që Rezi të mos jetë mes tyre dhe Jetmiri përsëri shprehet se kjo nuk është e drejtë. Ai thotë që ndjehet nën presion kur Enxhi këndon dhe të gjithë vështrojnë Jetmirin, kjo gjë atë e bën keq dhe e mundon atë. Ai i thotë që i vjen mirë që ajo i provon këto emocione, por i vjen keq që nuk ia kthen dot mbrapsht. Enxhi i kundërpërgjigjet që asaj i duket sikur Jetmiri tjetër gjë ndjen dhe tjetër bën për shkak të opinionit të të tjerëve, por Enxhi këmbëngul që duhet të triumfojë ndjenja.
Më pas ata e kanë ndërprerë bisedën pasi Rezi është afruar dhe Miri ka ikur pas saj.

Rezi dhe Edi sqarojnë keqkuptimet
02/03/10 20:37

Rezi dhe Edi janë ulur të bisedojën për keqkuptimet e mbetura mes tyre. Rezi fillon duke i thënë për një ditë nga java e kaluar kur ajo ka shkuar të sqarohet me të, nuk e ka bërë për faktin që ka qënë në nominim. Më pas ajo shprehet që ka pritur që Edi të shkonte të fliste me të për gjërat që ka dashur të sqarohet. Ata i kthehen diskutimit të pyetjes së keqkuptuar nga Rezi, ku ajo është pyetur nëse është brenda kufinjve të ndjenjave apo të edukatës, dhe ajo është përgjigjur për dytën, pra të ndjenjave. Edi i thotë që fjala ndjej është fjalë e pastër shqipr dhe ajo nuk mund të justifikohet që nuk e ka kuptuar. Edi i thotë nëse ajo i ka lënë ndonjë shteg të hapur atij dhe ajo i është përgjigjur që ai i ka thënë që do t’i marrë përsipër ndjenjat që ka patur karshi saj dhe pse e shikonte që ajo nuk ushqente të njëjtën gjë për të. Edi është shprehur që ajo asnjëherë nuk ka thënë që nuk ekziston asnjë ndjenjë nga ana e saj, por ajo i thotë që ajo i ka thënë të mos mendojë për të dhe të vazhdojë për çfarë ka ardhur ne Big Brother. Edi ka thënë që “historia” që patën ata të dy, e ka kthyer Rezin në qendër të vëmendjes dhe e ka bërë personin kyç të javës.
Edi është shprehur që menjëherë pas këtyre momenteve, ajo ka bërë ato veprime që nuk duhet të presë të duartrokitet nga ai dhe e kanë lënduar Edin. Ajo i thotë që ajo është sjellë gjithmonë shumë mirë me Edin dhe pse ka patur shumë mundësi për të bërë mendjemadhen duke ditur që e kishte pëlqimin e tij. Edi shprehet që ai nuk i mohuar asnjëherë ato që ajo ka bërë dhe nuk ka folur keq për të, madje dhe natën që Miri ka bërë lojën me Enxhin, atij i ka ardhur keq për Rezin.
Rezi i ka thënë që asaj i ka ardhur shumë keq që ai ka menduar se ajo ka folur me të vetëm për shkak të nominimit, ishte e njëjta gjë sikur ajo të thoshte se ndjenjat e tij kanë qënë fallco dhe i ka bërë në funksion të lojës. Rezi i thotë që ajo ka dalë në sytë e të tjerëve sikur i ka dhënë shpresa Edit, por ka qënë duke luajtur lojën.
Edi është shprehur që ai ka pritur një fije respekti nga ata të dy që të paktën mos të bënin skena para tyre. Ai ka thënë që dhe nga Miri ka pritur që të mos vepronte menjëherë duke e ditur që Edi kishte ndjenja të forta dhe duke qënë se e konsideronte mik të mirë. Duke qënë se tonet e bisedës rriten, Rezi i thotë që dhe sikur ai të mos i flasë deri ditën e fundit nuk ka problem pasi nuk ka qënë zgjedhja e saj që Edi ka shkuar tek ajo. Edi thotë që ai po mundohet të fshijë nga kujtesa çdo situatë që ka kaluar me të. Ata thonë që i kanë kaluar dhe i kanë falur çdo gjë të keqkuptuar njëri-tjetrit. Rezi i ka thënë që elementi që e ka lënduar më tepër ka qënë që ajo ka dalë si një femër pa ndjenja ndërkohë që ajo nuk ka bërë asgjë të keqe me qëllim.

Jetmiri shtiret dhe Olta do ta vërtetojë
02/03/10 21:48

Disa nga banorët kanë qëndruar në kopësht dhe mes të tjerash Olta i ka thënë Kikës që do ta pyesë për diçka. Ajo i thotë se banorët e nominuar që kanë qënë javën e parë në shtëpinë e re, janë informuar nga Jetmiri se Kika po bën lojë të pistë. Kika në çastet e para nuk ka folur dhe Olta i ka thënë që ajo nuk e beson këtë gjë dhe pa i kthyer përgjigje ai. Kika është shprehur që ai ka folur dhe me Mirin për këtë gjë, por Olta nuk e ka lënë të mbarojë duke i thënë që ajo nuk i beson shumë disa sqarimeve të bëra tek-tuk, ndërkohë që ajo deklaratë është thënë para pesë banorëve. Kika i ka thënë që ata mund t’a marrin si të duan por Olta i ka thënë që nuk është kjo zgjidhja, por do të presin dhe Mirin dhe do ta bisedojnë këtë gjë pasi prapaskenat funksionojnë deri në një pikë, sipas saj. Kika është përgjigjur që Miri ashtu mund të ketë menduar por Olta i thotë që ata nuk mund të mashtrohen aq lehtë dhe Kika nuk duhet t’a justifikojë Mirin. Olta shprehet që nëse Miri është sqaruar me Kikën, duhet ta bëjë dhe me të tjerët, pasi Miri mezi po e priste të vinte Kika tek shtëpia e re. Kika shprehet që Miri duhet t’a ketë kuptuar që Kika nuk ka bërë lojë të pistë dhe Kika ia ka shprehur që ka menduar gabim. Olta është përgjigjur duke i thënë që kjo është një taktikë e Mirit që i merr veç e veç personat që i ka sharë më parë mbrapa krahëve, por kjo nuk mund të funksionojë me të gjithë. Olta ka vazhduar më tej duke i thënë që Jetmiri është shprehur që do t’i çirrte maskën Kikës dhe ai mbetet i habitur. Kika thotë që është i njëjti si tek shtëpia e vjetër dhe e re, dhe Olta i thotë që ajo e di shumë mirë se kush është Kika, por do të provojë Mirin a është i aftë t’i thotë gjërat në sy pasi mendon se po i ecën shumë mirë loja e pisët që po bën dhe nuk e di se do t’i dalin të gjitha në shësh. Kika i thotë që ai ka mundur t’i përdorë kundra banorëve ato që ka dëgjuar të thuhen për të, por nuk e ka bërë pasi nuk është në natyrën e tij. Olta është shprehur që Miri ka dashur t’u mbushë mendjen atyre, por nuk ia ka arritur.
Aty ka ndërhyrë Bertina dhe i ka thënë Oltës që kur shkonte mirë me Jetmirin nuk e shqetësonin këto gjëra, pasi ishtë grup me të ndërsa tani duket e shqetësuar. Olta i ka thënë që ajo nuk i ka pranuar ndonjëherë aleancat me të dhe nuk ka qënë grup. Bertina i është përgjigjur që Olta është shtirur sikur kanë qënë shoqe sepse e lidhte interesi me të. Olta është shprehur që nuk e ka patur asnjëherë shoqe Bertinën dhe vajza si ajo nuk i ka listën e shoqërisë. Të njëjtën gjë ka pohuar dhe Bertina dhe Olta i ka thënë që Bertina ka qënë pjesë e grupit që vendosën të nxirrnin Valentinën jashtë dhe e arritën. Bertina është larguar duke e lënë dëbatin e hapur dhe ia ka treguar Erionit këtë debat që pati me Oltën.

Bertina i tregon Jetmirit debatin me Oltën
02/03/10 22:58

Bertina i ka treguar Jetmirit dhe Erionit debatin e bërë me Oltën deri në detaje. Ajo i ka thënë Jetmirit që ajo ka folur për të, por Bertina i është kundërpërgjigjur dhe i ka dalë në mbrojtje Jetmirit. Ajo shprehet se i ka thënë Oltës që deri në momentin që ka qënë grup me Jetmirin, i pëlqenin këto gjëra ndërsa tani i komenton si veprime të këqija. Ajo tregon se Olta i ka thënë që dhe pse Bertina u bë pjesë e grupit, doli në nominim dhe nuk i erdhi mirë. Ajo i tregon që Olta ka thënë për Mirin që po të jetë burrë të dalë e të flasë me të dhe t’ia thotë gjërat në sy, dhe ajo i thotë Mirit që të shkojë e ta sqarojë që të mos i lërë vend për të komentuar pasi ajo mendon se ai është me shumë fytyra. Jetmiri thotë që Olta kështu bëri dhe për lojën e tij me Enxhin, i vuri zjarrin gjithë shtëpisë dhe kur i thanë që kishte qënë lojë, ngeli keq. Ai shprehet gjithashtu që ai nuk ka ngelur t’a tregojë burrërinë me Oltën, por nëse do të bisedojë vetëm për vetëm me të do t’ja japë atë kënaqësi, ndërsa në grup nuk ka ndërmend të flasi. Bertina thotë që ajo nuk kupton diçka, që kur gjërat janë të sinqerta asnjë nuk flet, por vetëm dëgjojnë, ndërsa kur ka ndonjë kleçkë hidhen të gjithë, kush e kush të flasë më parë.
Jetmiri shprehet që ai nuk e di se pse Olta është fiksuar aq shumë me Jetmirin. Më pas ajo i thotë që dhe Seldi ka treguar pakënaqësi pasi sapo kanë kaluar tek shtëpia e re dhe grupet janë formuar përsëri, ai ka dalë në nominim. Biseda është mbyllur pasi aty kanë ardhur dhe banorë të tjerë dhe ata kanë kaluar në tema të tjera bisedash.

ariel · « **Pergjigju #128 Me:** Mars 03, 2010, 01:42:25 MD »

Qetësia shpirtërore
03/03/10 00:25

Eduardi dhe Bledari janë ulur pranë pishinës dhe nën tingujt muzikor, bisedojnë me qetësi me njëri-tjetrin. Teksa pinë cigare ata diskutojnë për Valonin që hapi një sërë debatesh dhe për arsyet e pasojat e veprimeve të tij. Bledi i thotë Edit se tashmë gjërat mes Valonit dhe banorëve të tjerë janë sqaruar, por ai nuk do që ta përkrah atë tani edhe pse Valoni kërkoi falje. Bledi thotë se ai debatoi me Valonin sepse nuk mund të heshtë duke pranuar gabimet e tij. “Unë dua që ai të mësojë ca gjëra, nuk është kështu jeta” thotë Bledi dhe më pas shton “më erdhi mirë që deklaroi se kush e fryu”. Eduardi e pyet dhe Bledi i tregon se Valoni e kishte shprehur sot se ishte nxitur nga dikush dhe këtë gjë do ta thotë përsëri kur të jenë të gjithë bashkë. Bledi i thotë Eduardit se atij i intereson më shumë qetësia e tij personale. Edhe Edi thotë se e rëndësishme është që pesoni të ruajë balancën, qetësinë e tij, të kontrollojë veten. Më pas ata thonë se në disa raste njeriu kërkon qetësinë duke u larguar, por këtë herë në kushtet që ata jetojnë nuk e kanë mundësinë që të sigurojnë atë qetësinë e tyre shpirtërore. Teksa bisedojnë ata herë pas here këndojnë me këngët në sfond, ndërsa banorët e tjerë janë në dhomën e gjumit dhe po kërcejnë.

Bertina dhe Erioni
03/03/10 01:30

Erioni dhe Bertina të mbetur vetëm jashtë, shkojnë ulen pranë pishinës dhe bisedojnë. Ata flasin për ndjenjat e tyre dhe dashuritë e humbura. Bertina e pyet Erionin nëse ai do të donte që të kthehej përsëri te dashuria e tij e humbur disa kohë më parë. Erioni i thotë edhe një herë se ai ka dashur dikë shumë, por që tani në këto momente nuk e mendon më se mund të rikthehet përsëri te ajo histori. Më pas Erioni i thotë Bertinës se në disa pika ata ngjajnë të dy sepse të dy kanë pasur histori të ngjashme dashurie. Edhe bertina pasi tregon ndjenjat për dashurinë e saj të dikurshme, thotë se ajo e ka shkatërruar lidhjen vetëm për shkak të genjeshtrave të ish-it të saj. Pasi Erioni e pyet nëse ajo është penduar që e ka prishur lidhjen e saj, Bertina i thotë se për disa gjëra është penduar, për disa të tjera jo. Erioni i thotë se ai mendon se më mirë është që të jetosh momentin, por Bertina e kundërshton sepse në disa aspekte ajo nuk mund ta pranojë për moshën që ka. Nuk mund të veprosh me momentin kur bëhet fjalë për të ardhmen i thotë Bertina Erioni dhe më pas shton “nuk më pëlqen që të luaj me dashurinë, të thuash që ishte një moment” thotë Bertina duke theksuar se ajo e jetonte momentin kur ishte 19 vjeç. Më pas ata flasin për muzikën dhe shijet e tyre. Teksa dëgjojnë muzikë, mes puthjeve e përqafimeve të ngrohta, të dy të rinjtë flasin për dashurinë dhe ndjenjat kundrejt njëri-tjetrit.

