Autori Tema: BIG BROTHER ALBANIA 3 -- lajme (Lexuar 9625 herë)

ariel · « **Pergjigju #135 Me:** Mars 06, 2010, 12:08:15 MD »

Bledi dhe Valoni sqarohen
05/03/10 16:31

Bledi ka gjetur momentin për të qënë vetëm me Valonin dhe e ka pyetur për çështjen lidhur me Jetmirin. Ai ka dashur të dijë se kush e ka shtyrë atë natë të shkonte në tavolinë e të pyeste se kush ka folur keq për të. Valoni i përgjigjet që e ka patur nga të gjitha situatat e krijuara brenda shtëpisë. Por Bledi i ka thënë që Valoni i ka treguar se e ka shtyrë Jetmiri dhe Valoni thotë që Jetmiri i ka dhënë kurajo,ose më saktë i ka dalë në krah. Bledi shprehet se ata i kishin konsumuar ato tema dhe nuk kishin pse t’i hapnin përsëri. Valoni i thotë që atë nuk e ka shtyrë askush, por i ka dëgjuar vetë banorët duke folur për të dhe nuk ka pritur më, por është hedhur në sulm pasi ka qënë nervoz. Në atë moment afrohet Ada, dhe Bledi thotë në prani të saj që ajo e ka dëgjuar Jetmirin duke i thënë Valonit të çohet sepse po e shajnë. Valoni nuk e pranon të jetë e vërtetë dhe Ada këmbëngul duke i thënë që ajo ka qënë bashkë me Enxhin duke biseduar dhe janë të dyja dëshmitare për këtë. Valoni shprehet se kjo është një situatë pa lidhje dhe Bledi i përgjigjet që problemi është që ai që e nis duhet t’a mbarojë sepse në të kundërt dalin të tjerët budallenj. Më pas Valoni pohon që ai ka gjetur të thotë frazën më të keqe që nuk duhet t’a thonte për asnjë arsye.

Bertina dhe Erioni për debatin me Klodin
05/03/10 17:10

Bertina me Klodin kanë patur një debat pasi ajo ia ka ndaluar atij që të hajë një vezë. Klodi i thotë që kjo nuk është normale pasi nuk mund të privohet askush nga të ngënit dhe e cilëson si shumë të ngushtë në shpirt. Ajo i përgjigjet që ashtu është meqënëse e paska vënë re dhe ai. Për këtë temë Klodi flet dhe me Erionin dhe i thotë që Bertina ka disa mendime shumë të gabuara. Erioni shprehet që ai nuk mund t’a ndryshojë atë dhe as ta urdhërojë si të sillet, por tregon që e ka këshilluar disa herë për mënyrën e sjelljes, kjo është gjithçka që mund të bëjë.
Më pas Bertina ka dashur t’a konsumojë këtë gjë me Erionin dhe ajo i tregon se i ka thënë Klodit që ai po sillet shumë ndryshe këtë javë që nuk është në nominim pasi po hidhet në sulm, ndërsa javën e kaluar që ishte i nominuar ka ndenjur shumë i qetë. Ajo tregon dhe përgjigjen e Klodit që i ka thënë që nuk është ashtu, por ndoshta i duket asaj. Bertina thotë që ajo kishte bërë tre vezë dhe ka marrë një për veten e saj, ndërsa kur ka dashur të marrë dhe ai, i ka thënë që dy të tjerat janë të Edit, dhe Klodi mund të marrë jashtë të tjera. Erioni shprehet që Klodi nuk i ka treguar këtë version, por gjithsesi i thotë Bertinës që këto janë situata që mund të shmangen. Bertina shprehet që asaj i vjen shumë keq nga Erioni sepse ai vë re vetëm gabimet e saj dhe jo tendencat e të tjerëve. Ajo i thotë që është lodhur nga gjykimet e tij dhe nëse e shqetëson diçka, më mirë mos t’ja thotë fare, sepse ajo nuk është njeri pa ndjenja. Erioni shprehet që ajo nuk e ka kuptuar që të tjerët e kanë arritur në përfundimin që ajo bie lehtë pre e provokimeve dhe vetëm atë punë bëjnë. Bertina thotë që nuk ndjehet mirë nga këto provokime, por nëse njerëzit kanë nerva të merren me të, le t’a bëjnë, por ajo nuk do të lejojë që të tallen me të. Ajo shprehet që po ndihet shumë e provokuar dhe Erioni thotë që ajo po ndjehet shpesh kështu. Bertina thotë “faleminderit për mirkuptimin Erion, por këto momente nuk kam nevojë të bisedoj”. Ai shprehet që i kupton situatat dhe vetëm ajo bie pre e provokimeve. Erioni tregon që dhe ai ndihet i provokuar shumë herë, por di si t’i shmangë situatat e t’i lërë të tjerët të ndihen keq, dhe jo veten.

Maskilizmi i Jetmirit
05/03/10 17:28

Teksa hanë drekë Bledi kërkon që të rihapin edhe një herë temën për debatin e tij me Valonin për çështjen e ideve të Valonit për homoseksualët. Gjatë gjithë kohës së debateve, banorët e tjerë kanë thënë se Valoni ka qenë i fryrë nga Jetmiri. Sipas tyre, Jetmiri i thotë Valonit që ata po e shanin dhe kjo bëri që Valoni të shkonte e të debatonte në mënyrë mjaft të ashpër me Bledarin. Tashmë Bledi dhe Enxhi duan që ta rihapin këtë diskutim pasi Valoni kishte pranuar fillimisht se ishte nxitur nga fjalët e Jetmirit dhe banorët e tjerë kërkuan që ai t’ia thoshte këtë Mirit në prani të të gjithëve. Valoni nuk e ka bërë këtë gjë sepse ka folur dhe është sqaruar vetë me Jetmirin. Bledi i Kërkon Valonit që të tregoj se çfarë kishte ndodhur gjatë atij debati dhe Valoni i thotë se ai kishte dëgjuar kur Jetmiri i thoshte Enxhit “kë kanë sharë, Valonin”. Ada insiston se ajo e kishte dëgjuar Jetmirin teksa nxiste për debat Valonin, duke i thënë se banorët po e shanin. Në debat ndërhyn Enxhi e cila del në mbrojtje të Jetmirit duke thënë se Valoni dëgjoi bisedën e saj me Mirin ku ajo po i tregonte reagimet e banorëve të tjerë për shprehjet e Valonit kundër homoseksualëve. Pas saj ndërhyn Olta e cila i thotë Valonit se ai e kishte pranuar në një bisedë me të dhe Seldin jashtë që në momentet e debatin nuk kishte qenë vetvetja, por i fryrë nga dikush tjetër. Valoni mbrohet duke thënë se mori kurajo nga Jetmiri, por nuk e dinte kuptimin e fjalës fryrje. Ada dhe Olta e kundërshtojnë, ndërsa Bledi i kërkon që tu japë përgjigje pyetjeve të tyre. Jetmiri u thotë që të kërkojnë të shohin filmimet që të kuptojnë se ai nuk e ka nxitur Valonin. Ndërsa ky i fundit u thotë që të diskutojnë pasi të mbarojnë bukën. Klodi hap një tetër bisedë dhe pyet Jetmirin i cili është në qendër të debatit, “Je maskilist në jetën tëndë të jashtëme?”. Jetmiri i thotë se kjo nuk është e vërtetë, me formimin që ka, ai thotë se nuk mund të jetë i tillë edhe pse mund ta ketë dhënë këtë përshtypje brenda në shtëpi. Kështu lind një debat tjetër ku Erioni i thotë Klodit se përse ata pyesin dikë kur përgjigja e tij nuk i bën të ndryshojnë mendim. Jetmiri e pyet Klodin se përse ka këtë mendim për të, por Klodi i përgjigjet me modesti se ka vënë re disa shprehje dhe veprime të tijat, që e kanë bërë të mendojë në këtë mënyrë. Për të treguar se nuk është i tillë Jetmiri puth Rezartën, pasi sjellja e tij ndaj Rezit është bërë disa herë objek thashethemesh për banorët e tjerë.

Rezarta debat me Bledin për gjuhën e folur
05/03/10 18:00

Gjatë kohës së debateve Bledi i thotë Valonit “fol shqip” duke bërë që Rezarta të ndjehet e ofenduar. Duke qenë se edhe ajo është kosovare dhe ka një të folur me dialekt, është ndjerë e ofenduar nga fakti që Bledi ka thënë se ata nuk dinë të flasin shqip. Ajo nis të debatojë me tone të larta me Bledarin duke i thënë se ajo është prekur nga shprehjet e tij që sipas saj nuk është aspak e drejtë që t’i thuash një kosovari kur edhe ai shqiptar është, “a di me fol shqip?”. Bledi mbrohet duke i thënë se këtë shprehje ai e kishte përdorur në një kontekst tjetër. Ai i thotë se nuk ka bërë vërejtje për gjuhë dhe më pas shton “unë i them atij a e di mirë shqipen, ty nuk ka pse të djegi”. Rezarta i thotë se asaj i interesojnë të gjitha ato që thuhen në prezencë të të gjithëve dhe më pas shton, “nuk më duket e drejtë që t’i thuash dikujt a din shqip vetëm se nuk mund të flasë të njëtin dialekt si ti”. Më pas Rezarta i thotë se asaj nuk i interesojnë bisedat e tjera. Bledi i thotë se ajo reagon vetëm në fund të bisedave dhe nuk është prezente gjatë debateve. Ai e pyet se përse nuk reagon për debatin e tij me Valonin, por vetëm për një shprehje të tij. Kundër Rezartës del edhe Seldi dhe Domenika e cila i thotë se Rezi reagon vetëm në një pjesë të debateve. Rezarta i përgjigjet se ajo reagon për gjërat që e prekin atë, të tjerat nuk i interesojnë. Bledi i thotë Resartës se ajo duhet të marrë pjesë më tepër në debate, pastaj të reagojë për momentet ku i preket interesi i saj. Kundër Rezit del edhe Klodi i cili i thotë se ajo nuk duhet të dali si patriote. Rezartën e revolton më tepër shprehja e Klodit dhe thotë se edhe ajo e ka të drejtën të shprehet lirshëm dhe të japë mendimet e saj. Më pas ajo i thotë se ata nuk janë aq të ndryshëm sa të mos kuptohen se çfarë flasin. Klodi i thotë se edhe Kika është kosovar, por ai flet një gjuhë shumë të kuptueshme, ndërsa Valonin ai nuk e kupton. Klodi del në mbrojtje të Bledit dhe i thotë Rezit, “kur unë nuk kuptoj një njeri, nuk do të thotë se unë nuk kuptoj të gjithë banorët që janë nga e njëjta zonë”. Rezarta këmbngul që ajo është ndjerë e ofenduar nga shprehja e Bledit e cila sipas saj nuk është e drejtë. Debati vazhdon mes Klodit dhe Rezit edhe për disa minuta të tjera ku Klodi mbron Bledin, ndërsa Rezarta thotë se ajo kërkon që ata të sqarohen për shprehjet që nuk kuptohen, jo të thonë “a din shqip”.

Jetmiri: “Seldi, transportues i mirë i thashethemeve”
05/03/10 18:36

Banorët kanë dalë jashtë dhe Jetmiri i thotë Kikës, Erionit dheBertinës se banorët e grupit tjetër kanë bërë shumë thashetheme për të dhe ai do t’ju kërkojë sot që të sqarohen duke hapur debate të tjera në shtëpi. Teksa ata diskutojnë për lojën dhe zhvillimet e fundit të saj, jashtë dalin edhe banorët e grupit tjetër. Pas disa minutash Jetmiri nis një bisedë me Seldin duke i thënë se përse ata flasin për një banor dhe më pas kur ai afrohet ata ndalojnë bisedën. Seldi i kërkon që të sqarohet më tepër se ku e ka fjalën dhe Miri i thotë “përse ju bëni thashetheme dhe kur afrohem unë, asnjeri nuk e merr guximin që të më pyesë mua dhe të sqarohet?”. Më pas Jetmiri i thotë Seldit se ai e di që Seldi është një transportues i mirë i thashethemeve, por nuk e ka guximin që të përballet me të në debat. Seldi i kërkon që t’i tregojë një rast, ose personin që ia ka thënë Mirit që Seldi mund të ketë folur për të dhe më pas ai do ta sqarojë se çfarë ka thënë dhe përse. Jetmiri refuzon që të tregojë emra, por i thotë se atij ia kanë thënë se ç’thashetheme janë bërë për të. Seldi i thotë “mua nuk më ka pëlqyer vetëm një gjë te ty, momenti kur ti i hedh zjarrit benzinë” duke iu referuar fjalëve “bravo Valon” kur Jetmiri shprehej gjatë debatit të Valonit me Bledin. Jetmiri i thotë se atë reagim banorët e kanë keqinterpretuar, pasi ai nuk po i drejtohej Valonit, por një banori tjetër në shtëpi. Jetmiri i thotë Seldit se brenda në shtëpi nuk ka asgjë personale dhe gjithçka që bëhet duhet të qëndrojë në kontekstin e lojës. “Unë po të kisha reaguar në disa momente, do të kisha thyee etikën, do të kisha ofenduar shumë persona dhe ndoshta do të kisha tronditur të gjithë të tjerët këtu” thotë Jetmiri dhe më pas shton se qëllimi i bisedës së tyre ishte që të banorët të ruajnë kontekstin e lojës dhe të mos thyejnë etikën. Më pas Seldi sqarohet për thashethemet që ka bërë me Valonin duke thënë se ai e ka pyetur në prezencë të Jetmirit. Miri i thotë se atij i duket sikur Seldi kërkon që të bëjë rolin e gjykatësit. Seldi nuk e pranon këtë mendim dhe sqarohet se ai do që të dijë diçka kur ka dyshime. Më pas ai largohet dhe Jetmiri vazhdon një bisedë të shkurtër me Bertinën.

Rezarta sqarohet me Bledin
05/03/10 18:58

Pas debatit që pati në tavolinën e ngrënies, Rezarta shkon në dhomën e gjumit dhe vashdon të debatojë përsëri për shprehjen e Bledidit ndaj Valonit “a di me fol shqip”. Teksa ajo diskuton me Bledin në debat ndërhyjnë përsëri Seldi dhe Domenika. Kështu midis Rezit dhe Domenikës fillon një debat ku Domi i thotë se Rezarta vjen vetëm dy minuta nëpër dëbate, thotë nganjë fjalë dhe pastaj ikën. “Ti vjen, ulëret, sa fut xixat në debate dhe pastaj ikën” i thotë Domenika. Rezarta i thotë se ajo nuk ka bërtitur, por kjo është thjesht mënyra e të shprehurit të saj. Domenika i kishte thënë Rezit se po bënte avokatin e dikujt tjetër. Rezarta i thotë se kjo nuk është e drejtë se ajo e ka të drejtën të reagojë dhe kjo nuk do të thotë se ajo po bën avokatin e dikujt. Pasi sqarohet me Domenikën, Rezarta vashdon debatin me Bledarin. Bledi debaton me të edhe për disa reagime që kishin bërë Rezi dhe Miri gjatë lojës ku Klodi deklaroi se kishte rënë në dashuri me një nga banorët e shtëpisë. Ai e pyet Rezartën nëse ajo është kundër prirjeve seksuale të Klodit. Rezi i thotë se ajo nuk është kundër sepse Klodi nuk është personi i parë që ajo njeh dhe e vlerëson Klodin si njeri, jo prej dëshirave, apo prirjeve të tij. Pasi sqarojnë këtë pjesë, Bledi sqaron vajzën se shprejen “a di shqip?” kundrejt Valonit e kishte thënë me ironi, pasi ky i fundit përgjatë kësaj jave ka thënë gjëra të ndryshme dhe kontradiktore. Kështu të dy sqarojnë keqkuptimet ndërmjet tyre dhe pas një shtrëngimi duarsh, Rezarta largohet nga dhoma e gjumit.

Sjellja e Valonit
05/03/10 19:30

Rezarta del jashtë dhe nis njëë bisedë me Valonin. Ajo i kërkon Valonit që të mbrohet kur të tjerët flasin për të. Rezi tregon për debatin që pati me Bledarin. Aty është edhe Jetmiri i cili thotë se Valoni sado keq të shprehet, e ka të drejtën e tij për tu shprehur dhe më pas u jep këshilla Valonit dhe Rezit se si duhet të veprojnë gjatë debateve me banorët e tij. Rezarta i thotë Valonit se ai nuk duhet të heshtë sepse është në një vend ku mund të tregojë njohuritë e tij. Valoni thotë se atij nuk i intereson se çfarë mendojnë banorët e tjerë “a po dun ata me dal karagjoz, edhe unë karagjoz po dali, s’po më intereson hiç se ça po thonë ata” thotë Valoni. Më pas ai thotë se sa di ai të flasë shqip, nuk janë banorët e BB ata që duhet ta vlerësojnë. Rezarta thotë se është diçka e ulët që t’i thuash dikujt se niveli im i komunikimit është më i lartë se i dikujt tjetër dhe më pas bëjnë thashetheme për banorët e tjerë. Valoni thotë se ai është vetëm 20 vjeç dhe ndoshta ka më tepër për të dhënë se ata që janë më të mëdhenj se ai. Ai thotë se disa nga banorët nuk po tregojnë njohuritë e tyre, por thjesht po kapen me njëri-tjetrin për gjëra pa vlerë. Rezarta i thotë Valonit që të mos heshtë por tu përgjigjet provokimeve të banorëve të tjerë. Aty vjen edhe Kika dhe Rezi i tregon edhe atij për debatin që pati me Bledin. Kika i këshillon dy të rinjtë që të reagojnë dhe ta thonë gjithmonë mendimin e tyre.

Prova e javës shkakton debate
05/03/10 21:16

Banorët ndahen sipas grupeve dhe fillojnë të merren me provën e javës. Grupi që do të merret me modën, fillojnë të përgatiten për sfilatën sipas stilit të viteve 80 edhe grupi tjetër vazhdojnë të përgatiten dhe merren me rregullimin e materialeve që u duhen. Tashmë të gjithë banorët janë duke u përpjekur që të realizojnë në mënyrë sa më të mirë provën javore. Ndërsa jashtë grupi i etydit përgatisin ambjentin, grupi i modës kanë filuar të bëjnë sfilata me ndihmën e muzikës së vënë nga “Vëllai i Madh”. Klodi jep udhëzimet për sfilatën, ndërsa vajzat sfilojnë me veshjet që kishin. Klodi merret edhe me mësimin e djemve për të sfiluar, dhe herë pas here jep këshilla. Teksa përgatiten banorët japin mendime të ndryshme për realizimin në mënyrë sa më të mirë të provës. Gjatë provës banorët e grupit të modës nisin një debat ku Klodi thotë se ai nuk mund të dëgjoj të gjithë kur flasin. Rezarta thotë se edhe ajo ka dëshirë që të jap mendimet e saj, dhe nuk do që të drejtohet nga Klodi sepse nuk e kanë zgjedhur, por që të japin ide të gjithë. Rezarta debaton me banorët sepse ajo nuk ndjehet e lirshme për të dhënë idetë e saj. Ajo kundërshtohet nga Olta që thotë se Klodi ishte organizatori sepse mund ta bëjë më mirë këtë gjë pasi ka punuar si organizator. Rezarta thotë se ajo është dakort që ai të jetë organizator, por do që të merren parasysh edhe idetë e saj. Në mbrojtje të Klodit del edhe Seldi, ndërsa Enxhi mbron Rezartën. Klodi nervozohet dhe thotë se ai nuk dëshiron që të marrë më pjesë gjatë provës. Banorët e tjerë mundohen që të qetësojnë Klodin, ndërsa Domenika kërkon që të rinisin provën sepse po vazhduan të debatojnë më tepër, do ta humbasin atë. Ajo pyet Klodin nëse do të marrë pjesë në realizimin e provës dhe Klodi thotë se do të marrë pjesë, por vetëm si model, jo si organizator. Kështu ata fillojnë përsëri sfilatat ku secili është organizator i vetes. Ndërsa grupi tjetër vashdojnë me përgatitjen e materialeve.

Komente e thashetheme
05/03/10 23:38

Pasi mbarojnë me provën e javës banorët hanë darkë dhe më pas nisin të bëjnë komentet e tyre për provën. Enxhi del jashtë dhe kërcen vetëm pranë pishinës. Ashtu si çdo herë tjetër nuk mund të mungojnë thashethemet. Domenika flet me Oltën për Jetmirin. Ky i fundit ka qenë në qendër të thashethemeve dhe debateve gjatë kësaj jave dhe sot ka nisur të sqarohet me banorët. Domenikës nuk i ka pëlqyer kjo gjë dhe e komenton sjelljen e tij. Më pas Olta del jashtë dhe bisedon me Bledin. Ajo i tregon Bledit për debatin dhe thotë se Klodi është shumë i mërzitur. Bledi e pyet përse dhe Olta i thotë “e mërziti Rezarta”. Më pas ata futen brenda dhe biseda për debatin gjatë provës vazhdon përsëri. Bledi i thotë Klodit që të mos mërzitet sepse nuk ia vlen. Klodi fillon të sqarojë Bledin dhe i revoltuar thotë “ajo është injorante, më tregon mua ide gjeniale ku nuk njeh dy emra të modës...”. ai i tregon Bledit se e gjithë kishte nisur ngaqë Rezi i kishte kërkuar që të hiqte kryqin duke e komentuar si fanatizëm. Bledi e këshillon që të mos mërzitet dhe vazhdon ta përkrahë duke folur kundër Rezartës. Më pas ata bëjnë thashetheme edhe për Jetmirin i cili sipas tyre hiqet si modern, por është shumë fanatik. Më pas Klodi thotë se ai nuk e ka problem që ta humbasin provën e javës sepse e di që mund të durojë edhe me pak ushqim. Bledi thotë se kjo është një mungesë kulture nga ana e tyre që mundohen që të tregojnë se kanë një nivel të lartë kulturor.

ariel · « **Pergjigju #136 Me:** Mars 06, 2010, 06:27:58 MD »

Lezhë, protestë kundër homoseksualizmit

LEZHE- Ka mjaftuar një deklaratë e sinqertë e një prej personazheve në një reality shoë për prirjet e tij seksuale dhe në rrugët e Lezhës ka shpërthyer reagim i fortë racist si asnjëherë tjetër në Shqipëri.

Pasditen e së premtes dhjetëra adoleshentë e djem të rinj kane harruar për disa caste liritë dhe të drejtat e njeriut dhe marshuan nëpër rrugët kryesore të Lezhës duke përsëritur thirrjet raciste ndaj homoseksualizmit që u pranua publikisht nga personazhi në fjalë.

Thirrjet raciste kanë shkuar deri në atë pikë sa protestuesit kanë mohuar madje dhe orgjinën e Klodit, me arsyetimin se djemtë e Lezhës apo shqiptarët nuk kanë të tillë moral.

“Nuk është nga Lezha e as nga Shqipëria ai, ka ardhur i dëmuar në Lezhë ai nuk është lezhian. Nuk mund ti themi lezhian një njeriu të tillë ”
Për disa minuta i gjithë Bulevardi Gjergj Fishta ishte bllokuar nga protestuesit, të cilët tërhiqnin dhe vëmendjen e banorëve të tjerë të qytetit që në fakt preferuan të mbanin qëndrim disi më të heshtur ndaj kësaj historie.

Ky shpërthim racist vjen pak kohë pas miratimit të ligjit të aprovuar nga Kuvendi i Shqipërisë që mbron, mes të tjerave dhe të drejtat e personave me prirje të ndryshme seksuale. Ligji i debatuar gjatë dhe në median shqiptare, ka pasur shpesh herë kundërshtime të forta sidomos sa i përket të drejtave të homoseksualëve.

ariel · « **Pergjigju #137 Me:** Mars 06, 2010, 06:37:32 MD »

Loja me shishe nxjerr të vërtetat!
06/03/10 00:37

Enxhi, Valoni, Jetmiri, Erioni dhe Bertina kanë qëndruar në kuzhinë dhe kanë zhvilluar lojën me shishe. Ata kanë bërë pyetje therëse, por dhe të drejtpërdrejta. Enxhi ka pyetur Rezin se sa e sinqertë mendon se është shoqëria e saj me Mirin nga njëshi deri tek dhjeta dhe Rezi i është përgjigjur pesë. Jetmiri ka pyetur Bertinën nëse mendon se lidhja me Erionin do të zgjase dhe jashtë dhe ajo i është përgjigjur që sinqerisht nuk e di. Valoni ka pyetur Rezin se çfarë e ka bërë atë të lidhet aq shpejt me Jetmirin dhe ajo është përgjigjur që është lidhur për shkak të ndjenjës. Enxhi ka pyetur Erionin në mendon se e ka zhgënjyer Bertinën ndonjëherë dhe ai i është përgjigjur që nuk e ka bërë asnjëherë. Jetmiri ka pyetur Erionin se çfarë duhet të ketë një femër që t’a bëjë Erionin të bjerë në dashuri dhe ai është përgjigjur që duhet të ketë ëmbëlsi në karakter dhe sjellje. Jetmiri ka dashur të dijë nga Enxhi se çfarë mendon ajo për banorët e tjerë dhe ajo i ka marrë në shqyrim pothuajse të gjitë pjestarët e lojës. Ajo i ka thënë që Bertina i duke inteligjente por e lodhshme, Erioni karizmatik por jo me shumë bagazh, Valoni fëmijë dhe aventurier, Jetmiri lojtar i fortë, dhe Rezi e edukuar dhe me bagazh. Ky ka qënë mendim i saj i parë për to, pa i njojur mirë. Ata kanë kërkuar që ajo të shprehë dhe mendimin që ka për to tani që njihen më mirë, dhe ajo ia plotëson dëshirën. Impaktet e saj për tani janë, Bertina vajzë e mirë, Erioni bishtpërdredhur, Valoni humbet kontrollin, Miri nuk i vën të gjitha veprimet me ndjenjë sepse influencohet nga loja dhe si përfundim Rezi është pak në ajër. Më pas Kika ka pyetur Jetmirin se çfarë mendimi do të kishte për të nëqoftëse nesër do të dilte dhe ai i përgjigjet që është baba i mirë dhe do ta marrë vesh se sa shumë e kanë sharë. Më pas Valoni pyet Bertinën se si i ka lindur dashuria për Erionin dhe ajo i thotë nga përkushtimi i tij dhe nga lojrat. Bertina ka pyetur Valonin kë konsideron shoqe më të ngushtë aty brenda dhe ai i është përgjigju për vetë atë, Bertinën. Më pas Jetmiri e ka pyetur Erionin nëse ka kryer mardhënie seksuale me Bertinën dhe ai i përgjigjet jo. Valoni është i çuditur nga kjo përgjigje dhe i thotë që si ka mundësi që e mohon përderisa fle çdo natë me Bertinën, por Erioni ka vazhduar të mohojë. Më pas Valoni i bën të njëjtën pyetje dhe Jetmirit dhe ai i thotë që nuk ka bërë gjë me Rezin. Hakiu ka pyetur Bertinën se kush i duket personi më fallco dhe ajo i ka thënë që jaën shumë, por përmend Seldin pasi mendon se ai tjetër është e tjetër duket.
Më tej Bertina i drejton një pyetje Jetmirit dhe i thotë që kë do të donte që të dilte më parë dhe ai i përgjigjet Domi pasi është personi më negativ. Jetmiri ka pyetur Valonin në është ndjerë ndonjëherë i përdorur dhe ai i ka thënë që kanë tentuar dy persona javën e kaluar, por nuk ia kanë arritur.

