Edhe këtë fundjavë, dhjetëra mijëra të rinj do të mbushin rrugët e Amsterdamit, Maastrihtit apo Roterdamit në kërkim të ndonjë kafeneje ku mund të tymosin lirisht hashash, në qetësi të plotë. Do të jetë një sipërmarrje gati e pamundur, sepse pikërisht dje bashkia e Amsterdamit ka vendosur të mbyllë të gjitha kafenetë ku pihej lirisht hashash. Vendimi është marrë pas një lufte të gjate me vendet fqinje, të rinjtë e të cilëve shkojnë gjithnjë në Holandë për të gjetur lirinë e kërkuar edhe për tymosjen e hashashit. Por autoritetet holandeze nuk e durojnë më një gjë të tillë tani. Dhe menjëherë pas mbylljes së lagjes me drita të kuqe në Amsterdam, kanë vendosur të mbyllin edhe lokalet ku mund të tymosej lirisht hashashi. Duke nisur që sot, do të mbyllen të gjitha lokalet që janë në afërsi të shkollave të mesme dhe bëhet fjalë për 43 të tilla, nga rreth 228 në kryeqytet. Vendimi duket se synon të rrëzojë tërësisht mitin e Holandës së viteve '80, që konsiderohej si qendra e konsumit të drogës në botë. Është një masë që në të ardhmen do të sjellë për pasojë zhdukjen e të gjitha lokaleve ku tymosej lirisht hashashi. Partia në pushtet, ajon e Kristian-Demokratëve të drejtuar nga kryeministri Jan Peter Balkenende ka përfshirë në axhendën e saj një sërë masash, mes të cilave edhe ndalimi i cigareve të hashashit. Por, përveç qëllimeve të politikanëve, ka një problem të vërtetë që ka lidhje me lokalet e tilla në Holandë. Ligji i autorizon ato të lejojnë shitjen dhe konsumin e hashashit, por ndalon prodhimin dhe shpërndarjen. Kjo është ajo që shumë e quajnë si hipokrizia e madhe. Çështja është e thjeshtë; nëse kultivimi është i ndaluar, atëherë si furnizohen 800 lokalet holandeze të lirisë së hashashit? Sipas autoriteteve në Amsterdam, i gjithë hashashi tashmë është në duart e krimit të organizuar, prandaj edhe duhen marrë masa për t'i mbyllur ato. Sipas autoriteteve, padronia më e madhe është mafia marokene, por edhe ajo ballkanike. Sidoqoftë, ka nga ata që kundërshtojnë mbylljen e lokaleve, jo vetëm sepse ato janë simbol kombëtar i Holandës, por edhe sepse kështu kriminaliteti luftohet në mënyrë më efektive.

Mar nga Balkanweb

mosss cpaskan bere