Jetmiri xheloz për Rezin
03/03/10 03:00

Banorët janë bledhur në dhomën e ndenjes dhe teksa Klodi bën gjimnastikë, ata qeshin e bëjnë shaka me të. Jetmiri shkon në dhomën e gjumit ku tashmë janë fikur dritat dhe fillon të bisedojë me Rezartën. Pasi përshëndeten dhe puthen, Jetmiri i shpreh ndjenjat e tij Rezartës. Ai i thotë se njenja që ka për vajzën kosovare është shumë e fortë, por ai nuk do që ta pranojë këtë ndjenjë. “Jam konfuz” thotë Jetmiri “nuk e di se ça po më ndodh, po nuk duroj dot që të të shohë dikush tjetër”. Jetmiri i tregon Rezit se ai ndjehet xheloz për të dhe këtë gjë e ka kuptuar disa orë më parë kur Rezarta bisedonte me Eduardin pranë pishinës. Rezarta teksa e dëgjon qesh dhe më pas i thotë se Jetmiri duhet të ketë besim te ajo. Jetmi e sqaron duke i thënë se ai ka besim, por nuk mund t’u shmanget ndjenjave dhe emocioneve të tij. Ai i thotë Rezartës se me të po provon emocione të reja, por ai nuk pëlqen që t’i shpreh ndjenjat e tij. Rezarta i thotë se këtu nuk ka asgjë të keqe, por Jetmiri i thotë se ai nuk po e jeton dot këtë dashuri ashtu siç do ai. Pas kësaj Rezi i thotë që të bëj durim për këtë dhe biseda e tyre përfundon këtu pasi në dhomën e gjumit vijnë banorët e tjerë. Rezi me Mirin, pas disa minutash, dalin jashtë dhe bisedojnë me Kikën dhe Valonin.

Paragjykimet ndaj shqiptarëve
03/03/10 11:26

Bledari, Eduardi dhe Domenika janë zgjuar dhe pasi kanë përfunduar përgatitjet e mëngjesit, kanë dalë në ballkon dhe bisedojnë ndërmjet tyre. Eduardi thotë se jashtë shqiptarët përballen me një lloj rracizmi, me paragjykimet e popullsisë vendase ku ata kanë emigruar. Ai tregon për një histori personale kur ka qenë në Greqi. Aty ai është njohur me një vajzë greke me të cilin lindi një afrimitet i menjëhershëm, por që vajza u distancua direkt në momentin kur ai i kishte thënë se ishte shqiptar. Më pas edhe Domenika dhe Bledi tregojnë për histori të ngjashme. Domenika thotë se kur ajo prezantohet përpara një italiani, ajo i thotë se nuk është italiane, por ata duke u nisur edhe nga emri i saj mendojnë se ajo është nga Siçilia ose zonat e tjera përreth Italisë. Domenika më pas u shpjegon se ajo është shqiptare, por nuk ka ndodhur ende që të ndjehet e dickriminuar nga personat e huaj që ka takuar. Ndërsa Bledi tregon se ai është përballur me atë paragjykimin e të huajve kundër shqiptarëve. Kur Bledi ka shkuar në Gjermani u njoh me një vajzë me të cilën më pas edhe u martua. Ai tregon se i ati i vajzës kishte reaguar në mënyrë ashpër kundër tij vetëm prej faktit se ishte shqiptar. Më pas Domenika e pyet dhe Bledi tregon për njohjen me ish-gruan.

ariel · « **Pergjigju #129 Me:** Mars 04, 2010, 01:05:43 PD »

Bledi do të dijë për mardhënien e Domit dhe Seldit
03/03/10 12:58

Bledi dhe Domenika janë në kuzhinë, në pjesën e sallës së gatimit dhe Bledi i thotë Domit që i duket se ajo ka rënë në mendime. Domi i përgjigjet që është e vërtetë. Ai do të dijë më tepër dhe e bombardon me pyetje të tipit, pse ka rënë në mendime, për çfarë po mendon, a i referohet mendimi ndjenjave të saja dhe së fundmi a janë pozitive ato që po mendon. Domi nuk i kthen përgjigje por vetëm pohon me kokë. Bledi i thotë që në këtë mënyrë ai mendon se ajo mund t’a surprizojë me ndonjë veprim apo t’i krijojë iluzione. Domi shprehet se ajo thjesht ka rënë në mendime dhe nuk ka asgjë më tepër. Bledi nuk ndalet as këtu dhe e pyet se si shkon raporti i saj me Seldin dhe a e kanë mbyllur përfundimisht lidhjen e tyre apo është efekt kohe. Ajo i përgjigjet me një po të thatë dhe i thotë të ndërrojnë temë dhe të flasin për lule, për këngë e për të tilla tema. Bledi e pyet nëse po e mërzit me këto pyetje dhe duke qënë se nuk merr përgjigje, i thotë që mesa duket ajo po e vuan atë ndjenjë përderisa nuk do të flasi. Domii thotë që nuk është kjo por thjesht nuk i pëlqen të flasë për këtë temë. Bledi e pyet nëse ia ka shprehur dhe Seldit këto mendime pasi ai duket sikur shpreson akoma. Domi i përgjigjet që ia ka thënë, dhe pse e ka vërë re që ai shpreson akoma.
Bledi vazhdon akoma me pyetjet e tij dhe i thotë a ndihet mirë dhe e sigurt për ato që ka vendodur dhe a është duke vuajtur. Domi përgjigjet që nuk është duke vuajtur dhe nuk ka pse t’a bëjë pasi e ka mbledjur mendjen dhe po e përjeton mirë ndarjen. Si përfundim Bledi largohet meqënëse Domi nuk i ka lënë të kuptojë që do të flasë për atë temë.

[size=102pt]Djemtë flasin për tiparet e Domit dhe Oltës[/size]
03/03/10 14:54

Kika, Klodi dhe Domi janë në kuzhinë duke u marrë me gatimin dhe ndihmojnë njëri-tjetrin. Klodi shprehet me Kikën që Olta ka shumë prezencë si femër dhe është shumë e pëlqyeshme. Kika pohon, por ai i thotë që i pëlqen më shumë Domenika. Klodi përgjigjet që ata e dinë tashmë që Domi është simpatike dhe Kika i thotë që ajo ka fytyrë shumë interesante. Klodi shprehet që ajo nuk ka vetëm fytyrën por dhe trupin e mirë. Aty ndërhyn Domi dhe ajo i thotë që asaj nuk i pëlqejnë disa gjëra në fizikun e saj, dhe Klodi i përgjigjet që asnjëherë njeriu nuk është i kënaqur me veten. Kika shprehet që atij nuk i pëlqejnë femrat shumë të bukura pasi ato i duken si kukulla , por pëlqen femrat që kanë tipare interesante dhe shprehëse. Në këtë pikë përmend disa nga tiparet e saj dhe i specifikon që sytë dhe buzët i ka shumë të bukura. Më pas thotë “ lum si Seldi që e ka”. Klodi shprehet që dhe sikur mos të jetë Seldi, mund të jetë dikush tjetër që do ta shijojë praninë e saj. Më së fundmi Domi vendos të flasë dhe i thotë që me Seldin janë miq të mirë tani dhe asgjë më tepër.
Më pas Klodi ka në vëmendje Oltën dhe i thotë që çfarë janë ato elemente që ajo i mban meshkujt lidhur pas vetes. Olta i përgjigjet që meshkujt i japin energji të paparë. Klodi vazhdon më tej dhe shprehet që ai ka vënë re që Olta do t’i ketë meshkujt rreth e rrotull dhe kësaj i përgjigjet Edi duke i thënë që meshkujt i rrinë afër për hiret e saj. [/b]

Bertina ndjehet nën presin nga të tjerët
03/03/10 16:23

Bertina dhe Erioni kanë qëndruar në kopësht dhe Bertina është shprehur që banorët në shtëpi flasin me nënkuptime dhe gjithë kohën ndjehet nën sulm. Ajo thotë që sa herë kalon në kuzhinë apo në dhomë, domosdo dikush do të hedhë ndonjë fjalë për të, dhe kjo situatë i është bërë e padurueshmë. Erioni i sugjeron që të bëjë sikur nuk dëgjon dhe e pyet nëse ata duan të duken si të zgjuar para saj. Bertina i përgjigjet që ata janë me të vërtetë të zgjuar por që të përdorësh fjalë me nënkuptime për të vënë të tjerët në pozitë të vështirë, nuk është zgjuarsi, por ligësi, shprehet ajo.
Më pas ajo i tregon që Klodi i ka thënë Bledit që ai me Oltën janë çifti më real në shtëpi. Bertina duket që nuk i ka pëlqyer aspak ky mendim nga shprehjet e fytyrës që bën. Ajo shprehet me Erionin që ata munden të kthehen kundra të tjerëve, por më pas është e mendimit që mos t’ia plotësojë dëshirat të tjerëve pasi ata këtë po presin. Si përfundim biseda e tyre mbetet përgjysëm pasi atyre iu bashkohet dhe Seldi me Oltën.

Enxhi dhe Miri sqarohen
03/03/10 17:31

Enxhi dhe Jetmiri kanë ndjenjur në kopësht bashkë me Kikën dhe Valonin, por këta dy të fundit janë larguar duke e parë situatën që u krijua mes atyre të dyve. Enxhi duket mjaft e mërzitur dhe Jetmiri shkon ta ngushëllojë dhe i thotë që nëse ajo tregohet e duruar, do të jetë respekti më i madh që Enxhi mund të tregojë për të. Ai i citon “ i duruari, i fituari”. Ajo i thotë “ të kam shumë xhan”, dhe ai i përgjigjet që nuk është e lehtë për asnjë presioni që kanë, dhe i tregon që mbrëmë në darkë ka qënë shumë konfuz. Enxhi shprehet që ajo mendon se ai të tjera gjëra do e të tjera bën, pasi ndalohet nga rrethanat dhe ai pohon. Jetmiri i thotë që ai së shpejti do të shpërthejë dhe do t’ja tregojë të gjithëve ato që ka përbrenda. Enxhi duket shumë e prekur dhe përlotet pak. Jetmiri i lutet që të mos bëjë ashtu dhe ajo i thotë që i vjen shumë inat që ndikohet nga të tjerët. Ai i përgjigjet që nuk është ndikuar nga të tjerët por këmbëngul që nuk mund të krijojë diçka me të. Ajo e pyet me insistim se përse nuk mundet, por nuk merr një përgjigje. Miri i thotë që ai ndjehet shumë keq. Enxhi i thotë që ajo nuk e kupton pse vazhdon të rrijë me Rezartën nëse mendon të tjera gjëra, por ajo shprehet që ajo nuk mund ta durojë dot faktin që ai përqafon Enxhin e më pas shkon të flerë me Rezin. Ai i thotë që e ka problemin me veten pasi për Rezin ka ndryshuar disi mendim. Enxhi shprehet që ajo është nën presionin e të gjithë banorëve që e pyesin se çfarë do të ndodhë mes saj dhe Mirit, dhe pse në fillim ata nuk kanë dashur që ata të dy të jenë bashkë pasi ia kishin frikën. Ajo kërkon të dijë nëse Miri është pozicionuar kështu sepse ndjen apo sepse nuk mundet të ndryshojë sjellje tani pasi e ka nisur atë lidhje me Rezin. Por përsëri Jetmiri i thotë që nuk i ndan dot këto dy gjëra dhe nuk mund të japë një përgjigje. Ai i thotë që të gjitha gjërat që po ndodhin po e bëjnë të ndihet keq dhe nuk di si t’i menaxhojë. Ai shprehet që do të meret ai me banorët dhe do t’i bëjë të meren vetëm me ta për t’ja kthyer të gjitha kundër.

Klodi vërtetë i dashuruar?
03/03/10 18:25

Klodi i tregon Enxhit se ka rënë në dashuri me një djalë brenda në shtëpi. Enxhi bëhet shumë kurioze për të ditur se cili është, por Klodi tregohet shumë misterioz. Ajo i kërkon që të paktën t’i japë një shenjë që ajo ta kuptojë, por ai është shumë i rezervuar. Enxhi i përmend disa emra djemsh, por sërish Klodi nuk shpreh asgjë, por i thotë se së shpejti do e marrë veshë pasi do shprehet. Enxhi i lutet që t’i tregojë dhe e pyet nëse ai djalë është i lidhur apo jo dhe Klodi i përgjigjet se është pak e komplikuar. Enxhi nuk arrin që të zbulojë gjë. Banorët dalin të gjithë në kopsht dhe ndahen në dy grupe. Në të dy grupet hapet kjo bisedë për Klodin, por askush nuk e di se cili është ai që Klodi pëlqen. Klodi tregon se ai djalë ka bërë një gjest dhe nga ai gjest e ka pëlqyer mjaft, madje shton se edhe duart e tij i duken mjaft të bukura. Të gjithë qeshin dhe ngacmojnë njeri-tjetrin, sidomos vajzat ngacmojnë djemtë. Bledi shprehet duke qeshur se nga Klodi dy herë morën lajme jo të mira: njëra që vetëm djemtë ishin në nominim dhe tjetra se ai pëlqen një djalë. Djemtë pyesin njeri-tjetrin se cfarë gjestesh mund të kenë bërë ndaj Klodit, por askush nuk di të përgjigjet. Hakiu që ndodhet tek grupi tjetër, tregon se mund të jetë ai pasi në mëngjes Klodi i kishte thënë se i pëlqente dhe nëse nuk do ishte i martuar, do e kishte ngacmuar. Banorët qeshin. Ata i thonë Klodit që të mos e marrë shumë seriozisht këtë gjë se mund të lëndohet, por Klodi ua kthen se edhe nëse nuk do krijojë lidhje, do i mjaftojë një bisedë dhe një kërcim romantik me të. “Vetëm Domenika e di këtë gjë sepse e kuptoi nga vështrimi tek ai djalë”- shprehet ai dhe Domi i thotë të jetë i sigurt se ajo nuk tregon. Kjo bisedë diskutohet gjatë dhe ndër të tjera, Klodi shprehet se nuk ka guxim t’ia thotë sepse ka frikë se si do e marrë ai person. Të gjithë janë kuriozë, ndërsa Klodi shumë enigmatik. Gjatë gjithë kohës ai flet seriozisht duke mos u kuptuar nëse e ka lojë apo është e vërtetë.
Ndërsa qëndrojnë në kopsht, Olta dhe Klodi shohin grupin tjetër. Klodi shprehet se i vjen keq për Erionin që është pjesë e atij grupi dhe se sipas tij, ai ka për të humbur shumë në atë grup. Olta e pohon këtë gjë e ia kthen se Erioni po rri nga sikleti me atë grup.