Bast ndërmjet Domit dhe Seldit
06/03/10 01:16

Në dhomën e gjumit Seldi, Domi, Klodi dhe Ada po bisedojnë. Seldi dhe Domi flasin me shumë nënkuptime me njëri- tjetrin dhe duket se janë gati për të shpërthyer në një debat. Seldi i thotë Adës që të bëhen bashkë e t’i shpallin luftë të tjerëve. Ai fton dhe Domin që të kalojë në anëm e tyre pasi është më mirë. Domi shprehet që ka hyrë e vetme në lojë dhe ashtu do të dalë pasi nuk ka nevojë për njëri tjetër, ndërsa Seldit i drejtohet që ai mund të ketë nevojë për njerëz të tjerë dhe për mbështetje por ajo jo. Seldi i pohon që ai që në momentin që ka hyrë në lojë ka patur nevojë për mbështetje dhe Domi i është gjendur pranë. Ajo i thotë të mos rrijë të mendojë se çfarë kanë bërë e kanë ndjerë më parë, por meqënëse Seldi do luftë ajo do t’ja plotësojë dëshirën. Domi thekson se në ‘luftë’ ajo do të jetë ushtar i vetëm më të gjitha elementët e duhur. Ajo i thotë që ai ka nevojë për të tjerë pasi nuk e përballon dot vetëm dhe Seldi i thotë që përballimi nuk ka të bëjë në atë që po thotë dhe nuk do t’ja japë kënaqësinë e luftimit Domit. Në mes tyre ndodhet dhe Klodi dhe Seldi shprehet që për dy ditë do të largohet nga loja pasi është mërzitur. Domi ndërhyn dhe i thotë Klodit të mos e besojë pasi i ka shakara dhe Seldi shprehet që është e drejta Klodit që t’a besojë dhe nuk ka pse mos t’a bëjë. Domi i thotë që ai nuk e bën dot atë gjë dhe Seldi i kërkon të vënë bast. Domi shprehet që i pëlqen bastet dhe shpesh herë ka fituar. Si përfundim ata të dy vënë një bast që nëse Seldi vendos të dalë nga shtëpia e Big Brother deri të martën, Domi do të dalë nudo në mes të të gjithëve. Basti prihet nga Klodi.

Rezi ndërhyn për të debatuar me Klodin
06/03/10 01:57

Olta dhe Bledi kanë qëndruar vetëm në dhomë dhe kanë komentuar mbi takimin romantik që kanë patur mbrëmë. Ai i tregon për detajet e pregatitjes dhe për fustanini që i ka dhuruar. Më pas afrohet Klodi dhe Bledi e pyet nëse ai mendon se Olta e do apo jo. Klodi i përgjigjet që brenda shtëpisë nuk ka asnjë dashuri. Bledi i thotë që ai mendon për më gjatë me Oltën dhe Kodi shprehet që ai ka pasiguri pasi është vetëm në një lojë dhe këtë mendim ka për të gjitha çiftet. Në dhomë ndodhet dhe Rezi dhe ajo reagon që nga larg për mendimet e Klodit. Ai i thotë që ajo të mos flasë fare pasi kur e ka pyetur ditën e parë nëse i pëlqen Miri, ajo e ka mohuar. Rezi i përgjigjet që nuk ka pse t’i tregojë të vërtetën atij dhe Klodi i thotë që kjo nënkupton që Rezi është fallso. Ajo i kundërpërgjigjet duke i thënë që ai nuk është në gjëndje të përcaktojë nëse është fallco ajo pasi ai ka gënjyer për vete. Klodi shprehet që ajo nuk e ka pyetur nëse ai është homoseksual dhe nuk mund të thotë që ai ka gënjyer pasi nuk e ka pyetur fare. Duke qënë se janë në debat e sipër, Klodi shfytëzon rastin që t’i thotë që ajo është top-modele dhe nuk ka nevojë për mendimet e të tjerëvë. Rezi shprehet që ajo i ka të gjitha mundësitë për të qënë e tillë pasi nuk i mungon asgjë. Debati i tyre shkon tek ndarjet fetare pasi kur kanë bërë sfilatën Rezi i ka kërkuar Klodit t’a heqë varësen me kryq. Në debatin e tyre për fetë ndërhyjnë dhe banorët e tjerë.

Mirit i pëlqen të luajë me greminën
06/03/10 02:48

Enxhi dhe Miri kanë dalë në kopësht dhe Miri i ka rrëfyer asaj që ai do t’a lërë lojën pasi ka disa motive. Enxhi i thote që nuk do të jetë ajo shkaku që ai të dalë dhe hedh mendimin që nëse ajo nominohet këtë javë apo tjetrën dhe të dalë, do t’a presë jashtë dhe ai le të vazhdojë lojën. Jetmiri shprehet që ka shumë dëshirë të luajë me greminën dhe është mënyra e tij e të jetuarit, dhe shton “ kësaj radhe do të thyhem në mes, por do të marr shumë të tjerë me vete pasi kështu jam unë”. Enxhi shprehet që nuk do që Miri të dalë për shkak të saj, por të bëjë atë që ndjen pa u kushtëzuar nga asgjë. Jetmiri i thotë që e ka parajmëruar që është tip i vështurë dhe Enxhi i përgjigjet që i pëlqejnë gjërat e vështira. Jetmiri shprehet që të gjithë jëtojnë në botën e hipokrizive.
Ndërkohë në kuzhinë Domi, Bledi, Olta dhe Klodi po falsin për Rezartën. Domi thotë që Rezi nuk ka ide të qarta dhe nuk i pëlqen që ajo ka filluar të marrë e të çojë fjalë sa andej-këtej. Bledi shprehet që ajo ka merakun e Jetmirit dhe Domi e mbështet këtë mendim pasi e ka dëgjuar njëherë Jetmirin duke i thënë Rezit të merrte pjesë në grupe dhe debate. Klodi dhe Bledi shprehen që ajo duhet të mbajë pozicionin e saj dhe të mos tregohet mendjemadhe pasi ata kanë plot elemente që mund të kapen me të. Seldi ndërhyn dhe thotë për Rezin që ajo nuk e di pozicionin e saj. Bledi shprehet që ajo ka pozicionin e viktimës, por nuk e ka kuptuar akoma. Më pas Bledi thotë për Enxhin që dhe asaj po i bie vrulli që pati në fillimi, pasi kjo dallohet dhe nga veshja.

Bledi dhe Olta për provën e javës
06/03/10 04:57

Bledi dhe Olta janë në dhomë dhe ata bisedojnë për një kohë të gjatë dhe pse është vonë. Bledi do të dijë për historitë e dashurisë që ka patur Olta, por ajo shprehet që nuk do të tregojë sepse ndihet në siklet. Në këtë mënyrë Bledi tregon për disa histori që ka patur dhe ndërmjet tyre që ka qënë i martuar për tetë vjet dhe ndarja nuk ka qënë e lehtë, por gjithsesi ka patur dhe anët pozitive.
Më tej ata flasin dhe për provën e javës. Bledi shprehet se ndarja në grupe e provës ka sjellë dhe një ndarje dhe veçim të anëtarëve të grupeve. Ai tregon që në grupin e tij kanë patur plot ide për krijimin e murit dhe të këngëve që do të vënë për t’a prezantuar, dhe kanë rënë dakort. Ndërsa Olta tregon për grupin e saj dhe për mosmarrveshjet që kanë hasur me Rezin. Olta tregon që Rezarta donte të jepte mendime për gjitha lëvizjet që bënin dhe Bledi shprehet që këtu kuptohet se sa është i aftë një njeri të arrijë në kompromise. Olta shprehet se do të ishte dakort që ajo të jepte mendime nëse do të ishte në gjëndje t’a bënte, por problemi qëndron në faktin që ajo nuk di dhe do t’i mesojë.

Enxhi dhe Miri për lidhjet
06/03/10 07:48

Enxhi dhe Jetmiri kanë qëndruar në dhomë e në kopësht duke u sjellë nëpër shtëpi dhe pse të gjithë të tjerët janë në gjumë. Jetmiri është nervoz dhe Enxhi kërkon t’a qetësojë. Në një moment Miri flet dhe thotë që atij i vjen keq për një person aty brenda dhe e ka fjalën për Bertinën, pasi Erioni nuk arrin t’a kuptojë atë. Ai shprehet që Bertina ka rënë në dashuri me Erionin, por ky i fundit është i pacipë. Jetmiri thotë që çuditet se si mund të jetë një njeri aq i pacipë dhe pse shton që dhe vetë ashtu po duket, por të paktën di të justifikohet. Më pas shprehet që Erioni sillet sikur e ka shok Jetmirin, ndërsa nga ana tjetër i ka thënë Rezit që do të flasin kur të dalin, dhe shokët e tij dinë të zgjedhin, duke shprehur që është i interesuar për Rezin. Jetmiri shprehet që Erioni është pa eksperiencë, por nuk duhet të sillet kështu pasi atij i vjen keq për Bertinën. Më pas ai tregon për veten dhe i thotë që asnjëherë nuk e ka parë një femër si trofe, pasi ky mendim mbizotëron tek shumë meshkuj. Ai i thotë Enxhit që po t’ia tregonte të gjitha gjërat që ka bërë në jetë, do të bëhej një roman i tërë. Jetmiri tregon disa histori të tijat për lidhjet që ka patur me femrat dhe shpreh mënyrën si i trajtonte dhe ka qënë ai që i ka lënë femrat gjithmonë, pasi atë nuk e kanë lënë asnjëherë.

Miri dhe Enxhi nën shoqërinë e njëri-tjetrit
06/03/10 12:10

Miri dhe Enxhi vazhdojnë të bisedojnë dhe ai thotë që aq sa ka folur me të sonte, nuk ka folur të gjithë javën. Ajo i thotë që është “efekti Enxhi”. Jetmiri thotë me shaka që Enxhi është shumë llafazane dhe ajo e pranon, pasi i thotë që po të fillojë ajo të flasë, Miri do të lodhet. Më pas Enxhi bën kafetë e mëngjesit për të dy. Ata flasin për banorët, të cilët kanë filluar të fshehin shumë sende nga shtëpia dhe ata duhet që t’i luten që t’u japin ndonjë gjë që i nevojitet. Ai i tregon për provën e javës dhe thotë që nuk e di se si do të kërcejë dhe ndërkohë që të tjerët do të ndjekin koreografinë, ai do të rrijë duke u hedhur sa andej-këndej. Më tej ai kërkon të dijë se si i kalon ditët Enxhi kur është jashtë, dhe ai i tregon axhendën e një dite të zakonshme, i flet për punën në një revistë dhe për njerëzit me të cilët ka kontakte.
Enxhi kërkon të dijë ng Jetmiri përshtypjet e para që ka patur për të dhe çfarë mendon tani. Ai i tregon se kur e ka parë natën e parë të veshur si infermiere, e ka marrë si të mirëqënë këtë fakt dhe është surprizuar kur i është komunikuar që është konkurente e re. Jetmiri thotë se i është dukur vajzë me namuz kur ka parë klipin e saj, ndërsa kur është futur në shtëpi e ka parë duke ndenjur si të lënë pas dore, dhe i ka thënë Erionit që t’i afrohen e t’i flasin. Madje ai thotë që e ka ndihmuar që t’i jepnin cigare pasi ajo nuk kushte dhe nuk kërkonte. Ndërsa tani që e njeh më mirë i duket e bukur, e shkathët, llafazane, e djallëzuar dhe ka energji pozitive. Jetmiri thotë që në zemrën e tij ajo është një shoqe e mirë. Më pas i kërkon Enxhit të vallëzojnë nën tingujt e këngës në sfond.

☼ Bea ☼ · « **Pergjigju #138 Me:** Mars 06, 2010, 07:19:33 MD »

ARIEL dmth plasi ne Kucove eee

ariel · « **Pergjigju #139 Me:** Mars 07, 2010, 12:31:44 PD »

You are not allowed to view links. Register or Login

ARIEL dmth plasi ne Kucove eee

Plasi moj plasi ka fyer djemte e Lezhes

ariel · « **Pergjigju #140 Me:** Mars 07, 2010, 12:35:48 PD »

Neglizhenca e banorëve
06/03/10 14:05

Ada dhe Hakiu ndihmojnë njeri-tjetrin në pastrimin e oborrit. Të dy ankohen se askush nuk po kujdeset më për pastrimin e shtëpisë për cilën thonë se është kthyer në rrëmujë të vërtetë. përvec tyre, edhe banorë të tjerë e përmendin, por askush nuk merr guximin të nisë pastrimin. Hakiu ankohet se banorët e tjerë nuk po marrin seriozisht as provën e javës. Ai mendon se tani duhet të ishin duke bërë prova, në fakt jo, ndërsa Ada shprehet se disa po flenë në këtë orar të papërshtatshëm, duke ua lënë barrën atyre. Ata duskutojnë për provën e javës dhe Hakiu shprehet se prova është e rëndësishme për të gjithë, jo vetëm për një pjesë të banorëve pasi edhe buxheti është për të tërë. Ada i thotë se banorëve, ndërkohë që nuk u del buxheti i javës edhe kur e kanë të plotë, edhe nuk përpiqen për provat gjatë javës. Hakiu uron që ta humbasin sërish provën, pikërisht nga neglizhenca e banorëve se kështu, ndoshta vënë mend. Ata i kthehen sërish bisedës për pastrimin e shtëpisë, ku Ada shprehet se nëse banorëve u kërkon që të bëjnë punët e shtëpisë, ata të shajnë, nëse merresh vetë me to, ata të marrin për budallaqe.

Rezarta kërkon spjegime nga Miri
06/03/10 16:47

Rezarta është e mërzitur me Jetmirin, ndërsa ai i thotë që të rrijë rehat e të bëjë qejf. Ajo ia kthen se ai nuk mund t’i harrojë fjalët që thotë dhe shton se ai nuk duhet ta përzjejë lidhjen e tyre në lojën që bën. Ajo thotë se deri tani ai i kishte treguar se ishte shumë i stresuar, ndërsa tani si për vete dhe për atë kërkon që të bëjë qejf. “Të iku stresi?”- e pyet ajo, ndërsa ai ia kthen se me një ditë nuk ikën stresi dhe toni i zërit të tij ndryshon duke u rritur. “Pusho, harro!”- i thotë nervoz dhe shton se përse i ka rënë për pjesë ajo, kaq e trashë. Rezarta mërzitet dhe nuk flet më, ndërsa ai i thotë të rrijë e qetë dhe se ai nuk mund të ndryshojë dot. Toni i zërit ulet. Rezi i thotë se gjërat duhet të ndryshojnë tashmë për të dy, por jo më sipas mënyrës së tij, por sipas mënyrës së saj. Ajo thotë se vë atë përpara lojës dhe pyet Mirin nëse është kështu edhe për të. Rezi thotë se me fjalë ai i thotë kështu, por me vepra jo. Miri ia kthen se ajo nuk duhet të insistojë më për këto gjëra, por t’i lërë ato të rrjedhin vetë, të vijnë si të vijnë dhe shton se tani doveprojë ndryshe. Rezarta shprehet se nëse ai do të luajë, atëherë të vazhdojë pasi ajo do distancohet dhe lidhjen ta vazhdojnë jashtë. “Dakord, e respektoj, kur të dalim jashtë do flasim”- ia kthen ai. Rezarta shprehet se është lodhur shumë me lidhjen e tyre dhe se veprimet e tij, e bëjnë të kuptojë se është në plan të dytë, gjithnjë. Ajo tregon se të dy janë munduar që të futen sërish në rrjedhën e lojës, por nuk po ia dalin dot mbanë dhe nëse në ndonjë moment ajo i afrohet kësaj pike, do ndodhë dicka prej tij që e demoralizon. Rezarta i thotë se gjithcka deri tani e ka bërë për të, por tashmë nuk e beson më dhe mund të bëjë edhe pa të. sipas saj, ai gjithnjë e kthen situatë në favorin e vet e nuk po mendon për lidhjen e tyre. Jetmiri i thotë se do t’i japë cdo shpjegim që ajo kërkon, por cdo gjë në kohën e vet. Rezarta shprehet se ndjehet shumë keq për situatën në të cilën ndodhen dhe Miri i thotë se do ta ndihmojë deri në fund që ajo ta kalojë këtë gjë. ndërsa ajo i tregon se ata nuk rrinë fare bashkë e ai nuk i përkushtohet sic duhet, ajo shprehet se i vetmi problem për të është ai. Miri ia kthen se nëse ajo do, ai mund të largohet, por Rezi mendon se gjërat ndërmjet tyre nuk zgjidhen ashtu, por me spjegime e ai ka shumë spjegime për të dhënë sipas saj.

Erioni: “Me Enxhin nuk do lidhesha”
06/03/10 17:10

Erioni dhe Rezarta diskutojnë për lidhjet e tyre. Ajo e pyet Erionin nëse u pajtua me Bertinën, por ai ia kthen se nuk ishin zënë, vec debatuan. Erioni shprehet se nuk ka se cfarë t’i bëjë Bertinës pasi gjithnjë diskutojnë për të njëjtat gjëra e asnjëherë nuk ndryshon. Edhe Rezarta shpreh të njëjtën gjë për Mirin. Ata ndryshojnë temë dhe Rezarta e pyet nëse i pëlqen Enxhi, pasi nga gjestet i ka lënë këtë përshtypje. Erioni përgjigjet se jo dhe se tipi i saj nuk i pëlqen aspak. Rezarta justifikohet se e ka vënë re nga afrimi i tij me të apo dhe pyetjet që i bënë, vëmendja që i kushton, por Erioni i thotë se ka një interes për të ashtu si për gjithë banorët e tjerë. Ai shton se ajo do ishte banorja e fundit që mund të krijonte një lidhje me të. Rezarta vazhdon duke thënë se mund t’i ketë lënë edhe Enxhit këto përshtypje, por ai shprehet se cdo njeri mund të mendojë c’të dojë. “Personi që më pelqente është ai që jam me të”- shprehet ai për Bertinën dhe shton se Enxhi i pëlqen për të diskutuar, bërë shaka, por jo për më tepër. Rezarta justifikohet se i shkoi kjo gjë ndërmend, por preferoi që më mirë ta pyeste vetë sesa të krijonte opinione të tilla. Erioni e vlerëson dhe i thotë se bëri mirë që e pyeti.

Përgatitjet dhe provat e fundit
06/03/10 19:45

Banorët fillojnë dalëngadalë të përgatiten për spektaklin. Ata vishen dhe rregullohen për këtë mbrëmje të rëndësishme e ndërsa i bëjnë këto, edhe bisedojnë me njeri-tjetrin. Bledi flet për këtë javë që ka qënë në nominim, për sjelljen e vet. Enxhi dhe Bertina mendojnë se ai ka ndryshuar pozitivisht gjatë kësaj jave, ndërsa ai, ndryshe nga to mendon se vetëm ka bërë sherre e nuk ka treguar pozitivitet. Bertina shprehet se edhe kur debaton, mund të nxjerrësh anë pozitive, gjë që sipas saj, ai i ka bërë. Bledi shprehet se e ka marrë malli për familjen, kryesisht për nënën e tij.
Ndërsa përgatiten, banorët e nominuar bëjnë gati valixhet dhe gjërat e tyre personale.
Banorët nuk harrojnë që të përfundojnë edhe gjërat e fundit për provën e javës. Njërit grup i ka dalë një problem sepse muri që ndërtuan për provën, nga era u është rrëzuar, përpara se ata ta rrëzojnë gjatë debutimit të provës. Kështu një pjesë e tyre merren me rregullimin e këtij detaji. Banorët e tjerë që kanë për detyrë të tregojnë modën e viteve ’80, bëjnë prova me veshjet dhe për sfilatën që do të bëjnë. Pasi përfundojnë cdo gjë, ata ulen nëpër kolltukë, në pritje të nisjes së spektaklit.

Reagime të forta për deklarimin e homoseksualitetit
06/03/2010 21:05

Spektakli i kësaj mbrëmjeje fillon ndryshe. Arbana shprehet se nga hera e kaluar ku Klodi bëri një rrëfim të vështirë për jetën e tij personale, nëpër të gjithë opinionin publik ka patur reagime të ndryshme. Për të qënë sa më realë, në ekran shfaqet një klip i cili fillon me disa pjesë nga rrëfimi i Klodit për homoseksualitetin e tij e që më pas vazhdon me reagimet e ndryshme të njerëzve. Në Lezhë janë zhvilluar protesta kundër këtij realiteti duke shprehur me anë të tyre se ai nuk përfaqson Lezhën e nuk e pranojnë vendimin e tij. Në të njëjtën kohë, edhe nëpër media ka patur reagime ku spikatin kryesisht opinione mbështetëse dhe aprovuese për guximin e Klodit që të shprehë hapur preferencën e tij seksuale. Ariani, opinionisti i Big Brother shprehet se nuk i pranon protestat që janë bërë në Lezhë dhe thotë se Klodi nuk është futur në shtëpinë e BB për t’i përfaqësuar ata, por vec veten e vet. Ai tregon se mbështetja e medias ka qënë shumë e madhe dhe shton se ky fenomen duhet diskutuar e jo të protestohet për të sepse jo cdo njeri e mendon njësoj apo e pranon këtë gjë. Sipas tij, diskutimi është celësi kryesor në zgjidhjen e këtij debati shoqëror.

Enxhi, misioni përfundon
06/03/2010 21:55

Arbana fton Enxhin që të shohë një klip që është përgatitur për të. në ekran shfaqet klipi në të cilin tregohet një gazetare e cila përpiqej që t’i merrte një intervistë nënës së saj si dhe tregon për opinionin e saj dhe shqetësimin që kishte për sjelljen e Enxhit. Pas duisa përpjekjesh, nëna e Enxhit pranon të flasë. Gjatë intervistës, ajo tregon se nuk e pranon lojën e saj dhe është mjaft e shqetësuar për sjelljen e saj si për veten, ashtu edhe ndaj banorëve të tjerë dhe shprehet se Enxhi nuk është ashtu. Sipas saj, Enxhi është futur mes një cifti dhe kjo gjë asaj nuk i kishte pëlqyer. Mamaja e Enxhit ka rezerva edhe për veshjen e ekzagjeruar dhe komenton se ndoshta të gjitha këto kanë qënë një taktikë loje e përdorur prej saj e që të integrohej e të ishte një konkurrente e fortë. Në përfundim të intervistës, ajo shprehet se nuk do donte që vajza e saj të vazhdonte lojën.
Enxhi duket pak e shqetësuar teksa shikon klipin, ndërsa Arbana i thotë se ajo nuk duhet të dekurajohet. Enxhi shprehet se e dinte që do gjykohej nga prindërit e saj, por jo kaq ashpër dhe shprehet se do përpiqet t’i bëjë krenar ata.
Arbana shprehet tek publiku se misioni i Enxhit ka përfunduar dhe ajo duhet të largohet nga shtëpia. Për Enxhin, largimi duhet të jetë si i cdo konkurenti tjetër. Kështu Arbana tregon se do ndodhë një lojë me banorët. Tre banorët e nominuar duhet të shkojnë në dhomën e rrëfimit e të nominojnë dy nga vajzat e shtëpisë. Të tre djemtë shkojnë me radhë, por asnjë prej tyre nuk nominon Enxhin, ndërsa Arbana i njofton banorët se nga nominimi, Enxhi duhet të largohet, por kjo do vendoset nga publiku. Ajo e fton Enxhin të qëndrojë në zonën e tunelit në pritje. Banorët ngelen të habitur dhe mendojnë se nuk duhej të ndodhte kështu, por Arbana i fton që të shohin një klip për të. në klip shfaqet hyrja e Enxhit si një e infiltruar dhe konfliktet e debatet që ajo ka shkaktuar, duke mos lënë mënjanë edhe provokimet, lojërat dhe situatat e ndryshme me banorët apo dashurinë me Jetmirin. Banorët shtangen dhe nuk e besojnë këtë gjë. Arbana i kërkon Enxhit që të shkojë në studio, duke lënë kështu qëndrimin në shtëpi. Enxhi duket e lumtur për këtë gjë.

ariel · « **Pergjigju #141 Me:** Mars 07, 2010, 12:41:12 PD »

Prova e javës, e kaluar
06/03/2010 22:20

Grupi i parë i banorëve përgatitet për të ekzekutuar pjesën e tyre për provën e kësaj jave: një etyd bazuar tek kënga e grupit PinkFloyd “Another brick on thë ëoll”. Ata kanë përgatitur gjithcka edhe detajet më të vogla deh nën tingujt e këngës, ata debutojnë pjesën e tyre. Pas tyre, edhe grupi tjetër përgatitet dhe prezanton pjesën tjetër të provës. Ata sfilojnë me veshjet e tyre të cilat i kanë ndryshuar dhe i kanë përshtatur siaps modës së viteve’80. ata shkojnë në korridor dhe në bazë të provave dhe mënyrës se si e kanë organizuar, ata ekzekutojnë pjesën e tyre. Arbana i komplimenton të dy grupet dhe u thotë se kanë bërë një performancë të shkëlqyer. Ajo u komunikon vendimin e Vëllai të Madh i cili i ka ndjekur edhe gjatë provave të ditëve të mëparshme dhe ka vendosur se banorët e kalojnë këtë provë javore. Banorët gëzohen për këtë vendim.

Komente mbi debatet në shtëpi
06/03/2010 22:55

Kjo javë ka qënë e mbushur me shumë diskutime, debate e konflikte mes banorëve. Një prej tyre ka ndodhur ndërmjet Valonit, Klodit dhe Bledit. Për ta shfaqet një klip ku tregohen këto ndodhi dhe opinionet e tyre mbi to, Valonin apo shkakun e debatit. Arbana e diskuton këtë gjë edhe me banorët dhe Hakiu shprehet se Valoni nuk ishte mirëinformuar mbi rrëfimin që bëri Klodi apo mbi homoseksualitetin dhe pasi iu spjegua, u pendua për reagimin që bëri kunddrejt tij. Edhe Valoni shprehet se nuk e kishte kuptuar përmbajtjen e letrës. Arbana thotë se situata u rëndua më shumë me ndërhyrjen e Bledit dhe të Mirit. Bledi sqaron se me Valonin, debati ishte përfundimi i komplet qejfmbetjeve të akumuluara gjatë javës, por që ai ia kishte bërë të ditura edhe Valonit. Ai insiston se debati ka qënë i shtyrë nga dikush tjetër. Opinionisti i drejtohet Klodit dhe i thotë se me reagimin e tij, u duk sikur ai paragjykon më shumë veten. Sipas tij, ai duhej të ishte sqaruar me Valoni e t’ia spjegonte këto keqkuptime të cilat mund të lidheshin me moshën apo mentalitetin e tij, por Klodi shprehet se Valoni nuk erdhi të fliste me të dhe se atij nuk i pëlqen e nuk i intereson të bisedojë me të. Jetmiri ndërhyn dhe shprehet se gjatë javës gjithnjë është kërkuar një motiv për t’u përplasur me të, ndërkohë që ai nuk ka patur arsye që të ndikojë tek Valoni. Opinionisti i drejtohet edhe Bledit dhe i thotë se mendon se më shumë zjarr i ka dhënë ai debatit, ndërsa Valoni u duk si viktimë, por Bledi e kundërshton dhe qëndron në diskutimin e tij se me Valonin ka patur mosmarrëveshje dhe më parë. Arbana pyet edhe Erionin, si një banor i jashtëm për mendimin e tij për debatin dhe ai shprehet se nuk a kuptuar se përse Bledi duhej të përfshihej pasi debati ka qënë mes Klodit dhe valonit. Në shtëpi lind sërish një debat nga fjalët e Erionit. Arbana u kujton banorëve se ata ndiqen nga të gjitha grupmoshat dhe merren si shembull nga shumë njerëz, ndaj u kërkon atyre që të mos ketë më fyerje, ofendime apo kërcënime mes tyre.