Prova javore: vitet '80
03/03/10 19:45

Hakiu lajmëron banorët se duhet të fillojnë provën javore. Ata mblidhen të gjithë në dhomën e ndenjjes. Hakiu lexon përmbajtjen e zarfit me të dhënat kryesore për realizimin e kësaj prove. Banorët duhet të ndahen në dy grupe. Grupi i parë përbëhet nga Hakiu, Jetmiri, Ada, Erioni, Bertina dhe Bledi të cilët duhet të krijojnë një etyd mbi bazën e këngës së grupit Pink Floyd, “Another brick in thë wall”, këngë kjo që mishëron idenë e lirisë, barazisë dhe luftës antiracore. Grupi i dytë përbëhet nga Klodi, Olta, Seldi, Rezarta, Valoni, Enxhi, Domendika dhe Eduardi. Ata duhet të ideojnë një koleksion veshjesh bazuar në modën e viteve ’80 të cilën duhet ta paraqitin në një sfilatë ku secili do bëjë rolin e modelit. Veshjet duhet t’i krijojnë kryesisht me veshjet e tyre ekzistuese dhe gjatë prezantimit, duhet t’i bashkangjisin edhe stilimin e flokëve apo make up-in e asaj kohe. Të dy grupet vecohen dhe fillojnë nga puna. Ata japin ide dhe diskutojnë mbi mënyrat se si mund ta realizojnë sa më mirë këtë provë dhe mendojnë mbi materialet shtesë që mund t’u duhen. Në sfond është vendosur kënga mbi të cilën do realizohet prova e cila përsëritet vazhdimisht për t’i ardhur në ndihmë banorëve.

Bertina qan
03/03/10 20:57

Bertina dhe Erioni qëndrojnë vec të tjerëve, në një tavolinë afër pishinës. Të dy janë të heshtur dhe Bertina papritur fillon të qajë. Ajo mbulon kokën që të mos e shohin të tjerët. Erioni i shkon afër dhe e pyet se cfarë ka, por ajo ia kthen se s’ka asgjë. Erioni insiston dhe Bertina i tregon se iu kujtua një person i shtrenjtë, Erioni i qëndron afër dhe e përkëdhel që ajo të qetësohet. Bertina i kërkon atij një kafe dhe Erioni niset përnjëherë që t’ia përgatisë. Ndërsa pi kafen, ajo i kërkon Erionit që të flasin për dicka tjetër, që të heqë mendjen. Ata fillojnë të flasin për tema të ndryshme, për punën e secilit e kujtojnë leksione nga shkolla.

Miri: “Enxhi është influencuar”
03/03/10 21:12

Në anën tjetër të kopshtit, Miri dhe Rezarta bisedojnë për lidhjen e tyre dhe për Enxhin. Jetmiri i shpreh asaj dashurinë që ka për të. Ai i shpreh Rezartës fjalë dashurie. Jetmiri i tregon se bisedoi me Enxhin për ndjenjat e saj dhe se i kishte thënë se ai tashmë është lidhur me Rezin për të cilën ndjen vërtetë, ndërsa me të mund të kishte vetëm miqësi. Ai mendon se Enxhi është ndikuar nga të tjerët dhe ndaj ia shprehu aq hapur ndjenjat e saja. Sipas tij, të tjerët e kanë bindur për këtë gjë dhe madje e kanë shtyrë që ajo të veprojë me të. Jetmiri shprehet se Enxhi është inteligjente, por ai mendon edhe se kur të gjithë i flasin për këtë gjë, cfarë mund të bëjë ajo. Sipas tij, personat që mund të kenë influencuar janë Olta, Klodi, Ada dhe Domenika. Rezarta shprehet se nuk e kupton se cfarë po u intereson atyre që ndërhyjnë, por Miri shprehet se ato nuk rrinë dot pa thënë fjalë. “Tani duhet të luftojmë fort”- shprehet Rezarta, por Miri mendon se është ende herët. Rezarta thotë se nuk e kupton se përse banorët nuk përballen me njeri-tjetrin, por vec flasin pas krahëve. Për veten e saj, ajo shprehet se ka një pikë të dobët kur debaton; nëse bëhet nervoze, nuk shikon më se kë ka para. Ata flasin edhe për Klodin dhe Rezarta shprehet se e respekton për atë që është, por kjo nuk do të thotë se e mendon si ai. Ajo tregon se ai apo edhe persona të tjerë si ai, janë shumë të ndjeshëm dhe cdo fjalë e thënë i lëndon, e ndonjëherë edhe pa të drejtë. Duke folur për Klodin dhe banorët e tjerë, Miri shprehet se ata i kanë transformuar cdo fjalë që ai i tha Valonit e kanë përfituar nga situata.

E vërtetë apo lojë?
03/03/10 21:50

Bledi dhe Olta diskutojnë për fjalët e fundit që po thotë Klodi se pëlqen njërin nga djemtë, madje ai po përgatitet që t’ia shprehë këto ndjenja. Ai po përgatit një ambient romantik që biseda të jetë më kuptimplote e të përcjellë mesazhin e duhur. Ndërkohë Klodi nuk është shprehur ende se cili është ai djalë, por ua ka lënë surprizë për në momentin e duhur. Bledi e ka marrë seriozisht këtë gjë, ndërsa Olta i mendon të dy variantet: edhe atë se kjo mund të jetë e vërtetë edhe se Klodi po bën një lojë, ku ajo thotë se nëse është e dyta, e përgëzon për këtë gjë. Olta shton se ka ndërmend njërin nga djemtë, njërin që ajo nuk e pëlqen dhe shprehet se nëse është ai, atëherë kjo do jetë akoma më e bukur. Ajo tregon se donte t’ia sugjeronte këtë gjë Klodit, por sërish ekziston mundësia që të jetë e vërtetë. Bledi shprehet se Klodi le të bëjë cfarë të dojë, ndërsa Oltës i flet se përse nuk i tregoi gjë që më parë që kjo mund të ishte lojë, pasi tani po ndjehet keq që nuk i shkoi mendja. “Po disa gjëra duhen kapur”- shprehet ajo dhe shton se nuk është e sigurt për këtë përshtypje. Klodi bashkohet me ta dhe i kërkon Oltës që ta ndihmojë në përgatitje. Olta largohet dhe Klodi mbetet vetëm me Bledin. Ai shprehet se ndjehet në siklet, madje ka dy ditë që e mendon se si do ia thotë atij djalit. Klodi duket shumë serioz në bisedë. “E rëndësishme është që unë të shpreh atë që ndjej”- thotë ai. Seldi ndihmon Oltën që të përgatisë një tavolinë dhe dy karrike, gati për takimin. Të gjithë preokupohen për takimin e rëndësishëm të Klodit dhe të gjithë japin ide se si ta rregullojë e ta bëjnë sa më romantik atmosferën. Ndërkohë, Klodi shkon të vishet, ndërsa Edi, Seldi dhe Valoni komentojnë. Edi deklaron se nëse i thotë atij, nuk do ngrihet fare e nuk do shkojë. Seldi shprehet se nuk e ka problem dhe po ashtu edhe Valoni. Edhe Bledi shprehet se nuk e ka problem, madje edhe po t’i kërkojë puthje do ia japë. Edi pyet edhe Hakiun se cfarë do bëjë dhe ai ia kthen po ashtu se do shkojë nëse është ai i përzgjedhuri. Klodi vjen dhe shprehet se i pëlqen atmosfera. Ai kërkon që njëra nga vajzat të luajë rolin e kamarieres dhe uron që Vëllai i Madh t’i vendosë muzikë.

Takimi i Klodit
03/03/10 22:10

Të gjithë banorët dalin jashtë dhe qëndrojnë përballë tavolinës ku do ndodhë takimi, përvec Mirit dhe Rezartës. Olta ka marrë rolin e kamarieres dhe Vëllai i Madh plotëson dëshirën e Klodit dhe vendos një muzikë romantike në sfond. Klodi ulet në tavolinë, ndërsa djemtë duken disi të tensionuar. Klodi shprehet se personi që do marrë në vallëzim do jetë ai. Ai merr një lule dhe afrohet tek banorët ngadalë dhe u kërkon atyre një duartrokitje, sido që ta marrë ai person. Ai afrohet tek banorët ngadalë dhe ndalon tek Domenika ku i dhoron lulen dhe e merr në vallëzim. Domi qesh ndërsa të tjerët duartrokasin. Ai e merr në krahë dhe e con tek tavolina. Olta u mbush gotat dhe ata i tokin ato. më pas ngrihen të kërcejnë. Ai i lidh sytë me shallini e tij dhe e merr sërish në krahë dhe pasi e shëtit nëpër oborr, të dy shtrihen në bar, larg syve të të tjerëve ku qëndrojnë disa caste e më pas kthehen sërish të kërcejnë. Pasi kërcejnë futen brenda në shtëpi, ndërsa të tjerët mbeten në kopsht, disa të habitur ende. Ata fillojnë të komentojnë. Seldi shprehet se ishte e paparë, ndërsa Bledi dhe Erioni mendojnë se mund t’i pëlqejnë edhe femrat. Klodi bashkohet me ta dhe tregon se ishte vec një lojë.

Bledi i mërzitur me Oltën
03/03/10 22:42

Bledi është i mërzitur dhe nervoz. Klodi përpiqet që ta qetësojë. Bledi shprehet se më shumë e nervozojnë njerëzit kur vijnë dhe e pyesin se cfarë ka e kur i thonë se e ka nag nominimi. Sipas tij nuk ka lidhje fare me këtë gjë, por tregon se i janë mbledhur shumë gjëra, një trysni që fillon që me kushtet ku ndodhen e deri tek kujtimet për familjen. Ai shprehet se ka nevojë që të qëndrojë vetë sepse ashtu i kalon kjo gjendje. Duke diskutuar me Klodin, jo qartësisht, ai lë të nënkuptojë se është i mërzitur me Oltën. Klodi e këshillon që të flasë me të e të sqarohet, por Bledi ia kthen se nuk e di nëse përshtatet dot me të apo jo. Ai tregon se ajo ka disa sjellje, që mund të jenë pjesë e natyrës së saj, të cilat atij nuk i pëlqejnë. “Nuk mund të jetoj mirë kur ndodhin ato gjëra”- shprehet ai dhe i pëshpërit dicka Klodit në lidhje me sjelljet e Oltës.

Bledi dhe Domenika flasin për Oltën
03/03/10 23:30

Bledi del jashtë në oborr dhe diskuton vec me Domenikën për Oltën dhe ndjenjat që ka për të. edhe Domenika e këshillon që ai ta marrë Oltën e ta diskutojë me të këtë cështje, por ai shprehet se nuk po gjen asnjë mundësi për të ndenjur vetëm me të e për t’i folur. Ajo e këshillon që të mos i mbajë përbrenda këto gjëra, por të flasë se do ndjehet më mirë. Bledi shprehet se janë disa persona që kanë një karakter euforik dhe kur shprehin dicka, e shprehin në këtë formë. Sipas tij, këto karaktere nuk i pëlqejnë, por i pëlqejnë ata që i marrin gjërat me qetësi. Ai tregon se ka parë si gjëra pozitive ashtu dhe negative tek Olta dhe kjo e ka coroditur në mendime. Bledi tregon se Olta i ka thënë se i duhet kohë, por ai nuk e kupton se përse ajo qëndron larg, ndoshta nga opinioni, ndoshta nga frika ose se nuk do ta lëndojë atë sepse e mendon ndryshe nga ai. Bledi shprehet se nuk është thjesht një ndjenjë e momentit, por do që ta njohë më shumë se kaq Oltën. Domenika mendon se ndoshta edhe kjo e frikson atë sepse të japësh fjalën është e rëndësishme. Bledi e aprovon këtë mendim, por shton se ajo ka një karakter provokativ e ndonjëherë një sjellje ekstreme që ai nuk e kupton.

ariel · « **Pergjigju #130 Me:** Mars 04, 2010, 11:48:10 PD »

Kika: “Nuk e mendoja kështu big-un”
04/03/10 00:17

Kika është ulur te banaku dhe bisedon me Seldin dhe Valonin. Seldi e pyet për familjen dhe Kika i thotë se nga të tre fëmijët, vajza e vogël i ngjan më tepër dhe thekson se i mungojnë shumë fëmijët e tij. Më pas ai thotë se të gjithë në BB e kanë nga një person të cilit ia ndjejnë shumë mungesën. Seldi e miraton këtë dhe thotë “sigurisht është normale”, ndërsa Kika me shaka shton për Valonin “ja këtij s’duhet me ia përmend mamin...”dhe qesh. Valoni e miraton këtë gjë duke theksuar edhe një herë se ka një dashuri shumë të madhe për nënën e tij dhe më pas të tre fillojnë të flasin për BB dhe lojën. Kika u thotë djemve se ai nuk e kishte menduar se do të provonte këto lloj emocionesh në BB. Ai thotë se kur i bënë surprizën e priste që të vinte bashkëshortja etij, por priste edhe vajzën e vogël dhe nuk e kishte imagjinuar se mund të provonte aq shumë emocione gjatë surprizës. Hakiu u tregon djemve se BB është shumë ndryshe nga sa ai e kishte menduar përpara se të hynte në lojë. “Çdo gjë ka emocione të veçanta, edhe të qenit në nominim, edhe kur eleminohet dikush” thotë ai duke shtuar se aty, ata janë si një familje e madhe. Ndër të tjera ai e ilutron këtë fakt me mungesën që ndjenë banorët aktual të shtëpisë për ata që janë larguar. “Unë gjatë kësaj jave e kam ndjerë shumë mungesën e Gracielës” thotë Kika dhe Seldi e plotëson “edhe vetëm atë të qeshmen e saj”. Më pas ata diskutojnë për lojën brenda në shtëpi. Kika thotë që e rëndësishme është që të arrish t’i ndash gjërat dhe t’i kontrollosh situatat në mënyrë që të mos krijohen konflikte mes banorëve. Ai u thotë banorëve që gjithçka në shtëpi duhet parë në kontekstin e një loje, por pa dalë nga karakteri yt. Dy djemtë e tjerë përkrahin mendimet e Kikës dhe më pas të tre dalin jashtë të pinë cigare.

Cili do të eleminohet këtë javë?
04/03/10 00:55

Kika dhe Seldi dalin të pinë cigare pranë pishinës dhe vazhdojnë bisedat për lojën e banorëve në shtëpi. Të dy ndajnë mendimin se Jetmiri po bën lojë të gabuar në shtëpinë e BB. Hakiu thotë se ai thur intriga, thashetheme dhe për të loja e tij është e pistë, por sipas Kikës formatit BB i duhet edhe një lojtar i tillë. Kika thotë se si spektator nuk do ta kisha larguar Jetmirin nga loja në këto momente sepse ai ka se çfarë të japë për publikun. Seldi e pyet se nëse do të ishte vetëm spektator, kë do të largonte nga shtëpia të shtunën dhe Kika i përgjigjet se edhe pse ai nuk e pranon lojën e Jetmirit, nuk do të donte të largonte atë, por ndoshta Bledin ngaqë e njeh më pak. “Kurioz jam për çka do të ndodhi të shtunën se jena 3 kandidatë të veçantë” thotë Hakiu duke vënë në dukje edhe faktin se në shtëpi ka banorë të tjerë që duhet të dilnin para tyre pasi sipas tij, nuk kanë më se çfarë të japin. Kështu ata flasin edhe për largimin e banorëve nga shtëpia ku Kika thotë se nuk e priste që Graciela të dilte aq shpejt, madje e kishte menduar si një prej finalistëve. Të dy nuk lënë pa përmendur edhe largimin e Pamelës që sipas tyre ishte shumë e zgjuar, por loja rrodhi në atë mënyrë që solli edhe largimin e saj. Seldi e pyet se kë mëndon Kika se mund të shkojë në finale dhe ai i përgjigjet se sheh disa nga banorët që kanë se çfarë të japin dhe përmend Domenikën, Erionin, Adën dhe thotë për disa të tjerë se s’kanë shumë për të dhënë ku përmend Klodin, “pavarësisht deklarimit që bëri unë nuk mendoj se do të japë më tepër, nuk e di, por nuk i kam plotësisht të mënduar se kush mund të jetë në finale” thotë Kika. Më pas ata bëjnë vlerësime për banorët duke thënë se çdokush prej tyre mund dhe ka gabuar duke nxjerrë dikë në nominim pa i menduar shumë veprimet apo shprehjet e tij. Seldi e pyet për Bertinën dhe Kika thotë se ende nuk e ka një mendim të qartë për të, ndërsa për Enxhin thotë se tashmë i duket e konsumuar. Seldi thotë se Rezarta i duket e çudtitshme. Më pas ai e pyet Kikën “po për mua realisht ça mendon?”. Kika i thotë se ndonjëherë Seldi i është dukur më i pjekur për moshën që ka, por ka raste që ai nuk i mendon gjatë situatat duke i nxitur ato. Kika i thotë se për të Valentina doli nga shtëpia nominimin e parë sepse në vend që ti ulte tensionet i nxiste më tepër, të njëtën gjë sipas tij po bën edhe Jetmiri. Ndërsa për Bledin Kika thotë se është njeri i formuar, ka disa opinone e gjëra të mira, por ka edhe disa gjëra, opinione që nuk i pëlqejnë tek ai peson.

Biseda e ngacmime
04/03/10 01:50

Banorët pas darkës kanë dalë në ballkon e teksa pinë cigare, bisedojnë e ngacmojnë njëri-tjetrin. Enxhi është ulur përballë Jetmirit i cili sapo ka dalë nga dushi dhe fillon ta ngacmojë me fjalë, shikime, e tym cigareje. Jetmiri i thotë Enxhit “s’po më dukesh mirë, po shikoj hedhje tymi?” dhe Enxhi qëndron për një moment e heshtur dhe vetëm e sheh. Pas pak minutash jashtë dalin banorët e tjerë dhe Enxhi nis të këndojë “të desha pa hile...”. Rezarta ka fjetur dhe Jetmiri thotë “i kemi vënë fëmijët në gjumë me ëndërra sot” duke marrë shkas edhe nga fakti që banorët kishin treguar përralla, ndërsa banorët e tjerë qeshin. Pasi banorët ngacmoojnë Jetmirin ai çohet të futet brenda dhe Enxhi nis të këndojë përsëri “o ma ka bo gruaja 8 me 2... se gruaja është bela... , kujt i djegi le ta mbajë”, por Jetmiri nuk i kthen përgjigje. Më pas ata vazhdojnë të bisedojnë në përgjithësi. Klodi thotë se ata bëjnë gabim që hanë dhe pinë natën sepse kjo ndikon në gjumin e tyre. Edi i thotë se kjo ka të bëjë më tepër me organizmin e gjithsecilit sepse ai nuk ka probleme me ushqimin. Më pas banorët shkojnë në dhomën e gjumit ku dritat tashmë janë fikur.

Jetmiri u bën lojë banorëve në gjumë
04/03/10 07:00

Pasi të gjithë flenë Jetmiri dhe Valoni nuk kanë gjumë. Në një moment Jetmiri çohet dhe vendos tu bëjë një lojë banorëve të cilët i ka zënë gjumi. Ai merr shllakun dhe fillon tu lyejë flokët me shllak. Pasi e bën këtë ai e fsheh shllakun poshtë krevatit të tij dhe shtrihet përsëri. Jetmiri nuk ka gjumë dhe nis të bisedojë e të qeshë me Valonin për lojën. Pas disa minutash ai vendos që të çohet dhe shkon në banjë për të harxhuar ujin e ngrohtë të dushit. Në këtë mënyrë loja e tij do të jetë më e kompletuar pasi banorët nuk do të kenë se me çfarë të lahen kur të zgjohen të lyer me shllak. Kështu Jetmiri del jashtë dhe së bashku me Valonin bisedojnë se si do të vazhdojnë lojën. Ata vendosin që të lyhen edhe vetë me shllak në mënyrë që të mos kuptohet se kush e bëri lojën. Në dhomë Erionit i del gjumi. Ai çohet i çuditur, vjen vërdallë në dhomë për disa minuta dhe pastaj shtrihet përsëri në gjumë. Pas tij çohet Klodiani dhe çuditet që sheh dushin e hapur. Pasi pastrohet vetë Klodi e mbyll dushin dhe shkon përsëri në dhomë. Valoni dhe Jetmiri tashmë e kanë lyer veten me shllak dhe janë shtrirë të flenë.

ariel · « **Pergjigju #131 Me:** Mars 04, 2010, 12:11:23 MD »

Mëngjes me plot çudi
04/03/10 10:50

Në shtëpinë e BB tashmë janë ndezur dritat dhe muzika dhebanorët po zgjohen një e nga një. Kika zgjohet i pari dhe shkon në kushinë për të bërë kafe. Pas tij zgjohet Domenika e cila i ka ende flokët me shllak. Ajo zgjohet e çuditur kur shikon çarçafin e saj të bërë pis dhe më pas sheh flokët në pasqyrë. Domenika shkon në dhomën e rrëfimit dhe fillon të ndërrojë bateritë e banorëve që vazhdojnë të flenë. Tashmë zgjuar është edhe Eduardi i cili pasi përgatitet të shkoj në dush, vë re jastëkun e tij të bërë pis. Ai pyet Domenikën i çuditur, por ajo i përgjigjet se nuk di asgjë. Edi mërzitet sepse ende nuk e di që jastëku është bërë me shllak. Ai shkëput një pjesë shllak nga jastëku dhe fillon ta nuhasë. Ai mërzitet teksa sheh krevatin dhe çarçafët e tij të bërë pis dhe më pas shkon në dush të cilin e gjen hapu dhe pa ujë. Pas kësaj ai mundohet që të pastrojë krevatin dhe më pas shkon të bëj kafe. Gjatë kësaj kohe bisedon me Kikën të cilit i thotë “se gjithçka është bërë me qëllim pasi edhe dushi ishte lënë hapur”. Protagonistët kryesorë të lojës si Jetmiri, si Valoni vazhdojnë të flenë akoma.

Valoni me fajet e shtëpisë mbi shpinë
04/03/10 11:38

Banorët zgjohen të çuditur teksa shohin që janë të mbuluar me shllak dhe më pas mërziten kur mësojnë që edhe dushi nuk ka ujë të ngrohtë. Ata dalin jashtë në ballkon dhe teksa pinë cigare, flasin duke bërë hamendësime për autorin e lojës. Domenika është shumë e mërzitur për faktin se ajo i kishte flokët me shllak dhe nuk gjeti ujë të ngrohtë. Për lojën ajo thotë se mund ta ketë bërë Valoni sepse ai është më i prirur për shaka të tilla. Edi e plotëson duke i thënë se mendon që përveç Valonit mund të jetë edhe Enxhi. Edi tregon se kur ishte zgjuar për të shkuar në dush, kishte parë Valonin zgjuar dhe më pas shton se autori i kësaj shakaje mund të jetë ose Enxhi, ose Valoni. Kjo ia përforcon më tepër mëndimin Domenikës për autorësinë e lojës. Mendimin se autori mund të jetë Valoni e kanë dhe të tjerët. Klodi thotë se ai ishte zgjuar herët dhe kishte vënë re që ishte i lyer me shkumë. Ai tregon se më pas kur shkoi në banjë, kishte gjetur të hapur dushin dhe e kishte mbyllur dhe më pas kishte shkuar të flinte pranë pishinës. Të njëjtën gjë tregon edhe Edi i cili përsëri në mëngjes e kishte gjetur dushin hapur. Klodi thotë se kur ai kishte shkuar në banjë ishte edhe Jetmiri jashtë duke pirë cigare. Në këtë moment Bledi thotë se me siguri është Miri autori i lojës, pasi atij i pëlqen të bëhet interesant me të tilla shaka, por më pas ndërron mendim duke thënë se me siguri është Valoni, ngaqë vetëm krevati i Bledit nuk ishte bërë pis. Për këtë mendim Bledi e thotë ngaqë Valoni me të ka pasur konflikte kohët e fundit nuk e ka bërë me shkumë krevatin e tij. Olta pasi zgjohet i pyet banorët e tjerë se “kush ma ka bërë krevatin me shkumë rroje” dhe djemtë i thonë se ishin bërë të gjithë pis. Banorët flasin me siguri duke ia ngarkuar fajin Valonit ai autori i lojës, por tashmë ata duken më të qetë sepse e kanë marrë këtë shaka thjesht si lojë.

Duan të dinë autorin e lojës
04/03/10 13:15

Banorët vazhdojnë të flasin për lojën e bërë nga Jetmiri dhe Valoni një natë më parë. Ata zgjohen një nga një dhe të gjithë habiten kur e shikojnë veten të bërë me shkumë ose që e kanë fshirë vetë gjatë natës me trup. Tashmë Erioni është ngritur nga gjumi dhe e ka një ide që loja mend të jetë bërë nga Valoni. Për kërë arsye ai merr shkumën dhe i kthen lojën atij. Ndërkohë që Valoni është në gjumë dhe nuk ndjen asgjë. Bertina i thotë që mos t’ja lërë ashtu pasi do të bëjë pis dhe çarçafët duke qënë se e ka lyer në qafë. Aty vjen Seldi dhe pyet Erioni se çfarë po bën. Erioni ia shpjegon dhe Seldi pyet nëse e kanë bërë dhe atë pasi ai nuk e di a e kanë bërë apo jo me shkumë. Bertina ndërhyn dhe i thotë që përderisa vetëm ai nuk është me shkumë kjo do të thotë që lojën e ka bërë ai, por Seldi nuk reagon fare. Kika ndodhet aty dhe e ka ndjekur të gjithë bisedën. Ai thotë për veten, që nuk e kanë bërë me shkumë, po ashtu thotë dhe Bertina. Ata të dy numërojnë personat të cilët janë bërë me shkumë dhe thonë “Edin, Oltën, Klodin, dhe Erionin”. Erionit duket se i vjen keq për Valonin dhe ia fshin shkumën që i ka vënë vetë. Seldi është shumë kurioz të dijë nëse dhe ai ka qënë ndër viktimat e lojës dhe këmbëngul që Erioni t’i tregojë, por ai përgjigjet që nuk e ka vënë re.
Më pas kur Jetmiri zgjihet e shikon veten të bërë me shkumë,të cilën e ka bërë vete dhe thotë që kush ia ka bërë do t’a paguajë. Erioni i përgjigjet që ia ka bërë ai, pasi nuk ka kush tjetër t’i bëjë këto lojra. Fjalët e fundit të Erionit janë me nënkuptim, dhe të thënë për Mirin. Ky i fundit i kërkon Erionit që t’i sjellë një peshqir dhe Erioni bën shaka me të duke e pyetur se çfarë ngjyre e preferon peshqirin.

ariel · « **Pergjigju #132 Me:** Mars 05, 2010, 10:28:37 PD »

Bertina dhe Kika do t’a ruajnë shoqërinë
04/03/10 14:43

Bertina dhe Kika kanë qëndruar tek stolat e kuzhinës duke biseduar me njëri-tjetrin. Në fillim ata flasin për muzikën dhe këngëtarët. Kika i tregon Bertinës për fëmijët e tij dhe i thotë që kanë vesh për muzikë dhe zë të mirë.
Më pas Bertina shprehet se po afron dita e spektaklit dhe e surprizave, ajo thotë që dhe kjo javë kaloi. Kika përgjigjet që natën e shtunë të spektaklit që vjen, i bëhen plot gjashtë javë që janë në shtëpinë e Big Brother. Bertina i thotë që ajo mendon se do t’i mbajë lidhjet me disa nga banorët dhe përmend Domin e Gracielën. Kika i thotë që ato e kanë më të lehtë dhe të përshtatshme që të takohen pasi janë të gjithë në Tiranë. Bertina shprehet që Graciela është në Shkodër, por kjo nuk do të thotë gjë, pasi ajo i ka premtuar që do të vijë shpesh për t’i takuar dhe nuk kanë për t’i shkëputur lidhjet. Kika i thotë që ai do t’i surprizojë herë pas here, duke i marrë në telefon e duke i thënë që ndodhet në Tiranë. Bertina i përgjigjet që ai do të rrijë këtu tani e tutje sepse nuk kanë për ta lënë që të ikë. Ai i thotë që do t’i vizitojë shpesh dhe do të takohen kur të jenë të lirë dhe të tjerët, pasi ai ka shumë gjasa të vijë me Lindën, bashkëshorten e tij. Ata flasin dhe për xhelozitë në çift dhe Kika i tregon Bertinës që ai i ka të sqaruara të gjitha gjërat me Lindën dhe ata nuk kanë keqkuptime mes njëri-tjetrit. Ai thotë që disa njerëz mund t’a kenë keqkuptuar marrdhënien e afërt të tij me Gracielën, por ai është i qetë dhe i sigurt që Linda e kupton dhe nuk ka probleme me të.
Bertina i tregon që ajo ka patur disa miq nga Kosova, të cilët iu dalin miq të përbashkët me Kikën. Ata vazhdojnë të flasin për miqtë e tyre.