Historitë e dashurisë
06/03/2010 23:10

Në shtëpinë më të ndjekur, përvec miqësisë, bashkëjetesës dhe diskutimeve, kanë lindur edhe pëlqimet dhe dashuritë e para. Për të gjithë shfqet një klip në të cilin tregohen situata e ndryshme të cifteve, krijimet, ndjenjat, xhelozitë, zënkat apo shprehja e ndjenjave. Pasi përfundon klipi, opinionisti i komenton këto ngjarje me vetë protagonistët. Fillimisht ai kërkon të dijë se si po funksionon lidhja e Bertinës me Erioni pasi ka vënë re se midis tyre ka zënka, por Bertina shprehet se ai është i vetmi që e kupton dhe se tek ai gjen vendin ku mund të shfrehet kur është e mërzitur. “S’ka dashuri pa zënka”- shprehet ajo. Ariani diskuton edhe me Bledin dhe Oltën për ndjenjat e tyre dhe u thotë se atyre u mungonte shkëlqimi i syve gjatë shprehjes së ndjenjave, sikur cdo gjë të bëhej për lojë. Bledi tregon se për Oltën ndjen simpati e donte ta njihte më shumë se sa shoqëri dhe se me shprehjen e ndjenjave, donte që të fikte të gjitha iluzionet dhe idetë që kishte krijuar në mendjen e vet për Oltën dhe që realisht ndodhi. Olta shprehet se i pëlqen vec si shok e do kenë një marrëdhënie të tillë. Opinionisti diskuton edhe për lidhjen mes Rezartës dhe Jetmirit. Ai pyet Rezartën se si ndjehej kur Miri qëndronte vec me Enxhin. Ajo përgjigjet se nuk e kishte problem e nuk i dukej e rrezikshme e në një farë mënyre, e kishte fjetur mendjen e flinte rehat natën. Ai pyet edhe Mirin se kë do zgjidhte ndërmjet dy vajzave nëse të dyja do futeshin njëkohësisht dhe Miri shprehet se edhe pse ka qënë shumë i provokuar nga Enxhi, ai i karezistuar asaj deri në fund dhe lidhja e tij me Rezin është e fortë e këtë do e tregojë koha.

Bledi lë shtëpinë e Big Brother
06/03/2010 23:25

Arbana i kërkon tre banorëve të nominuar që të shkojnë në dhomën e rrezikut. Pasi shkojnë atje, për ta shfaqet një klip me komentet mbi javën e nominimit dhe opinionet për njeri-tjetrin, por ata nuk komentojnë asgjë në ato momente. Arbana u thotë se sidoqoftë, ata të tre janë personazhë dhe karaktere të ndryshme që ishin të rëndësishëm për shtëpinë dhe lojën në BB. Ajo u tregon djemve se këtë herë, Vëllai i Madh ka vendosur që ata ta marrin vesh se cili do eleminohet nëpër mjet një tjetër forme. Ajo do ia komunikojë emrin e atij që do të eleminohet banorëve të tjerë, ndërsa ata do ta kuptojnë nëpërmjet klipeve. Kështu Arbana u thotë banorëve të tjerë se banori i parë që shpëton është Hakiu. Ajo u thotë tre banorëve të nominuar se klipi që do shfaqet tregon se njëri prej tyre ka shpëtuar. Në monitor shfaqet një klip i kolegëve të punës të Hakiut të cilit i japin kurajo dhe mbështetje e i urojnë qëndrim të gjatë në shtëpi. Arbana u komunikon banorëve të tjerë vendimin e publikut se banori që eleminohet është Bledi. Për dy banorët e mbetur shfaqet një klip në të cilin tregohet nëna dhe motra e Jetmirit që e mbështesin dhe i shprehin dashurinë. Jetmiri dhe Bledi përqafohen e ky i fundit shkon në zonën e tunelit, ku takon për herë të fundit Oltën e cila vesh fustanin që ai i dhuroi. Ai i uron Oltës qëndrim të gjatë e të jetë vetvetja e të mos e harrojë atë. Olta e përqafon e Bledi largohet për në studio.

Një letër nga babai, surprizë për Seldin
06/03/2010 23:30

Për Seldin, Vëllai i Madh ka përgatitur një surprizë të vecantë: një letër nga babai tij me të cilin Seldi ka patur një marrëdhënie të vecantë, një marrëdhënie të munguar për shkak të largimit të tij. Seldi shikon në monitor një videomesazh ku babai i vet i shkruan dhe i lexon letrën drejtuar atij ku i shprehdashurinë dhe mungesë e tij për djalin e vet. Ai i thotë se po e njh nëpërmjet këtij programi televiziv, i tregon disa kujtime nga fëmijëria e tij, e thotë se është i lumtur për arritjet e tija e vlerat që ka e ndërsa flet, ai preket e zëri i dridhet. Seldi nuk reagon, por vec dëgjon. Arbana e pyet se si ndjehet e ai heziton të flasë. Ai tregon se i ka mbetur peng që nuk e ka patur pranë atë, të njihte dashurinë e tij, të ndante me të mendimet. Seldi shprehet se nuk e kupton kohëzgjatjen e shkrimit të letrës dhe kohëzgjatjen e mospranisë së babait të tij në jetën e vet. Babai i tij në fund të letrës i kërkon që ata të rikrijojnë lidhje

Enxhi në studio e BB
06/03/2010 23:40

Enxhi vjen në studio dhe pritet me një duartrokitje të fortë nga publiku. Ajo duket shumë e kënaqur dhe e lumtur dhe shprehet se ndjesia që përjetoi në shtëpinë e BB ishte e mrekullueshme. Enxhi uron që ta ketë realizuar misionin e saj dhe Arbana e aprovon këtë gjë. Enxhi tregon se qëndrimi në shtëpi ka qënë pak i lodhshëm për të sidomos të ishte provokatore dhe aktore në cdo situatë. Arbana e pyet për raportin me Jetmirin dhe ajo thotë se ai ka qënë një banor i vecantë për të pasi ai më të është treguar i sinqertë dhe i vjen keq që ajo ka luajtur me të, por shton se nuk ndjen asgjë tjetër përvec ndjenjës së miqësisë që uron ta vazhdojë edhe jashtë. Enxhi tregon se edhe ajo ka patur momentet e sinqeritetit me banorët e jo në cdo kohë ka qënë aktore me ta. Ajo tregon se ka patur momente të vështira por që i ka kaluar duke treguar forcën e karakterit të saj. Arbana e pyet se cili cift mund të shkojë më gjatë në lidhjen e tyre dhe Enxhi mendohet dhe shprehet se ndoshta Miri dhe Rezi mund të shkojnë më gjatë se të tjerët.

Një zgjedhje e vështirë për Valonin
06/03/2010 23:45

Në ambjentet jashtë shtëpisë ndodhet një person: Visari, vëllai i Valonit i cili ka ardhur me makinën e tij. Arbana tregon se ajo makinë, pas një basti ndërmjet dy vëllezërve, tashmë është e fituar prej Valonit pasi ai arriti që të hynte në shtëpinë e BB. Ajo tregon se Valoni do vendoset përballë një zgjedhjeje të vështirë: të marrë makinën e të vëllait e të dalë nga BB apo të qëndrojë duke humbur mundësinë për ta patur atë. Arbana fton Valonin që të shohë në monitor dhe ai kënaqet kur sheh vëllain e vet. Ai ua prezanton banorëve të tjerë. Arbana i thotë për provën që duhet të kalojë dhe zgjedhjen që duhet të bëjë. Valoni mendohet gjatë dhë shprehet se më mirë zgjedh të qëndrojë, pasi ajo është vec një send të cilin mund ta ketë më vonë, ndërsa kjo eksperiencë nuk i përsëritet më e ndoshta edhe fiton. Arbana i tregon se kjo ishte vec një shaka dhe i thotë Valonit të shkojë në zonën e tunelit e ta takojë vëllain. Valoni vrapon dhe shumë i lumtur e puth dhe e përqafon atë plot mall.

Bledi vjen në studion e BB
06/03/2010 23:55

Bledi pritet me duartrokitje në studion e Big Brother. ai duket i qetë, por shprehet se u mërzit që do qëndrojë larg Oltës. Arbana e pyet se cilat arsye mendon ai se e kanë cuar drejt këtij eleminimi. Bledi shprehet se ka qënë i drejtpërdrejt me banorët e tjerë, ka folur me ta, por ndoshta ka folur dhe më shumë sec duhej. Ai mendon se një faktor që mund të ketë ndikuar në eleminimin e tij ka qënë mbështetja për Klodin dhe homoseksualitetin e tij. Ai mendon se njerëzit nuk e kuptojnë këtë zgjedhje dhe mbështetja që ai apo disa banorë i bëjnë atij, ndikon edhe tek opinionet e publikut që nuk e pranojnë këtë zgjedhje për ta. Një arsye tjetër që mendon Bledi është edhe se dy konkurentët e tjerë ishin banorë të vjetër dhe njiheshin më mirë nga publiku. Ai thotë se ishte një eksperiencë e bukur që donte ta provonte. Ariani, opinionisti shprehet se Bledi është një djalë që me sjelljen e tij fine, ka qënë i afruar dhe i pëlqyer si nga banorët ashtu dhe nga publiku, por që më pas ka krijuar një distancë të madhe. Ai i thotë se Bledi kryesisht qëndronte me Oltën, duke u distancuar me të tjerët, por Bledi mendon se ka ndenjur edhe me banorë të tjerë ku përmend Edin, Domenikën e Adën por edhe Oltën. Në lidhje me Valonin, Ariani i thotë se për hatër të moshës që ka, atij i takonte që t’i fliste e të gjente një gjuhë të përbashkët me të, pikërisht edhe pasi Valoni kërkoi të falur, por Bledi justifikohet se me Valonin nuk kishte më atë marrëdhënie që kishte në fillim dhe se ai nuk ishte ai tip që njohu në fillim. Bledi shikon edhe klipin me momentet më të bukura dhe komentet që banorët kanë bërë për të.

Kandidimet dhe surprizë për banorët
07/03/2010 00:10

Për banorët ka ardhur momenti për të bërë nominimet e javës. Ata shkojnë në dhomën e rrëfimit dhe japin dy emra dhe dy arsye se përse i zgjedhin këta banorë. Nga nominimet e tyre, në kandidim për këtë javë shkojnë Rezarta, Olta, Domenika dhe Jetmiri. Arbana ua komunikon këtë edhe banorëve. Ajo fton Adën që të shkojë në dhomën e rrëfimit e të marrë një kuti në të cilën ndodhen disa fletëpalosje kua banorët do të shënojnë një dëshirë që ata kanë si dhe emrin e njërit banor për të cilin do donin që të kishin realizimin e dëshirës. Banorët shkruajnë të kënaqur dëshirat e tyre duke e patur pak të vështirë se cfarë të zgjedhin. Arbana u komunikon banorëve se për ta ka një surprizë. Ata shohin një klip në të cilin shfaqet një pistë patinazhi dhe një cift patinatorësh dike patinuar. Kjo përbën provën javore për javën tjetër ku banorëve do t’u jepet mundësia që të dalin për pak kohë nga shtëpia e cifti i instruktorëve do t’u mësojë patinazhin artistik.

ariel · « **Pergjigju #142 Me:** Mars 07, 2010, 11:48:27 PD »

Klodi dhe Olta qajnë për Bledin
07/03/10 00:28

Olta dhe Klodi shkojë në dhomën e gjumit për të qëndruar pak vetëm. Ata janë shumë të mërzitur për largimin e Bledit dhe këtë gjë e shprehin edhe me fjalë, madje preken nga ky fakt e nisin të qajnë. Olta duket sikur e mban veten më shumë dhe përpiqet që të qetësojë edhe Klodin. Pranë tyre vijnë edhe Ada me Eduardin. Ada u thotë se kjo është pjesë e lojës, por Klodi nuk e pranon që një lojë e tillë, e pistë sipas tij, të vazhdojë ende. “Unë aktorët e kësaj shtëpie nuk i duroj dot”- shprehet ai me irritim duke thënë se ka dalë ai që nuk duhej të dilte e kanë qëndruar ata që luajnë. Klodi duket vërtetë i mërzitur për ndodhitë gjatë spektaklit dhe shprehet se tashmë po dalin të gjithë aktorë e të gjithë justifikohen se po luajnë apo se bëjnë shaka. Ai komenton edhe për Valonin dhe thotë se ai nuk është më i vogël e nuk duhet të fshihet pas moshës që ka, sepse ai vetë në moshën e tij, ka qënë i zoti i vetes e ka marrë jetën e tij nën kontroll. Ai tregon se Bledi ka bërë shumë sakrifica në jetën e vet e ërmend disa prejt yre e në rrëfim e sipër shprehet se në shtëpi duhet të jesh nga jugu ose nga Kosova e të bësh si gangster që të vlerësohesh, ndërsa emigrantët nuk vlerësohen, sipas tij. Ata diskutojnë për tipin dhe jetën e Bledit, ndërsa Olta tregon momentet e fundit që kaloi me të tek zona e tunelit. Olta shprehet se Bledi ishte një njeri i drejtë, ndërsa Ada thotë se i drejti asnjëherë nuk fiton.

Komente për lojën e Enxhit
07/03/10 00:35

Pas spektaklit, banorët komentojnë për ndodhitë dhe të papritur që u solli. Ata ende janë të habitur nga sekreti i Enxhit dhe fakti që ajo ishte e infiltruar nga Vëllai i Madh. Duke komentuar mbi të, Rezarta shprehet se Miri gjithnjë ka thënë se në lidhje me të, ajo gjithnjë ka qënë e dyshimtë. Këtë bisedë ajo e diskuton me të tjerët dhe Olta shprehet se asnjë nuk e kishte kuptuar që Enxhi po luante me ta dhe midis tyre edhe Miri. Ajo thotë se Enxhi ndenji dy javë dhe nëse dikush e kishte kuptuar, e kishte mundësinë që të përballej me të e t’ia thoshte këtë mendim, po sipas saj, tani po dalin të gjithë të zgjuar se gjoja e dinin të fshehtën e saj. rezarta i spjegon se Miri ka thënë vec për sjelljen e Enxhit kunddrejt tij, e jo për gjithë qëndrimin e lojën e saj në shtëpi. “Ta kishte kuptuar se ishte lojë, Miri nuk i shkonte aq shumë nga mbrapa Enxhit”- shprehet Olta.
Hakiu diskuton edhe për nominimin me Bertinën. Ai shprehet se fillimisht iu kundërvunë asaj, por më pas e lanë të qetë, kuse Bertina shprehet se sërish do i vijë radha. Ajo i thotë atij se i duhej kjo javë pushim nga nominimi për t’u qetësuar dhe Hakiu shprehet se e kishte të nevojshme. Ai u tregon për mënyrën se si e kuptuan se cili kishte shpëtuar nga nominimi e pikërisht me anë të një klipi ku tregon se për të u shfaqën kolegët e punës.

ariel · « **Pergjigju #143 Me:** Mars 07, 2010, 12:01:56 MD »

Ishte mese e qarte per te gjithe fansat e Big Brother Albania qe Enxhi Kamenica nuk mund te ishte nje vajze e thjeshte e qe misioni i saj nuk dihej se si do te shkonte. You are not allowed to view links. Register or Login arriti te siguroj disa foto ku Enxhi pozon si modele. Ne foton me siper, sic shihet qarte ajo ka pozuar me nje nga konkurentet e Big Brother Albania 2 Arjon Mucen, i cili qe prej daljes se tij nga BBA i ka hyre rruges se modes e ku po pozon per marka te njohura shqiptare e te huaja. S’kishte se si te ndodhte ndryshe me rolin e saj aq bindes Enxhi duket se ka marre leksionet e duhura nga kolegu i saj Arjoni!

ariel · « **Pergjigju #144 Me:** Mars 07, 2010, 12:06:43 MD »

Duket e çuditshme por mesa duket është e vërtetë. Erjoni, djali 25 vjeçar i cili është një nga konkurentët e “Big Brother 3” por edhe një nga më të spikaturit jo vetëm për fizikun e gjatë por edhe për shkathtësinë, është gjendur papritur në shtëpinë e BB bashkë me ish të dashurën e tij. Madje ai është vënë edhe para detyrës së vështirë për ta skualifikuar, gjë që në fakt nuk ndodhi. Nuk e dime nëse Erjoni kishte dijeni paraprakisht që edhe Bertina, vajza 25 vjeçe me kaçurela do të ishte pjesë e spektaklit “Big Brother”, por tani që ata do të bashkëjetojnë së bashku me të tjerë të rinj të panjohur për ta, janë vënë në të tjera pozita. Para së gjithash po bëjnë ç’është e mundur që të mos kuptohen se janë njohur më parë dhe aq më shumë që kanë qenë të dashur.
Miqtë e të dyve na tregojnë se lidhja mes tyre nuk ka qenë një flirt kalimtar por një histori e mirëfilltë dashurie që më pas mori fund. Nuk dihet se cilat kanë qenë shkaqet e ndarjes, por më pas të dy janë parë me partnerë të tjerë. Erjoni një djalë i shkathët, me shumë shoqëri dhe frekuentues i jetës së natës, është parë gjithmonë në shoqërinë e femrave, madje disa foto po i publikojmë edhe këtë radhë por nuk dimë me siguri se çfarë lidhjeje ka pasur me to. Edhe Bertina është parë e shoqëruar me djem të tjerë, pasi duke qenë një vajzë shumë e bukur ka rënë vazhdimisht në sy, edhe të të panjohurve madje. Që mes tyre ka diçka të veçantë, e ka kuptuar dhe shprehur edhe Seldi, një nga konkurrentët ndërkohë që Erjoni e mohon kategorikisht. Të shohim se si do ta vazhdojnë dy të rinjtë lojën e tyre.

Pergenjeshtrimi, interviste me shoket e ngushte te Erjonit

Eduartin dhe Jonelin sapo i sheh e kupton menjëherë që janë shokët e Erjonit. Ndoshta për shkak të gjatësisë. Janë shokët e ekipit të volejbollit ku luan dhe Erjoni, por janë shokë edhe jashtë ekipit.

Gjatë fundjavave dalin pothuajse gjithnjë bashkë për “jetë nate” dhe pse të dy, Edi dhe Neli, (kështu i thërrasin miqtë e ngushtë), pranojnë që Erjoni ishte një “rrezik” për ta, kjo, pasi ishte gjithnjë në qendër të vëmendjes dhe shokët mbeteshin në hije.

Në këtë rrëfim për SH2 ata na tregojnë për Erjonin disa anë të karakterit të tij që ne nuk i njohim: Erjoni si sportist, Erjoni dhe femrat, Erjoni në raport me kamerat dhe gjithashtu ata flasin për atë çka është folur në media se Erjoni dhe Bertina kanë qenë të dashur para se të futeshin në lojë, gjë të cilën, dy shokët e tij më të mirë e hedhin poshtë në mënyrë kategorike.

Na e përshkruani me pak fjalë se si e njihni ju Erjonin…
Eduarti: Me Erjonin ne jemi njohur në sport, pasioni për sportin dhe qenia jonë në ekipin e volejbollit (në skuadër jemi 14 veta, por ne të 3 jemi më shumë miq sesa me të tjerët) mënyra e jetesës, etj. Erioni është shumë solar, shumë i hapur, imponon respekt dhe është një tip që gjithnjë është në qendër të vëmendjes.

Neli: Për sa i përket mënyrës se si jemi njohur e tha Edi më lart. Ndërsa, për sa i përket tipit, Erjoni është tip i qetë dhe i përshtatshëm me shoqërinë.

E keni ndjekur këto ditë? Si ju është dukur, ndikohet nga kamera, apo është vetvetja?
Edi: Është hera e parë që unë po e ndjek çdo ditë Big Brotherin dhe realisht jam i surprizuar nga lirshmëria dhe të qenit 100% pa maska.

Për mua, Erjonit, kamera nuk i ka shkaktuar asnjë lloj efekti që ta bëjë atë të mos jetë vetvetja.
Neli: Erjoni po sillet shumë natyrshëm, nuk ka ndonjë ndryshim nga jashtë, nuk po ndjek ndonjë strategji për të shkuar drejt finales.

A ka Erjoni një “vajzë” që e pret jashtë?
Edi dhe Neli: Edhe po…

Na tregoni ndonjë histori të lezetshme ku në qendër të vëmendjes ka qenë Erjoni
Edi: Udhëtimi në Dhërmi ka qenë shumë interesant. Erjoni ishte më një “ish-in” e vet dhe ka pasur shumë qyfyre.

Kemi fjetur jashtë dhe pse hotelin ku rrinim e kishim shumë afër. Madje, për shkak të një basti me Erjonin, një nga mëngjeset e ditëve në Dhërmi më është dashur të hipja në një varkë në orën 6 të mëngjesit, por nuk ishte ky problemi, problemi ishte se varka ndodhej shumë metra larg bregut dhe më është dashur të shkoj me not.

Duket sikur Erjoni ka tërheqje ndaj Bertinës, ose të paktën kështu është komentuar, si jashtë, ashtu dhe brenda shtëpisë, cili është mendimi juaj? Është Bertina, tipi i femrës që pëlqen Erjoni?

Edi: Ndoshta kjo tërheqje mund të ndodhë në rrethanat kur janë të kushtëzuar të jetojnë bashkë, por ajo nuk është femra e përshtatshme, madje as si staturë.
Neli: Nuk mendoj se ka diçka, është thjesht simpati e krijuar brenda shtëpisë dhe një miqësi e mirë jashtë saj.

Në faqet rozë të shtypit është thënë se Erjoni dhe Bertina kishin një lidhje pa u futur në lojë.. Ju që jeni shokët e tij të ngushtë, besoj duhet ta dini, është e vërtetë kjo gjë?
Aahahahhaha e kemi lexuar atë artikull dhe jemi habitur për sa i përket lajmit që Erjoni ka pasur lidhje me banoren e Big Brother, Bertinën. Ata nuk njihen fare dhe nuk qëndron si argument.

Është krejtësisht një disinformim dhe asnjë nga shoqëria e tij e afërt nuk e njeh Bertinën dhe nuk është prononcuar njeri mbi këtë fakt. Do thoja që është një sajesë komerciale për të tërhequr vëmendjen e lexuesve!

Na zbuloni ndonjë defekt që ka Erjoni…
Edi: Pfff…I merr gjërat shumë thjeshtë dhe reagimi i tij është shumë pozitiv edhe me njerëz që nuk e meritojnë. Bën shumë për të tjerët, ka mirësi me tepricë dhe shpesh herë njerëzit e marrin këtë për dobësi.
Neli: Unë do veçoja një “defekt” tjetër… Harron. Nuk i jep rëndësi festave dhe përvjetorëve. Madje, kur kishte lidhje me një vajzë, harroi t’i uronte ditëlindjen.

Si mendoni ju, cilët konkurrentë do jenë deri në finale?
Edi: Domenika, Miri, Erjoni
Neli: Jetmiri, sepse më duket shumë dinak, Hakiu, Olta dhe Erjoni.

Pse ka hyrë Erjoni në Big Brother?
Edi: Ndryshe nga shumë lojtarë të tjerë që kanë si qëllim në vetvete vetëm shpërblimin ekonomik, Erjoni e mori këtë sfidë për të testuar aftësinë e tij në fushën e komunikimit dhe ndërveprimit me të tjerët. Meqenëse Big Brother është një format televiziv i suksesshëm, kjo është një trampolinë e mirë për të realizuar ëndrrën e tij në botën e televizionit.

Pse duhet të fitojë Erjoni?
Edi: Është shembull i mashkullit qytetar që ka vlera të jashtëzakonshme tolerance, mirësie dhe shoqërisë shqiptare, vuan nga kompleksiteti i mashkullit macho. Tek Erjoni shkrihet shumë mirë prezenca mashkullore dhe qytetaria që në rininë shqiptare lë shumë për të dëshiruar.

Neli: Sipas mendimit tim, Erjoni është një shembull mjaft i mirë për t’u ndjekur nga rinia shqiptare, xhentil, i qetë e shumë vlera të tjera.

Është Erjoni qejfli i jetës së natës?
Edi: Erjoni është një rrezik për ta marrë me vete në lokale nate, kjo sepse na le në hije, të gjitha vajzat i “sulen” atij.

Po si sportist, si është Erjoni?
Neli: Erjoni në sport është korrekt, i talentuar, ka qenë përfaqësues i ekipit kombëtar të të rinjve, por problemi i tij me sportin ishin dëmtimet e njëpasnjëshme që ai pësoi me kaviljen, mund të them që ka qenë pak “pa fat”.

ariel · « **Pergjigju #145 Me:** Mars 08, 2010, 01:06:47 MD »

Klodi debaton me Rezartën
07/03/10 00:40

Klodi vjen në kuzhinë ku të tjerët po përgatisin dicka për të ngënë. Ndërsa merret edhe ai me përgatitjen e darkës, Rezarta i thotë dicka në lidhje me papastërtinë që po shkaktonte se kështu nuk tregohet kultura. Klodi acarohet dhe i kthehet vrazhdë se ajo duhe të shohë veten e saj e nuk është nevoja që të duket puntore tani që është në nominim. Rezarta i flet duke qeshur e ndërkohë vendos dicka afër pjatës që ai ka përgatitur, por Klodi nervozohet edhe më shumë dhe i thotë që ta largojë pjatën e saj se ndryshe ia tregon ai vendin e i kërkon që ajo t’i qëndrojë larg. Rezarta ia kthen se ai paska probleme dhe habitet nga reagimi i tij. “Ti nuk e di as vetë se me cilin e paske problemin, qetësohu njëherë pastaj flasim”- i thotë ajo dhe i kërkon që të mos nervozohet kot. Klodi ia kthen se problemet do ia tregojë herë tjetër dhe se ajo duhet të mësojë njëherë kulturën dhe edukatën vetë e pastaj të flasë me të për këto, e duke ikur shprehet me ironi se “modelja” po ia tregon pikërisht sot se c’duhet të bëjë.
Klodi del jashtë në kopsht dhe e komenton ndodhinë edhe me të tjerët. Ai thotë se nuk e ka parë njëherë Rezin të lajë një pjatë ndërsa sot po lan gjithë enët. Edhe Domenika e pohon këtë gjë dhe shton se është në nominim. Seldi shprehet se i ka thënë Miri që të angazhohet, pikërisht se është në nominim. Ata diskutojnë edhe për daljen e Bledit dhe Domenika shprehet se e mendonte se ose Kika ose Miri do dilnin. Ada shprehet se mendonte se do dilte Hakiu, kurse Seldi shton se ai ka ndenjur dy javë i tërhequr. “Njëri patriot, tjetri patriot gjithashtu, refugjati do dalë”- thotë Klodi dhe shton se kështu po funksion tashmë, ndërsa ai që di të flasë, ka kulturë e di të debatojë, publiku e nxjerr.

Eleminimi i Bledit, qëndrimi i Mirit
07/03/10 00:55

Banorët diskutojnë në kopsht për eleminimin e Bledit dhe qëndrimin e Mirit në shtëpi duke shprehur edhe ndryshimet që po vënë re tek sjellja e Rezartës. Klodi shprehet se ajo po e provokon, ndërsa Domenika tregon se gjatë spektaklit, kur ajo ishte duke folur me Valonin se ishin ata që e kishin nominuar dhe patur konflikte me Bledin e ndaj ai doli, Rezarta kishte ndërhyrë dhe ishte kapur me fjale më të. Domenika shprehet se Rezarta kërkon debate. Ada ndryshon temë dhe thotë se edhe në klip doli se Valoni e kishte pranuar se Miri e kishte nxitur, kurse Seldi thotë se ky debat nuk do përfundojë me kaq e se ai do e cojë deri në fund. Duke folur për Mirin, Domenika shprehet se po dalin njerëz që nuk e meritojnë e vazhdon të qëndrojë ai. Seldi mendon se Bledi doli pasi i mbaroi të gjitha ato që kishte për të dhënë shpejt e shpejt brenda javës, që nga debati e sqarimi me Valonin deri tek marrëdhënia me Oltën. Për Valonin ai shprehet se nuk i pëlqen sepse është kontradiktor e do ta mbajë mirë me të gjithë. Domenika u jep zemër të tjerëve duke thënë se ata nuk duhet të qëndrojnë të mërzitur e pasiv, por duhet të angazhohen më shumë dhe një ndihmë do u japë edhe prova me patinazhin. “Që nesër dua entuziazëm”- i thotë ajo të tjerëve.

Valoni i kënaqur për takimin me vëllain
07/03/10 01:02

Valoni duket shumë i lumtur për surprizën që iu bë. Ai tregon se u gëzua kur pa të vëllain e akoma më shumë kur iu dha mundësia për ta takuar atë. Valoni tregon se i vëllai e ka ndihmuar shumë në jetë dhe i ka treguar cdo gjë për jetën, të mirat e të këqijat dhe e ka futur në shoqërinë e vetë. Ai tregon se u emocionua shumë kur e pa dhe thuajse nuk kanë folur fare sepse të dy po qanin nga malli për njeri-tjetrin dhe i vëllai vec i ka thënë që të vazhdojë kështu, duke i dhënë kurajo. Banorët e ngacmojnë edhe për bastin për makinën dhe më pas shprehen se kanë dëshirë që të sjkojnë në Kosovë, pasi të dalin nga shtëpia. Valoni i fton dhe u thotë se kanë për t’u kënaqur të gjithë andej e u premton se do përpiqet që atya t’ia kalojnë sa më mirë në Kosovë.