Klodi provokon Bertinën
04/03/10 15:57

Klodi, Erioni dhe Bertina po qëndrojnë në sallon dhe janë duke folur për lojrat në stadium dhe bëjnë plane që kur të dalin nga shtëpia e Big Brother të shkojnë në stadium të gjithë bashkë. Por papritur e pa menduar Klodi hedh një mendim të çuditshëm. Ai i thotë që është shumë kurioz të shikojë njëherë Erionin, Bertinën dhe Oltën, duke u larë në dush së bashku. Në të vërtetë ky mendim i vjen duke qënë se pak më parë Bertina ka dashur të bëjë dush dhe Olta është futur përpara saj, në njëfarë mënyrë i ka zënë radhën. Bertina i ka thënë pse është futur të lahet pasi ka dashur të lahet ajo dhe Olta i ka thënë që nuk ka nga ta dijë këtë. Bertina i është përgjigjur që ajo ka disa momente që është e veshur me robdishan dhe nuk po rri kot ashtu. Olta është shprehur që nuk e ka vënë re dhe ka vazhduar punën e saj.
Më pas Klodi ka dashur ta ngacmojë Bertinën në lidhje me këtë gjë, por ata ngelin të habitur dhe Bertina thotë se nuk e kupton nga i ka ardhur ky mendim. Klodi shprehet që do t’i dukej interesante t’i shikonte dy vajzat anash dhe Erionin në mes. Ai fillon të imagjinojë skenën dhe Erioni i thotë me shaka që ai nuk ka nevojë të lahet me to, dhe lahet vetëm. Bertina i kthen përgjigje duke i kujtuar që ata janë larë njëherë bashkë dhe i thotë që ai nuk di të kthejë një përgjigje të saktë kur e provokojnë, duke iu referuar përgjigjes që i dha Klodit. Aty ndërhyn Domi dhe i thotë që ai e ka kuptuar që është provokim prandaj ka kthyer atë përgjigje. Klodi shprehet që ajo nuk ka pse ta detyrojë Erionin të flasë çfarë të dojë ajo. Erioni shprehet që ai e kuptoi që ishte provokim dhe nuk kishte pse të kthente ndonjë përgjigje tjetër. Por Bertina nuk heq dorë dhe i thotë që ajo ishte përgjigjja më injorante që mund të jepte në kuadër të një çifti. Klodi po ashtu nuk heq dorë dhe i thotë që ai do t’i prezantojë Erionit një shoqen e tij kur të dalin sepse është shumë e bukur. Erioni i thotë që do t’a provojë njëherë, por Bertina i pergjigjet që ajo nuk do t’i përkasë më atij. Erioni shprehet që nuk i kupton këto gjëra që thotë Bertina dhe i duken shumë fëminore. Ai e mbyll duke i thënë “jeto momentin Bertina”. Klodi shprehetqë ata janë tipa shumë të ndryshëm, njëri është sportiv e tjetri i mbyllur.

Edi dhe Bledi bisedojnë
04/03/10 16:25

Edi dhe Bledi janë në dhomën e gjumit bashkë me Oltën dhe janë duke bërë biseda të përgjithshme. Më pas Olta largohet dhe Edi i thotë Bledit për të që ajo është shumë saktë dhe preçize. Ai vazhdon që thotë që ajo është vajzë largpamëse, ndërsa ata janë shumë mbrapa saj po të krahasohen me mendime.
Edi shprehet për Valonin që ai është i dyshuari për lojën që i kanë bërë një natë më parë duke i bërë pis, dhe Bledi i përgjigjet që nëqoftëse është Valoni, ai nuk ka për t’a lënë me kaq pasi ai nuk mund të lejojë të tjerët të bëjnë ç’të duan me të. Edi shprehet që loja nuk është e bërë me të keq, por me naivitet. Bledi i thotë që nuk mendon ashtu, por gjithsesi po të jetë Valoni autori, do t’ja thotë dy fjalë. Edi përgjigjet që ajo lojë i duket në kuadrin e ngacmimit ashtu siç bën dhe Enxhi, sa për të krijuar ndonjë situatë të vogël. Bledi i thotë që është dakort me ato që thotë Edi, por ai ka marrdhënie të tjera me Enxhin, jo si me Valonin me të cilin nuk ka shumë kofidenca. Bledi shprehet që ai do ta respektojnë ashtu siç i respekton ai njerëzit. Ai vazhdon të thotë që ai nuk i lodh dhe bezdis të tjerët dhe ka botën e tij ku ka një mendim për secilin, dhe me kë pëlqen që të bisedojë, e bën.

Jetmiri tregon për lojën që ka bërë
04/03/10 17:02

Jetmiri dhe Erioni kanë biseduar për lojën e mbrëmshme. Jetmiri ia pranon Erionit që e ka bërë ai dhe i thotë që është kënaqur duke parë fytyrat e banorëve. Erioni e pyet a e ka bërë dhe Erionin dhe Jetmiri i përgjigjet që e ka bërë pak te këmba që të mos të kuptohej nga të tjerët, pasi po të mos e kishte bërë dhe Erionin do e kishin kuptuar që e ka bërë Jetmiri. Erioni i thotë që ai e ka ndjerë shumën, dhe rrobat e banorëve kanë ngelur me shenja, por Jetmiri i thotë që nuk i intereson. Rezi shprehet që asnjë nga banorët nuk e ka bërë të madhe si çështje dhe nuk e kanë ngritur zërin. Jetmiri duket i interesuar të dijë se si kanë reaguar banorët e tjerë dhe e pyet Rezin për të tjera detaje. Ajo i tregon se më tepër janë acaruar për ujin që e kishin lënë hapur dhe kishte mbaruar. Jetmiri shprehet se atij ka qënë duke i dështuar plani pasi e ka parë Klodi që ai ishte zgjuar, menjëherë pas momentit që kishte lyer banorët. Madje ai i ka akuzuar Klodin që mund ta ketë bërë ai atë lojë, duke i thënë që e ka parë duke lëvizur, ndërsa Klodi i është përgjigjur që e kanë lyer dhe atë dhe nuk e di kush e ka bërë. Më pas Erioni i thotë që Seldi nuk e dinte në e kishin bërë apo jo me shkumë. Jetmiri thotë plot kënaqësi që Seldin e ka mbushur me shkumë por duhet të ketë shkrirë.
Jetmiri thotë që për sonte ka pregatitur një tërmet sepse ka gjetur një formulë të paparë dhe kanë për ta parë se çfarë ka për t’i bërë.

Rezi dhe Kika për nominimin
04/03/10 17:17

Rezi dhe Kika kanë dalë në kopësht dhe Rezi ka pyetur Kikën si ndjehet këtë javë që është në nominim. Kika i përgjigjet që është shumë i qetë, por Rezi i kujton që konkurenca është shumë e fortë. Ai e pyet se kush mendon që do të dalë dhe ajo i thotë që nuk e ka idenë se kush mund të ikë. Ajo shprehet që ndërmjet të treve, Bledi është i ri dhe akoma nuk ka dhënë maksimumin e tij dhe njerëzit mendojnë që duhet t’i japin një shans që të shprehet. Më pas ajo i tregon për veten e saj dhe i thotë që nuk po mundet të kthehet përsëri në lojë, e ka humbur disi sensin e saj. Kika i thotë që e ka nga dashuria por ajo i përgjigjet që nuk mendon se e ka nga ajo.
Biseda e tyre është ndërprerë pasi ka ardhur Jetmiri dhe Edi. Ata i thonë që dreka është gati dhe duhet të shkojnë të hanë. Jetmiri tregohet që sot është shumë energjik dhe është kthyer ai i pari. Duke qënë se aty u mblodhën disa banorë Jetmiri shfrytëzon rastin dhe hap temën e lojës së mbrëmshme. Ai thotë që atë e kishin bërë me shkumë në fytyrë dhe ai shprehet që ka parë Klodin që është ngritur nga krevati dhe hedh idenë se mund ta ketë bërë ai lojën.

Ngacmime mes Jetmirit dhe Rezartës
04/03/10 18:18

Jetmiri dhe Rezarta ngacmohen me fjalë në lidhje me dashurinë që ndjejnë e raportet që mund të krijojnë me njerëz të tjerë. Ndërsa qëndrojnë në kopsht, ai shtiret sikur kalojnë vajza të tjera e sikur ai i ngacmon. Rezarta edhe qesh, por edhe bëhet xheloze, ndërsa Miri ia kthen se bën shaka se realisht nuk ka asnjë rrotull. Jetmiri i thotë se ajo nuk i ka thënë “të dua” e për sa kohë që ajo nuk i ka thënë gjë, ai është i lirë të bëjë c’të dojë. Ajo ia kthen se e do apo nuk e do është puna e saj, por për sa kohë që janë bashkë, ai nuk duhet ta gënjejë, ndërsa për faktin se ai mund të bëjë cfarë të dojë, Rezarta i thotë se ai e ka lirinë në dorën e tij se edhe nëse ajo i thotë “të dua” ai sërish mund të bëjë c’të dojë. Jetmiri i thotë se në rast se ajo ia shpreh dashurinë, atëherë cdo gjë ndryshon dhe ai ka për ta marrë seriozisht lidhjen e nuk do shohë majtas apo djathtas. “Po më the fjalën magjike, jam i detyruar të të respektoj deri në fund”- shprehet ai duke përfunduar bisedën mes tyre.

Miri, Bledi dhe Valoni sqarohen
04/03/10 18:40

Jetmiri dhe Bledi e kanë lënë që më parë për të biseduar në lidhje me zënkën midis këtij të fundit dhe Valonit. Ata dalin të dy në kopsht dhe vec të tjerëve për të sqaruar këto biseda. Bledi hap bisedën i pari dhe i tregon Mirit se Valoni është shprehur se ai është fryrë prej Mirit dhe këtë gjë, ai e ka shprehur edhe në dhomën e rrëfimit, ashtu si edhe para të gjithë banorëve të tjerë. Miri habitet nga ky fakt dhe i kërkon Bledit që ta ballafaqojnë këtë gjë për të mos patur keqkuptime e për të mos e bërë këtë bisedë në sensin e thashethemeve. Bledi pranon dhe Miri shkon të thërrasë Valonin. bledi shprehet se dhe atij i kishte shkuar ndërmend kjo gjë, që Miri të kishte ndikuar tek Valoni dhe justifikohet se e ka menduar këtë gjë pasi ndërmjet tyre, tij dhe Mirit, ka vënë re një distancim. Miri ia kthen se gjithë ajo që ndodhi nuk kishte fare lidhje me Bledin e ndërkohë Valoni afrohet tek djemtë. Miri ia spjegon se për cfarë do flasin dhe Valoni i thotë se këtë gjë e ka thënë vec për fjalën që i tha Miri ( në lidhje me fjalën se dikush e kishte sharë Valonin). Miri e pyet Valonin nëse i ka thënë atë natë që të shkojë e të përballet me Bledin për këtë gjë dhe Valoni e mohon duke shtuar se Miri nuk e tha me qëllim atë gjë. bledi e sqaron Valonin se nga mënyra se si erdhi atë natë, gjithë kërcënim, mendoi se e kishte fryrë Miri dhe Valoni në një farë mënyre, atëherë e kishte pranuar. Valoni ia kthen se Miri nuk i ka thënë asgjë të tillë. Valoni tregon se Miri realisht ka pyetur “a e kanë sharë Valonin?”. miri i kthehet Bledit dhe i thotë se edhe më parë ia ka bërë të qartë se ai me të nuk ka asgjë personale, ndërsa Bledi i thotë se mënyra se si rrodhën ato ngjarje, e bënë të kuptonte se ishte ndryshe situata. Bledi kërkon që këtë bisedë sqarimi ta zhvillojnë edhe në prani të të tjerëve, por Jetmiri i thotë se përsa kohë personat e prekur nga kjo situatë janë ata të tre, le ta diskutojnë aty. Ai shton se ai mund ta mendojë si të dojë, t’i thonë cfarë të duan të tjerët apo ta pranojë apo jo sqarimin e tij, por situata mes tij dhe Valonit ka qënë ndryshe nga sa e kanë kuptuar të tjerët. Miri i tregon pak a shumë situatën dhe i thotë se iu drejtua Enxhit duke e pyetur se cili e ka sharë Valonin, pasi nuk ka qënë në brendësi të bisedës, jo Valonit dhe shton se nuk e priste fare që ai të reagonte e as nuk i ka thënë që të shkojë e të kapet me ndonjë. Bledi kthehet nga Valoni dhe e pyet se përse u shpreh se u fry nga Miri dhe Valoni thotë se nuk është fryrë aspak nga Miri për ato gjëra, por vec nga fjala “Bravo” që i ka thënë ai kur Valoni kërcënoi Bledin. Ai shton se nuk e kupton se përse të tjerët e kanë kuptuar “fryrjen” për ndodhinë e mëparshme. Bledi duket i sqaruar dhe spjegon se i kërkoi Mirit këtë sqarim pasi Valoni u shpreh ndryshe një ditë më parë dhe ai i mendoi gjërat tjetër për tjetër. Miri i thotë Valonit që herë tjetër të spjegohet më mirë me fjalët sepse po krijon keqkuptime. Bledi shprehet se me Mirin nuk ka asgjë personale, ndërsa Miri thotë se ka vënë re se ai po e futet shpesh në diskutime vetëm nga thashethemet që ndodhin në shtëpi.

Qëllimi i lojës së Rezartës
04/03/10 19:45

Duke diskutuar në përgjithësi, Bledi i thotë Rezartës se ajo ka ndryshuar dhe nuk është më ajo vajza që ai njohu në fillim. Rezarta i kërkon që ai t’i tregojë se në cfarë pikash ka ndryshuar dhe Bledi shprehet se mendimin e ka ndryshuar që pas lojës që ajo bëri me Mirin dhe Enxhin. “Aty për mua si Bled ke humbur shumë pikë”- i thotë ai. Rezarta ia kthen se ai edhe mund ta pëlqejë ose jo, por ajo nuk ndjehet në faj për ato që bëri. Olta e cila përfshihet në bisedë, e pyet nëse e arriti qëllimin që kishte me atë lojë e se cili ishte. Rezarta përgjigjet se atë që donte e arriti, por nuk dëshiron të tregojë qëllimin e saj. olta insiston, por Bledi shprehet se nuk ka lidhje me lojën, por me veprimin e Rezit, gjë që atij nuk i pëlqeu. Rezarta tregon se disa veprime që bëri gjatë asaj loje, nuk janë pjesë e saja, por për hatër të lojës, duhet t’i bënte. Bledi shprehet se ai nuk i mendon si ajo disa gjëra dhe i kërkon disa spjegime asaj në lidhje me një bisedë që kanë bërë të dy më parë. Rezarta sqaron se ajo bisedë ka ndodhur përpara se ajo të përfshihej në lojë dhe se ajo ka qënë një bisedë e sinqertë mes të dyve. Bledi dhe Olta insistojnë për të ditur qëllimin e Rezartës dhe e pyesin nëse ajo donte t’i vinte ata në lojë me ato që bëri, por ajo ia kthen se nuk ishte ky qëllimi, por të shihte disa gjëra të tjera, të shikonte ata që po e luanin atë lojë. Bledi i thotë se sido që të ketë qënë loja, ai ka ndryshuar mendimin e tij për të. Ada dhe Olta vazhdojnë të insistojnë për qëllimin e Rezartës që u përfshi në lojë dhe ajo pranon se donte që të vinte në provë besimin ndaj Mirit. Olta shprehet se cfarë kishte ndodhur mes tij dhe Enxhit ajo mund ta merrte vesh vecse duke i pyetur ata vetë. Domenika mendon se fajet nuk i ka Rezi, por Miri. Klodi ndërhyn dhe u kërkon që ta mbyllin këtë bisedë sepse atij po i duket e kotë. Ai kapet me fjalë me Rezin ku i thotë që të dali jashtë e të flasë me Bledin sepse atij nuk i intereson kjo bisedë, por Rezi ia kthen se ajo mund të flasë cfarë të dojë dhe shton se nuk e hapi ajo bisedën, por e pyetën. Bledi ia kthen se ai përgjigjen e mori dhe bisedën po e vazhdon ajo vetë. Rezarta largohet, ndërsa të tjerët komentojnë. Bledi thotë se ai vetë u sqarua, ndërsa Ada shprehet se ajo nuk kuptoi asgjë e nuk mori përgjigjen që donte. Ajo i drejtohet Klodit dhe i thotë se u shpreh shumë keq sespe nuk mund t’i thotë të tjerëve se nuk do të dëgjojë biseda apo të dalin jashtë. Klodi ia kthen se kanë një javë që po dëgjojnë të njëjtën daulle, duke nënkuptuar të njëjtën bisedë.

ariel · « **Pergjigju #133 Me:** Mars 05, 2010, 10:35:15 PD »

Përgatitjet për provën e javës
04/03/10 20:30

Rënia e gongut nënkupton fillimin e provës javore për banorët. Ata mblidhen të gjithë dhe ndahen në grupet e paracaktuara që një ditë më parë për realizimin e kësaj prove. Disa prej tyre shkojnë të marrin materialet shtesë që kjo provë të jetë sa më e realizuar. Hakiu mbledh grupin e tij dhe u tregon se si do t’i ndajnë detyrat. Ai ka hartuar një plan se si ta inskenojnë subjektin e këngës. Jetmiri e përgëzon dhe Hakiu ndan rolet e secilit pjestar të grupit. Ata fillojnë të merren fillimisht me përgatitjen e materialeve dhe sendeve që do t’u duhen. Kështu, banorët i futen punës dhe secili jep idetë e veta se si t’i ndërtojnë më mirë ato.
Edhe grupi tjetër i është përveshur punës. Ata diskutojnë për sfilatën që do të bëjnë dhe për radhën e gjithësecilit. Pjestarët e grupit ndajnë materialet dhe veshjet e fillojnë nga përgatitjet. Vajzat diskutojnë se si t’i kombinojnë veshjet që t’i përafrojnë modës së atyre viteve, ndërsa të tjerët bëjnë prova për sfilatën. Të dy grupet vazhdojnë të punojnë për provën e javës.

Rezarta kërkon spjegime nga Miri dhe Enxhi
04/03/10 22:30

Rezarta dhe Jetmiri diskutojnë për bisedën që u bë mes saj dhe Bledit. Ajo shprehet se ai i kishte kërkuar sqarime e sipas saj, secili ka të drejtë që të sqarohet e të kërkojë sqarime. Rezarta shprehet se kur i fut të tjerët në lojë, detyrimisht kur të kërkojnë sqarime, duhet t’u japësh. Jetmiri ia kthen se i ka thënë edhe më parë që ajo të mos kërkojë gjithnjë pse-në e atyre që ndodhin, por ajo thotë se do përgjigjet për pyetjet që ka. “Unë t’i kam dhënë, po deshe dëgjoi, po deshe jo”- shprehet Jetmiri dhe largohet nga biseda.
Biseda rifillon sërish, por tani edhe në prani të Enxhit. Rezarta është ulur përballë tyre dhe i pyet se si realisht u nis ajo lojë dhe se qëllimi kryesor për të cilën u bë, asnjëherë nuk u realizua deri në fund. Ajo shprehet se gjithë loja u bë për Enxhin, që të shihte fytyrat e vërteta të banorëve e të përballej më pas me ta për ato që kishin thënë më parë apo më pas. Enxhi shprehet se e pa kur banorët më parë e vunë Rezartën përpara me pyetjet që po i bënin dhe thotë se kur pa se ajo nuk po ia dilte më dot atyre, vendosi që të ndërhynte, por të tjerët nuk po e lejonin. Ajo i thotë Rezartës se shkoi në tualet me Mirin për disa arsye personale dhe kur dolën, panë se të gjithë po i shihnin shtrembër e nga kjo menduan të shihnin se si do reagonin të tjerët nëse ata nuk sqaroheshin që në fillim se si ishte ngjarja dhe këtë gjë, Enxhi ia ka thënë edhe banorëve të tjerë. “Kjo u bë për të cjerrë maskën e këtë gjë e kam thënë në sy të të tjerëve gjithnjë”- shprehet ajo dhe shton se kjo gjë nuk u nis si e tillë, por u kthye në të tillë nga reagimet e banorëve. Rezarta e akuzon Enxhin se nuk u përball asnjëherë me banorët për ato që kishte ndërmend, por Enxhi shprehet se t’ia thuash në sy banorëve se përse u bë loja, është një formë përballjeje. Miri ndërhyn dhe i thotë Rezit se ajo nuk duhej të kishte folur me banorët e tjerë jo në prezencë të tij, pasi do ua përplaste ai në fytyrë të gjitha. Rezarta pyet sërish Enxhin se pse ajo nuk i ka përmendur asnjëherë me banorët ato fjalët për të cilat duhej të ballafaqohej me ta, por vetëm deri tek pjesa që ishte lojë. Miri ndërhyn sërish dhe thotë se këtë gjë ia ka ndaluar ai Enxhit sepse sipas tij, nuk është ende koha që ai ta hapë një debat të përmasave të tilla sepse për të do ishte shkatërruese se është në nominim dhe se të gjithë do i ktheheshin kundër, madje edhe familjarët e tyre do i kishte kundër. Rezi shprehet se me ato që po bën ai, jo vetëm familjarët e tyre, por edhe të tjerë i ka kundër.

Pakt ndërmjet Rezartës dhe Mirit
04/03/10 22:50

Rezarta insiston se kjo lojë për të ishte e rëndë. Enxhi ndërhyn dhe tregon se Rezi kishte thënë se ende nuk e dinte nëse ishte lojë apo e vërtetë ndodhia në tualet. Kur Miri i thotë i habitur se ajo nuk paska patur besim tek ai, Rezi shprehet se me dy ditë që kishin lidhur e fakti që nuk rrinin bashkë, e bënte të dyshonte për këtë. Ajo thotë se nuk donte që të përdorej dhe kishte si qëllim që të mësonte të vërtetën. Enxhi e pyet nëse i interson më shumë Miri apo të tjerët sepse duke mos patur besim tek ai, e prek edhe atë. Rezi shprehet se nuk mund t’i besojë dhe Enxhi e pyet sërish se përse u lidh me të nëse nuk i beson. “Nuk dua të të jap spjegime ty, kam arsyet e mia se përse u lidha”- shprehet Rezi. Miri i thotë se sic u dha spjegime atyre, ashtu duhet t’i japë dhe Enxhit, ndërsa Enxhi mendon se Rezit i leverdis që ta ketë mirë me banorët e tjerë më shumë se sa me të. Enxhi largohet. Rezi vazhdon të diskutojë me Mirin. Ajo është e mërzitur sepse sipas saj, Miri e ka gënjyer. Ajo tregon se Enxhi i tha se shkuan në tualet për të biseduar, ndërsa Miri i kishte thënë se shkuan që të bënin këtë lojën. Për Mirin kjo është e njëjta gjë sepse përmbajtja e veprimeve apo fjalëve është e njëjta. Rezi e mendon ndryshe. Ajo shprehet se këto janë dy gjëra të ndryshme dhe tregojnë që ai e ka gënjyer e nuk i ka treguar të vërtetën mbi fillimin e lojës. Enxhi afrohet sërish pranë tyre dhe Miri e pyet se si është e vërteta. Enxhi ia kthen se ishte gjithca nën kontekstin e lojës dhe se ishte një formë provokative për të tjerët. Enxhi shton se edhe fjalët që thonë dy persona nuk mund të përdoren njësoj dhe nga kjo vijnë keqkuptimet tek Rezarta, pasi përmbajtja është e njëjtë. Miri përfundon bisedën dhe thotë se nëse del se ai ka të drejtë, ata të dy nuk janë më bashkë. Rezarta bie dakrod dhe thotë se edhe nëse del që ajo ka të drejtë s’do jenë më bashkë.

Bledi i mërzitur me Valonin
04/03/10 23:00

Bledi u tregon Adës dhe Oltës për bisedën që bëri me Jetmirin dhe Valonin. ai duket i nervozuar me Valoni dhe tregon se ai e ktheu bisedën sipas interesit të vet kur tha se Miri e kishte fryrë kur i tha “bravo” dhe e mbështeti për kërcënimin e bërë nga ai. Bledi shprehet se komplet debati në ato momente kishte mbaruar, por shton se Valoni prandaj nuk i pëlqen sepse po tregohet njeri i keq, mashtryes dhe e kthen si i do qejfi bisedat. Sipas tij, Valonit i mjaftonte të kërkonte të falur, e jo t’i ndryshonte bisedat. Ai tregon se Valoni i kishte thënë se Bledi kishte ndryshuar kunddrejt tij dhe nuk ishte më ai që kishte njohur tek shtëpia e vjetër, ndërsa ai ia kishte kthyer se ai që kishte ndryshuar është Valoni. “E dredhin bisedën kur nuk duan të japin spjegime kur ua kërkon”- thotë ai dhe shton se këta njerëz nuk janë mësuar të ballafaqohen dhe për mos t’iu prekur krenaria se u duket vetja i ulur, e ndryshojnë bisedën sipas qejfit.

Bledi kërkon një takim me Oltën
05/03/10 00:05

Bledi ka vendosur që natën e sotme t’i shprehë ndjenjat e tija Oltës. Ai këtë gjë ia thotë edhe Klodit dhe Domenikës por kërkon një aprovim prej tyre nëse është mbrëmja e duhur. Ata i thonë se po dhe Klodi ngrihet menjëherë që t’i rregullojë ambientin e t’ia bëjë të përshtatshëm për takimin, pa dijeninë e Bledit apo të Oltës. Ai del në kopsht dhe bashkë me Domenikën sistemojnë një tavolinë dhe dy karrike e mbi tavolinë vendos lule, ndërsa Edi hap një shishe verë. Klodi merr Oltën dhe e con në dhomën e gjumit ku i kërkon që të vishet bukur e të rregullohet. Ajo nuk e kupton se cila është arsyeja. Klodi e ndihmon të rregullohet. Po të njëjtën gjë bën edhe Bledi i cili vishet tamam për një event të tillë. Ndërsa përgatitet, Olta shprehet se nuk i pëlqejnë këto lloj takimesh, por sidoqoftë pranon të shkojë. Bledi ka përfunduar së u bëri gati dhe shkon në kopsht e ulet tek tavolina. Me të është edhe Klodi të cilit i merr disa mendime se si t’ia bëjë ndërkohë që i shpreh dashurinë. Klodi i thotë se ndërsa i shpreh dashurinë, t’i japë dhe dhuratën që i ka bërë. Gjithcka është gati dhe Olta vjen në kopsht. Sapo shikon se cfarë po ndodh, ajo thotë se përse ai duhej ta bënte si gjithë të tjerët, por Bledi shfajësohet se nuk ishte mendimi i tij. Ai i dhuron një trëndafil dhe e falenderon që pranoi ftesën e tij. Të dy ulen në tavolinë dhe Klodi me të tjerët i shërbejnë dy të rinjve. Klodi i jep edhe dhuratën e Bledit të cilën Olta e pëlqen shumë dhe ndërkohë befasohet se nuk e priste një gjë të tillë.