Loja e Enxhit dhe sjellja me banorët
07/03/10 01:30

Enxhi dhe misioni që ajo kishte gjatë qëndrimit në shtëpi është nëj ndër bisedat kryesore që zhvillohet mes banorëve. Ata janë ende të habitur për lojën e saj. olta shprehet se Bledi ka thënë se ajo nuk i dikej konkurente. Edhe Domenika shprehet se e ka menduar këtë gjë. hakiu mendon se banorët e kishin kuptuar qëllimin e lojës së saj, por jo të ishte e infiltruar. Ata diskutojnë edhe për lojën e Enxhit me Mirin dhe shprehen se ajo ia arriti qëllimit dhe nukmendojnë se ajo mund të ketë ndjerë ndodnjëherë vërtetë për të, pasi edhe në klip ajo e kishte shprehur këtë gjë. ata sghprehen se tek klipi panë edhe se Miri i kishte thënë Enxhit se e pëlqente dhe ajo duhej t’i linte pak kohë sa t’ia thoshte edhe Rezit këtë gjë. Ata komentojnë për këtë pjesë dhe habiten se si Rezi nuk ka reaguar, por vazhdon lidhjen normale. Domenika mendon se ndoshta Miri vërtetë e ka pëlqyer Enxhin, ndërsa Olta mendon se ajo nuk kishte për tendencë që të lidhej me Mirin, por vec të luante me të.
Edhe Bertina shprehet për Enxhin se “sherri” i shtëpisë u largua dhe tani do bien në qetësi. Erioni shprehet me shaka se Gjimi i ka mësuar gjithcka asaj para se të hynte. Ata thonë se asnjë nuk e kuptoi lojën e saj, por sidoqoftë, për ta ajo ishte lojtare e fortë sepse me të gjithë u përball. Ata mendojnë se me disa prej tyre është sjellë mirë dhe se fakti që ka qënë e infiltruar, për ta nuk përbën problem. Kika tregon se gjatë javës që ka qënë në nominim, ajo i ka ndenjur pranë dhe e ka motivuar shumë. “Ndoshta ka qënë për lojë, por s’ka rëndësi, mua më motivoi”- shprehet ai. Olta tregon se i kishte bërë përshtypje që Enxhi i kishte përgatitur të gjitha gjërat e saja dhe i kishte futur në valixhe, por Ada mendon se ajo e ka ditur pasi i ka thënë Vëllai i Madh. Ata shprehen se tani i kuptojnë disa sjellje të Enxhit dhe përse ajo rrinte gjatë në dhomën e rrëfimit duke menduar se merrte mendime dhe ide se si të sillej me ta. Ata komentojnë edhe sjelljen e saj kunddrejt tyre dhe Erioni tregon se ajo ishte e paanshme sa herë që kishte debate në shtëpi.

Bertina Klodit: “Ke ndryshuar sjellje”
07/03/10 01:51

Ndërsa qëndrojnë në kopsht, midis Bertinës dhe Klodit hapet biseda ku pak kohë më parë, ata kishin shkënbyer disa fjalë për ushqimin. Është Erioni ai që do të dijë se cfarë ndodhi ekzaktësisht dhe të dy tregojnë versionin e tyre. Bertina shprehet se nuk i pëlqen mënyra se si reagon Klodi, ndërsa Klodi tregon se nuk i pëlqyen fjalët e Bertinës në lidhje me ushqimin dhe ndaj ai i kishte thënë se buxheti është i të gjithve. Bertina mendon se Klodi nuk e pëlqen atë dhe i thotë se sa herë do kenë kontakt bashkë, ai do t’i hedhë fjalë me ironi, por Klodi e sqaron se ai nuk ndikohet nga persona që nuk e kanë qejf atë edhe pse ai rri me to. “Unë kam krijuar opinionin tim dhe atë mbaj”- thotë ai dhe shton se nëse ka ndodnjë gjë me të ia thotë në sy, nuk është nevoja t’i bëjë ironi. Erioni ndërhyn dhe thotë se për ushqimin nuk duhet të kapet me Klodin, por Bertina i thotë se nuk po kapet me të për ushqimin, por e ka në tjetër vend bisedën. Klodi insiston se nuk bën thashetheme për të dhe se cfarë ka, ia thotë në sy. Klodi shprehet se ka vënë re një ndjenjë egozmi tek ajo dhe shton se pas debatit që kishin javën e kaluar, as një kërkesë për falje nuk mori nga ajo. Ai thotë edhe se ndoshta nuk ishte shumë e rëndësishme arsyeja se përse u bë ai debat, por rëndësi kishte xhesti i saj që tregonte vlerësimin ndaj të tjerëve apo ndaj tij. Klodi shprehet se edhe ai ka qënë krenar më parë dhe nuk kërkonte falje, por me kalimin e kohës kuptoi se s’mund të sillej gjithnjë ashtu dhe tani di edhe të kërkojë falje. Bertina vazhdon me idenë e saj se që pas debatit, tek Klodi ka vënë re ndryshime në sjlljen ndaj saj dhe reagime të ndryshme që tregojnë se ai nuk e pëlqen atë.

Seldi dhe Valoni flasin për ndikimin e Mirit
07/03/10 02:02

Seldi diskuton vec me Valonin për situatën e krijuar në shtëpi nga fjalët e tija që njëherë thotë se e ka fryrë Miri e njëherë se ai e ka mbështetur. Seldi i thotë se edhe në klip Valoni e kishte thënë se ka qënë i fryrë nga Miri dhe e pyet se kur këtë gjë do ia thojë në sy edhe Mirit. Valoni shprehet se nuk e ndjen këtë gjë dhe thotë se Miri e ka mbështetur dhe disa fjalë i ka thënë edhe për të mbyllur situatën se nuk i pëlqen zhurma. Seldi i thotë se ai e krijoi zhurmën e vetë duhet ta mbyllë dhe shton se Miri tha edhe se ai është i vogël, njëzet vjec apo edhe “Bravo” e sipas tij, nuk mund t’i thuhet një më të vogli kështu dhe kjo quhet fryrje. Valoni ia kthen se ende nuk e ka kuptuar Mirin nëse e ka patur me kuptim të mirë apo të keq atë fjalë, por me kalimin e kohës do shihet. Seldi insiston se nuk duhet të kalojë koha, por t’i sqarojnë kur ndodhin. “Ti tjetër më thua mua e tjetër Mirit”- i thotë ai, por Valoni nuk reagon. Seldi shprehet se edhe Erioni ndërhyri kot e tani nxori atë që mendonte vërtetë. valoni shprehet se ishte Bledi ai që u kap me të sepse ai nuk e tha për të, por në përgjithësi, por Seldi shprehet se vjen një moment që gjithcka kthehet në personale.

Bertina e pasigurt për ndjenjat e Erionit
07/03/10 03:38

Bertina dhe Erioni diskutojnë për lidhjen e tyre. Ajo nuk duket plotësisht e sigurt për ndjenjat që Erioni ka për të. Ajo shprehet se e ka pyetur disa herë për këtë gjë, por ai i është përgjigjur se ndjen. Bertina thotë se kur të dalin, nëse vërteton se Erioni e ka bërë vec për lojë, me të do t’i ketë keq punët, pasi ajo vetë nuk po e bën për lojë apo për të tjerët dhe po jep gjithë ndjenjat e saja për këtë lidhje. Erioni ia kthen se me këtë shprehje që ajo po thotë e meriton që ai të largohet nga krevati, madje t’ia thotë se po tallet me të, edhe pse nuk është e vërtetë. ai madje thotë duke qeshur se nëse del para saj, do ia thotë në spektakël, që Bertinës t’i ikë mendja fare.
Më pas biseda e tyre ndryshon dhe bashkë me Valonin dhe Rezartën, ata diskutojnë për fejesat dhe lidhjet që në moshë të hershme.

Mëngjesi dhe buxheti i javës
07/03/10 13:05

Banorët duken shumë të përgjumur këtë mëngjes, përvec atyre banorëve tëe cilët e kanë bërë rutinë ngrutjan nga gjumi përpara të tjerëve. domenika ngrihet e para, por e përgjumur del në kopsht ku fle sërish nën rrezet e diellit. Pas saj del edhe hakiu me Eduardin të cilët pinë kafen e mëngjesit dhe shijojnë rrezet e diellit. Hakiu merret me pastrimin e kopshtit i cili ka shumë objekte që nag prova e një nate më parë. Edhe Seldi ngrihet herët dhe bashkohet në kopsht me të tjerët. Ata dëgjojnë muzikë dhe komentojnë këngët e këngëtarët. Seldi mendon që të zgjojë edhe banorët e tjerë dhe shkon në dhomën e gjumit e i ngre të gjithë me radhë. Banorët ngrihen të coroditur, por kur Seldi u thotë se ishte ideja e tij, disa prej tyre shtrihen sërsih të flenë. Ata shprehen të mërzitur për shakanë e Seldit, por ndërkohë bie alarmi që sinjalizon zgjimin për të gjithë. këtë gjë ua aprovon edhe Olta e cila u kërkon banorëve që më pas të mblidhen për t’u marrë me buxhetin e javës. Ata mblidhen të gjithë dhe fillojnë të diskutojnë mbi produktet që duhet të porositin dhe sasinë e tyre. Si gjithnjë, në diskutim vendoset sasia e cigareve dhe kompensimi që duan banorët joduhanpirës për sasinë e buxhetit që duhanpirësit marrin më shumë. Klodi, për këtë arsye, shprehet se dëshiron që disa artikuj të merren cilësorë, e jo të lira sic janë marrë deri tani. Jetmiri ndërhyn dhe kërkon që buxhetin e tij ta ndajë më vete, e të marrë ato që dëshiron ai duke përfshirë edhe sa cigare të dojë. Ai nuk përfshihet në përgatitjen e buxhetit, por përgatit kafene del jashtë. në lidhje me buxhetin, Rezarta mendon se duhet të kufizojnë pak edhe ushqimin sepse nuk mund të hanë aq shumë sa hanë ata, sepse u bënë dëm për organizmin. Erioni thotë se kjo varet nga fiziku, ndërsa Klodi ndërhyn dhe thotë se parësor është ushqimi sepse nuk kanë ardhur për të mbajtur trupin në formë, duke ironizuar Rezartën. Ada ndihmon Oltën në përllogaritjen e buxhetit.

Argëtimi i banorëve
07/03/10 14:55

Banorët nuk dinë me se të kalojnë kohën. Ata dalin të gjithë në kopsht ku zhvillojnë biseda me tema të ndryshme, por jo diskutime të gjata. Ata përfitojnë nga dielli dhe qëndrojnë përapara tij për të marrë disa rreze, madje Seldi lyhet me vaj që të nxihet. Ata mendojnë se si mund të kalojnë kohën dhe mendja u shkon që të luajnë me top. Kështu Jetmiri dhe Seldi merren me përgatitjen e një topi me letrat dhe kartonat që përdorën për provën e javës. Pasi e përgatisin, ata dalin në kopsht dhe luajnë me të futboll. Djemtë herë luajnë e herë marrin rolin e spektatorit, por me ta bashkohet edhe Bertina. Duke luajtur, topi prishet. Banorët e tjerë janë futur në shtëpi dhe bisedojnë. Valoni përpiqet që të qëndrojë mbi kubat e përdor për murin të cilat nuk zhyten në ujë, e t’i përdorë ato si kamardare për të ndenjur në pishinë. Ai e provon disa herë por nuk ia del dot dhe Erioni e kap dhe e zhyt në pishinë me gjithë rroba. Të gjithë qeshin dhe valoni pasi del, shkon të marrë Erionin e ta hedhë në pishinë. Bertina bën tifozen për Valonin i cili e kap dhe e hedh Erionin në pishinë. Ata argëtohen me njeri-tjetrin.

Rezi krahason Seldin me një fëmijë 5-vjeç
07/03/10 15:38

Djemtë kanë bërë top me bukë-peshku dhe luajnë në oborr. Pas disa minutash lojë, disa prej tyre futen në pishinë. Seldi shkon në dhomën e gjumit ku ndodhet Klodi, Domi, Ada dhe Olta. Teksa ata bisedojnë Seldi flet me zë të lartë duke bërë që Rezarta të zgjohet nga gjumi. Ajo i kërkon Seldit që të ulë zërin duke i thënë se ajo nuk ndjehet mirë, është e sëmurë. Seldi pas kësaj nis të këndojë akoma dhe më me zë më të lartë. Rezarta acarohet dhe çohet e del jashtë. Domenika e pyet Seldin se çfarë ndodhi dhe Seldi i thotë se Rezarta ishte shkqetësuar nga zëri i tij. Domi i thotë që ai të mos bëjë më zhurmë dhe ta lërë Rezin të flerë. Seldi vazhdon të këndojë duke thënë se ai nuk ka ardhur për të mos folur në BB dhe justifikon veprimet e tij me faktin se Rezi po fle në një orar jo të përshtatshëm. Sipas Seldit tani është kohë dreke dhe banorët duan të flasin, të luajnë etj, por jo të flenë. Rezarta e cila ka dalë jashtë, fillon të bisedojë me Jetmirin e revoltuar. Ajo i tregon për sjelljen e Seldit duke e komentuar si mungesë edukate sepse njerzit edhe në shtëpinë e tyre nuk bërtasin sikur ai. Ajo e krahason Seldin dhe veprimet e tij si një fëmijë 5 vjeç që nuk kupton atë që i thua. Miri mundohet ta qetësojë dhe i thotë që të shkojë përsëri për të fjetur. Ndërsa Rezi hyn, Jetmiri thërret Seldin i cili del pas pak minutash. Miri i kërkon që të mos e shqetësojë Rezin dhe ta lërë të flerë. Seldi nis të justifikojë veprimet e veta, por Miri i thotë që të mos i jap shpjegime, por të mundohet të bëjë atë që ai i kërkoi.

Bertina xheloze
07/03/10 17:03

Afrimiteti i Oltës me Erionin gjatë ditës së sotme duket se ka bërë xheloze Bertinën. Ajo mërzitet me Erionin pasi teksa ai bënte dush, Olta qëndronte përballë tij dhe bisedonte me të. Në banjë hyn Bertina e cila fillon përgatitjet për tu larë edhe ajo. Olta qëndron vetëm pak pasi ka ardhur Bertina dhe më pas largohet. Bertinës nuk i pëlqeu kjo skenë dhe fillon të ngacmohet me ironi me Erionin. Më pas ata e rihapin përsëri bisedën. Teksa janë duke ndenjur në dhomën e gjumit Erioni i thotë Bertinës “ku je o femër xheloze”. Bertina i thotë se asaj i vjen inat ngaqë Olta kërkon ta provokojë dhe ta ngacmojë nëpërmjet Erionit. “Ta kam thënë që mos u jep shance të tjerëve që të më ulin mua” thotë Bertina, por Erioni nuk e pranon këtë. Erioni i thotë se ai Oltën e ka vetëm shoqe dhe puthjet që shkëmben me të, janë të njeta me të banorëve të tjerë. “Unë e puth siç puth Adën” thotë Erioni dhe i kërkon Bertinës që të mos e kufizojë kaq shumë. Më pas Bertina e pyet për bisedën që kishte bërë me Oltën dhe nëse Olta kishte folur për të në veçanti. Erioni i tregon duke theksuar se mardhënia e tij me Oltën sipas tij, qëndron në kufijtë normal të miqësisë. Bertina i thotë se ai nuk e kupton, por edhe Erioni i thotë të njëjtën gjë. Biseda e tyre mbyllet pikërisht me mendimin se ata nuk kuptohen mes njëri-tjetrit dhe pas kësaj Erioni qëndron i shtrirë duke menduar, ndërsa Bertina po ashtu e mërzitur mundohet të merret me diçka duke lëvizur nëpër shtëpi.

Debate për cigaret
07/03/10 18:34

Në shtëpi kanë ardhur funizimet dhe pasi sistemojnë ushqimet, banorët fillojnë të numërojnë cigaret. Jetmiri bën ndarjen e tyre dhe më pas Olta dhe Domenika i numërojnë. Ato dalin me më pak cigare dhe konstatojnë se javën e kaluar disa nga banorët kanë marrë më shumë cigare. Buxheti ekstra i javës së kaluar bëri që banorët që e kishin të mos merrnin pjesën e cigareve nga buxheti i përbashkët duke ua lënë atyre banorëve që nuk kishin cigare nga buxheti ekstra, në formën e një borxhi që do ta lanin përsëri gjatë furnizimit me cigare të javëve në vazhdim. Tashmë Domenika dhe Olta thonë se dikush në shtëpi ka mbajtur 400 cigare më tepër por kërkojnë vetëm pjesën e tyre, nga 40 cigare secila. Vajzat pyesin Kikën dhe ai thotë se nuk ka marrë cigare përveç atyre që i takonin nga buxheti i përbashkët. Olta thotë që ato mund dhe të kontrollojnë dhe ta gjejnë se kush i ka cigaret. “Ne mund të hapim edhe krevatet dhe i gjejmë, po unë po pres që të gjeni ju një zgjidhje” thotë Olta, por djemtë nuk pranojnë që të kenë marrë cigare. Me pas Seldi del jashtë dhe debaton me Valonin ku Seldi e fajson në një farë mënyre, ndërsa Valoni thotë se ai nuk e di se ku shkuan cigaret. Klodi i thotë Oltës që t’i kërkojë deri në fund ato cigare vetëm për të mos ia lënë mbarë veprimin e personit që i mori. Kështu në shtëpi lindin thashetheme e debate për sasinë e cigareve të javës së kaluar dhe për personi e mundshëm përgjegjës.

Bravo Enxhi!
07/03/10 19:53

Banorët kanë dalë jashtë dhe bisedojnë ndërmjet tyre duke shkëmbyer shaka dhe të qeshura. Teksa Eduardi pikturon banorët hapin një bisedë tjetër për Enxhin. Ata tregojnë për momentet që Enxhi i kishte bërë të dyshonin se ajo nuk ishte banore. Teksa tregojnë ata qeshin me momentet kur Enxhi kishte qenë kontradiktore në gjërat që thoshte. Sipas tyre Enxhi kishte thënë shumë gjëra që sipas banorëve nuk mund të jenë të vërteta për një vajzë të moshës së saj siç ishin “kalimi i një deprësioni, lirshmëria e saj, shprehjet e saj etj”. Jetmiri u tregon banorëve për disa nga bisedat që kishte bërë vetëm me Enxhin. Teksa flasin ata koplimentojnë lojën e saj si një aktore shumë e mirë. Në shtëpi “Vëllai i Madh” vendos një këngë të Rihanës që ishte dhe kënga e preferuar e Enxhit gjatë qëndrimit të saj në shtëpinë e BB. Sapo dëgjojnë këngën banorët thërrasin njëzëri “Enxhi”. Më pas ata bisedojnë për momentin e nominimeve. Kika tregon se ai dhe Jetmiri ishin befasuar kur Arbana thirri si të nominuar Enxhin sepse asnjëri prej tyre nuk e kishte nominuar. Më pas Jetmiri i tregon Rezit për momentet kur Enxhi i thoshte se e pëlqente dhe se për të, vetëm Enxhi kishte thënë se mes tij dhe Rezit kishte shumë besim. Teksa koplimentojnë lojën e Enxhit banorët qeshin me momentet kur kishin rënë nën grackën lojë së saj.

ariel · « **Pergjigju #146 Me:** Mars 08, 2010, 01:17:46 MD »

Çfarë ka midis Erionit dhe Oltës?
07/03/10 21:19

Jetmiri dhe Rezarta bisedojnë jashtë për mardhënien e Erionit me Bertinën dhe përfshirjen e Oltës mes lidhjes së tyre. Rezarta i jep të drejtë Bertinës pasi sipas saj Olta e sheh Erionin në një mënyrë provokuese dhe e bën vetëm për të mërzitur Bertinën. Jetmiri thotë se mendon se midis Erionit dhe Oltës ka diçka që i mban të lidhur me njëri-tjetrin. Sipas tij ata të dy mund të kenë një njohje që jashtë, por nuk është i sigurtë për këtë. Rezarta thotë se mënyra se si ka vepruar Erioni është e gabuar. Më pas ata hyjnë brenda ku Erioni dhe Bertina patën një tjetër debat për Oltën. Ata qëndrojnë në sallon dhe bisedojnë. Çifti janë të mërzitur dhe shkak është bërë përsëri Olta. Bertina bisedon me Rezartën ku Rezi tregon për debatet që kanë pasur me banorët e tjerë. Rezi tregon për debatet e saj me pjestarët e grupit tjetër dhe Bertina i thotë se më mirë është të mos u kthej përgjigje për të mos rënë në të njëjtin nivel me ta. Jetmiri pyet edhe një herë Erionin nëse ka ndonjë lidhje mes tij dhe Oltës. Erioni pasi e mohon këtë, i kërkon Mirit që t’i shpjegojë se përse mendon në këtë mënyrë. Jetmiri i thotë se ai duke parë sjelljen e Erionit kundrejt Oltës, mendon se ndoshta ata të dy njihen që jashtë, kanë ndonjë miqësi mes tyre, ose ndonjë njohje me vëllain e Oltës. Erioni i thotë se mes tij dhe Oltës nuk ka asnjë lidhje apo njohje të tillë. Më pas ata ndyshojnë bisedë ku Bertina pyet Jetmirin se përse e kishte nominuar Gracielën dhe Jetmiri i shpjegon se debatet që pati me Gracielën e ofendimet gjatë këtyre debateve beri që ai ta nominonte. Kështu biseda zhvendoset te eleminimet dhe mundësinë e hyrjes së banorëve të rinj në shtëpi.

8-Marsi
07/03/10 22:27

Banorët në shtëpinë e Big Brother diskutojnë për festën e nënës, ose siç njihet në të gjithë botën si dita e së drejtave të grave. Klodi hedh një ide duke u kërkuar banorëve të tjerë që të shkruajnë një mesazh për 8-marsin, ose pankarta siç bënë për festën e pavarësisë së Kosovës. Ideja e tij mbështetet nga të gjithë të tjerët. Kështu banorët mendohen dhe japin ide nga më të ndryshmet për një mesazh sa më domethënës për gratë e shoqërisë shqitare sot. Ndër të tjera ata tregojnë edhe për protestën e grave në 8-mars në Amerikë çka solli që gratë të fitonin disa të trejta të barabarta me burrat e asaj kohe. Që nga ajo ditë 8-marsi kujtohet si dita e të drejtave të grave në të gjithë botën. Teksa diskutojnë dhe japin ide për të shkruar një mesazh sa domethënës aq dhe të kuptueshëm nga gratë shqiptare, banorët diskutojnë dhe bëjnë thashetheme për gratë e shtëpisë së BB. Domenika thotë se ata duhet që të shkruajnë një mesazh që të jetë edhe për banorët brenda në shtëpi. Olta thotë që të shkruajnë “mjaft, poshtërimit” duke iu referuar sjelljes së ashpër që bën Jetmiri ndaj Rezartës. Edhe një herë Domenika e quan Jetmirin maskilist. Në dhomë vjen edhe Kika dhe Erioni dhe të gjithë duan që mesazhi të ketë lidhje me liritë dhe të drejtat e grave. Më pas ata diskutojnë se si trajtohen gratë në disa zona të Shqipërisë. Jetmiri u thotë që në Shqipëri ka ligje dhe gratë mund të bëjnë denoncimet e tyre për keqtrajtimet apo shkeljet e të drajtës së tyre. Kundërshtimi i Jetmirit sjell një debat midis tij dhe Klodit. Ky i fundit thotë që në Shqipëri gratë trajtohen keq nga burrat e tyre dhe dhunohen, ndërsa Jetmiri thotë se gratë kanë mbrojtjen ligjore. Klodi i thotë “mos fol” dhe Jetmiri e kthen debatin në një drejtim tjetër. Ai i thotë Klodit që me të nuk mund të përdorë shprehje të tilla. “Kush je ti që të më ndalosh mua të drejtën e fjalës” thotë Miri, ndërsa Klodi i thotë se ata po diskutonin vetëm për të dhënë një ide për mesazhin që do të shkruanin dhe jo të debatonin për të drejtat e grave në Shqipëri.

Bertina dhe Erioni sqarohen
07/03/10 23:40

Pas bisedave e diskutimeve për 8-marsin Erioni dhe Bertina dalin jashtë dhe ulen pranë pishinës. Të nisin të diskutojnë përsëri për raportin e Erionit me oltën. Erioni i kërkon Bertinës që të sqarojnë edhe një herë tjeër ato që ata i kanë sqaruar, por që sipas tij Bertina akoma nuk e ka kuptuar siç duhet. Bertina është bërë përsëri xheloze për afrimitetin e Oltës me Erionin. Puthjet mes këtyre të fundit kanë bërë që Bertina të ndjehet keq. Olta kishte folur me ironi për nominimin e Gracielës nga pjestarët e grupit të saj. Më pas ata sqarojnë disa nga debatet dhe keqkuptimet që kanë pasur me banorët e tjerë. Erioni i thotë Bertinës se ai nuk e kuptonte se përse Jetmiri e kishte pyetur për marëdhënien e tij me Oltën. Ai e pyet nëse Bertina kishte biseduar me Mirin për këtë temë dhe vajza e mohon një gjë të tillë. Bertina i thotë Erionit se ai është shumë kokfortë dhe nuk e pranon që bie pre e provokimeve të Oltës. Erioni i thotë se ai nuk i quan provokime gjërat e parëndësishme (si pse ma lëpive gjalpin). Bertina i thotë se ai nuk e kupton por vajzat kanë një tjetër mardhënie mes tyre dhe i bëjnë gjërat që duken të parëndësishme, kanë një qëllim tjetër të caktuar. Më pas ata flasin për kalimin e gardhit nga ana e Erionit vetëm për të puthur Oltën. Bertina i thotë që ajo ishte një provokim i Oltës. Erioni e mohon dhe thotë se ajo ishte një shaka dhe kokëfortësi e nisur nga vetë ai. Erioni i thotë vajzës se ajo është shumë e mbyllur dhe Bertina i thotë se ajo është kështu ngaqë ka vuajtur në jetë. Më pas ata rrinë të dy të heshtur.

Domenika dhe Seldi kundër Jetmirit
08/03/10 00:02

Domenika dhe Seldi flasin për sjelljen e Jetmirit në shtëpi. Ata thonë hapur se ai nuk u pëlqen dhe se janë kundër tij. Domenika shprehet se atij, do bënin mirë që të mos i afroheshin sepse ashtu i japin rëndësi dhe e bëjnë që të sillet në atë mënyrë që atyre nuk u pëlqen. Ajo tregon se ai po bën cdo gjë që të futet midis grupit të tyre dhe shprehet se edhe Klodi bën gabim që e afron. Seldi shprehet se Klodi nuk di se kujt i thotë të afrohet. “Nuk e honeps dot”- thotë Domenika për Jetmirin dhe shprehet se Klodi, duke iu afruar Mirit, mund t’u prishë planet. Seldi e pyet nëse ka folur ndonjë me Klodin për këtë cështje, por ajo i përgjigjet se jo. Seldi thotë se do bisedojë edhe me Edin për Klodin dhe Domenika i thotë që të ketë kujdes me bisedat që bën.

Jetmiri: “Nuk jam ky që shfaqem”
08/03/10 00:35

Jetmiri del në kopsht me Rezartën dhe diskutojnë të dy mbi lojën që po bëjnë në shtëpi dhe opinionet që kanë krijuar të tjerët për të. Jetmiri shprehet se në këtë lojë, deri tani ai ka treguar aftësitë dhe karakterin e tij më të keq, pasi realisht ai nuk është i tillë dhe shpesh ka dalë nga karakteri e sjellja e zakonshme, duke shtuar se ai u është përshtatur të tjerëve, ndërkohë që ata nuk janë përshtatur me të. Ai mendon se këtë gjë e ka bërë për t’u përshtatur e për të krijuar një urë komunikimi me ta dhe shpesh është paragjykuar, bërë pjesë e fjalëve apo situatave të rënduara në shtëpi e si pasojë, në disa raste ka humbur vetëkontrollin e ka bërë sjellje që realisht nuk i përkasin. Edhe Rezarta shprehet se i ndodh që të ngrejë zërin e të bërtasë pikërisht që të tjerët ta dëgjojnë, duke e bërë të sillet ndryshe nga ajo që është. Jetmiri shprehet se të gjithë janë karaktere të ndryshme e janë rritur në vende të ndryshme e si rrjedhojë nuk mund të kenë të njëjtat mendime e të njëjtin nivel formimi. Sipas tij, ngacmimet, provokimet, thashethemet, nervozizmi, individualizmi e bëjnë që ai të dalë nga vetja dhe të mos tregojë atë që është dhe shton se ata nuk kanë bërë ndonjëherë një bisedë të qetë. Rezarta ia kthen se ai duhet të gjejë një rrugë të mesme. Jetmiri justifikohet se ai kundërpërgjigjet me atë mënyrë që ia kërkojnë të tjerët sepse sipas tij, ky nivel janë pjesa tjetër e banorëve. “Unë nuk po tregoj veten, por po i përshtatem sjelljes së tyre e ndaj dukem si rrugac”- shprehet ai dhe mendon se ata që e njohin realisht, mund të jenë befasuar nga këto sjellje të tijat. “Ata besojnë akoma tek unë sepse më njohin si jam dhe ndaj më mbajnë ende në lojë”- thotë aie vazhdon të justifikohet se sjellja e tij është e kushtëzuar nga rrethanat dhe loja.

Slogani për 8 Marsin
08/03/10 01:20

Banorët kanë vendosur që të bëjnë dicka me rastin e 8 Marsit si për të festuar, ashtu edhe për të treguar solidaritet për protestat e bëra vite më parë për të drejtat e grave, të cilat edhe në ditët e sotme nuk respektohen. Pasi diskutojnë, ata vendosin që të krijojnë një pankartë. Ata marrin një carcaf dhe me bojëra shkruajnë “Gra! Luftoni, guxoni, kërkoni!” pikërisht për të drejtat e tyre. Ata mendojnë që edhe këtë gjë ta shkruajnë që ta përcaktojnë saktë se gjothcka bëhet për të drejtat e grave, por Hakiu merr një spray-et dhe shkruan “protestoni”. Ky gjest dhe kjo fjalë shkakton reagime tek banorët pasi ata po mendonin tjetër gjë. sipas tyre kjo është e kuptueshme, ndërsa arsyeja jo dhe ajo duhej shkruar. Kështu ata marrin një tjetër carcaf në të cilin shkruajnë vazhdimin e idesë së tyre.

Kundër Hakiut
08/03/10 02:02

Ndërmjet banorëve hapet një debat më së shumti për xhestin e Hakiut që pa diskutuar me ta e shkroi atë që mendonte dhe shprehen se kjo nuk është e drejtë sepse ata mund të duan që të gjithë të shkruajmë c’të duan, duke ia humbur vlerën bashkëpunimit mes tyre. Disa mendojnë që të shkruajnë në një tjetër carcaf. Olta shprehet se atyre, në dditën kushtuar grave, iu mohua e drejta që ta shkruanin vetë sloganin e jo më të drejta të tjer. Bashkë me Domenikën, mendojnë që secila prej tyre të shkruajë individualisht atë që dëshiron nëpër bluzat që do veshin. Domenika me Valonin japin ide që edhe të krijojnë nëpër bluza apo edhe me trup forma të ndryshme për të shprehur mbështetjen ndaj grave për të drejtat e tyre. Vajzat janë të mërzitura që mendimet e tyre nuk u dëgjuan dhe për më tepër nga xhest i Hakiut. Olta shprehet se ai e bëri me qëllim për t’i kundërshtuar ata dhe se kjo gjë tregon shumë për të. Edhe Seldi e mbështet mendimin e saj, ndërsa të tjerët nuk shprehen hapur mbi këtë situatë. Hakiu afrohet pranë tyre dhe Olta i thotë se nuk i pëlqeu xhesti i tij sepse deri në atë moment po bashkëpunonin e po merrnin mendime e iu duk e tepërt që ai vetëvendosi. Haliu justifikohet se iu duk sikur diskutimi po zgjaste shumë dhe ndaj e bëri atë gjest, për të përmbyllur veprën që kishin nisur e për ta shkruar saktë nga ana gramatikore. Olta i thotë se nuk po kapet me gjestin, ndërsa Hakiu insiston se po ndodh kështu dhe ata po shfrytëzojnë cdo gjë vec për t’u kapur. “Pse po viktimizoheni?”- shprehet ai duke u thënë se ato shprehen se u hodhën poshtë të drejtat e tyre, por Olta ia kthen se nuk po viktimizohen por nuk janë dakord se si reagoi ai, por me spjegimin që ai i dha, tani e kuptuan. Domenika vazhdon të thojë se nuk i pëlqeu veprimi i tij e së bashku me Adën shprehen se duhet të ishte fryma e bashkëpunimit ajo që duhet të mbizotëronte. Seldi shprehet se i gjithë debati po bëhet për gjestin, por Hakiu shprehet se është dicka e mirë që të paktën vajzat po “protestojnë” për të drejtën e tyre. Ai shton gjithashtu se po i pëlqen që ata cdo gjë, madje edhe një gjest të vogël, po e kthejnë në favor të tyre. Domenika i thotë se ai duhet të kërkojë falje e jo ta zgjasë më tej debatin, ndërsa Hakiu insiston tek mendimi i fundit.

Komente për debatin
08/03/10 02:16

Ndërsa ndodh debati mes Hakiut dhe të tjerëve, Erioni dhe Bertina qëndrojnë vec, por e dëgjojnë se c’po ndodh. Bertina i tërheq vëmendjen Erionit i cili është komplet i fokusuar andej, ajo i thotë se nëse do të dëgjojë, të shkojë atje, ndërsa ai ia kthen se nuk do të humbasë asnjë situatë. Bertina shprehet se nuk i pëlqejnë këto debate. “Aman kur do dal!”- thtë ajo dhe i thotë Erionit se nuk duhet të ndërhyjë në gjërat e të tjerëve. Erioni shprehet se do të kuptojë nivelin e bisedës së atyre njerëzve dhe kur ajo e pyet se ende nuk e ka kuptuar, ai ia kthen se cdo ditë e përforcon më tepër mendimin e tij.
Hakiu del në kopsht dhe ia tregon Mirit këtë debat. Ai i tregon arsyet e veta se përse e bëri atë veprim dhe shprehet se po kapen me të tani. Miri ia kthen se ata do përdorin gjithcka për t’u kapur, madje do jetë në gojën e tyre edhe për ca ditë të tjera. Ai tregon se dhe me të ndodh e njëjta situatë; cdo gjë që thotë do ia përdorin kundër. Valoni që është me ta shprehet se duhet të ketë kujdes që të mos u japë asnjë rast, por Miri mendon se është më mirë kështu se në këtë mënyrë, vlerësohen edhe ata edhe Hakiu. Të tre djemtë flasin më pas për këtë ditë dhe Hakiu tregon se në Kosovë ka dy vjet që kjo ditë shoqërohet me protesta. Miri tregon se në vitet e diktaturës, kjo ditë festohej dhe gruaja vlerësohej, ndërsa tani ka ndryshuar konceptimi.

Thashetheme për Hakiun
08/03/10 03:10

Klodi, Domenika, Olta, Ada, Seldi dhe Eduardi janë mbledhur në dhomën e gjumit dhe diskutojnë me zë të ulët për Hakiun dhe debatin e ndodhur. Olta i thotë Adës se u shpreh gabim kur i tha Kikës se nuk i mbeti hatri me veprimin e tij, por Ada justifikohet se nuk e mendon ashtu e më pas shton se ndoshta nuk e dinte se si ishte situata se erdhi me vonesë mes tyre. Ata medojnë se duhet të kishin të njëjtin mendim ndaj Hakiut. Domenika shprehet se ashtu sic e bëri ai, meritonte që ata t’i vinin një kryq të madh carcafit, e të bënin një tjetër duke shtuar se cdo kush e bën si do. Ata shprehen se Hakiu po përpiqet që ta heqë nga vetja dhe t’ua lërë atyre fajin kur shprehet se ata po kapen pas xhestit të tij. Olta thotë se Hakiu, me xhestin që bëri, tregoi edhe se cili është në të vërtetë. Ajo shton se Hakiu e ka kapur pesonalisht me të, por të tjerët e kundërshtojnë, ndërsa ajo thotë se ai veproi ashtu për t’i goditur ata pikërisht se e pa që ata nuk ishin në formë të mirë. Olta mendon se ai u nervozua që nuk po i dilte e veta. Domenika komenton për gjestin e tij dhe se si ai veproi duke përshkruar me detaje veprimin e Hakiut. Ajo tregon se edhe me Mirin u nervozua gjatë buxhetit në lidhje me cigaret, por e përmbajti veten dhe u shfreh në dhomën e rrëfimit, pikërisht sepse nuk donte që të debatonte me të, pasi e ka vënë re se Miri atë po pret. Klodi mendon se duhet të përballet, por Seldi mendon se të ruash qetësinë është mënyra më e mirë, ndërsa Domi thotë se në të tilla raste, ajo e humbet kontrollin. Olta i thotë Klodit se nuk po i kap fare situatat dhe se nuk po sillet sic duhet. Ato e këshillojnë se duhet të jetë më i kujdesshëm me grupin tjetër. Ndërkohë, ky grup thur plane kundër grupit tjetër duke folur me shenja e pëshpëritje duke mos u kutpuar

Edi: “Nuk e ndjej veten pjesë e grupit”
08/03/10 03:40

Miri duke parë që grupi tjetër po bën thashetheme e duke u nisur nga ndodhia me Hakiun, thotë se që kur ka ikur Bledi, ata nuk po dinë më se cfarë të bëjnë. Sipas tij, ai ishte i vetmi djal që ata mund të nxirrnin përpara sepse tani kanë mbetur vetëm femra. “Tani do bëjnë shoqatën e grave ata”- thotë ai dhe qesh, ndërsa Erioni e pason se nesër është 8 Marsi, kurse Bertina shton se ata do ta festojnë së bashku. Ata qeshin dhe Miri thotë se birrat e shtëpisë janë mes tyre duke përfshirë edhe Hakiun dhe Valonin. ai shton se dy vajzat, Rezarta dhe Bertina, duhet të ndjehen të përkëdhelurat, princeshat e grupit.
Ndërkohë, grupi tjetër ka dlë në kopsht dhe vazhdon thashethemet për grupin rival. Ndër të tjera, Eduardi shprehet se ka ca ditë që e sheh veten të tepërt, jo më pjesë e grupit pasi kur ata mblidhen bashkë, atë nuk e tthërrasin. Ata i thonë se ai duhet të vijë vetë e të mos presë që ta thërrasin. Seldi i thotë se kjo gjë ndodh për të pasi ai vetë nuk pyet dhe shkon e bashkohet kur i sheh që janë diku të mbledhur. Ai shton se ka patur raste kur i kanë thënë që të largohet sepse kanë patur biseda personale dhe se për këtë nuk i ka ngelur hatri. Edhe të tjerët thonë se Edi është pjesë e grupit e nuk duhet ta ketë problem të afrohet, por kur kanë biseda private, do i thonë që të largohet, pa të keq.
Kur shkojnë për të fjetur, Olta i tregon Domenikës dhe Adës se Seldi ka bërë një gabim që ka komentuar dhe imituar sjelljen e Rezartës tek klipi kur iu ul në gjunjë Mirit. Ajo mendon se ai nuk duhet të bëjë më gabime të tilla.

E vërtetë apo vetëm lojë?
08/03/10 04:18

Valoni del në kopsht me Jetmirin për të pirë cigare dhe i thotë atij se ka vënë re një ndryshim në sjelljen e tij, Mirit, një qetësim gjë që për të është më mirë. Ai e pyet Mirin për puthjen me Enxhin dhe ai i tregon se nuk ishte asgjë e vecantë dhe thjesht është ekzagjeruar nga të tjerët. Ai shprehet se në atë formë ka puthur edhe Adën dhe nuk mund të konsiderohet si një puthje e mirëfilltë. Të dy djemtë diskutojnë për Enxhin dhe shprehen se nuk e kuptojnë lojën e saj e nëse ka qënë ndonjëherë e vërtetë. Miri shprehet se vërtetë Enxhi bëri lojën e saj, por cfarë u fitua nga kjo, cfarë nxori nga ai apo të tjerët. “A ka qënë ndonjëherë e vërtetë ajo?”- pyet ai. Valoni mendon se përvec lojës, ajo ka qënë e vërtetë me ta, qoftë në bisedat e ditës, qoftë për veten e saj se cfarë ka treguar apo si ka reaguar në situata të ndryshme. “Jam njeriu më i prekur nga kjo, por prapë i them bravo për lojën”- thotë Miri për Enxhin.

ariel · « **Pergjigju #147 Me:** Mars 09, 2010, 10:58:17 PD »

Djemtë do t’i shërbejnë vajzave sot
08/03/10 13:36

Edi dhe Klodi bisedojnë për festën e sotme dhe për avantazhet që duan t’i japin femrave. Edi shprehet se ka menduar që gjatë gjihë ditës t’i lënë femrat te qeta të bëjnë çfarë të duan, ndërsa punët e shptëpisë dhe gjithçka tjetër t’a bëjnë meshkujt. Klodi thotë që dhe ai ka mnduar të njëjtën gjë dhe shton që femrat le të luajnë e të kërcejnë, kurse djemtë të pastrojnë e të bëjnë për të ngrënë për vajzat. Klodi theskon që kjo gjë nuk duhet bërë vetëm nga ata të dy, por nga të gjithë djemtë e shtëpisë, përndryshe nuk do të pranojë. Edi shprehet që të tjerët të bëjnë çfarë të duan, por ai do të bëjë pjesën e tij pa marrë parasysh të tjerët. Në ato momente vjen dhe Erioni, i cili sapo është ngritur dhe Edi i tregon idenë e tij për pastrimin e shtëpisë nga meshkujt dhe Erioni pranon, duke thënë që nuk është ndonjë gjë dhe aq e madhe për t’u bërë. Ata hedhin idenë që të shkojnë e t’i zgjojnë, duke iu bërë dhe kafen. Erioni shprehet që është më mirë t’i lënë të flenë dhe kush të zgjohet, do t’i bëjnë kafe. Edi e vë në zbatim menjëherë planin e tij dhe pyet vajzat në dhomën e gjumit se si e preferojnë kafenë. Më pas ai del në kopësh me Domenikën dhe e komplimenton për pamjen e saj. Edi i thotë që sot ai do të jetë shërbëtori i femrave dhe do të bëjë ç’do gjë për to.
Pasi vajzat janë zgjuar dhe kanë dalë lë kopësht, Edi dhe Klodi u shërbejnë mëngjesin dhe vajzat i falenderojnë për respektin që po tregojnë. Klodi shprehet se ai për festën e femrave, gjithmonë u shërben atyre.

Erioni dhe Bertina nuk pajtohen në mendime
08/03/10 15:17

Erioni dhe Bertina ngelen vetëm në kopësht pasi pjesa tjetër e banorëve e kanë mbaruar mëngjesin. Bertina e pyet nëse ai është zgjuar përsëri mbërmë gjatë natës dhe ai i përgjigjet që nuk ka fjetur fare. Ajo nuk e beson dhe i thotë që e ka dëgjuar tek gërhiste, por Erioni shpjegohet që nuk ka fjetur fare rehat dhe ka fjetur e është zgjuar gjatë gjithë kohës. Ajo këmbëngul përsëri që e ka dëgjuat duke gërrhitur dhe ai i thotë që ndoshta ka qënë duke e bërë për shaka. Bertina shprehet që ka shumë gjëra që nuk i kupton tek ai dhe Erioni e pyet se cilat janë këto gjëra që ajo nuk kupton pasi ai do të mundohet t’ia shpjegojë. Bertina thotë që ajo nuk e kupton si tip dhe si person Erionin. Ai ia kthen në të njëjtë mënyrë, duke i thënë që as ai nuk e kupton Bertinën, dhe përmënd fjalët që ajo ka thënë mbrëmë kur kanë qënë duke biseduar “nuk i fola një personi për shkakun e Erionit”. Bertina shprehet se ka trasmetuar atë që ndjen, por e vërteta vret. Erioni thotë që i vjen keq që ajo ka humbur shansin të njohë dikë për shkak të tij. Bertina është pëegjigjur që ideja ka qënë diku tjetër, por Erioni i ka thënë që ajo këtë përshtypje i ka dhënë. Ajo i thotë që kur ai i ka kërkuar t’ia shpjegojë diçka, ajo e ka bërë. Erioni shprehet që atë e vrasin më shumë veprimet e bëra nga inati se ato që ajo ka dëshirë të bëjë realisht, pasi njeriu është i lirë të zgjedhi më të mirën. Më pas ai shprehet se i vjen keq që ajo i keqkupton veprimet e tij, dhe e ka fjalën për afrimitetin e tij me Oltën. Erioni i thotë që dhe në jetën jashtë është i dashur me shoqet dhe ajo ka për ta parë. Ai e pranon që kjo është një dobësi e tij, por ajo nuk duhet t’a marrë negativisht këtë. Bertina shprehet që ai po përkrah atë person që ajo ka inat, duke iu referuar Oltës, madje thotë “e urrej atë person”. Erioni përgjigjet që ajo nuk mund t’ i kërkojë të heqë dorë nga shoqëria e tij dhe pse aty janë në lojë, por në jetën e përditshme është e vështirë të heqësh dorë nga njerëzit. Bertina shprehet që në këtë mënyrë ajo kupton se sa është i gatshëm të sakrifikojë Erioni për të, por ai i thotë që kjo nuk është sakrificë. Ajo e modifikon dhe thotë që është një tregues shumë i madh për të. Më pas biseda e tyre ndërpritet pasi Seldi i sjell kafenë që i ka kërkuar Bertina.

Ada përlotet
08/03/10 15:43

Disa nga banorët janë në kopësht dhe flasin për festën e sotme që u referohet femrave dhe nënave. Në këtë mënyrë lind një bisedim për familjet e tyre dhe Ada preket dhe fillon të qajë. Kjo ndodh pasi ajo e ndjen mungesën e prindërve dhe e ka marrë malli. Ajo shprehet që është munduar gjithmonë që t’ia shpërblejë të mirat dhe sakrificat që prindërit e saj kanë bërë për të, por është e pamundur. Bertina mundohet t’a ngushëllojë dhe i thotë që të mirat që i bën prindi fëmijës, nuk mund t’ia bëjë fëmija prindërve. Jetmiri i kërkon falje Adës që e ka hapur atë temë, pasi ka qënë ai që ka folur i pari për prindërit. Ai i kërkon t’a mbledhë veten dhe të bëhet e fortë, por ajo i përgjigjet që është e pamundur të përmbahet. Jetmiri i thotë që të mos e kthejë një ditë feste, në një ditë tragjike. Bertina e këshilon të qajë, në mënyrë që të shfryjë mallin që ka, pasi ajo është mënyra më e mirë që t’a bëjë këtë. Si përfundim Ada e ka mbledhur veten dhe kanë kaluar në biseda të tjera.

Erioni dhe Bertina vazhdojnë ngacmimet
08/03/10 16:31

Bertina me Erioni kanë qënduar në dhomë vetëm dhe i janë kthyer bisedave të tyre të mëparshme për mënyrën e sjelljes me njëri-tjetrin. Bertina i thotë që atij i interesojnë vetëm fjalët që thotë vetë dhe është egoist. Ajo shprehet që rëndësi më të madhe në një çift kanë gjërat më të thella si përshembull arsyet që ata grinden. Bertina e pyet nëse ai di t’i difenencojë gjërat dhe t’i japë gjithkujt vendin e duhur. Duke qënë se Erioni nuk i kthen përgjigje, ajo e pyet përsëri nëse ai mendon që ka gjithmonë të drejtë dhe është kokfortë. Në këtë moment Erioni i përgjigjet dhe i thotë që ai nuk është aspak kokfortë sepse po të ishte ashtu në shumë momonte do të kishte reaguar ndryshe në shumë situata. Ajo shprehet se kjo përgjigje nuk është shumë bindëse për të. Më pas ai i kujton se mëngjes Bertina nuk e ka përqafuar fare dhe ajo i përgjigjet që as ai nuk e ka bërë këtë gjë. Ata pohojnë që kanë qënë duke pritur që secili ta bënte këtë veprim. Erioni shprehet që i është afruar, por ajo nuk ka reaguar fare.
Pasi kanë ndenjur për një kohë të gjatë pa folur Bertina ka thënë “ të tjerë na duan, të tjerë duam e me të tjerë përfundojmë”. Erioni shprehet që nuk e kupton qëllimin e shprehjes në këtë moment dhe i kërkon që t’ia tregojë ajo. Bertina thotë se kjo pasohet nga një shprehje tjetër “kujt i djeg, le t’a mbajë’. Erioni i thotë që ai vepron sipas një shprehjeje tjetër, që ai rri me kë të dojë dhe kush rri me të rastësisht, më mirë të ikë. Bertina thotë që me këto shprehje të ndyshme, kanë për të vajtur secili në drejtime të kundërta. Këto biseda i zhvillojnë me tone shakaje, por duke u bërë serioz në pika delikate.

Miri dhe Rezi flasin për banorët
08/03/10 17:10

Jetmiri dhe Rezarta kanë qëndruar në tavolinën e ngrënies duke biseduar pasi të gjithë kanë mbaruar së ngrëni. Rezi shprehet se kur Jetmirit i është bërë pyetja gjatë spektaklit, nëse Enxhi do të kishte ardhur para Rezit a do të kishte ndodhur gjë mes tyre, ai duhet të ishte shumë i sigurt në përgjigje pasi dhe pse nuk kanë qenë të lidhur dhe Enxhi është munduar t’i afrohet, mes tyre nuk ka lindur asgjë. Jetmiri e mbështet mendimin e saj dhe thotë që ai i ka theksuar gjithmonë Enxhit që e ka patur vetëm shoqe dhe Rezi i ka thënë të mos e lëndojë. Ai shprehet se i ka ndjenjur afër spse mendonte që po vuante, dhe i vinte keq për të. Rezi shprehet se banorët mund të nxjerrin gjithfarë komentesh, por ata të dy i kanë punët jashtë. Jetmiri thotë që ata do t’i japin shpjegime vetëm njëri-tjerit, dhe askujt tjetër.
Biseda e tyre vazhdon në kopësht dhe Jetmiri e pyet Rezartën se si ndihet sot. Ajo përgjigjet që ndihet po njësoj, sepse ia ka shprehur dhe më parë që nuk mund të ndihet nga njëra ditë në tjetrën, ndryshe. Ai kërkon të dijë nëse është grindur me ndonjë banor sot dhe ajo i ka thënë që vëren një ndryshim shumë të madh tek banorët. Rezi shprehet për Domin që gjatë javës që nuk ka qënë në nominim, nuk i ka folur fare dhe nuk është treguar e interesuar për fjalët që thoshte ajo, ndërsa këtë javë i buzëqesh dhe bën sikur e do shumë. Jetmiri thotë që ajo duhet të jetë nën presionin e nominimit dhe tregon që ai i ka folur Klodit pasi ka dashur të bëjë ndonjë shaka me të, ndërsa ai nuk ia ka kthyer fare. Rezarta kthehet përsëri tek Domi dhe thotë që ajo ka dashur të afrohet e të flasë me të, por ajo nuk ka reaguar fare. Jetmiri shton që ai i ka kërkuar që t’i qëndrojë afër Rezit, por ajo paska bërë të kundërtën. Rezi tregon për Klodin që ajo i ka qëndruar afër dhe nuk e ka pritur nga ai që t’i thotë që nuk e di se çfarë po bën me jetën e saj dhe t’a quajë hipokrite. Ajo tregon që e ka pyetur disa herë për jetën në Itali dhe si e kalon, por ai i ka dhënë përgjigje të shkurtra dhe ka dashur vetëm të lavdërojë veten. Ata flasin për grupin tjetër dhe thonë që ata kanë të gjithë të njëjtin mendim po t’i pyesësh, dhe kjo vjen ngaqë njëri mendon dhe të tjerët e kopjojnë. Jetmiri shprehet që ata e kanë menduar më të arsyeshme që të kenë të njëjtin mendim e mos t’i dalin kundër njëri-tjetrit.
Rezi shprehet që ata nuk e kuptojnë idenë e debatit, pasi fakti që ajo mund t’i dalë kundër Mirit në një debat nuk do të thotë që e ka armik. Jetmiri i thotë që ata nuk janë të aftë të bëjën diferencimin e situatave. Ai shton se ata kanë përfituar nga atmosfera e eleminimeve dhe kanë qënë më pak të organizuar në këtë lojë. Ai thotë që di shumë pak elemente për Domin, Adën, Klodin, Oltën dhe për jetën e tyre. Ai tregon që Enxhit i ka prezantuar të gjithë historinë e jetës së tij pasi e konsideronte shoqe, ndërsa ata dhe pse flasin nuk thonë asgjë. Jetmiri shprehet që vetëm ai dhe Rezi janë real në atë shtëpi dhe asnjë tjetër

Seldi, thashetheme kundër Jetmirit
08/03/10 17:40

Ndërsa Jetmiri me Rezartën bëjnë thashetheme duke analizuar sjelljen e banorëve të tjerë në shtëpinë e BB, Seldi bisedon vetëm për vetëm me Valonin për sjelljen e këtij të fundit gjatë këtyre ditëve. Seldi i flet për Jetmirin duke u munduar që t’i mbushë mendjen Valonit që të distancohet nga Miri dhe të afrohet me grupin tjetër. Seldi i thotë Valonit që ai duhet që të jetë më tepër vetvetja duke treguar anët e tij pozitive dhe jo të tregohet arrogant dhe të udhëhiqet nga mendimet e të tjerëve. Sipas Seldit ai nuk e ka kuptuar ende që Jetmiri mundohet ta përdorë dhe më pas nuk ka për ta përkrahur. Valoni i thotë se nga grupi ku bën pjesë Seldi, askush nuk ka dashur që të afrohet me të dhe nuk ka biseduar me të, përjashtuar debatet. Seldi i thotë se kjo ka ardhur vetëm nga fakti që ai ka një afrimitet me Jetmirin. Seldi shprehet “hap sytë, por ti nuk po e kupton” dhe Valoni i thotë se ai do t’i njohë banorët më mirë me kalimin e kohës. Seldi insiston duke i thënë se Jetmiri është një peson negativ për lojën e Valonit dhe marrëdhënien e tij me banorët e tjerë. Seldi i thotë se Jetmiri është kontradiktor, pasi edhe qëndron pranë si shok i mirë dhe më pas kthehet krejtësisht kundër. Valoni i thotë se vërtetësinë dhe miqësinë e vërtetë të banorëve e gjykojnë më mirë ata që e shohin nga jashtë. Valoni i bën të qartë Seldit se sado i keq që të jetë Jetmiri ai do të qëndojë pranë tij që ta kuptojë vetë se ku qëndron kjo e keqe e tij. Seldi insiston se Miri nuk është i sinqertë dhe bën lojë duke përdorur banorët e tjerë. Seldi e ilustron mendimin e tij me debatet e fundit të banorëve me Valonin ku ky i fundit sipas Seldit, ra viktimë vetëm prej nxitjes së Jetmirit. Valoni i thotë se ai nuk do të distancohet nga Jetmiri për aq kohë sa nuk e ka parë një gjë të keqe prej tij. Më pas ata diskutojnë për mungesën e komunikimit te banorët. Valoni thotë se ai akoma nuk e ka ndjerë atë atmosferën e vërtetë të debatit për një çështje të caktuar, por vetëm zënka e thashetheme ka pasur në shtëpi. Seldi i thotë se ata nuk janë në një emision që të mblidhen e të diskutojnë sepse nuk janë të detyruar ta bëjnë. Ai kundërshtohet nga Valoni i cili i thotë se ata e kanë një farë detyrimi për të diskutuar në një formë të tillë. Ata diskutojnë edhe për thashethemet që bëjnë banorët dhe për zhvillimet e fundit në shtëpinë e BB.