Bledi i shpreh ndjenjat Oltës, ajo refuzon
05/03/10 00:10

Bledi e nis bisedën duke i thënë Oltës se gjithnjë ia ka shprehur simpatinë dhe më shumë se aq që ndjen për të. ai i thotë se do që ta njohë më shumë se sa të jenë miq dhe e pyet atë nëse mund t’ia japë këtë mundësi, apo ajo e shikon ndryshe. Olta e pyet nëse ai e ka kuptuar shprehjen e saj, por ai i thotë se e ka kuptuar dhe nuk e ka kuptuar, pasi ndjehet shumë konfuz. Ai i kërkon që Olta të flasë qartë, kur ajo i thotë se është ende në anije, gjë që ia ka thënë dhe më parë dhe ai e di se c’do të thotë. Olta i refuzon ndjenjat e tij. Ajo thotë se i pëlqen që të dy të jenë shokë, por për këtë gjë mund të flasë vec tani sepse më vonë, asgjë nuk dihet. Olta vë re se Bledi mërzitet dhe këtë gjë ia vë në dukje. Bledi insiston që ajo t’i kthejë një përgjigje për një të ardhme të afërt, për një shpresë. Olta i thotë se s’mund të flasë kot, por tani për tani e mendon kështu. Ajo shprehet se nuk do e pengonte asgjë nëse do ndjente, kur Bledi e pyet se ndoshta po flet në këtë mënyrë nga rrethanat ku ndodhen. Olta e shikon që ai është i mërzitur dhe i thotë se do të shohë sërish atë bledin që ka parë deri tani dhe ai ia kthen se po të njëjtin raport do vazhdojnë të kenë. Bledi shprehet se kishte menduar që ta njihte më shumë atë sepse përvec pamjes dhe karakterit të saj vital, ai nuk njeh asgjë tjetër. Ai tregon se kishte disa ditë që po i mendonte këto gjëra dhe e pyet sërish Oltën nëse ndjen simpati për të apo vec e shikon si shok. Olta pohon me kokë për fjalët e fundit. Bledi thotë se ajo nuk duhet t’ia marrë për keq dhuratën që i bëri, ta konsiderojë në sensin e shoqërisë

Bledi: “Je tip i vështirë”
05/03/10 00:45

Bledi diskuton me Oltën për karakterin e saj, të paktën aq sa ka njohur ai prej saj në këtë shtëpi. Ai thotë se ndonjëherë ka vështirësi ta kuptojë atë dhe nuk e di nëse kjo është pjesë e karakterit të saj. Olta ia kthen se ai mund ta pyesë sa herë nuk e kupton. “Më lodhin gjërat e komplikuara, do doja të mi thoje më thjesht”- shprehet ai dhe thotë se me Oltën këtë gjë e kishte pak problem sepse shpesh nuk e kuptonte. Sipas tij, ajo është tip i vështirë, ndryshe nga i tiji dhe ajo i lë gjërat të ndodhin kur duhet të ndodhin, i programon ato. Olta ia kthen se nuk i programon, por i lë për në momentin e përshtatshëm, atëherë kur ajo e shikon si të tillë. Bledi e pyet nëse i pëlqen ndonjë djalë tjetër në shtëpi, por Olta thotë se për këtë gjë kanë biseduar më parë. Ai i thotë se ajo ka një natyrë shumë provokative, sidomos me shikime. “Unë kështu jam, por i përdor provokimet vec kur dua”- shprehet Olta. Të dy të rinjtë flasin dhe për marrëdhënien shoqërore mes tyre. Bledi i kërkon Oltës që ta konsiderojë si një mik të mirë dhe të hapet për cdo gjë me të, ndërsa ajo i thotë se është hapur me të aq sa për të ka qënë e nevojshme. Më pas, dy të rinjtë flasin në përgjithësi për shoqërinë e tyre.

Erioni: “Nuk mund të njihesh në këto kushte”
05/03/10 01:20

Erioni dhe Ada diskutojnë për marrëdhënien e tij me Bertinën. Ada shprehet se nuk i kupton disa veprime apo fjalë të Bertinës si përshembull “unë kjo jam, po deshe, po s’deshe ik”. Sipas saj, në një cift nuk duhet të ekzistojë kjo lloj marrëdhënie, madje pa argumentuar se përse merren të tilla vendime. Erioni thotë se do vijë një moment që edhe ai do bëjë kokëfortin. “Nëse nuk ka rrugë të mesme kjo do ndodhë”- shprehet ai, ndërsa Ada thotë se kjo mënyrë i privon lirinë personit tjetër sepse nuk i lë hapsirë që të veprojë ashtu si do vetë, por sic do tjetri. Erioni tregon se me Bertinën janë disa situata të vogla, të tilla, por që atij nuk i vjen mirë. Ada mendon se kur gjëra të tilla ndodhin në këtë shtëpi e në kushte të tilla, në jetën jashtë do jetë edhe me keq dhe argumenton se këtu ata kanë ardhur edhe për lojë. Ndqërsa vazhdojnë bisedën, Ada uron që Erioni të gjejë një të dashur, të duhurën për veten e vet. “Ndoshta është edhe kjo”- ia kthen ai duke nënkuptuar Bertinën, por Ada shprehet se i duken shumë larg të dy. Erioni thotë se do t’i shohë situatat me të jashtë dhe shprehet se të lidhej në shtëpi nuk i pëlqente sepse kushtet nuk janë të tilla që të njihen mirë. Ai tregon se Bertina i pëlqente dhe e mendonte të kishte një histori me të, por jo këtu dhe nga kjo e sforconte veten që të mos i shfaqte ndjenjat që më parë. Dy banorët ndryshojnë temën e bisedës dhe diskutojnë për xhelozinë. Erioni shprehet se është shumë xheloz në një lidhje dhe jep disa shembuj të tillë, ndërsa Ada tregon se në lidhjen e saj, i ka lënë shumë hapsira partnerit dhe ndoshta kjo e ka cuar në përfundimin e historisë.

ariel · « **Pergjigju #134 Me:** Mars 05, 2010, 04:54:51 MD »

Komente për grupin tjetër
05/03/10 02:15

Enxhi i thotë Mirit sërish se nëse del ai, ajo do dalë pas tij dhe Miri i thotë se kjo mund të ndodhë vërtetë. enxhi e pyet nëse ai do bënte të njëjtën gjë për të, por Miri, pasi mendohet pak, e pyet atë se përse ka vendosur që t’i bëjë pyetje të tilla. “Dua të të njoh edhe në këtë drejtim”- shprehet ajo. Miri i thotë se do vijë së shpejti dita kur ai t’ia tregojë se e pëlqen dhe e vlerëson atë si një shoqe të mirë, ndërsa Enxhi ia kthen se mezi po e pret këtë gjë. Biseda ndryshon dhe Miri fillon t’i tregojë për lojën që u bëri të tjerëve një natë më parë dhe mënyrën se si reaguan të tjerët. Enxhi tregon se ia kishin vënë gishtin asaj fillimisht, por kur ajo u kishte thënë se s’kishte lidhje me të, disa prej banorëve, Bledi, ishin shprehur se asaj ia merrnin si lojë, ndërsa ndonjë tjetri jo. Miri tregon se dhe atij iu afrua Bledi dhe e pyeti, por shton se ai donte që të kapej jo me të, por me Klodin, ose Domenikën, ose Oltën për këtë lojë. Rezarta shprehet se ata nuk e ndjejnë të kapen me të sepse e kanë krijuar rrethin e tyre, ndërsa Enxhi mendon të kundërtën. Rezarta u tregon se pak më parë ishte në dhomën e gjumit kur erdhi lta me Bledin dhe të tjerët komentonin mbi ata të dy. Ajo tregon se disa ishin shprehur me një ton të cuditshëm se ka banorë që nuk i shikojnë ata si cift, fjalët që Rezi ia kishte thënë në tavolinën e ngrënies seldit, Klodit edhe Domit e kishin përmendur me inicial emrin e saj. rezi thotë se ata nuk e kishin parë që ajo ishte aty dhe kur kishte reaguar, ata kishin mbetur të habitur, ndërsa ajo i kishte thënë se ky është mendimi i saj. bertina duke dëgjuar bisedën thotë se kjo u bë si punë garash, kush e kush të bëhet sa më parë cift.

Rezarta dhe Miri flasin për lidhjen
05/03/10 03:30

Jetmiri dhe Rezarta diskutojnë për lidhjen e tyre. Ajo thotë se ka vënë re disa ndryshime tek sjellja e saj, kjo si pasojë e ndodhive të ndryshme. Miri i thotë se nëse ajo vazhdon kështu, atëherë mund të ftohet marrëdhënia midis tyre, madje thotë se e ka vënë re një ftohje tek vetja. Rezi ia kthen se e kupton këtë gjë, por uron që ai të mos ndryshojë ndaj saj vetëm nga gabimet që bën apo nga ndikimi i të tjerëve. Ajo i kërkon Mirit që t’i spjegojë se ku ka gabuar ajo që ai po ftohet. Miri i thotë se nuk po ndjen atë ngrohtësinë e fillimit, por kjo nuk do të thotë se nuk e do më, ndërsa Rezi mendon se ai nuk i jep që ajo t’i rrijë afër, madje më shumë afron të tjerët se sa atë. Ata diskutojnë edhe për grindjen që patën gjatë mbrëmjes dhe të dy shprehen se u mërzitën nga njeri-tjetri dhe Miri mendon se kështu po shkatërrohen. Miri justifikohet se po ndjehet nën tension gjatë gjithë kësaj kohe dhe kjo ka shkaktuar një ndryshim në raportin e tyre. “Nuk arrij që t’i jap disa përgjigje vetes apo ty të të jap vëmendjen që meriton”- shprehet ai dhe thotë se shpesh nuk sillet si duhet, madje bën gjëra që nuk duhet t’i bëjë, prej stresit. Rezarta e pyet se si duhet të sillet ajo me të, ndoshta të largohet, por ai i thotë se vetëm nuk duhet ta sforcojë e t’i japë kohë derisa ai ta kalojë këtë gjendje. “Nuk është e drejtë që t’i të stresohesh për mua”- i thotë ai dhe shprehet se ajo ka ardhur për lojën e saj aty. Rezi ia kthen se ajo që ndjen për të, është më e madhe se loja.

Rezarta: “Dua të kthehem në lojë”
05/03/10 04:37

Rezarta është e shqetësuar për lidhjen e saj. Ajo shkon në kuzhinë dhe bisedon me Adën për këtë temë. Rezi mendon se ndoshta lidhja e saj nuk funksionon aty brenda, por jashtë do funksionojë. Ada shprehet se më shumë po e sheh nervoze sesa të lumtur, ndërsa Rezi mendon se ka ndryshuar dhe njerëzit që më parë i janë dukur interesant, tani nuk i duken më. Sipas Adës, fajin nuk e kanë njerëzit, por ajo që është fokusuar vetëm tek Miri. Rezi e kupton këtë gjë, por shprehet se nuk ka nerva që të dalë prej kësaj gjendjeje edhe pse e di se kjo do t’i kushtojë shtrenjtë. Ada e mendon si pëlqim lidhjen e tyre, ndërsa Rezi nuk di ta shpjegojë dhe thotë se ndjen shumë për Mirin, por në të njëjtën kohë dëshiron që të kthehet sërish në lojë. Ada e këshillon se ajo ka ardhur në këtë lojë për veten e saj e jo për të tjerët, ndaj i thotë që të ngrihet më optimiste e të përpiqet të ndryshojë dicka. Rezi shprehet se i duhet një shtysë. Ajo tregon se banorët e tjerë kanë filluar t’i flasin me ironi, ndërsa Ada mendon se këto raporte janë krijuar nga banorët e vjetër, mes njeri-tjetrit e kështu kanë për të vazhduar deri sa t’i nxjerrin inatet që kanë. Ajo e këshillon sërish Rezin që t’i marrë më qetësisht e më pozitivisht gjërat që të dalë nga kjo monotoni.

Miri: “Do doja të ruanim miqësinë”
05/03/10 05:20

Miri dhe Enxhi diskutojnë për të përbashkëtat që kanë në karakter. Miri shprehet se sa vjen edhe më shumë mbetet i befasuar nga karakteri i saj dhe shpesh pyet veten nëse ajo është e vërtetë apo jo. “Nuk besoja se ekzistonte një njeri si ty në jetë”- thotë ai duke shtuar se e kishte ëndërruar një tip si ajo. Ai thotë se ajo nuk e njeh aspak, por Enxhi ia kthen se me aq sa e njeh, i mjafton për të thënë se i pëlqen. Miri tregon se tre personat që i pëlqejnë në shtëpi janë ajo, Valoni dhe Rezarta, të tre banorë të rinj. Për Valonin ai thotë se i ka transmetuar gjithnjë pozitivitet, madje të tre në formën e tyre. Për Rezin thotë se e ka besuar gjithnjë verbërisht pavarësisht sjelljeve pozitive apo negative të tija. Miri shprehet se nëse del të shtunën, vetëm këta të tre do i mungojnë më shumë dhe shpreson që ata ta ruajnë miqësinë edhe jashtë.
Mir flet me Enxhin për tipin e tij dhe karakterin rebel që ka. Ai thotë se nëse është i bindur se ka të drejtë, e mbron atë me cdo kusht.
Ata zhvillojnë biseda edhe për banorët e tjerë dhe Miri tregon për marrëdhënien e tij me Erionin. Ai thotë se ishte ai shtysa që Erioni dhe Bertina të lidheshin dhe këtë gjë e ka bërë me qëllimine mirë pasi Bertina i duket një vajzë shumë e mirë. Por, sipas tij, Erioni nuk po sillet korrekt me të dhe kjo vjen nga karakteri i tij i paqëndrueshëm. Miri tregon se Erioni i ka thënë se ka patur shumë eksperienca në jetë, por nga veprimet, del se nuk di të sillet mirë me vajzat. “Zoti i ka dhënë bukurinë e ai atë shfrytëzon”- shprehet Miri për të dhe shton se me vajzat ai nuk di të ketë respekt. Për veten, Miri shprehet se kurrë nuk do i mungonte në respekt një vajze, sidomos nëse do ishte e lidhur me dikë tjetër. Ai tregon se gjithnjë është shkëputur nga vajzat e shtëpisë kur ato janë lidhur e merr si shembull Domenikën që kur u lidh me Seldin, ai nuk po e ngacmonte më atë. Miri mendon se Erioni është ndjerë në garë me të në këtë lojë e tregon disa argumeta lidhur me këtë gjë.