Valoni: “Do e ruaj shoqërinë me Jetmirin”
08/03/10 18:17

Pas bisedës që pati me Seldin, Valoni shkon e diskuton me Kikën. Fillimisht ai i tregon për bisedën që pati me Seldin duke thënë se askush nuk mund që të thojë rri me dikë apo mos rri. Teksa Valoni i tregon për Seldin që i kërkonte që të prishte shoqërinë me Jetmirin, Hakiu qesh me shprehjet e tij. Kika i thotë se ai nuk duhet të dorëzohet, por duhet ta bëjë lojën siç do vetë dhe jo siç e sygjerojnë të tjerët. Valoni thotë se ata duhet që ta njohin vetë njëri-tjetrin dhe nuk është nëvoja që të tjerët t’i japin mendime apo sygjerime se si mund ta bëjë ai lojën në BB. Valoni i thotë Kikës se nuk është normale që Seldi i thotë që të mos rrijë më me Mirin sepse atyre nuk u pëlqejnë veprimet e Jetmirit. “Nuk më intereson hiç çka po thonë ata, unë Mirit nuk i ndahem se thonë ata që është i keq” thotë Valoni. Kika i mbështet mendimet e Valonit dhe i thotë “po më pëlqen djalosh”. Valoni thotë se ai është në gjëndje që ta njohë vetë një njeri dhe nëse ky njeri do të jetë i keq, atëherë ai mund të ndërpresë shoqërinë me të dhe jo kur të tjerët t’i thonë se ai është i keq. Ai thotë se banorët duhet të vlerësojë për sjelljen brenda sepse jashtë i bëjnë të tjerët vlerësimet. Jashtë çdo veprim i mirë apo i keq çon në rritjen e famës se banorëve. E ndërsa ata diskutojnë për këtë çështje aty afrohet Rezarta dhe Jetmiri. Të katërt fillojnë të bisedojnë për lojën në BB dhe për famën që fitojnë nga ky show.

Në shërbim të grave
08/03/10 19:50

Djemtë e shtëpisë kanë vendosur që me rastin e 8-marsit, ditës së grave do të jenë në gadishmërinë e vajzave të shtëpisë së BB. Pasi kanë hedhur disa ide, ata kanë vendosur që ndër të tjera të bëjnë striptizëm për femrat e shtëpisë. Kështu vajzat dalin jashtë dhe ulen të gjitha. Teksa ato bisedojnë në përgjithësi, Klodi vjen dhe u shërben çaj. Djemtë e tjerë janë brenda në shtëpi dhe po përgatiten që të bëjnë striptizëm, ndërsa vajzat i presin jashtë duke shijuar edhe nga një filxhan çaj. Më pas djemtë dalin jashtë dhe nisin të bisedojnë me vajzat duke pirë çaj edhe ata. Pas disa minutash bisedë djemtë futen përsëri brenda dhe përgatiten për striptizëm. Klodi jep disa udhëzime dhe të tjerët plotësojnë mendimet e tij duke shkëmbyer edhe shaka ndërmjet tyre. Ata shkojnë në dhomën e rrëfimit dhe kërkojnë që “Vëllai i Madh” tu mundësojë çdo gjë që u nevojiten për të organizuar festën. Kështu striptizmi shtyhet për më vonë dhe banorët tashmë duhet që të presin konfirmimin e BB. Brenda futen edhe vajzat të cilat bisedojnë dhe bëjnë shaka me djemtë. Gjatë kësaj kohë ata bisedojnë për gjëra të ndryshme duke pritur me padurim presin që Vëllai i Madh të ndezë muzikën dhe banorët të kënë gjithçka që kanë kërkuar për të festuar 8-marsin.

Plane për nominimet
08/03/10 21:37

Një pjesë e banorëve shkojnë të hanë darkë, ndërsa disa vazhdojnë të prezin konfirmimin nga “Vëllai i Madh” për të festuar në dhomën e gjumit. Klodi, Domenika dhe Olta bëjnë thashetheme për lojën e banorëve të tjerë. Ata thonë se kanë gabuar me nominimet. Vajzat mendojnë se kanë nominuar banorët aktivë të shtëpisë dhe kanë lënë pa nominuar një pjesë që nuk po bëjnë lojë. Nominimet e gabuara kanë nxjerrë jashtë disa banorë që sipas tyre do të ishte më mirë që të vazhdonin të qëndronin në shtëpi ndërsa kanë lënë brenda disa që sillen si miq me to dhe më pas i nominojnë. Ata thonë se në javët në vazhdim duhet të nominojnë banorët “gri”, ata që nuk janë as miq të njërit grup, as të tjetrit. Për ta, personat që nuk janë as pozitivë, as negativë për grupin duhet që të dalin në nominim në mënyrë që të largohen nga loja. Më pas Klodi largohet dhe biseda vazhdon midis Oltës dhe Domit. Të dyja vajzat diskutojnë për banorët që i kanë nominuar. Ato bëjnë plane që të flasin edhe me pjesën tjetër të grupit që në javët në vazhdim të nominojnë të gjithë të njëjtët persona. “Ne duhet që të flasim që të nominojmë ata që duhet” thonë vajzat. Domenika i thotë Oltës se ajo nuk duhet ta nominojë më Bertinën sepse atë nuk po e nominon njeri. Olta i thotë se asaj i vjen inat që Bertina dhe Kika apo edhe të tjerë nuk po dalin në nominim për një kohë të gjatë. “Publiku edhe mund të dojë që t’i nxjerrë, po nuk po ia japim ne mundësinë për këtë” thotë Olta. Më pas të dyja diskutojnë për mundësinë e eleminimit të kësaj jave. Domenika thotë se ajo mendon se mund të dalë ose Jetmiri, ose Rezarta. Olta i thotë se ajo ka frikë se ndoshta mund të dalë dhe ajo. Domenika thotë se ajo zakonisht i ndjen nominimet dhe se ka gabuar vetëm me Bledin, pasi ajo mendonte se do të eleminohej Kika. Të dyja vajzat bëjnë thashetheme për banorët e grupit tjetër për disa minuta.

Surpriza për 8-marsin
08/03/10 22:40

Banorët marrin materialet që kanë prositur dhe fillojnë të përgatiten për të festuar 8-marsin. Djemtë u kërkojnë vajzave që të presin në banjë, ndërsa ata përgatiten për tu bërë një surprizë për festën e tyre. E ndërsa vajzat presin, djemtë përgatisin ambjentet e shtëpisë duke përfshirë edhe ngjitjen e disa posterave jashtë për të bërë striptizëm. Pasi mbarojnë përgatitjet, djemtë mbulojnë kokat me batanije dhe presin që vajzat të dalin jashtë. Ata improvizojnë një lokal vetëm për femra ku meshkujt kërcejnë për kënaqësinë e vajzave. Klodi u shërben në lokal ku nuk mungojnë pijët dhe ushqimi, ndërsa djemtë qëndrojnë të mbuluar në pritje të zbulimit nga ana e vajzave. Rezarta zbulon e para Jetmirin dhe më pas edhe vajzat e tjera zbolojnë djemtë e mbetur. Pasi zbulohen djemtë bëjnë dhurata të cilat nuk kanë se si të mungonin në këtë ditë të veçantë. Vajzat marrin trendafila të bardhë dhe pas trokitjes së gotave arojnë urojnë njëra-tjetrën. Mëshkujt pasi zbulohen nga batanijet nisin të bëjnë striptizëm për vajzat të cilat u japin edhe lekë në mënyrë simbolike. E gjithë kjo situatë shoqërohet me shaka dhe të qeshura. Më pas të gjithë banorët kërcejnë, por nuk mungojnë as ata që guxojnë të futen në pishinë. Festimet për 8-marsin në shtëpinë e BB vazhdojnë për një kohë të gjatë nën tingujt e muzikës moderne.

Festë për vajzat
09/03/10 00:10

Festa me rastin e 8 Marsit vazhdon gjatë. Fillimisht, gjithcka është organizuar vec për vajzat që at të kënaqen, por edhe djemtë nuk mbeten mbrapa. Banorët argëtohen duke kërcyer, kënduar e pirë pije të ndryshme nën tingujt e muzikës e cila duket sikur i ngre peshë ata. Banorët janë plot energji dhe kjo vihet re mirë pasi ata nuk ulen për asnjë sekondë. Ndërsa Rezarta dhe Miri qëndrojnë vetëm në kopsht duke kërcyer me muzikë romantike e duke i falur njeri-tjetrit puthje e përqafime të ngrohta, pjesa tjetër e banorëve merren me dicka tjetër. Eshtë ideja e Klodit që ata të improvizojnë sikur dalin në fotografi, sikur po bëjnë foto për kalendar. Kështu ata rregullojnë ambientin duke e zbukurar me sendet artistike dhe drita, njësoj sikur të ishin në një studio fotografie të vërtetë dhe Valoni merr rolin e fotografit. Banorët propozojnë pozicione nga më të ndryshmet duke i dhënë kështu larmi “albumit fotografik”. Në fund, me ta bashkohet edhe Rezarta, ndërsa Eduardi dhe Hakiu qëndrojnë vetëm duke i parë të rinjtë. Ata argëtohen dhe në fund, duke bërë shaka, ata kërkojnë që të shohin fotografitë e bëra.

Dashuri apo miqësi?
09/03/10 00:45

Valoni ngacmon me fjalë Domenikën dhe ajo ia kthen se atë që i tha, nuk duhet ta përsërisë më. Valoni justifikohet se e tha me shaka, por Domenika ia pret shkurt se ai i preu rrugën vetes, ndërsa Olta thotë se gjëra të tilla nuk kanë lidhje me shakanë. Klodi, që është prezent, i thotë Seldit që është pranë Domenikës se duhet t’i dalë për zot asaj, por ai ia kthen që të rrijë urtë e të mos fusë xixat. “Ky s’e ka problem që të tjerët të thonë kështu për mua”- thotë Domenika për Seldin dhe shton se Klodi po thotë realitetin. Seldi i thotë asaj se ata të dy nuk janë të lidhur, duke u përpjekur kështu që të justifikojë veten. Domenika shprehet se ai e thotë këtë apo të kundërtën sa herë i leverdis dhe e pyet nëse është is sigurt për atë që tha. Seldi ia kthen se nuk është i sigurt duke nënkuptuar se i pëlqen ideja të jenë cift. Domenika e kthen bisedën tek trëndafili që ai i dhuroi për festën dhe i thotë se duket mendimi i tij për të sepse lulja ka ngjyrë të bardhë që simbolizon miqësi. Seldi thotë se ajo është ngjyra e saj e preferuar, por Domi e mohon. Olta shprehet me tendencë se ngyra e trëndafilave tregon shumë, ndërsa Klodi e plotëson duke thënë se fakti që të gjithë djemtë u kanë dhuruar vajzave trëndafila të bardhë, tregon se asnjë nuk është i dashuruar. Erioni justifikohet dhe tregon se kishte kërkuar të kuq, por Seldi ua kishte prishur planin dhe kishte marrë të bardhë. Ngjyra e luleve dhe simbolizimi i tyre hap një diskutim mes banorëve. Valoni thotë hapur se brenda në shtëpi, sipas tij nuk ka dashuri dhe Klodi e mbështet mendimin e tij. Djemtë justifikohen se kishin menduar se vajzave u pëlqente ajo ngjyrë dhe ndaj e kishin porositur, por ato insistojnë se mesazhi që përcjell është i rëndësishëm.

Ëndërra e Klodit
09/03/10 01:07

Klodi u tregon banorëve se mbrëmë ka parë një ëndërr. Ai u tregon se ishte e cuditshme sepse kishte parë sikur ai, Bertina dhe Hakiu ishin në nominim dhe se dy prej tyre do dilni prej shtëpisë. Ai dhe Bertina u eleminuan, ndërsa Erioni bënte festë me Oltën, Adën dhe Domenikën e ai rrinte mes tre vajzave. “Ty t’u bëftë ëndërra realitet!”- uron Erioni dhe thotë se mos t’i duket cudi kjo gjë se dhe mund të ndodhë. Mes banorëve shkaktohen të qeshura dhe Klodi thotë se atë e futën sërish brenda se e kishin ngatërruar. Bertina shprehet që ta shohë edhe njëherë, por me ca ndryshime se e ka parë keq, ndërsa Klodi thotë se ëndërr është fundja.
Valoni shprehet se sipas tij, vajzat mbajnë syze e nuk shohin kur bëjnë zgjedhjet. Vajzat dhe të tjerët nuk e kuptojnë dhe Hakiu thotë se Valoni donte të thoshte se vajzat janë të verbëra në zgjedhjet që kanë bërë në lidhje me djemtë. Vajzat e pyesin se cilat me saktësi, por ai thotë se të gjitha janë ashtu. Seldi shprehet me shaka se Valonit i vjen inat që atë nuk po e shohin e ndaj shprehet kështu, ndërsa vajzat nuk e zgjasin bisedën me të.

Seldi i mërzitur me Domenikën
09/03/10 02:00

Domenika kapet me fjalë me Seldin sepse ajo shprehet se nuk ndjehet mirë, ndërsa ai ia kthen se duhet të mos ankohet kot. Ajo i thotë se në vend që ai të kujdeset për të, i thotë fjalë të tilla. Seldi thotë me gjysmë zëri se po kalon shumë gjëra në këtë shtëpi, gjëra që jashtë nuk do t’i bënte kurrë. Domenika e dëgjon dhe i thotë se gjërat janë njësoj, por varet se si i përballon ai. Të dy kapen me fjalë për mënyrën se si flet Seldi. Përvec Domenikës, grupi del në kopsht. Ada e këshillon Seldin që të ketë më shumë kujdes në ato që thotë dhe po këtë i thotë edhe Olta e cila e ka për lojën që ai po bën në lidhje me të tjerët, me grupin tjetër. Ada dhe Seldi mbeten vetëm dhe të dy fillojnë të flasin për Domenikën. Ada e këshillon që të flasë me të e të sqarojë pozicionin në të cilin ndodhen, por Seldi shprehet se nuk e kupton fare Domenikën se njëherë thotë kështu e njëherë ashtu. “Ajo është tip i vështirë”- shprehet ai. Ada e këshillon që të flasë qartë me të, por ai shprehet se situata në shtëpi është ndryshe nga sa do ishte jashtë, madje shton se i vjen keq për të pasi ajo ka vuajtur edhe më parë. Ada ia kthen se vuajtjtet në këtë mes nuk kanë punë, por insiston që të bisedojë me të dhe kur shikon se Seldi nuk do ta bëjë këtë gjë, e pyet nëse ai do presë se cfarë do vendosë Domi. Ai i thotë se këtë gjë nuk e bën dhe shprehet se nuk mund të sqarohet këtu, por jashtë duke nënkuptuar se këtu kjo gjë mund të jetë në disfavorin e saj. Ada nuk e kupton dhe i thotë se Domenika ishte ajo që e la, por ai mendon se do dalë ai i keqi nga kjo histori dhe ia spjegon me shenja asaj se si e mendon. Ada i thotë se ai ka hyrë i vetëm në këtë lojë dhe nëse vazhdon kështu, ka për të humbur shumë dhe më mirë do jetë të përballet me pasojat, të mira apo të këqija qofshin. Seldi shprehet se ai nuk është plotësisht tipi që po sillet këtu, në lidhje me sjelljen ndaj vajzave e kryesisht Domit duke shtuar se ai nuk i vete nga mbrapa vajzave. Pasi mendohet, ai thotë se do t’i japë zgjidhje këtij problemi, por pasi të kalojë kjo javë që ajo është në nominim.

Bertina: “Lidhja nuk është për argëtim”
09/03/10 02:34

Bertina dhe Erioni diskutojnë për festën dhe ngjarjet që ndodhën gjatë saj. Bertina i thotë se ai duhet t’i evitojë disa sjellje, por sipas tij, jeta këtu është ndryshe nga jashtë dhe ajo duhet ta kuptojë sepse këtu ata po argëtohen. Bertina shprehet se po përpiqet që ta kuptojë sa më shumë, por ai nuk mund ta quajë argëtim lidhjen e tyre dhe shton se ai nuk duhet t’i japë kënaqësi të tjerëve. Erioni i kërkon që t’i marrëmë lehtë, por ajo thotë se s’mund të dalë nga karakteri i saj dhe se ka ardhur për të treguar veten e saj, Bertinën se si është realisht.

Miri debaton me Seldin
09/03/10 03:10

Miri dhe Rezarta kanë gjetur një vend ku të qëndrojnë bashkë pa u parë nga të tjerët. Ata janë futur poshtë tavolinës dhe e kanë mbuluar atë me një mbulesë të gjatë që të mos duken fare. Të tjerët e dinë dhe e komentojnë këtë gjë. Gjatë natës, Seldi shkon tek tavolina dhe përgatit dicka për të ngrënë. Ai qëndron aty ndërsa ha. Miri i thotë që të largohet sepse ai po rri aty me Rezin dhe sa për respekt, mund të hante në ndonjë vend tjetër. Seldi i thotë që ta lërë rehat dhe Miri ia kthen se të ishte në ndonjë moment tjetër, do ia kishte thyer brinjët. Të dy djemtë kapen me fjalë, por Rezi ndërhyn dhe ata nuk e zgjasin. Miri, më pas, këtë gjë e diskuton edhe me Rezin dhe ajo i thotë se ai nuk duhej të ishte shprehur ashtu sepse deri të shtunën, Seldi do ia thotë gjithë kohës. Miri shprehet se i doli borxhit sepse i kërkoi disa herë me të lutur që të largohej dhe madje u tha edhe të tjerëve që do rrinte aty me Rezin, ndërsa ai nuk reagoi fare, por rrinte e hante mbi kokën e tyre. Sipas tij, Seldi po e provokonte sepse në të kundërt mund të ishte larguar pasi ai ia kërkoi këtë gjë. “S’të lë njeri të kesh pak intimitet”- shprehet ai. Miri duket shumë i acaruar me Seldin dhe vazhdon për minuta të tëra të flasë për të.

ariel · « **Pergjigju #148 Me:** Mars 10, 2010, 03:14:45 MD »

Kika dhe Edi flasin për rolin në shtëpi
09/03/10 13:10

Kika dhe Eduardi, pasi janë ngritur nga gjumi, dalin të dy në kopsht për të shijuar mëngjesin. Ndërsa qëndrojnë aty, ata herë pas here shkëmbejnë ndonjë fjalë. Kika hap i pari bisedën dhe e pyet Edin si po i shkon qëndrimi në shtëpi dhe ai i përgjigjet që vetë është i qetë, por nuk po e lënë të tjerët rehat me energjinë negative që përcjellin. Kika i thotë që i takon atij që t’a luftojë këtë energji negative, dhe Edi e miraton këtë mendim. Edi shprehet për pjesën tjetër të banorëve që dhe pse nuk përpiqen për të bërë diçka të bukur, përsëri e kalojnë mirë. Kika e pyet nëse ai ndjehet mirë me veten, dhe Edi i përgjigjet që nuk ka ardhur të qëndrojë vetëm për t’u argëtuar, se po të ishte kështu do të kishte vajtur në një mal e të qëndronte vetëm. Kika shprehet që nuk e sheh shumë aktiv Edin këto ditë dhe ai i përgjigjet që po e trazojnë mënyrat me të cilat po ndodhin gjërat brenda shtëpisë. Edi shprehet që do të kishte shumë dëshirë që të gjithë të rrinin bashkë dhe të jetonin sikur të jenë një bashkësi e vetme me rregullat dhe normat e saj. Kika thotë që ai do të donte t’a shihte më aktiv Edin, pasi ka pasur një periudhë ku ai ka qënë në qendër të vëmendjes. Kika shprehet që ai nuk duhet të lejojë askënd t’ja presë dëshirat. Edi thotë se ka njerëz aty që janë të aftë t’ia prishin humorin, por Kika përgjigjet që jo të gjithë njerëzit përshtaten me të kështuqë ai nuk duhet t’i lejojë t’ia prishin humorin. Më pas Kika kërkon të dijë mendimin e Edit për të nominuarit dhe kush mendon se mund të dalë nga shtëpia. Edi i përgjigjet që sipas tij më shumë mundësi ka Rezarta ose Olta, por më tepër Olta. Kika pyet nëse ai mendon që Rezi ka avantazhin e lidhjes dhe prandaj ka më pak shanse për të dalë, por ai shton që dhe Olta me Bledin ishin duke filluar një lidhje, por Bledi u largua gjithsesi. Kika do të dijë nga Edi nëse ka pritur që të largohej Bledi dhe ai përgjigjet që në fillim jo, por më pas kur po e shikonte që frekuencat e debatiti po shkonin më larg, ka menduar për të. Kika thotë që gabimi i Bledit ishte sepse mendoi që loja kishte filluar për të gjithë në momentin që u fut ai, dhe nuk mori parasysh që banorët e vjetër e kishin lënë një shenjë aty. Edi shprehet që më neutralët në shtëpi janë Erioni me Bertinën pasi nuk kanë rrezikuar asnjëherë seriozisht. Kika shprehet që të gjithë duhet të jenë të kujdesshëm e të mos bien në gjumë pasi humbet interesi i publikut që i ndjek. Ai kujton dhe Gracielën dhe thotë që ajo ka qënë gjithmonë shumë korrekte dhe ka mbajtur opinionin e saj.

Urimi për ditëlindje
09/03/10 14:06

Ndërkohë që Domi, Ada, Klodi dhe Olta kanë pak kohë që qëndrojnë në kopësht, Ada u thotë atyre se sot ka ditëlindjen mamaja e saj. Miqtë e saj gëzohen dhe e urojnë Adën për mamanë e saj. E para e uron Domi “Gëzuar ditëlindjen mami Adës”- thotë ajo, e më pas a pasojnë dhe të tjerët. Ada shprehet se do të donte të kishte ndonjë shirit ku të shkruante një urim. Klodi i thotë që ata mund t’i këndojnë një këngë dhe të gjithë njëzëri i dedikojnë këngën “shumë urime për ty”. Klodi shton që mamaja e Adës ka bërë një vajzë të mirë dhe të bukur.

Debat i ashpër për ndarjen e punëve
09/03/10 15:03

Klodi ,Olta, Ada dhe Domi ndodhen në kuzhinë dhe po pregatisin drekën. Olta është duke u marrë me larjen dhe pregatitjet e përbërësve të gjellës dhe thotë që po e bën të gjithë sasinë gati. Klodi ndërhyn dhe i thotë që ajo të pregatisë vetëm pjesën e saj pasi pjesën e tij, do t’a bëjë vetë. Olta shpreh habi dhe Klodi thotë që jeta nuk është vetëm lojë dhe po të jetë se do të thonin kështu, do të tregoheshin hipokritë. Ai thotë që jashtë ka punë, lodhje, qeshje, qarje dhe nuk është vetëm argëtim Ata pohojnë njëzëri që duhet t’i bëjnë secili vetë punët e tyre pasi nuk është i detyruar askush tjetër t’i bëjë. Klodi thotë që aty nuk ka asnjë jo të aftë pët të punuar kështuqë të gjithë duhet të bëjnë punë. Ai shton që ka ikur koha e shërbëtorëve dhe Domi thotë që askush nuk ia bën punët dhe kur është jashtë. Ada shprehet që atë dhe të tjerë që punojnë mund t’i bëjnë për budallenj dhe mësohen keq sepse presin që t’i marrin gjërat gati nga ata. Olta thotë duke iu referuar pjesës tjetër të banorëve që kur janë jashtë nuk bëjnë vetëm qef, ndërsa aty vetëm këtë pjesë po tregojnë. Më pas ata mendojnë që të bëjnë dhe ndarjen e larjes së enëve dhe Domi e Olta lajnë gotat vetëm për gjashtë vetë, aq sa janë grupi i tyre. Aty afrohet dhe Erioni dhe ai e dëgjon pjesën e larjes dhe ngrënies secili për vete. Ai i flet Klodit me ton të lartë dhe i thotë që kjo është gjëja më absurde që mund të ndodhë në shtëpi. Klodi i tregon që ata do të gatuajnë vetëm për gjashtë persona dhe Erioni thotë që nëse e bëjnë këtë, ai ka për t’ia derdhur të gjitha pjatat dhe s’ka për t’i lënë të hajnë. Otla shprehet që aty janë të pakët ata që po bëjnë punë dhe Valoni me Rezin e kundërshtojnë. Rezi i thotë Oltës që ajo mund t’i bëjë e vetme të gjitha punët që bëjnë ata të gjithë. Olta kundërpërgjigjet që nuk ka nevojë për fjalë, por për vepra. Domenika shprehet që kjo gjë ka nisur nga një mendim i Hakiut, për të larë secili pjatën e vet pas ngrënies, pasi nuk është e drejtë që një person dhe të gatuajë dhe të lajë pjatat. Klodi akuzon Erionin se ai kishte fshehur mollë në dollapin e tij dhe Erioni tregon se i ka lënë veç që të mos i mbaronin menjëherë.
Më tej Rezi debaton me Domin dhe i thotë që javën e kaluar Domi nuk i ka folur fare ndërsa këtë javë po i buzëqesh, por Rezi shprehet se nuk i nevojitet ky falsitet. Domi përgjigjet se kur qesh e bën me zemër dhe nuk shtiret. Rezi akuzon Domin që ajo ka njëzet ditë që nuk i thotë as

Debat Rezi-Olta
09/03/10 16:26

Debati për punet e shtëpisë ka vazhduar gjatë ndërmjet banorëve duke i bërë të gjithë protagonistë të ngjarjes. Rezi dhe Ada janë konfrontuar ashpër pasi Rezi i ka thënë Adës që ajo nuk ka kërkuar ndonjëherë që t’i bëjë punët dhe për të. Ada është përgjigjur se ajo bën punë pasi me atë edukatë është rritur që nuk mund të shikojë parregullsi dhe t’a lërë ashtu. Rezi ka thënë që ajo nuk ka pse t’ia tregojë asaj këto por të bëjë çfarë të dojë. Ada është kundërpërgjigjur që nuk po flet fare me të dhe nuk po i drejtohet asaj. Rezi është shprehur që Ada ka gjithë ditën që vetëm flet dhe ndërmjet të tjerava, inatin e ka dhe me Rezartën. Ada ka thënë që deri në momentin që Rezi ka patur nevojë për të, e ka mbajtur afër, ndërsa tani nuk i nevojitet më dhe i kundërvihet. Rezi është shprehur që ajo nuk është si Ada, që fiton në çdo situatë sepse ngre zërin, por Ada i është përgjigjur që është hera e parë që ajo po ngre zërin, dhe Rezarta për të nuk ekziston më por është vetëm një hije. Në këtë moment ka ndërhyrë Oltaa dhe ka pyetur Rezin se kush mendon se po ia jep këtë kënaqësi që të flitet për të, dhe Rezi i është përgjigjur që asaj nuk i intereson aspak kjo, por ajo do të thotë çdo gjë që ndjen për t’a thënë. Rezi shton që ajo ka bërë gjithmonë punë, dhe nuk e di se çfare kanë bërë të tjerët. Ajo shton që Ada e ka urdhëruar një ditë për të rregulluar krevatet, por Olta i thotë që kjo nuk është ndonjë e keqe por rregull që duhet të respektohet nga të gjithë. Olta shton që po habitet nga Rezarta që i hidhka njerëzit poshtë kaq shpejt. Olta dhe Ada i thonë Rezin që ajo ia punoi mbrapa krahëve Adës dhe këtë e dinë të gjithë. Ato i thonë që ajo e ka mashturuar Adën, madje ka ardhur dhe është shtirur duke qarë me to, ndërkohë që ajo ka qënë në dijeni të gjithë situatës. Olta me Rezin e kanë fjalën për lojën që ka bërë Miri me Enxhin, dhe Rezi e ka ditur por ka pranuar të bëhet pjesë e lojës. Rezi shprehet se nëse Olta do të donte të mbrontë atë dhe Mirin mund t’i merrte veç e t’i thoshte çfarë kishte, por duke qënë se e ka bërë të madhe para banorëve të tjerë, tregon se ka dashur të nxjerrë Mirin si maniak. Më pas Rezi i tregon Oltës që ajo dhe Ada nuk janë lidhur si shoqe, por afërsia ka ardhur spontanisht. Ajo shprehet që ia ka treguar Adës që i pëlqente Miri, që para se të lidheshin.

Domi dhe Olta flasin për Rezin
09/03/10 17:02

Domi dhe Olta kanë komentuar mbi debatin e bërë me Rezin. Domi i ka thënë Oltës që ajo është e paparë dhe ka shumë kurajo, madje Rezi i është dukur si nën kthetrat e panterës kur po debatonte me Oltën. Olta i tregon Domit se ajo ia ka thënë të gjitha ç’ka mendonte Rezit, dhe më e rëndësishja, i ka thënë që ajo e ka ulur shumë veten si femër. Domi ka dashur të dijë si ka reaguar Rezi dhe Olta është përgjigjur që është acaruar dhe nuk ka ditur çfarë të thotë. Domi është shprehur që i është dukur shumë i gjatë debati me Rezin dhe Olta i ka treguar që Rezi i ka folur dhe për persona të tjerë, por Olta i ka thënë që nuk i interesojnë të tjerët pasi nuk ka qënë prezent në të gjitha situatat. Më pas Domi thotë që Rezi u tregua e keqe me Adën, pasi ajo nuk e meritonte ashtu. Olta i tregon që Rezi i ka thënë që nuk konsideron asnjërën nga vajzat shoqe, por më pas thoshte që nëse Ada ishte shoqe për të, pse ka reaguar ashtu? Olta shprehet që i është përgjigjur që nëse nuk e ka konsideruar shoqe, nuk ka pse të kërkojë asgjë nga ajo. Olta tregon që i ka thënë Rezit që është aktore, por është shumë e trashë. Më pas Domi i thotë që ajo bëhet shumë keq kur debaton pasi dridhet nga inati, dhe mundohet t’i evitojë. Olta shton që Rezi i ka thënë që ajo nuk përputhet në karakter me të, ndërsa Olta i është përgjigjur që duhet t’a gjejë të keqen tek vetja. Domi thotë që Rezi nuk është në rregull me sjelljet e saj. Më pas është afruar dhe Ada dhe Olta ia ka treguar dhe asaj, debatin që ka zhvilluar me Rezin.

Hakiu dhe Miri, për bashkëjetesën në BB
09/03/10 17:36

Miri me Kikën kanë qëndruar në dhomë për të biseduar dhe Miri është shprehur se në gjithë këtë kohë që janë në lojë, ai nuk ka thënë asnjëherë se kush është ne të vërtetë sepse nuk i është dhënë mundësia. Ai thotë se i është dashur të ulë nivelin e tij, të dalë në një version tjetër, ku ka ngritur zërin, ka debatuar ashpër me femrat vetëm sepse banorët e tjerë nuk i kanë dhënë shansin të tregojë botën e tij. Ai shton se janë në një shtëpi ku duhet të bashkëjetojnë me shumë tipa të ndryshëm, por që duhet të gjejnë një vijë të mesme, ku më e pakta është të ruajnë higjenën, mirmbajtjen e përbashkët të shtëpisë dhe ngrënien. Jetmiri shprehet se janë munduar njëherë t’i ndajnë punët, por nuk ka rezultuar e efektshme. Ai thotë se të tjerët janë aq shumë të përfshirë në lojë sa mendojnë se kanë të drejtë në ç’do gjë që thonë, paçka se të gjithë kanë gabimet e veta. Kika shprehet se ajo që e shqetëson është se ç’do gjest që bëhet, shfrytëzohet më së miri nga të tjerët, dhe Miri i përgjigjet që kjo është të bësh lojë të fëlliqur. Kika dhe Miri pohojnë njëzëri që ndihen të sulmuar. Miri tregon për situatën me Valonin që e kanë pyetur aq shumë dhe ai ka dhënë gjithmonë versionin e tij, por njerëzit jashtë ndoshta nuk e kanë kuptuar. Kika përgjigjet që Jetmiri i ka dhënë shkas të tjerve për të dyshuar me veprimet që ka bërë më parë. Jetmiri thotë që ai është maxhoren dhe është i aftë të marrë vendime vetë pa u ndikuar nga të tjerët dhe Kika i thotë që ky element mungon përgjithësisht tek banorët.

Rezarta i jep të drejtë Bertinës
09/03/10 18:11

Rezarta dhe Erioni bisedojnë ndërmjet tyre, teksa merren me larjen e enëve në kuzhinë. Biseda nis për fillimet kur banorët hynë në shtëpi, kur Gjimi dhe Erioni lanë jashtë BB Bertinën. Rezi bën shaka me Erionin duke e ngamuar pikësrisht në këtë fakt. Erioni i thotë që do të donte që ta kishte njohur jashtë Bertinën sepse në këto kushte në lidhjen e tyre po krijohen disa situata të bezdisshme. Rezi e pyet përse dhe Erioni i thotë se ai dhe Bertina debatojnë gjithmonë për të njëjtin motiv, që është xhelozia e Bertinës ndaj Oltës. Rezi i jep të drejtë Bertinës dhe i thotë Erionit se e gjithë kjo vjen për fajin e të dyve. Sipas saj i takon Erionit që të ndajë raportet mes dy vajzave. Ajo thotë se deri diku Bertina ka të drejtë pasi Olta gjatë gjithë kohës flet me ironi. Erioni fajëson Bertiën duke theksuar se ata të dy kanë tipa të ndryshëm dhe në këtë mënyrë nuk mund të vazhdohet gjatë. Rezarta i thotë se nëse mendon kështu atëherë përse nuk ndahet nga Bertina. Erioni i thotë se kjo është e vështirë pasi nuk mund të ndahesh lehtë kur ke një sipati të fortë për dikë. Rezi e këshillan që ai të provojë të ndryshojë diçka në sjelljen e tij nëse do që lidhja e tij me Bertinën të zgjasë sa më shumë. Ata diskutojnë për përfshirjen e Oltës mes lidhjes së tyre. Rezi i thotë se Olta i afrohet Erionit vetëm për të mërzitur Bertinën. Erioni i thotë se ai edhe në jetën e përditshme jashtë shtëpisë, me shoqet ka të njëten madhënie si atë më Oltën. Rezarta i thotë se kjo nuk është e vërtetë sepse madhënia me një shoqe dallon. “Mua a më ke shoqe, por mardhënia jonë ndryshon nga ajo që ke ti më atë” thotë Rezarta. Në atë momen vjen Bertina dhe biseda e tyre ndërpritet. Më pas Rezi nis të bisedojë me Bertinën për sjelljen e banorëve të tjerë.

Rezi: “Olta, thotë vetëm fjalë boshe”
09/03/10 18:30

Shathethemet në shtëpinë e BB duket se nuk kanë të sosur edhe pas largimit të disa prej banorëve më aktiv të lojës. Kështu Rezarta vazhdon të bisedojë me Bertinën për sjelljen e banorëve të grupit tjetër dhe veçanërisht për Oltën. Rezarta i tregon Bertinës për debatin që pati me Oltën duke theksuar se ajo është si gjithë të tjerët dhe fakti që nuk ka dashur të bisedojë javët e para, ka qwnw për të shmangur paragjykimet dhe thashethemet te banorët e tjerë qw mund tw lidhnin gjithçka me Jetmirin. “Unë nuk desha me fol më parë se nuk doja që ata të thoshin se unë jam e fryme prej Mirit” thotë Rezi dhe Bertina e mbështët në mendimet se Olta është shumë ironike. Bertina i thotë se Olta nuk del asnjëherë ballëpërballë në debat, por pasi studion situatën futet aty ky intereson. Rezi thotë se Olta vetëm flet shumë, por fjalët e saj nuk kanë bazament, janë thjesht fjalë boshe. Bertina i tregon Rezartës se fillimisht Olta e kishte përkrahur Jetmirin, ndërsa tani e quan hipokrit në një kohë kur Miri nuk ka ndryshuar sjellje. Më pas Bertina thotë se shoqëria në BB nuk është ashtu siç duket dhe ata do ta kuptojnë vetëm kur të shohin xhirimet, pasi të dalin nga loja. Rezarta i thotë Bertinës se këtë gjë mund ta vërtetojnë me shoqërinë e Domit me Oltës. Sipas Bertinës ato të dyja nuk mundet të kenë shoqëri të pastër pas gjithë atyre sharjeve e ofendimeve që kishin bërë për njëra-tjetrën, të zbuluara në klipet gjatë spektalit. Rezi thotë se ajo nuk mund të jetë e dashur me to vetëm sepse është në nominim, ndërsa ato të dyja (Olta dhe Domi) tashmë që janë në nominim, mundohen që të afrohen me banorët e tjerë. Më pas biseda e tyre zhvendoset të problemi “Olta” në lidhjen e Bertinës me Erionin. Rezi i thotë Bertinës se ajo nervozohet çdo ditë me veprimet e Oltës dhe Bertina i thotë se ajo nuk do që t’i kërkojë Erionit që të largohet nga Olta sepse nuk do që ta kufizojë.

Lojë dhe gjimnastikë
09/03/10 20:03

Banorët kanë dalë jashtë dhe bisedojnë për gjëra të ndryshme ndër të tjera edhe për muzikën. Teksa ata bisedojnë “Vëllai i Madh” vendos në sfond këngën e Seldit. Seldi emocionohet dhe shkon në dhomën e gjumit për ta shijuar këngën e tij bashkë me pjestarët e tjerë të grupit. Pasi kënga përfundon të gjithë dalin jashtë. Olta fillon të luajë me peta me Seldin dhe Valonin. Pas tyre në lojë hyn edhe Ada. Ndërsa ata luajnë disa qëndrojnë ulur pranë pishinës, ndërsa Domenika me Klodin nisin të bëjnë gjimnastikë. Pas disa ushtrimeve, ata nisin të bëjnë edhe vrap nëpër oborr. Klodi u thotë edhe banorëve të tjerë që të bashkohen me të dhe Domin për gjimnastikë, pasi të gjithë kanë nevojë për këtë gjë. Pas një farë kohë, në vrapin e tyre marrin pjesë edhe banorë të tjerë. Ata numërojnë xhirot që bëjnë me vrap përreth pishinës duke e kthyer edhe gjimnastikën gati-gati në një lojë argëtimi. Gjatë kësaj kohe banorët japin edhe ide të tjera për lojra.

Miri këshillon Rezin
09/03/10 20:58

Jetmiri dhe Rezarta bisedojnë në dhomën e gjumit për Adën. Rezarta i thotë Mirit se Ada ka ndryshuar sjellje dhe mendim për Rezartën nga java e parë deri tani. Ajo thotë se për këtë Ada është e ndikuar nga banorët e tjerë, kryesisht nga Olta. Jetmiri e kundërshton mendimin e Rezit duke thënë se nuk ka sesi Ada 26-vjeç, të ndikohet nga të tjerët. Rezi i thotë se ajo ka vënë re një distancim nga ana e Adës. Rezarta thotë se Ada është e ndikuar nga Olta pasi të dyja mendojnë se Rezi është shumë e dhënë pas ndjenjave për Jetmirin. Miri i thotë se kjo është problem i tyre jo i Rezartës. “Ajo humbet njohejen me një vajzë të formuar si ti” i thotë Miri Rezartës. Më pas ai e këshillon që ajo të mos shqetësohet shumë për këto gjëra. Miri i sygjeron Rezit që t’i kërkojë Adës të bisedojnë vetëm dhe në këtë mënyrë të sqarojnë gjithçka mes tyre. Rezarta i thotë se ajo ia ka kërkuar disa herë një gjë të tillë Adës, por kjo e fundit nuk ka pranuar. Pas kësaj Jetmiri e këshillon që ajo të vazhdojë me lojën e saj sepse këto gjëra nuk kanë shumë rëndësi, por ajo duhet që të tregojë sa më shumë nga vetja. Më pas të dy diskutojnë dhe bëjnë thashetheme për lojën e banorëve të tjerë

Haki, Bertina thashetheme për nominimet
09/03/10 21:15

Kika dhe Bertina qëndrojnë ulur në banak dhe bisedojnë me njëri-tjetrin për lojën e banorëve të tjerë. Ata flasin për grupin tjetër kryesisht për Oltën, Klodin dhe Domenikën. Bertina thotë se ajo ka ndryshuar mendim për Domenikën dhe Oltën vetëm duke i parë, çka ka bërë që ajo t’i nominonte. Kika i thotë se ai nuk e ka nominuar akoma Domenikën, por shton se nga sjelljet e saj që nuk ui kanë pëlqyer, do ta nominojë së shpejti. Kështu të dy flasin për nominimet. Hakiu thotë se ata duhet të nominojnë personat që nuk janë aktivë. “Edhe unë i kam pa që nuk kanë dhënë gjë gjatë kësaj kohe, i kam nominu” thotë Kika. Ndërsa për Klodin, Bertina thotë se ai duket i dashur me të tjerët sepse është shumë dinak. Ndërsa për Domenikën ajo thotë “kur ishte në nominim edhe ajo tregohej e dashur ndërsa gjatë javëve që nuk është e nominuar fillon të thurë intriga thashetheme”, të njëjtën gjë thotë edhe për Oltën. Më pas ata diskutojnë për lojën e Bledit të cilin përveç pjekurisë e seriozitetit, e vlerësojnë vetëm për sjelljen që pati gjatë javës që ishte në nominim. Të dy ndajnë mendimin se Bledi kapej pas situatave të të tjerëve duke i shfrytëzuar ata. Ata e ilustrojnë këtë këtë mëndim me debatet që pati Bledari me Valonin. Ata thonë se Bledi ishte nevrik dhe se ai hakmerrej kundrejt tyre, gjë kjo që Kika e quan një dobësi të Bledit. Më pas ata diskutojnë për eleminimin që do të ndodhë kësaj jave. Kika thotë se ndoshta këtë javë do të ketë eleminime të dyfishta dhe ndoshta do të hyjnë edhe banorë të rinj. Mendimin e tij e përforcon Bertina e cila thotë se një gjë e tillë ka shumë mundësi që të ndodhë. Më pas aty vjen Klodi dhe ata diskutojnë për Enxhin dhe lojën e saj.

Enxhi dhe çiftet në BB
09/03/10 21:44

Banorët bisedojnë për Enxhin dhe lojën e saj. Jetmiri tregon disa nga fragmentet kur ishte nën provokimet e Enxhit dhe koplimenton lojën e saj. Ai pyet Erionin se çfarë do të kishte bërë ai nëse do ta kishte njohur Enxhin para Bertinës dhe do të kishtë qenë vazhdimisht i provokuar prej saj. Erioni thotë se nuk do të kishte ndodhur asgjë pasi ai nuk e pëlqen pamjen e Enxhit. Ai thotë se ajo nuk ka ëmbëlsi. Jetmiri insiston në pyetjen e Tij, por Erioni i thotë se nëse ai do të kishte qenë në një lidhje me një femër tjetër, asnjë nga femrat më të bukura të botës, jo më Enxhi, nuk do të kishin bërë që ai të tradhëtonte të dashurën e tij. Jetmir dhe Rezarta qeshin dhe i thonë se ata nuk e besojnë që një mashkull të jetë kaq besnik ndaj një femre. Teksa ata flasin në dhomën e gjumit kanë hyrë Bertina, dhe Kika ndërsa Klodi kishte disa minuta që qëndronte aty. Hakiu qesh dhe u thotë atyre se Klodi i kishte dëgjuar të gjitha bisedat e tyre. Më pas ata bisedojnë së bashku për Enxhin duke thënë se ajo i ndau çiftet në BB3. Ata i referohen marëdhënies së Domenikës me Seldin që sipas Jetmirit mes tyre nuk ka pasur fare ndjenja. Jetmiri me Rezartën mendojnë se Domi dhe Seldi u ndanë jo prej provokimeve të Enxhit, por sepse lidhja e tyre nuk ishte e vërtetë. “Ja tek jemi ne të dy” thotë Jetmiri, ndërsa Rezarta thotë se Enxhi arriti të ndante vetëm ata që nuk ishin me këmbë në tokë.

Kika: “Janë eleminuar personat e gabuar”
09/03/10 23:46

Kika dhe Seldi bisedojnë për mallin që kanë për personat e afëtr, por edhe për banorët e eleminuar. Kika i thotë Seldit se loja do të kishte qenë më interesante nëse nga shtëpia do të kishin dalë 6 persona të tjerë dhe banorët e eleminuar do të vazhdonin lojën. Silpas tij personat e eleminuar kanë qenë tipa të veçantë dhe që kishin çfarë të jepnin për lojën, por gjithmonë është rreziku që në fillim personat që eleminohen nuk njihen mirë. Kështu ata flasin për Gracielën të cilën e cilësojnë si një njeri i drejtpërdrejtë dhe që gjithmonë ka dhënë spektakël gjatë qëndrimit të saj në shtëpi. Më pas Seldi flet për Pamelën që sipas tij doli sepse nuk mundi ta bënte lojën sipas të tjerëve, por thekson se ajo është një vajzë shumë e zgjuar dhe që kishtë qenë një shoqe e vërtetë me të dhe Domenikën. Seldi i thotë Kikës se si mendon ai, çfarë e bëri Bledin që të largohej nga BB. Hakiu i thotë se Bledi ra thjeshtë pre e lojrave të kalamajve ku kulmi ishte debatet me Valonin që sipas tij u zgjatën më shumë se ç’duhej. Ai i thotë Seldit se Bledi ka bërë lojë të gabuar çka e çoi atë në eleminim. Më tej ai ia ilustron mendimet e tij duke rikujtuar edhe fjalët e analistit të BB.

Grupet kundër njëri-tjetrit
10/03/10 00:20

Kika dhe Seldi bisedojë për nardhënien e Seldit me Domenikën. Kika i thotë Seldit se ai duhet të bëjë atë që dëshiron vetë, sepse sipas tij ai po jep shumë për Domeninën, por nuk po merr asgjë. Ai e këshillon që të veprojë më tepër me maturi në mënyrë që të mos vuaj. Hakiu i thotë Seldit se ai duhet të mbajë qëndrimin e tij pavarësisht ndjenjave. Ata flasin edhe për sjelljen e banorëve të tjerë dhe Kika i thotë Seldit se në shtëpi janë 4 vetë të cilët ai nuk i nominon dhe një prej tyre është edhe Seldi. Seldi i thotë se ai nuk ka dyshuar për këtë pjesë dhe më pas të dy largohen. Kika shkon në dhomën e gjumit ndërsa Seldi bashkohet me Domin, Klodin, Oltën dhe Adën. Pasi pinë cigare ata ulen në sallon dhe fillojnë të bëjnë thashetheme për pjestarët e grupit tjetër. Ada i thotë se Kika i kishte thënë diçka me shaka duke bërë që Ada të mendojë se dikush nga grupi i tyre i kishte tradhëtuar. Kika i thotë Adës me shaka në dhomën e gjumit se ai donte të shihte se ç’thashetheme kishte bërë Ada për të. Ada thotë se grupi tjetër kanë bërë plane që të nominojnë ata duke i eleminuar një e nga një. “Duan të na heqin qafe, mua njëri ma tha vetë se më kishte nominuar këtë javë” thotë Ada. Ajo u tregon pjestarëve të tjerë të grupit duke menduar se mund të jetë Edi ai që ka folur me pjestarët e grupit tjetër, çka u ka nxerrë në shesh thashethemet që ata kanë bërë. Më pas ata flasin edhe për sjelljen e vajzave të grupit, Bertinën dhe Rezartën. Më pas aty vjen edhe Edi dhe të gjithë fillojnë të luajnë lojën “telefoni i prishur”

Bertina e pengon lojën e Erionit?
10/03/10 01:15

Në dhomën e gjumit të dy çiftet e BB Erioni me Bertinën dhe Jetmiri me Rezartën janë shtirë dhe bisedojnë. Miri me Rezin luajnë dhe ngacmojnë njëri-tjetrin, ndërsa Erioni me Bertinën bisedojnë për mardhënien e tyre në çift. Erioni i thotë Bertinës se ajo është shumë e mbyllur. Bertina i thotë se kjo gjë vjen nga fakti se ajo nuk ka arritur që të ketë besim te Erioni në mënyrë që të tregohet më e hapur me të. Ajo i thotë Erionit që të mos stresohet dhe të dalë nga vetvetja. Ajo i thotë që ta luajë lojën si të mos kishte qenë Bertina në BB. Më pas ajo i thotë se njëri nga banorët i kishte thënë në bisedë e sipër se Erioni ishte shprehur se për shkak të Bertinës dhe lidhjes së tyre, nuk mund të jetë vetvetja në lojë. “Sillu si të mos isha unë këtu” i thotë Bertina dhe Erioni i thotë se konteksti i fjalëve të tij nuk kishte qënë i tillë. Ai kishte dashur të thoshte se sjella e tij do të ishte ndryshe nëse ai nuk do të kishte qenë i lidhur, por jo se ishte Bertina problemi. “Unë ndryshe sillem kur jam i lidhur me dikë, ndryshe kur s’jam, kjo është e gjitha” thotë Erioni. Ata diskutojë për mospërputhjen e tyre që po çon në zënka të vazhdueshme. Të dy çiftet bisedojnë dhe shkëmejnë shaka midis tyre. Më pas në dhomë vijnë edhe banorë të tjerë. Klodi hipën sipër krevatit krevatit dhe fillon të bëjë gjimnastikë. Banorët e tjerë e ngacmojnë dhe qeshin me veprimet e tij.

Ndjenjat e Seldit dhe Domenikës
10/03/10 03:50

Ada dhe Seldi dalin jashtë të pinë cigare, ndërsa të tjerët kanë shkuar të flenë. Ata bisedojnë për ndjenjat e Seldit dhe marëdhënien e tij me Domenikën. Ada i thotë se ajo kishte biseduar me Domin për ndjenjat e saj në lidhje me Seldin. Ada i kishte thënë Domit që të bisedonte me Seldin në mënyrë që të sqaronin gjërat mes tyre. Domenika i kishte thënë që Seldi e kishte marrë gjithmonë me shaka lidhjen dhe bisedat e tyre. Më pas ajo i kishte thënë Adës se nuk ka se çfarë të sqarojë me Seldin pasi ata të dy janë sqaruar disa herë edhe kur ishin bashkë, por asgjë nuk ndryshoi mes tyre. Seldit nuk i vjen mirë nga shprehjet e Domit dhe duket se mërzitet. Ai i thotë Adës se Domi vepron dryshe nga sa flet dhe sipas tij fjalët ndonjëherë nuk kanë rëndësi. Ada e pyet se çfarë ka bërë Domi duke bërë që Seldi të mendojë se edhe ajo ka të njëjtat ndjenja për të. Seldi i thotë se fjalët që Domi thotë, nuk përputhen me veprimet që ajo bën. Veprimet e saj, sipas Seldit kanë bërë që ai të mendojë se edhe Domi dëshiron që ata të dy të jenë përsëri bashkë, por nuk specifikon një rast kur ka ndodhur kjo gjë. Shprehja se Seldi i merr gjërat me shaka e bën Seldin të ndjehet keq dhe të mendohet. Ai i thotë Adës “domethënë ajo është e vendosme, e ka ndarë mendjen”, por Ada e këshillon që të mos i marrë gjërat kështu, por të bisedojë me Domenikën sepse ajo nuk i tha gjë që të t’i linte të kuptonte nëse është e vendosur që të mos kthehet më me Seldin, apo jo. Më pas Ada i thotë që ai të mos i marrë shumë për bazë fjalët e saj dhe të bëjë durim sepse gjërat mës tyre i dinë më mirë ai vetë dhe Domi. Pasi sqarojnë këtë pjesë ata bisedojnë për provën e javës që do të realizohet në pistën e patinazhit në City Park.

Piktura e Edit
10/03/10 13:25

Dhe pse ora e mëngjesit ka kaluar me kohë, disa nga banorët vazhdojnë të flenë. Ndërsa disa të tjerë janë zgjuar. Edi, Kika, Domi, Seldi dhe Ada qëndrojnë për pak kohë në kopësht, por gjatë gjithës kohës thonë që kanë shumë ftohtë.
Më pas Edi qëndron në kuzhinë, në tavolinën e ngrënies dhe aty i lind frymëzimi për të pikturuar. Ai merr një letër e një laps dhe fillon të krijojë një portret vajze. Seldi dhe Kika qëndrojnë në tavolinë duke ndjekur vizatimin e Edit. Ai shprehet se i duhet një gomë pasi i ka ndryshuar përmasat e tipareve disa herë. Kika shprehet se vajza që po pikturon Edi, ngjan me një miss nga Kosova, por Edi thotë që nuk e njeh dhe po vizaton një portret që i ka lindur nga imagjinata e tij.
Ndërkohë vajzat që janë zgjuar pregatisin rrobat që kanë për të larë dhe më pas një e nga një hanë mëngjes.

Erioni dhe Bertina për ëndrrat e tyre
10/03/10 1:05

Bertinës dhe Erionit i ka dalë gjumi, por qëndrojnë akoma shtrirë. Bertina i thotë Erionit se ka parë një ëndërr siku ishin në autobus, ajo, Erioni dhe Jetmiri. Erioni habitet dhe e pyet pse duhet të ishte dhe Jetmiri aty, apo ajo nuk rrinte dot pa e futur në mes. Ajo shprehet se e ka parë sikur Erioni bëhej xheloz për Bertinën dhe ai i përgjigjet që Bertina ia bën shumë qejfin vetes. Erioni i thotë që përderisa ëndrrën e ka parë ajo, do të thotë që ajo bëhet xheloze për të. Ajo i tregon se ka parë dhe një shoqen e saj në ëndërr, por Erioni nuk rri dot pa bërë shaka. Bertina mërzitet për këtë gjë dhe i thotë që me të nuk bën dot një bisedë, sepse e kthen çdo gjë në humor. Më pas Erioni i tregon se dhe ai ka parë një ëndër sikur ka qënë në një ishull, por nuk bënte dot plazh pasi binte shi. Bertina i përgjigjet që ai e largon gjithmonë diellin me të liga dhe budalliqe. Erioni ia kthen që ai është dielli vetë.
Pasi kanë mbaruar tregimin e ëndrrave, Erioni i ka bërë kafe Bertinës dhe ia ka sjellë te krevati.

ariel · « **Pergjigju #149 Me:** Mars 12, 2010, 12:17:39 PD »

Jetmiri dhe Valoni flasin për provën e javës
10/03/10 14:57

Jetmiri dhe Valoni kanë në kopësht për të pirë cigare, dhe bisedojnë për provën e javës. Ata mendojnë çfarë do të veshin që të jenë sa më komod dhe Jetmiri i shpreh Valonit mendimin që kur të jenë tek pista e patinazhit, t’a shtyjnë Hakiun për t’a rrëzuar. Valoni thotë me shpoti që Kika nuk mund të bëjë patinazh pasi është shumë i madh në trup. Jetmiri i kthehet dhe njëherë idesë së tij dhe thotë që kur t’a shtyjnë Hakiun, ai do t’iu bërtasë dhe Miri me Valonin shprehen që këtë gjë do të presin të marrin, reaimin e Kikës. Më pas ata komentojnë dhe për Erioni dhe Miri i kërkon Valonit të imagjinojë Erionin duke bërë patinazh. Valoni bën disa lëvizje duke imituar Erionin dhe thotë që për të nuk duhet të ketë këpucë ngaqë e ka kë këmbën e madhe. Jetmiri shprehet se di që personat që e kanë këmbën e madhe e kanë më të lehtë për të bërë patinazh.
Më pas dy djemtë flasin për Seldin dhe për këngën e tij, të cilën sapo e kanë dëgjuar. Valoni këndon duke imituar Seldin, dhe Jetmiri thotë me ironi se po të bësh një këngë,nuk do të thotë që je bërë i famshëm. Valoni shprehet që nuk është e vështirë të thuash dy fjalë e të kërcesh në një videoklip.
Ndërkohë Erioni dhe Bertina ndodhen në tualet dhe Bertina shprehet se Erioni do të bënte mirë të fliste më pak pasi ka një vetvlerësim të theksuar. Erioni i përgjigjet që kjo nuk është e vërtetë, por dhe sikur të jetë, nuk është ndonjë gjë e keqe dhe i thotë se ajo është e lirë të mendojë çfarë të dojë. Bertina shprehet që ai bën çdo veprim për të mirë të të tjerëve dhe është shumë human, por Erioni e kupton qëllimin e pyetjes dhe e pyet se ku e ka bërë shkollën e ironisë. Ata thumbojnë njëri-tjetrin me fjalë, kush e kush të bëjë më tepër ironi.