Bledi dhe Kika flasin për Valonin
05/03/10 12:06

Bledi dhe Hakiu janë ngritur nga gjumi e duke përgatitur kafen, bisedojnë. Bledi i thotë Hakiut se ka menduar që të mblidhen njëherë të gjithë e të diskutojnë mbi cështjen e zënkës së tij me Valonin sepse sërish ka disa paqartësi. Ai tregon se foli një natë më parë me Valonin dhe Mirin dhe se Valoni e kishte ndërruar sërish versionin e bisedës dhe kishte thënë se nuk e kishte fryrë Miri, ndryshe nga sa kishte thënë më parë. “Dua të di kush e ka fryrë para zënkës Valonin”- shprehet ai duke thënë edhe se do që ta nxjerrë fajtorin e situatës. Hakiu tregon se të nesërmen e ngjarjes ai i sqaroi këto biseda me Jetmirin, por Bledi mendon se duhet të mblidhen të gjithë e ta diskutojnë. “Secili ka mënyrën e vetë”- shprehet Hakiu. Bledi thotë se i duket sikur intrigantët po fitojnë e ai do që të dalin ata që janë të sinqertë, ndaj mendon që të mblidhen e Valoni të tregojë para të gjithëve versionin e tij. Ai shton se po mendon sikur Valoni e ndryshoi versionin më pas, i influencuar nga dikush. Bledi tregon se gjatë gjithë javës ai kishte debate me valonin dhe atë natë u përmblodh e gjitha. Kika mendon se Bledi ka bërë një gabim me Valonin sepse në vend që të qetësonte situatën, ai e coi më tej. “Valoni është më i ri se ti”- i thotë Hakiu dhe shton se ajo situatë u acarua kot sepse nuk filloi fare ndërmjet tij dhe Valonit, por midis Valonit dhe Klodit. Bledi thotë se reagoi menjëherë sepse ishte Valoni që u foli në numrin shumës duke i prekur të gjithë. Ai thotë se nuk e kupton Valonin se si i mendon gjërat, por është i bindur se ka qënë i ndikuar nga Miri. Hakiu tregon se Valoni ishte keqkuptuar dhe fjalën fryrje e kishte kuptuar për kurajo. Ai thotë se edhe vetë kishte një mosmarrëveshje me Mirin. Bledi ndërhyn dhe e pyet se përse nuk u sqarua në sy të të tjerëve, por Hakiu ia kthen se problemet që ka ai me Mirin, i zgjidh vetë me të. Bledi i thotë që aty po fiton intriga dhe jo hipokrizia. Bledi shprehet “këtu është bërë hidh gurin, e fshih dorën”, dhe kjo nuk është e ndershme. Kika përgjigjet që e rëndësishme është të gjehet një rrugë komunikimi për t’i sqaruar keqkuptimet dhe tregon se me Mirin nuk i ka sqaruar të gjitha gjërat por ai nuk e ka në karakter që të grindet para të gjithëve.

Edi dhe Hakiu për nominimet
05/03/10 12:27

Pasi Hakiu ka folur gjatë me Bledin për Valonin dhe Jetmirin, ka ardhur Edi dhe ka biseduar me Hakiun. Fillimisht ata flasin për faktin që banorët fshehin ushqime dhe sende të tjera për t’i konsumuar vetë. Edi i thotë që dhe ai e ka bërë këtë gjë, por disa ditë më parë kur mendonte se historia do të merrte një rrjedhë tjetër. Ai e ka fjalën për Rezin dhe tregon se ato veprime i ka bërë për të, madje ia ka shprehur dhe asaj. Kika do t’a ngushëllojë dhe i thotë që të mos e mbajë mendjen tek ajo histori, pasi ka kaluar dhe i tregon që në Kosovë kanë një shprehje “ për hajër u bëftë” dhe ia uron dhe Edit, gjithashtu i thotë që Edi meriton diçka më të mirë. Edi shprehet që dhe ai po bindet për këtë dhe e falenderon.
Më pas Edi e pyet Kikën nëse ka emocione për faktin që është i nominuar dhe ditët po afrojnë. Kika përgjigjet që nuk ndjehet i frikësuar pasi kjo javë për të ka qënë java më e mirë. Ai shprehet më tej që nuk është ndjerë në presion duke e krahasuar me javën e kaluar, por do t’i vinte keq nëse do të ikte këtë javë pasi mendon që ka njerëz që duhet të dalin para tij. Edi i thotë që gjithsesi është java e gjashtë që ata po e shijojnë aventurën e tyre në Big Brother dhe nuk është se Kika nuk ka patur mundësi të shijojë apo të tregojë veten. Kika i përgjigjet që ata ia kanë kaluar shumë mirë dhe janë kënaqur, por të tjerë do të kenë fatin të kënaqen ende.

Hakiut dhe Bledit nuk i puqen karakteret
05/03/10 13:14

Kika dhe Bledi janë afruar sërish për të folur me njëri-tjetrin. Kika i thotë Bledit që nuk pëlqen tek ai faktin që ai thotë një fjalë dhe ikën, nuk dëgjon mendimet e të tjerëve. Bledi kërkon nga Kika t’i japë një shembull dhe ai i thotë që një ditë Bledi ka ardhur dhe ia ka numëruar Bertinës dhe atij të gjitha gjërat që ai mendon për ta dhe ka ikur menjëher, pa pritur reagimin e të tyre. Bledi shprehet që nuk e mban mend si episod, dhe thotë për Kikën që ai mund të jetë njeri shumë i mirë, por natyra e karakterit dhe e shoqërisë nuk piqet me të tijën. Ai i tregon gjithashtu që e ka nominuar dhe e ka bërë për faktin që Kika merret gjithë ditën me punë dhe Bledi nuk shikon gjë tjetër nga ai përveç punëve të shtëpisë. Kika i përgjigjet që kjo nuk i duken ndonjë gjë shumë e keqe, ndërsa Bledi shprehet që ai sapo zgjohet në mëngjes merret me punë dhe kur mbaron futet në botën e tij dhe nuk flet. Më tej Bledi thotë që Kika është shprehur për të që është enigmatik dhe ai i shpregon që me njerëzit që ka afër nuk është i tillë ndërsa me të tjerët mund të duket ashtu. Bledi shprehet që Kika nuk ka raport me asnjë njeri aty dhe Kika i thotë që kjo nuk është e vërtetë. Ky i fundit shprehet që përfundimisht ata të dy nuk kanë të njëjtin karakter dhe i tregon që ai mundohet të ketë raporte dhe lidhje të mira me njerëzit që mendon se mund të kuptohen. Bledi i thotë që me të nuk mund të ketë një raport normal kur ai e di që ka patur një mosmarrveshje me Mirin dhe pas shumë pak kohësh i shikon duke ndenjur bashkë, pa e ditur se si janë sqaruar. Kika shprehet që ai ka mënyrat e tij të të sqaruari dhe nuk është dakord që konfliktet të vazhdojnë gjatë. Bledi këmbëngul që ai nuk është në dijeni se si janë sqaruar ata dhe Kika i përgjigjet që nuk ka pse t’a dijë. Ai i siguron që aty nuk po bëhet lojë e dyfishtë. Bledi shprehet që nuk do që të mbizotërojë intriga në atë lojë pasi nga Big Brother, po e kthejnë në “Big intriga” . Kika thotë që ai ka gjatë gjithë kohës që mundohet që t’a luftojë intrigën, por ndoshta nuk po përdor mjetet e duhura. Më pas ata duket se bien dakort me njëri-tjetrin dhe lënë pas keqkuptimet dhe kalojnë në një temë tjetër se si duhet të ngrihet popullsia e një vendi kur i bëjnë padrejtësi, dhe marrin shembuj të ndyshëm të protestave popullore.

Domi dhe Bledi për ndjenjat e tyre
05/03/10 14:43

Bledi dhe Domi kanë biseduar në dhomë për Seldin dhe Oltën. Ai e pyet se si po i shkojnë mardhëniet me Seldin dhe ajo nuk jep një përgjigje të drejtpërdrejtë, por i thotë që ajo nuk po mundet të shkëputet plotësisht, ndodhta dhe për faj të sajin që vazhdon të flasë e të bëjë shumë shaka me Seldin. Bledi aprovon dhe i thotë që ndonjëherë ajo i rri shumë afër Seldit dhe e këshillon të mbajë pak më shumë distancë, në mënyrë që gjërat të jenë të qarta. Më pas Bledi pyet Domin në ka folur me Oltën, dhe ajo përgjigjet që ka folur por nuk ka kuptuar ndonjë mendim të sajin. Ai shprehet që ajo është gjithmonë e pakuptueshme. Domi i tregon që ajo i ka thënë që janë vetëm shokë dhe Bledi përgjigjet ai i ka marrë parasysh të tëra, dhe pjesën shoqërore. Bledi tregon se ai nuk ka dhënë deklarata dashurie por i ka kërkuar t’i tregojë se çfarë pozicioni kanë ata të dy dhe ajo i është përgjigjur që është “ në anije”. Ai thothë që është më mirë që e ka bërë atë përballje se sa t’i linte gjërat pas dore. Bledi shprehet që ai e ka xhan Oltën, por nuk është dhe shumë i sigurt se çfarë do në të vërtetë. Domi i thotë që ajo ndihet e lëkundur si ai. Bledi i thotë që ndjehet më mirë me një person që i jeq qetësi se sa më një që është shumë provokues. Më pas aty vjen Olta dhe biseda e tyre ndërpritet. Bledi i thotë me shaka që ajo nuk duhet të ndrërpresë bisedën e dy personava dhe duhet të largohet, por ajo i thotë që nuk i intereson dhe do të rrijë aty. Olta shprehet që ajo ka shumë kënaqësi kur njerëzit nuk e pëlqejnë karakterin e saj dhe ai nuk arrin dot t’a bëjë me nerva. Më pas Bledi pyet Domin a i ka ndodhur ndonjëherë që me një djalë që ka patur lidhje, të kenë ngelur shokë pasi janë ndarë dhe ajo i tregon që ka ndodhur vetëm në një rast, me të cilin komunikon në telefon herë pas here. Bledi shprehet që kjo i duket një gjë shumë e mirë, por janë të pakët njerëzit që e mendojnë kështu. Ai thotë që nuk e shikon të arsyeshme që të mos përshëndetesh kur e shikon një person që ke patur një lidhje dhe arsyet e ndarjes kanë qënë për mospërputhje karakteresh.

Ada dhe Bledi flasin për Oltën
05/03/10 15:48

Ada, Bledi dhe Seldi kanë qëndruar në kopësht për të biseduar mbi marrdhëninen e Bledit me Oltën. Ada shprehet që ajo nuk e mendonte se Bledi do të bënte gjëra të tilla që të linte pjesën e tij të lojës dhe t’i përshtatej aq shumë një personi, dhe thotë se nuk e ka vetëm për Oltën. Ajo thotë që nuk i ka vajtur kurrë në mendje që ai do të afrohej aq shumë me të sikur dhe në formë shoqërie. Bledi shprehet që ai i bën gjërat siç i ndjen dhe nuk mendon për prapaskena apo për lojë. Madje ai tregon që kur e kanë pyetur si është ndjerë këtë javë në nominim, ai është përgjigjur që nuk e ka ndjerë fare sepse është marrë me Oltën. Bledi thotë që ai nuk e ka planifikuar që të hyjë në lojë për t’u njohur me një femër, por disa gjëra nuk komandohen dhe vijnë vetë. Ada vazhdon t’i mëshojë mendimit të saj të parë që ajo nuk e ka parashikur që Bledi do të shkonte deri në ate pikë, që të afeksionohej aq shumë pas Oltës. Bledi i tregon që Olta është provokuese me dashje apo pa dashje, dhe prandaj krijon këto tendenca tek meshkujt. Më pas Bledi e kthen situatën nga Ada dhe i thotë që mendon se ajo ka një preferencë për një mashkull në shtëpi, por nuk e di për kë. Ajo përgjigjet që deri tani nuk pëlqen ndonjë, por nuk vë dorën në zjarr që mund të ndodhë diçka më vonë. Ajo shprehet se është libër i lexueshëm për të gjithë, dhe Bledi thotë që e njëjta gjë vlen dhe për të.
Ata flasin për Valonin dhe Jetmirin dhe Bledi shprehet që do të dëshironte shumë që t’a pyeste dhe njëherë Valonin kush e ka fryrë. Ada tregon për një natë më parë që i ka gjetur duke folur Valonin dhe Jetmirin dhe i ka thënë që a mund të rrijë apo kanë ndonjë gjë për të biseduar, dhe Jetmiri i është përgjigjur që janë duke biseduar. Por gjithsesi ajo ka ndenjur dhe Jetmiri i ka anashkaluar bisedat. Ajo shprehet që nuk e di pse asnjë nga banorët nuk do të përballet me të, dhe Bledi i thotë që rëndësi ka që ata e dinë se kush është personi që i ka futur në ngatërresë, dhe e ka për Jetmirin.

Autori Tema: BIG BROTHER ALBANIA 3 -- lajme (Lexuar 9621 herë)

ariel

ariel

ariel

ariel

ariel

ariel

ariel

ariel

ariel

ariel

ariel

ariel

ariel

ariel

ariel