Edi ndihet i distancuar
10/03/10 15:49

Klodi, Seldi dhe Olta janë në dhomë dhe po bisedojnë. Klodi i thotë Seldit se ai nuk ka qënë aspak aktiv gjithë këto ditë dhe Seldi përgjigjet me shaka që ia ka lënë rinisë së sotme këtë gjë në dorë. Pas pak çastesh Klodi thërret “Bledi, ku je o yll”. Olta përgjigjet se Bledi duhet të jetë duke pirë ndonjë kafe për qejfin e tij tani. Klodi vazhdon përsëri duke thënw që Bledin e nxorrën tradhëtarët në nominim, por ai ka për t’ia marrë hakun dhe ka për t’i larguar një e nga një nga shtëpia. Në momentin që hyn Erioni ne dhomë Klodi thotë dhe njëherë “Bledi, me shkop do t’i largoj të gjithë një e nga një”. Erjoni i përgjigjet duke i thënë të ketë kujdes me shkopat.
Olta i kujton Domit dhe Seldit bastin që kanë patur, se nëse Seldi do të dilte nga shtëpia, Domi do të dilte nudo dhe në të kundërt, Seldi nuk do t’i fliste më. Domi shprehet që Seldi nuk duhet t’i kishte folur fare që në mëngjes.
Më pas Klodi dhe Olta i bëjnë pyetje Seldit dhe i thonë nëse ka qënë vetvetja apo ka bërë lojë në Big Brother, dhe Seldi përgjigjet se më së shumti ka qënë vetvetja.
Klodi pyet përsëri nëse në lidhje me Domin ka patur vërtet ndjenja apo e është lidhur për lojë dhe për të kaluar kohën. Seldi e anashkalon këtë pyetje dhe nuk kthen përgjigje.
Më pas tek ata vjen dhe Edi dhe Klodi shprehet se Edi nuk është vetvetja në BB, dhe si ka mundësi që është nominuar vetëm një herë. Ai thotë që është vetvetja, por shpesh ka elementë që ia prishin ditën. Olta shprehet që Edi mund të përballet me këto elementë dhe nuk ka pse të lejojë që t’ia prishin ditën. Edi i thotë që grupi i tyre e kanë distancuar Edin, dhe Domi përgjigjet që kjo nuk është e vërtetë. Seldi i thotë që për t’u bashkuar për një bisedë nuk ka pse ata ta thërrasin, por ai duhet të afrohet vetë, pasi as Seldit nuk i thotë asnjë “hajde rri me ne të lutem”.

Rezi ka frikë të dashurojë
10/03/10 16:23

Jetmiri dhe Rezi qëndrojnë vetëm në kuzhinë. Ai shprehet se i vjen keq për Rezin që ka frikë të dashurojë pasi ai ka arritur t’a kuptojë këtë gjë. Jetmiri e këshillon që duhet t’a lërë vetën të lirë të ndjejë pasi kur dashuron njeriu është i aftë të bëjë ç’do gjë, të arrijë dhe në veprime të pakontrolluara. Rezi përgjigjet që ajo e ka provuar t’a lërë veten të lirë dhe të dashurojë, por i druhet zhgënjimit. Miri thotë se është më e rëndësishme që të dashurojë e më pas le të zhgënjehet se ia vlen. Ajo shprehet se është e vogël dhe tani i duhet të shikojë disa gjëra të tjera, e për dashurinë ka kohë plot. Ajo e pyet Jetmirin “ a s’po bëjmë çmendurira plot?”. Jetmiri ia kthen pyetjen me pyetje dhe i thotë se kë konsideron çmenduri ajo, dhe ajo i përgjigjet që është një person që gjithmonë i kontrollon veprimet dhe nuk e kishte menduar se do t’i bënte këto gjëra para kamerave. Jetmiri shprehet se ajo ka bërë atë që ka ndjerë, po ashtu dhe ai. Rezarta i thotë se po të kishte qënë jashtë do të kishte qënë më e kontrolluar dhe ndoshta nuk do t’i kishte bërë këto veprime, por në të vërtetë aty nuk e ka vrarë mendjen fare. Më pas Rezi i thotë Jetmirit në e ka vënë re se Ada është lyer shumë sot, dhe ai i përgjigjet që nuk shikon më asnjeri tjetër përveç Rezartës dhe e ka mendjen vetëm tek ajo.

Loja me shishe
10/03/10 17:02

Banorët kaën qëndruar në sallon dhe kanë lujtur lojën me shishe. Edi pyet Valonin nëse Edi do të kishte një problem të madh, a do t’a kishte ndihmuar, dhe ai përgjigjet që do t’a bënte gjithmonë këtë. Më pas Edi pyet Rezin se çfarë mendon që familja e saj thotë për të dhe ajo përgjigjet që nuk e ka idenë. Valoni pyet Rezin përsëri dhe i thotë nëse mendon që lidhja e saj ka arritur shpejt në disa pika me Jetmirin dhe ajo i përgjigjet që ajo dhe Miri mendojnë ndryshe dhe lidhja është në kohën e duhur. Më pas Rezi pyet Edin nëse mendon që po del nga vetja për shkak të njerzve rret e rrotull dhe ai i përgjigjet që nuk po ndihet në ujrat e tij dhe po largohet nga situata, por do të kthehet përsëri vetvetja. Kika pyet Erionin a e sheh Edin si konkurent të fortë dhe ai përgjigjet që sigurisht që po. Erioni pyet Jetmirin se çfarë i ka lënë vetes mangut në jetën jashtë dhe ai përgjigjet që do të dëshironte të kthehej dhe një herë në adoleshencë për ta jetuar siç duhet t’a jetonte. Më pas, Valoni pyet Jetmirin se si i shpjegon sjelljet e tij që njëherë është serioz, pastaj karagjoz e më pas bie në qetësi. Jetmiri i përgjigjet që vetë nga natyra është njeri që mund të duket i pashpirt, por në të vërtetë është e kundërta.
Pasi kanë mbaruar lojën, banorët janë shprërndarë secili në vende të ndyshme.

Ada e ndikuar nga Olta
10/03/10 18:05

Hakiu dhe Rezarta diskutojnë për mënyrën se si po veprojnë gjatë qëndrimit të tyre në shtëpi. Hakiu shprehet se po përpiqet të japë më të mirën prej vetes dhe tregon se dy javët që ka qënë në nominim, në fund të atyre javëve, pasi ka bërë një përllogaritje të ecurisë, ka rezultuar se është ndjerë mirë me veten. Ai mendon se e rëndësishme është ajo që jep, por nuk mund të ecësh me strategji në një lojë të tillë sepse sipas tij, asnjëherë nuk mund të dish se si do të vinë situatat. “Më pëlqen spontaniteti dhe t’i lë gjërat të vijnë vetë”- shprehet ai, ndërsa Rezarta, në lidhje me krijimin e strategjive, thotë se nëse një njeri është i përgatitur nga jeta e ka mësuar shumë nga ajo, di të përballojë cdo gjë që i del e nuk është nevoja për strategji. Të dy diskutojnë edhe për lojën e të tjerëve. Rezarta mendon se nuk është mirë që dikush të bjerë pre e dikujt tjetër, vec për hatër të lojës, por shton se cdokush ka nevojë që të ketë edhe të tjerët pranë që të mund të shfaqë atë që është, pasi i vetëm, nuk mund të tregojë asgjë. Hakiu shprehet se disa banorëve ua ka dhënë si këshillë që të kenë kujdes e të mos bien pre e lojës së të tjerëve apo të bëjnë atë që të tjerët duan sepse në radhë të parë nuk e tregojnë se cilët janë vërtetë e në fund mund të dalin nga loja. Edhe Rezarta e mendon kështu e duke biseduar për këtë gjë me Hakiun, ajo shprehet se i vjen keq që humbi shoqërinë e Adës, edhe pse mendimin pozitiv për të e ka akoma. Sipas saj, Ada ndryshoi sjellje ndaj saj që në momentin kur erdhën tek shtëpia e re dhe u afrua me Oltën, e cila i flet keq për Rezin dhe i ka bërë që të ndryshojë mendim e qëndrim ndaj saj. Edhe Hakiu shprehet se i vjen keq që Ada po sillet kështu. Rezarta tregon se është munduar disa herë që t’i afrohet Adës e ta diskutojë këtë largësi të krijuar mes tyre, por Ada asnjëherë nuk i është përgjigjur. Ajo mendon Ada, si një shoqe e mirë, duhej t’i kishte folur e jo të ishte larguar kur ajo u lidh me Mirin apo edhe më pas, por insiston se Ada nuk e ka bërë me qëllim, por thjesht e ndikuar nga Olta. Hakiu shprehet se duket sikur Olta ka fituar, por shumë shpejt ka për t’i rënë maska dhe një ndër ta që do e bëjë këtë gjë do jetë edhe ai duke arsyetuar se ajo po merr shumë njerëz më qafë dhe Ada është një prej tyre. Rezarta tregon se dje ishte me Edin duke biseduar dhe Olta sapo i pa, kishte thirrur Edin vec për ta larguar nga ajo.

Dashuri përmes këngëve
10/03/10 20:15

Erioni dhe Bertina qëndrojnë të dy pranë njeri-tjetrit të përqafuar. Ata dëgjojnë këngët në sfond dhe i komentojnë ato. Erioni i kërkon asaj që t’i përkthejë disa prej tyre, pikërisht ato që i këndojnë dashurisë. Bertina, ndërsa këndon, i përkthen këngët Erionit. Ai i kërkon Bertinës që të shkruajë te dora e saj gërmat E dhe B, ndërsa ajo mendon se më mirë do ishte që secili të shkruante gërmën e tjetrit. Të njëjtën gjë bëjnë edhe Jetmiri me Rezartën ku është Jetmiri ai që i përkthen vargjet e këngëve Rezartës. Të dy ciftet i shprehin dashurinë njeri-tjetrit nëpërmjet dedikimit të këngëve.
Një bisedë e vecantë për të gjithë banorët është ajo për provën e javës. Ata herë pas here komentojnë se si do të zhvillohet ajo dhe duken tepër entuziastë kur flasin për të. Ata shprehen se mezi po presin deri sa ta fillojnë atë dhe përvec se bisedojnë, ata edhe përpiqen që të provojnë pozicione të ndryshme të qëndrimit të trupit gjatë patinazhit si dhe bisedojnë për veshjet që duhet të përdorin atje.
Ndërsa bisedojnë, banorët e mbledhur në dhomën e ndenjjes dëgjojnë e kërcejnë me muzikën e vendosur për ta. Ndër të tjera ata dëgjojnë edhe këngën e preferuar të Enxhit dhe Bertina thotë me zë të lartë se e përshëndet atë. Klodi e dëgjon dhe thotë se ajo po tregohet shumë false sepse kur Enxhi ishte brenda, ajo jo vetëm që nuk iu afrua, por me disa të tjerë, e shndërruan figurën e saj në një “gogol”. Bertina nuk reagon fare.

Ngacmime mes Erionit dhe Bertinës
10/03/10 21:48

Erioni dhe Bertina ngacmojnë njeri-tjetrin. Erioni shkon ta puthë, ndërsa ajo nuk dëshiron që ai ta ngacmojë. Ai insiston dhe Bertina shprehet se kur dëshiron ai, nuk do ajo dhe e kundërta dhe shton se janë shumë të cuditshëm si cift. Duke u ngacmuar, Bertina i thotë se ai i lë të kuptojë se ndjen pak, ndërsa Erioni ia kthen se pavarësisht se cfarë i lë të kuptojë, ajo duhet të mendojë gjithnjë më të bukurën e më shumë se aq sa i transmeton ai. “Me sytë e tu ti shiko vetëm pozitiven edhe pse në dukje është negative”- shprehet Erioni, ndërsa ajo ia kthen se sytë e saj shohin shumë gjëra dhe kjo e pengon që të veprojë ashtu si i thotë ai, madje, ato që sheh e bëjnë që të dyshojë. “Mos dysho më, por shijo momentin!”- e këshillon ai. Të dy të rinjtë vazhdojnë të ngacmohen për ndjenjat që kanë.

Prova e javës
10/03/10 22:20

Banorët janë bërë gati prej disa minutash dhe presin me entuziazëm fillimin e provës së kësaj jave. Olta merr udhëzimet nga Vëllai i Madh e ndërsa të gjithë janë mbledhur në dhomën e ndenjjes, ajo ua lexon ato. Prova e kësaj jave ka të bëjë me patinazhin artistik ku banorët do të mësojnë se si të bëjnë patinazh në akull. Kjo provë do të zhvillohet jashtë shtëpisë, në ambientet e City Park. Banorët do të ndahen në dy grupe ku njëri grup do të niset përnjëherë, ndërsa grupi tjetër do të shkojë pasi grupi i parë të kthehet në përfundim të provave. Grupi i parë përbëhet nga Olta, Erioni, Klodi, Ada, Miri dhe Hakiu të cilët shkojnë menjëherë në zonën e tunelit ku shoqërohen për në ambientet ku do të zhvillojnë provën. Bertina shprehet se u mërzit që e ndan nga Erioni dhe thotë se në cdo provë, ata gjithnjë janë vec e vec. Grupi tjetër përbëhet nga Edi, Seldi, Rezarta, Valoni, Bertina dhe Domenika. Atje banorët i presin instruktorë të cilët fillojnë t’u spjegojnë atyre mënyrën e qëndrimit, ekuilibrin dhe të rrëshkitjes në akull. Banorët fillojnë të provojnë e të argëtohen, por nuk mungojnë edhe komentet dhe rrëzimet. Ndonjëherë, banorët shprehen pesimistë për ta fituar këtë provë javore, por sërish marrin forca që t’ia dalin mbanë.

Plane për nominimet
10/03/10 23:30

Grupi i parë që kthehet nga provat, fillojnë të komentojnë se si kaluan. Ata shprehen se u kënaqën dhe se gjatë tre ditëve të ardhshme, do mësojnë cdo gjë e kanë besim se do ta kalojnë provën. Përvec komentimeve mbi përshtypjet për patinazhin, Ada dhe Olta fillojnë të diskutojnë për nominimet. Ada ka përshtypjen se këtë javë ajo do dalë në nominim nga banorët, nga ata të grupit tjetër. Ajo mendon se ata kanë bërë pakt kundër saj. Olta e mbështet dhe thotë se ata janë të bashkuar, ndërsa grupi ku bën pjesë ajo, jo dhe mendon se tani duhet të bashkohen. Ada mendon se Jetmiri u ka thënë banorëve të tjerë që të rrinë me të sepse sipas saj, ai u ka thënë se di si ta luajë këtë lojë. Ada mendon se e ka të sigurt nominimin e kësaj jave dhe Olta thotë se nëse s’del, edhe ajo po ashtu ka për të dalë sërish në nominim. Ato, bashkë me Klodin vazhdojnë të diskutojnë me shenja se si mund të bëhen nominimiet e kësaj jave.

Ditëlindja e Kikës shkakton mërzitje
11/03/10 00:03

Banoret i bëjnë një surprizë Kikës i cili ka ditëlindjen. Ata shkruajnë një poezi dhe kur ora shkon 00:00 urojnë Kikën për ditëlindjen, duke kënduar “shumë urime për ty...” dhe më pas i këndojnë të gjithë një njëzëri vargjet që kishin shkruar në letër. Gjatë këtyre urimeve Olta, Ada dhe Klodi nuk morën pjesë në surprizën që u bë për Kikën. Kur banorët e uruan Kikën dhe i kënduan këngën e ditëlindjes, Olta dhe Ada ishin në banjë, ndërsa Klodi në dhomën e gjumit dhe nuk patën mundësinë që të bashkoheshin me të tjerët në urimin e Hakiut. Pasi dëgjuan këngën ata shkuan në sallon dhe uruan Kikën pas të tjerëve dhe shkuan përsëri në dhomën e gjumit. Klodi u thotë vajzave të grupit të tij se për të kjo mënyrë festimi ishte mungesë respekti ndaj tyre. Sipas tij banorët e grupit tjetër duhet që t’i përfshinin edhe ata në surprizën që i bën Hakiut. “Ata flasi për ndarje, po ata vetë e bëjnë ndarjen” thotë Klodi dhe Olta mbështet mendimin e tij. Klodi i thotë se edhe Bertina po e ngacmon së tepërmi. Olta pasi e këshillon që të mos i vërë fare rëndësi fjalëve të Bertinës, përforcon mendimet e tij se janë banorët grupit tjetër ata që bënë dhe duan ndarjen në grupe. Të tre të mërzitur nga fakti që ngelën jashtë surprizëz së Kikës, bëjnë thashetheme për pjestarët e grupit tjetër. Ada ndër të tjera thotë se Kika nuk kishte faj pasi atij ia bën surprizë dhe nuk ishte fare në dijeni, por duhet të ishin banorët e grupit tjetër ata që t’i ftonin të merrnin pjesë në organizim. Edhe Olta me Klodin janë të të njëjtit mendim dhe thonë se me këtë sjellje banorët e grupit tjetër kanë bërë diçka shumë të ulët

Të kënaqur për provën
11/03/10 00:20

Pas thashethemeve të ditëlindjes së Kikës në dhomën e gjumit tashmë flitet për provën e Javës. Valoni vjen aty dhe i thotë Oltës se prova e javës do të varej nga ai, Seldi, Rezi dhe Olta. Olta e pyet se nga e dinte ai këtë gjë dhe Valoni i thotë se kështu do të jetë dhe largohet përsëri, por Olta i thotë se kjo nuk është e vërtetë. Kështu ata diskutojnë për grupet ndarëse të provës ku Domenika pyet nëse grupet për provën do të ishin këhtu gjithmonë dhe Olta i përgjigjet se ato janë të caktuara nga “Vëllai i Madh”. Më pas ata diskutojnë se si do të zhvillohët prova të shtunën gjatë spektaklit. Ada thotë se ajo beson se do të vlerësohen për provën e patinazhit gjatë këtyre ditëve të javës. Domenika ndan të njëjtin mendim me Adën dhe thotë se të shtunën prova e javës do të konsistojë në një kërcim. Banorët e BB do të bëjnë balet, me koreografi të cilën nuk e kanë zgjedhur akoma. Ajo pyet Oltën se çfarë kërcimi do të zgjedhin të bëjnë. Më pas ata flasin për patinazhin. Klodi thotë se ai mendonte se do të kishte dashur të qëndronte më tepër. Edhe vajzat dëshironin që të qëndronin më tepër, por shprehen edhe mjaft të kënaqura që kanë arritur të dalin jashtë shtëpisë. Për provën bisedohet edhe në sallon nga grupi tjetër ku Bertina tregon për ushtrimet dhe lëvizjet që u kishin mësuar instruktorët e patinazhit artistik. Ata bëjnë komënte për lëvizjet e tyre dhe flasi për kënaqësinë që kishin fituar nga kjo eksperiencë. Ndër të tjera ta bëjnë edhe thashetheme për grupin tjetër dhe se si ishin aktivizuar ata gjatë provës.

Erioni mërzitet me Bertinën
11/03/10 00:43

Erioni dhe Bertina dalin jashtë dhe debatojnë me njëri-tjetrin. Erionit i ka ngelur hatri sepse kur banorët e grupit ku bënte pjesë edhe Bertina, u nisën për të shkuar në pistën e patinazhit, teksa dilnin Bertina nuk e kishte takuar Erionin i cili ishte afruar pikërisht për këtë. Ai ia thotë këtë Bertinës, por ajo i thotë se nuk e kishte vënë re një gjë të tillë. Erioni nuk e pranon jystifikimin e saj dhe vazhdon të shpjegohet se ai ka të drejtë të mërzitet për sjelljen e Bertinës, pasi ndjehet i ofenduar nga veprimi i saj. Vajza i thotë se ai mërzitet për gjëra të parëndësishme, por Erioni e kundërshton dhe i thotë se kjo për të ishte shumë e rëndësishme pasi ndoshta ajo mund të ishte lënduar në pistën e patinazhit, ose mund të ndodhte diçka tjetër dhe ata nuk do të takoheshin më nëse njëri do të dilte nga shtëpia. “Pranoje që e ke gabim dhe mos nxirr jystifikime të kota” i thotë Erioni Bertinës. Pas kësaj ajo vë re që Erioni është mërzitur vërtetë dhe i thotë “ok do ta kem parasysh për raste të tjera”, por djali i thotë që nuk do këtë prej saj sepse tashmë nuk ka më rëndësi. “Nuk dua që ta bësh herës tjetër sepse do e bësh ngaqë ta kërkova unë dhe jo sepse e ndjeve” thotë Erioni. Më pas ai i thotë se nuk e di nëse ai është personi më i rëndësishëm për Bertinën brenda shtëpisë së BB sepse sjellja e saj nuk i tregon këtë gjë. Bertina i thotë se njerëzit kanë mënyra të ndryshme për t’i shprehur gjërat. Erioni i thotë se që tani e tutje edhe ai do të thotë se gjërat i bën ashtu siç i ndjen. Ajo i thotë se edhe ai vazhdon të bëjë disa gjëra që asaj nuk i pëlqejnë, por Erioni i kërkon që ajo të mos përdorë raste e tilla sepse po e deformon bisedën. Të dy debatojnë për disa minuta. Më pas vjen Edi dhe debati i tyre përfundon duke i lënë të dy të mërzitur.

Banorët flasin me kode
11/03/10 01:16

Banorët e grupit të Seldit dhe Klodit bisedojnë në dhomën e gjumit. Ata bëjnë thashetheme për banorët e grupit tjetër, por flasin me kode dhe duke përdorur pseudonime të reja në vend të emrave të banorëve të grupit tjetër. Ata diskutojnë për nominimet që do të bëjnë të shtunën duke u munduar që të fshihen nga kamerat dhe banorët e grupit kundërshtar. Kështu Olta i thotë Klodit që të zgjedhin duke i thënë se kë pëlqën bajamet, kikirikat, vreshta rrushi, çfarë pëlqen që të hanë më parë. Çdo shkronjë përshtatet me shkronjën e parë të emrit të secilit prej banorëve të grupit kundërshtar. Ata diskutojnë së bashku për të rënë në kompromis që të nominojnë të gjithë dy prej banorëve të grupit tjetër. Të gjithë diskutimin ata e bëjnë në formën e një lojë duke përdorur emrtimet e produkteve ushqimore. Kështu Domenika thotë se pëlqen, kumbullat, karkalecat sepse për të “Karkaleci” është kyçi dhe Seldi zgjedh mishin. Ata lënë të kuptohet se diskutojnë të nominojnë Kikën, Jetmirin, Bertinën, Valonin ose Rezartën duke përjashtuar vetëm Erionin. Seldi thotë “po hengrëm jani me mish çdo javë më shumë e dobëson atë”. “Më mirë porosisim karkaleca dhe pjesën tjetër gatuajmë ose valë ose biftek” thotë Olta, ndërsa Domenika thotë se asaj i pëlqejnë edhe rrepat. Ada thotë që më mirë të hanë në fillim peshqit e vegjël dhe pastaj ata të mëdhenjtë dhe karkalecat. Pas një diskutimi të gjatë duke folur me kode mbetet që të zbulohet të shtunën se cilin kanë vendosur banorët që të nominojnë nga grupi kundërshtar

Djemtë bëjnë thashetheme
11/03/10 03:20

Erioni, Jetmiri, dhe Valoni janë ulur në banak dhe bisedojnë me njëri-tjetrin. Jetmiri thotë se situata e javës së kaluar u bë e gjithë vetëm për një fjalë të thënë nga ai dhe betohet se nuk e kishte bërë qëllimisht. Sipas tij ajo situatë ndodhi vetëm prej banorëve të grupit tjetër sepse ata janë persona që u mbetet hatri shpejt, por dhe shumë ironikë. Ata diskutojnë për grupin tjetër duke thënë se ata nuk marrin pjesë në diskutime. Erioni thotë se Klodi ishte mërzitur me të sepse ai me shaka i kishtë thënë gjatë provës “ç’do këtu ti, ku e ke grupin tënd”. Ai thotë se kjo nuk është e drejtë pasi edhe banorët e grupit tjetër e ngacmojnë shpesh Bertinën duke përdorur ironitë. Jetmiri i thotë se ai nuk ka pse ta vrasë mendjen nëse u ngel hatri atyre apo jo, ai duhet të bëjë lojën e tij sepse nuk ka detyrime ndaj tyre. Erioni tregon për një bisedë që kishte bërë me Oltën së cilës i kishte thënë se nëse ajo i bënte veprimet me ndjenjë ai nuk do ta kishte keqkuptuar, por nëse ajo i bënte veprimet kudrejt tij për të mërzitur Bertinën, atëherë do t’i vinte vërtet keq. Jetmiri i thotë se Olta nuk i bën veprimet me ndjenja sepse ashtu ishte sjellë edhe me djemtë e tjerë të shtëpisë duke përmendur Bledin. “I thashë të respektoj si shok, por po më përdore kundër një personi kaq të afërt për mua e ke shumë gabim” thotë Erioni. Valoni i thotë “ti nuk e ke vërejt, por ajo erdhi të puthi ty, pa Bertinën dhe iku”. Ata bisedojnë për një kohë të gjatë duke e vazhduar bisedën e tyre jashtë. Edhe Jetmiri i thotë Erionit që të ndryshojë kundrejt Oltës sepse duket që ajo e përdor për të mërzitur Bertinën. Ai i thotë “mos u merr me të, e pe ça i bëri Bledit, i shkreti u mor me të gjithë javën dhe nuk e tregoi dot e kush ishte”. Më pas Jetmiri bisedon edhe për pjestarët e tjerë të grupit të cilët sipas tij nuk po tregojnë asgjë në BB.

Olta, Ada thashetheme në dhomën e gjumit
11/03/10 04:04

Banorët janë shtrirë të flenë dhe Olta me Adën bisedojnë me zë të ulët. Ato diskutojnë për banorët e grupit tjetër. Ada thotë se ajo nuk mund të ndryshojë sjellje ndaj Erionit, ose ta nominojë këtë javë sepse me të nuk ka pasur asnjë debat apo mosmarrëveshje. Ajo i thotë Oltës se ata të grupit tjetër i kanë bërë mirë llogaritë e nominimeve, kanë larguar më parë ata që janë më të fortë nga grupi kundërshtar. Olta i thotë Adës se nëse nuk del Rezarta këtë javë, votat për nominim t’ia japin asaj dhe Valonit dhe Ada thotë që t’ia japin të gjithë votat Valonit, në mënyrë që të eleminohen më parë ata që janë më pak të fortë. Ada e pyet Oltën se me kë ka pasur më tepër afrimitet në shtëpi dhe Olta fillon që t’i tregojë mardhëniet që ka pasur ajo fillimisht me Jetmirin, Gracielën dhe Erionin. Ajo tregon se Jetmiri planifikoi që të largonte nga loja Valentinën dhe më pas flet për largimin e Pamelës. Pasi thekson se me Erionin ka pasur gjithmonë mardhënie të mira, Olta tregon për afrimitetin që kishte me Gracielën dhe shpjegon arsyet e nominimit nga ana e saj. Ada i thotë se ajo nuk arriti ta kuptonte mirë Gracielën. Olta tregon se i vjen inat për fjalët e Gracielës natën e spektaklit sepse ajo e kishte përkrahur gjithmonë, por ndyshoi mendim kur Graci pati debate me Klodin dhe Olta kuptoi se Graciela donte që të nxiste debate. Ndërsa Ada shton “po ajo ça s’tha për Jetmirin, nuk di kujt t’i besosh këtu”. Më pas ato bëjnë thashetheme edhe për banorët e tjerë ku Olta i tregon Adës se edhe Kika i kishte folur me ironi rrugës kur shkonin për patiznazh.

Autori Tema: BIG BROTHER ALBANIA 3 -- lajme (Lexuar 9625 herë)

ariel

ariel

ariel

ariel

ariel

ariel

ariel

ariel

ariel

ariel

ariel

ariel

ariel

ariel